Ore i mexü̃ ga Márcu ümatüxü̃ 15
15
Pirátupe̱xewa nayexma ga Ngechuchu
(Mt. 27.1-2, 11-14; Lc. 23.1-5; Jn. 18.28-38)
1Rü yexguma yangunegu, rü nangutaque̱xegü ga yema chacherdótegüarü ãẽ̱xgacügü rü Yudíugüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃arü ãẽ̱xgacügü rü guxü̃ma ga yema ãẽ̱xgacütücumü. Rü Ngechuchuxü̃ yana̱i̱xgüchacüüãcüma ãẽ̱xgacü ga Pirátuxü̃tawa nanagagü.
2Rü nüma ga Pirátu rü Ngechuchuna naca rü ñanagürü: —¿Cuma quixĩxü̃ i Yudíugüarü ãẽ̱xgacü? —ñanagürü. Rü Ngechuchu nanangãxü̃, rü ñanagürü: —Yimá nüxü̃ quixucü chixĩ —ñanagürü.
3-4Natürü yema chacherdótegüarü ãẽ̱xgacügü rü muxü̃ i chixexü̃maxã ínanaxuaxü̃gü, rü yemaca̱x ga Pirátu rü wenaxarü Ngechuchuna naca, rü ñanagürü: —¿Ẽ̱xna taxuxü̃maama choxü̃ cungãxü̃? ¡Dücax i ñuxre i chixexü̃maxã cuxü̃ ínaxuaxü̃gü! —ñanagürü.
5Natürü ga Ngechuchu rü taxuxü̃maama nanangãxü̃. Rü yemaca̱x ga Pirátu rü poraãcü naba̱i̱xãchiãxẽ.
Pirátu rü yu Ngechuchumaxã naxuegu
(Mt. 27.15-31; Lc. 23.13-25; Jn. 18.38—19.16)
6Rü gucü ga taunecügu ga yexguma yema Üpetüchigaarü petawa nanguxgu rü Pirátu ínananguxuchixẽẽxü̃ ga wüxi ga poxcuxü̃ ga duü̃xü̃gü naxca̱x ícagüxü̃, yerü yema nixĩ ga nacüma.
7Rü wüxi ga yatü ga Barabágu ãégaxü̃, rü poxcupataü̃gu napoxcu wüxigu namaxã ga togü ga natanüxü̃ ga máetagüxü̃ ga yexguma ãẽ̱xgacümaxã nanuegu.
8Rü nüma ga duü̃xü̃gü rü yéma Pirátuxü̃tawa naxĩ. Rü inanaxügüe ga Pirátuna nax nacagüexü̃ nax naxca̱x yangéãxü̃ca̱x ga wüxi ga poxcuxü̃ aixrügumarüxü̃.
9Rü Pirátu nanangãxü̃, rü ñanagürü: —¿Penaxwa̱xexü̃ nax pexca̱x íchananguxuchixẽẽxü̃ ya yimá Ngechuchu ya duü̃xü̃gü Yudíugüarü ãẽ̱xgacümaxã naxugüãcü? —ñanagürü.
10Rü yema ñanagürü ga Pirátu yerü nüxü̃ nacua̱x nax yema chacherdótegüarü ãẽ̱xgacügü rü norü auxãchigümaxã yixĩxü̃ ga Ngechuchu nüxna yamugüãxü̃.
11Natürü ga yema chacherdótegüarü ãẽ̱xgacügü rü duü̃xü̃güxü̃ namugü nax naxca̱x ínacagüxü̃ nax Barabáxü̃ yangéxü̃ca̱x.
12Rü yexguma ga Pirátu rü nüxna naca, rü ñanagürü: —¿Rü ta̱xacü nixĩ i penaxwa̱xexü̃ nax chanaxüxü̃ namaxã ya yimá Yudíugüarü Ãẽ̱xgacügu pexüégacü? —ñanagürü.
13Rü nümagü ga duü̃xü̃gü rü tagaãcü nanangãxü̃gü, rü ñanagürügü: —¡Curuchawa yapota! —ñanagürügü.
14Rü yexguma ga Pirátu rü ñanagürü nüxü̃: —¿Natürü ta̱xacürü chixexü̃ naxü? —ñanagürü. Natürü ga nümagü rü wenaxarü tagaãcü ñanagürügü: —¡Curuchawa yapota! —ñanagürügü.
15Rü yexguma ga Pirátu rü Barabáxü̃ ínanguxuchixẽxẽ, yerü duü̃xü̃güxü̃ nataãẽxẽẽchaü̃. Rü ñu̱xũchi norü churaragüxü̃ namu nax Ngechuchuxü̃ nacua̱i̱xgüxü̃ca̱x rü ñu̱xũchi curuchawa yanapotagüãxü̃ca̱x.
16Rü yexguma ga nümagü ga churaragü rü ãẽ̱xgacüpataa̱xtüwa nanagagü. Rü yéma nanangutaque̱xexẽxẽ ga guxü̃ma ga namücügü ga churaragü.
17Rü ñu̱xũchi ga yema churaragü rü wüxi ga daucharaxü̃ ga naxchiru ga máxü̃gu nayacu̱xẽẽgü. Rü naeruwa nayanga̱xcuchigü ga wüxi ga nga̱xcueruxü̃ ga chuchuxü̃wa naxügüxü̃.
18Rü yemawena inanaxügüe nax tagaãcü ñagüxü̃: —¡Namaxü̃ ya Yudíugüarü Ãẽ̱xgacü! —ñagüxü̃.
19Rü wüxi ga naixmena̱xãmaxã naeruwa nanacua̱i̱xcagü, rü nüxna nacua̱i̱xgüe. Rü nape̱xegu nacaxã́pü̱xügü rü nüxü̃ nicua̱xüü̃güneta.
20Rü yexguma yemaacü nagu yadauxcüraxü̃güguwena, rü ínanacu̱xuchigü ga yema naxchiru ga daucharaxü̃. Rü wenaxarü naxchirugutama nayacu̱xẽẽgü. Rü ñu̱xũchi ínanagaxüchigü nax curuchawa yanapotagüãxü̃ca̱x.
Ngechuchuxü̃ curuchawa nipotagü
(Mt. 27.32-44; Lc. 23.26-43; Jn. 19.17-27)
21Rü yéma naxüpetü ga wüxi ga yatü ga Chirénecüã̱x ga Chimóü̃gu ãégacü ga Areyándru rü Rúfu nanatü ixĩcü ga naanewa ne ũcü. Rü yexguma yéma naxüpetügu rü yema churaragü rü gumá yatüxü̃ ngĩxü̃ ningexẽẽgü ga Ngechuchuarü curucha.
22Rü Ngechuchuxü̃ nawa nagagü ga wüxi ga nachica ga Górgutagu ãégaxü̃. Rü yema naéga rü: Duü̃xẽeruchitaxü̃, ñaxü̃chiga nixĩ.
23Rü nüxna nanaxãgü ga bínu ga míramaxã ãéü̃cü. Natürü nüma ga Ngechuchu rü tama nayaxaxü.
24Rü yemawena curuchawa nayapotagü. Rü nümagü ga churaragü rü wüxi ga diẽru ngĩxü̃ nañanagügü nax yemaacü nügümaxã yatoyeãxü̃ca̱x ga Ngechuchuchiru, rü nüxü̃ nacua̱xgüxü̃ca̱x nax ta̱xacü tá yangexü̃ ga wüxichigü.
25Rü pa̱xmama meama 9 arü ora nixĩ ga yexguma curuchawa yapotagüãxü̃.
26Rü yéma nayapocuchi ga wüxi ga mürapewa ga ãégatachinüxü̃ ga nüxü̃ ixuxü̃ ga ta̱xacüca̱x curuchawa nax yapotagüãxü̃. Rü yema naéga ga mürapewagu üxü̃, rü ñanagürü: “Yudíugüarü Ãẽ̱xgacü”, ñanagürü.
27Rü naxrüxü̃ curuchawa nayapotagü ga taxre ga máetagüxü̃ rü wüxi ga norü tügünecüwawa rü to ga norü to̱xwecüwawa.
28Rü yemaacü ningu ga Tupanaarü ore ga ümatüxü̃ ga ñaxü̃:
“Ngẽma chixexü̃arü üruü̃gümaxã napoxcu”,
ñaxü̃.
29-30Rü yema duü̃xü̃gü ga yéma chopetüxü̃, rü Ngechuchumaxã naguxchigagü, rü nanexãerugüãcüma ñanagürügü: —¡Dücax! Cuma cunangutaü̃xẽẽéga ya Tupanapata ya taxü̃ne, rü tomaepü̱x i ngunexü̃gu wenaxarü ícunadaxẽẽéga. ¡Ẽcü! ¡Cugütama namaxẽxẽ i ñu̱xmax, rü írüxĩ i curuchawa! —ñanagürügü.
31Rü yexgumarüxü̃ ta Ngechuchuxü̃ nacugüecüraxü̃ ga chacherdótegüarü ãẽ̱xgacügü, rü ngúexẽẽruü̃gü ga mugüwa ngu̱xẽẽtaegüxü̃. Rü ñanagürügü: —Nüma rü togüxü̃ namaxẽxẽxẽ, natürü taxucürüwama nügütama namaxẽxẽ.
32¡Ñu̱xma rü ínaxĩ̱x i curuchawa i ngẽma Cristu i Iraétanüxü̃arü Ãẽ̱xgacü nax nüxü̃ idaugüxü̃ca̱x rü nüxü̃́ yaxõgüxü̃ca̱x! —ñanagürügü. Rü woo ga yema máetagüxü̃ ga naxrüxü̃ curuchawa ipotagüxü̃, rü namaxã naguxchigagü.
Nayu ga Ngechuchu
(Mt. 27.45-56; Lc. 23.44-49; Jn. 19.28-30)
33Rü yexguma tocuchiwa nanguxgu, rü guxü̃ ga naanewa naxẽane ñu̱xmata yáuanecü tomaepü̱xarü orawa nangu.
34Rü yematama oragu rü tagaãcü aita naxü ga Ngechuchu, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax ¿tü̱xcüü̃ choxna quixũgachixü̃?” ñaxü̃chiga nixĩ.
35Rü nümaxü̃ ga duü̃xü̃gü ga yéma yexmagüxü̃, rü nüxü̃ naxĩnüe rü ñanagürügü: —¡Dücax, nüxü̃ pexĩnüe! Nũxcümaü̃cü ga Tupanaarü orearü uruxü̃ ga Eríaca̱x naca —ñanagürügü.
36Rü yexguma rü wüxi ga yema duü̃xü̃gü ga yéma yexmagüxü̃, rü inañaãchi rü wüxi ga tüaxmü niwaixẽxẽ namaxã ga bínu ga marü ngúchia̱xüchicü. Rü wüxi ga dexnewa nayana̱i̱x, rü ñu̱xũchi Ngechuchua̱xgu nanawe̱x nax nüxü̃ natuxuxü̃ca̱x. Rü yema togüxü̃ ñanagürügü: —¡Yixrüma! ¡Ngĩxã rü itarüdaunü rü aixcüma tá Ería nua ũ nax curuchawa ínaxüexẽẽãxü̃ca̱x! —ñanagürügü.
37Natürü nüma ga Ngechuchu rü tagaãcü aita naxü, rü ñu̱xũchi nayu.
38Rü yexguma ga Tupanapata ga taxü̃nearü tüyemachiãxü̃ rü taxregu narügáute. Rü daxũwa inaxügü ga nax nagáutexü̃ rü ñu̱xmata ñaxtüwa nangu.
39Rü gumá churaragüarü capitáü̃ ga Rómacüã̱x ga Ngechuchupe̱xewa yexmacü, rü yexguma nüxü̃ nada̱u̱xgu nax nayuxü̃, rü ñanagürü: —Aixcüma nixĩ ya daa yatü ya Tupana Nane nax yixĩxü̃ —ñanagürü.
40Rü iyexmagü ta ga ñuxre ga ngecügü ga yéma yáxü̃wa nüxü̃ rüdaunücü. Rü yematanüwa iyexmagü ga María ga Madarénacüã̱x, rü Charumé, rü María ga Yúche rü Chantiágu ga rübumaecü naé.
41Rü yema ngecügü iyixĩ ga Ngechuchuxü̃ íixümücügücü rü nüxü̃ rüngü̃xẽẽgücü ga yexguma Gariréaanewa nayexmagu. Rü yexgumarüxü̃ ta yéma iyexmagü ga mucüma ga naigü ga ngecügü ga Ngechuchuwe rüxĩcü ga yexguma Yerucharéü̃wa naxũxgu.
Ngechuchu rü naxmaxü̃gu nayanaxücuchigü
(Mt. 27.57-61; Lc. 23.50-56; Jn. 19.38-42)
42-43Rü yexguma marü nachütachaü̃gu ga yema ngunexü̃ ga Yudíugü nagu nügü imexẽẽgüxü̃ naxca̱x ga ngü̃xchigaarü ngunexü̃, rü noxtacüma Pirátuxü̃tawa naxũ ga Yúche ga Arimatéacüã̱x. Rü gumá Yúche rü Yudíugüarü ãẽ̱xgacügütücumüwa naxü, rü natanüwa ga yema ãẽ̱xgacügü rü poraãcü tachigacü nixĩ. Rü nüma rü ta ínanangu̱xẽxẽ nax Tupana norü ãẽ̱xgacü yixĩxü̃ca̱x. Rü Pirátuxü̃tawa naxca̱x ínayaca ga Ngechuchuxü̃ne.
44Rü naba̱i̱xãchiãxẽ ga Pirátu ga marü nax nayuxü̃ ga Ngechuchu. Rü norü churaragüarü capitáü̃ca̱x nangema nax nüxna naca̱xaxü̃ca̱x nax ñuxgumama yixĩxü̃ ga marü nax nayuxü̃.
45Rü yexguma norü churaragüarü capitáü̃ namaxã nüxü̃ ixuxgu ga marü nayuxü̃, rü nüma ga Pirátu rü Yúchena nanaxã ga naxü̃ne.
46Rü yexguma ga Yúche rü naxca̱x nataxe ga wüxi ga naxchápenüxü̃ ga línuchinaxca̱x. Rü curuchawa nanaxüe ga Ngechuchuxü̃ne, rü yema naxchápenüxü̃maxã nananuque. Rü wüxi ga nuta ga tacü ga ü̃paacü yacaxmaü̃cügu nayanaxücuchi. Rü ñu̱xũchi wüxi ga nuta ga tacümaxã nanangutaü̃.
47Rü María ga Madarénacüã̱x rü María ga Yúche naé rü nüxü̃ irüdaunü ga ngexta nax yanaxücuchigüãxü̃.
Currently Selected:
Ore i mexü̃ ga Márcu ümatüxü̃ 15: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Ore i mexü̃ ga Márcu ümatüxü̃ 15
15
Pirátupe̱xewa nayexma ga Ngechuchu
(Mt. 27.1-2, 11-14; Lc. 23.1-5; Jn. 18.28-38)
1Rü yexguma yangunegu, rü nangutaque̱xegü ga yema chacherdótegüarü ãẽ̱xgacügü rü Yudíugüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃arü ãẽ̱xgacügü rü guxü̃ma ga yema ãẽ̱xgacütücumü. Rü Ngechuchuxü̃ yana̱i̱xgüchacüüãcüma ãẽ̱xgacü ga Pirátuxü̃tawa nanagagü.
2Rü nüma ga Pirátu rü Ngechuchuna naca rü ñanagürü: —¿Cuma quixĩxü̃ i Yudíugüarü ãẽ̱xgacü? —ñanagürü. Rü Ngechuchu nanangãxü̃, rü ñanagürü: —Yimá nüxü̃ quixucü chixĩ —ñanagürü.
3-4Natürü yema chacherdótegüarü ãẽ̱xgacügü rü muxü̃ i chixexü̃maxã ínanaxuaxü̃gü, rü yemaca̱x ga Pirátu rü wenaxarü Ngechuchuna naca, rü ñanagürü: —¿Ẽ̱xna taxuxü̃maama choxü̃ cungãxü̃? ¡Dücax i ñuxre i chixexü̃maxã cuxü̃ ínaxuaxü̃gü! —ñanagürü.
5Natürü ga Ngechuchu rü taxuxü̃maama nanangãxü̃. Rü yemaca̱x ga Pirátu rü poraãcü naba̱i̱xãchiãxẽ.
Pirátu rü yu Ngechuchumaxã naxuegu
(Mt. 27.15-31; Lc. 23.13-25; Jn. 18.38—19.16)
6Rü gucü ga taunecügu ga yexguma yema Üpetüchigaarü petawa nanguxgu rü Pirátu ínananguxuchixẽẽxü̃ ga wüxi ga poxcuxü̃ ga duü̃xü̃gü naxca̱x ícagüxü̃, yerü yema nixĩ ga nacüma.
7Rü wüxi ga yatü ga Barabágu ãégaxü̃, rü poxcupataü̃gu napoxcu wüxigu namaxã ga togü ga natanüxü̃ ga máetagüxü̃ ga yexguma ãẽ̱xgacümaxã nanuegu.
8Rü nüma ga duü̃xü̃gü rü yéma Pirátuxü̃tawa naxĩ. Rü inanaxügüe ga Pirátuna nax nacagüexü̃ nax naxca̱x yangéãxü̃ca̱x ga wüxi ga poxcuxü̃ aixrügumarüxü̃.
9Rü Pirátu nanangãxü̃, rü ñanagürü: —¿Penaxwa̱xexü̃ nax pexca̱x íchananguxuchixẽẽxü̃ ya yimá Ngechuchu ya duü̃xü̃gü Yudíugüarü ãẽ̱xgacümaxã naxugüãcü? —ñanagürü.
10Rü yema ñanagürü ga Pirátu yerü nüxü̃ nacua̱x nax yema chacherdótegüarü ãẽ̱xgacügü rü norü auxãchigümaxã yixĩxü̃ ga Ngechuchu nüxna yamugüãxü̃.
11Natürü ga yema chacherdótegüarü ãẽ̱xgacügü rü duü̃xü̃güxü̃ namugü nax naxca̱x ínacagüxü̃ nax Barabáxü̃ yangéxü̃ca̱x.
12Rü yexguma ga Pirátu rü nüxna naca, rü ñanagürü: —¿Rü ta̱xacü nixĩ i penaxwa̱xexü̃ nax chanaxüxü̃ namaxã ya yimá Yudíugüarü Ãẽ̱xgacügu pexüégacü? —ñanagürü.
13Rü nümagü ga duü̃xü̃gü rü tagaãcü nanangãxü̃gü, rü ñanagürügü: —¡Curuchawa yapota! —ñanagürügü.
14Rü yexguma ga Pirátu rü ñanagürü nüxü̃: —¿Natürü ta̱xacürü chixexü̃ naxü? —ñanagürü. Natürü ga nümagü rü wenaxarü tagaãcü ñanagürügü: —¡Curuchawa yapota! —ñanagürügü.
15Rü yexguma ga Pirátu rü Barabáxü̃ ínanguxuchixẽxẽ, yerü duü̃xü̃güxü̃ nataãẽxẽẽchaü̃. Rü ñu̱xũchi norü churaragüxü̃ namu nax Ngechuchuxü̃ nacua̱i̱xgüxü̃ca̱x rü ñu̱xũchi curuchawa yanapotagüãxü̃ca̱x.
16Rü yexguma ga nümagü ga churaragü rü ãẽ̱xgacüpataa̱xtüwa nanagagü. Rü yéma nanangutaque̱xexẽxẽ ga guxü̃ma ga namücügü ga churaragü.
17Rü ñu̱xũchi ga yema churaragü rü wüxi ga daucharaxü̃ ga naxchiru ga máxü̃gu nayacu̱xẽẽgü. Rü naeruwa nayanga̱xcuchigü ga wüxi ga nga̱xcueruxü̃ ga chuchuxü̃wa naxügüxü̃.
18Rü yemawena inanaxügüe nax tagaãcü ñagüxü̃: —¡Namaxü̃ ya Yudíugüarü Ãẽ̱xgacü! —ñagüxü̃.
19Rü wüxi ga naixmena̱xãmaxã naeruwa nanacua̱i̱xcagü, rü nüxna nacua̱i̱xgüe. Rü nape̱xegu nacaxã́pü̱xügü rü nüxü̃ nicua̱xüü̃güneta.
20Rü yexguma yemaacü nagu yadauxcüraxü̃güguwena, rü ínanacu̱xuchigü ga yema naxchiru ga daucharaxü̃. Rü wenaxarü naxchirugutama nayacu̱xẽẽgü. Rü ñu̱xũchi ínanagaxüchigü nax curuchawa yanapotagüãxü̃ca̱x.
Ngechuchuxü̃ curuchawa nipotagü
(Mt. 27.32-44; Lc. 23.26-43; Jn. 19.17-27)
21Rü yéma naxüpetü ga wüxi ga yatü ga Chirénecüã̱x ga Chimóü̃gu ãégacü ga Areyándru rü Rúfu nanatü ixĩcü ga naanewa ne ũcü. Rü yexguma yéma naxüpetügu rü yema churaragü rü gumá yatüxü̃ ngĩxü̃ ningexẽẽgü ga Ngechuchuarü curucha.
22Rü Ngechuchuxü̃ nawa nagagü ga wüxi ga nachica ga Górgutagu ãégaxü̃. Rü yema naéga rü: Duü̃xẽeruchitaxü̃, ñaxü̃chiga nixĩ.
23Rü nüxna nanaxãgü ga bínu ga míramaxã ãéü̃cü. Natürü nüma ga Ngechuchu rü tama nayaxaxü.
24Rü yemawena curuchawa nayapotagü. Rü nümagü ga churaragü rü wüxi ga diẽru ngĩxü̃ nañanagügü nax yemaacü nügümaxã yatoyeãxü̃ca̱x ga Ngechuchuchiru, rü nüxü̃ nacua̱xgüxü̃ca̱x nax ta̱xacü tá yangexü̃ ga wüxichigü.
25Rü pa̱xmama meama 9 arü ora nixĩ ga yexguma curuchawa yapotagüãxü̃.
26Rü yéma nayapocuchi ga wüxi ga mürapewa ga ãégatachinüxü̃ ga nüxü̃ ixuxü̃ ga ta̱xacüca̱x curuchawa nax yapotagüãxü̃. Rü yema naéga ga mürapewagu üxü̃, rü ñanagürü: “Yudíugüarü Ãẽ̱xgacü”, ñanagürü.
27Rü naxrüxü̃ curuchawa nayapotagü ga taxre ga máetagüxü̃ rü wüxi ga norü tügünecüwawa rü to ga norü to̱xwecüwawa.
28Rü yemaacü ningu ga Tupanaarü ore ga ümatüxü̃ ga ñaxü̃:
“Ngẽma chixexü̃arü üruü̃gümaxã napoxcu”,
ñaxü̃.
29-30Rü yema duü̃xü̃gü ga yéma chopetüxü̃, rü Ngechuchumaxã naguxchigagü, rü nanexãerugüãcüma ñanagürügü: —¡Dücax! Cuma cunangutaü̃xẽẽéga ya Tupanapata ya taxü̃ne, rü tomaepü̱x i ngunexü̃gu wenaxarü ícunadaxẽẽéga. ¡Ẽcü! ¡Cugütama namaxẽxẽ i ñu̱xmax, rü írüxĩ i curuchawa! —ñanagürügü.
31Rü yexgumarüxü̃ ta Ngechuchuxü̃ nacugüecüraxü̃ ga chacherdótegüarü ãẽ̱xgacügü, rü ngúexẽẽruü̃gü ga mugüwa ngu̱xẽẽtaegüxü̃. Rü ñanagürügü: —Nüma rü togüxü̃ namaxẽxẽxẽ, natürü taxucürüwama nügütama namaxẽxẽ.
32¡Ñu̱xma rü ínaxĩ̱x i curuchawa i ngẽma Cristu i Iraétanüxü̃arü Ãẽ̱xgacü nax nüxü̃ idaugüxü̃ca̱x rü nüxü̃́ yaxõgüxü̃ca̱x! —ñanagürügü. Rü woo ga yema máetagüxü̃ ga naxrüxü̃ curuchawa ipotagüxü̃, rü namaxã naguxchigagü.
Nayu ga Ngechuchu
(Mt. 27.45-56; Lc. 23.44-49; Jn. 19.28-30)
33Rü yexguma tocuchiwa nanguxgu, rü guxü̃ ga naanewa naxẽane ñu̱xmata yáuanecü tomaepü̱xarü orawa nangu.
34Rü yematama oragu rü tagaãcü aita naxü ga Ngechuchu, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax ¿tü̱xcüü̃ choxna quixũgachixü̃?” ñaxü̃chiga nixĩ.
35Rü nümaxü̃ ga duü̃xü̃gü ga yéma yexmagüxü̃, rü nüxü̃ naxĩnüe rü ñanagürügü: —¡Dücax, nüxü̃ pexĩnüe! Nũxcümaü̃cü ga Tupanaarü orearü uruxü̃ ga Eríaca̱x naca —ñanagürügü.
36Rü yexguma rü wüxi ga yema duü̃xü̃gü ga yéma yexmagüxü̃, rü inañaãchi rü wüxi ga tüaxmü niwaixẽxẽ namaxã ga bínu ga marü ngúchia̱xüchicü. Rü wüxi ga dexnewa nayana̱i̱x, rü ñu̱xũchi Ngechuchua̱xgu nanawe̱x nax nüxü̃ natuxuxü̃ca̱x. Rü yema togüxü̃ ñanagürügü: —¡Yixrüma! ¡Ngĩxã rü itarüdaunü rü aixcüma tá Ería nua ũ nax curuchawa ínaxüexẽẽãxü̃ca̱x! —ñanagürügü.
37Natürü nüma ga Ngechuchu rü tagaãcü aita naxü, rü ñu̱xũchi nayu.
38Rü yexguma ga Tupanapata ga taxü̃nearü tüyemachiãxü̃ rü taxregu narügáute. Rü daxũwa inaxügü ga nax nagáutexü̃ rü ñu̱xmata ñaxtüwa nangu.
39Rü gumá churaragüarü capitáü̃ ga Rómacüã̱x ga Ngechuchupe̱xewa yexmacü, rü yexguma nüxü̃ nada̱u̱xgu nax nayuxü̃, rü ñanagürü: —Aixcüma nixĩ ya daa yatü ya Tupana Nane nax yixĩxü̃ —ñanagürü.
40Rü iyexmagü ta ga ñuxre ga ngecügü ga yéma yáxü̃wa nüxü̃ rüdaunücü. Rü yematanüwa iyexmagü ga María ga Madarénacüã̱x, rü Charumé, rü María ga Yúche rü Chantiágu ga rübumaecü naé.
41Rü yema ngecügü iyixĩ ga Ngechuchuxü̃ íixümücügücü rü nüxü̃ rüngü̃xẽẽgücü ga yexguma Gariréaanewa nayexmagu. Rü yexgumarüxü̃ ta yéma iyexmagü ga mucüma ga naigü ga ngecügü ga Ngechuchuwe rüxĩcü ga yexguma Yerucharéü̃wa naxũxgu.
Ngechuchu rü naxmaxü̃gu nayanaxücuchigü
(Mt. 27.57-61; Lc. 23.50-56; Jn. 19.38-42)
42-43Rü yexguma marü nachütachaü̃gu ga yema ngunexü̃ ga Yudíugü nagu nügü imexẽẽgüxü̃ naxca̱x ga ngü̃xchigaarü ngunexü̃, rü noxtacüma Pirátuxü̃tawa naxũ ga Yúche ga Arimatéacüã̱x. Rü gumá Yúche rü Yudíugüarü ãẽ̱xgacügütücumüwa naxü, rü natanüwa ga yema ãẽ̱xgacügü rü poraãcü tachigacü nixĩ. Rü nüma rü ta ínanangu̱xẽxẽ nax Tupana norü ãẽ̱xgacü yixĩxü̃ca̱x. Rü Pirátuxü̃tawa naxca̱x ínayaca ga Ngechuchuxü̃ne.
44Rü naba̱i̱xãchiãxẽ ga Pirátu ga marü nax nayuxü̃ ga Ngechuchu. Rü norü churaragüarü capitáü̃ca̱x nangema nax nüxna naca̱xaxü̃ca̱x nax ñuxgumama yixĩxü̃ ga marü nax nayuxü̃.
45Rü yexguma norü churaragüarü capitáü̃ namaxã nüxü̃ ixuxgu ga marü nayuxü̃, rü nüma ga Pirátu rü Yúchena nanaxã ga naxü̃ne.
46Rü yexguma ga Yúche rü naxca̱x nataxe ga wüxi ga naxchápenüxü̃ ga línuchinaxca̱x. Rü curuchawa nanaxüe ga Ngechuchuxü̃ne, rü yema naxchápenüxü̃maxã nananuque. Rü wüxi ga nuta ga tacü ga ü̃paacü yacaxmaü̃cügu nayanaxücuchi. Rü ñu̱xũchi wüxi ga nuta ga tacümaxã nanangutaü̃.
47Rü María ga Madarénacüã̱x rü María ga Yúche naé rü nüxü̃ irüdaunü ga ngexta nax yanaxücuchigüãxü̃.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.