Ore i mexü̃ ga Matéu ümatüxü̃ 28
28
Yuwa ínarüda ga Ngechuchu
(Mr. 16.1-8; Lc. 24.1-12; Jn. 20.1-10)
1Rü ngü̃chigaarü ngunexü̃guwena ga yüxüarü pa̱xmama, rü yéma naxmaü̃wa íiyadaugü ga María ga Madarénacüã̱x rü nai ga María.
2Rü ngürüãchi poraãcü naxĩã̱xãchiane, yerü wüxi ga daxũcüã̱x ga Cori ya Tupanaarü orearü ngeruxü̃ ínarüxĩ, rü naxmaü̃wa nangu rü ínananguxgachi ga gumá nuta ga namaxã nangũxtaü̃cü ga yema naxmaxü̃. Rü ñu̱xũchi gumá nutaétüwa narüto.
3Rü yema orearü ngeruxü̃ rü wüxi ga ba̱i̱xbeanexü̃rüxü̃ niyauracüxü. Rü nacómüxü̃chi ga naxchiru.
4Rü yexguma yemaxü̃ nadaugügu ga churaragü rü norü muü̃maxã nidu̱xruxe, rü yexma niyuãchitanü.
5Rü yexguma ga yema orearü ngeruxü̃, rü ñanagürü ngĩxü̃ ga yema ngecügü: —¡Taxṹ i pemuü̃exü̃! Choma nüxü̃ chacua̱x rü naxca̱x pedaugü ya Ngechuchu ga gumá curuchawa yapotagüãcü.
6Nataxuma i nua, erü marü wena namaxü̃, yema nüma ü̃pa pemaxã nüxü̃ yaxuxü̃rüxü̃. ¡Rü nua pexĩ, rü ípeyada̱u̱x i naxmaxü̃ i ngẽma inaxügüãxü̃wa ga naxü̃ne!
7¡Rü paxa ípixĩ, rü norü ngúexü̃gümaxã nüxü̃ peyarüxugüe rü marü ínarüda rü wena namaxü̃ ya Ngechuchu! Rü ñu̱xma rü marü pexü̃pa nüxíra Gariréaanewa naxũ i nümax. Rü ngéma tá nixĩ i nüxü̃ peyadauxü̃. Rü ngẽma nixĩ i ore i pemaxã nüxü̃ chayarüxuxü̃ —ñanagürü.
8Rü yexguma ga yema ngecügü rü paxãma nüxna íiyaxĩ ga yema naxmaxü̃. Rü imuü̃ẽ, natürü itaãẽgü ta. Rü poraãcü ixü̃ãchi nax Ngechuchuarü ngúexü̃gümaxã nüxü̃ nax yanaxugüexü̃ca̱x ga yema ore ga daxũcüã̱x ngĩmaxã nüxü̃ ixuxü̃.
9Rü yexguma inaxü̃ãchiyane, rü ngürüãchi yéma ngĩxca̱x nango̱x ga Ngechuchu, rü ngĩxü̃ narümoxẽ. Rü ngĩmagü rü Ngechuchuca̱x iyabuxmü rü nüxü̃ iyacua̱xüü̃gü, rü naparawa ina̱i̱xãchitanü.
10Rü nüma ga Ngechuchu rü ñanagürü ngĩxü̃: —¡Taxṹ i pemuü̃exü̃! ¡Rü ípixĩ rü chauenexẽgü i chorü ngúexü̃gümaxã nüxü̃ peyarüxu rü Gariréaanewa naxĩ! Rü ngéma tá nixĩ i choxü̃ nadaugüxü̃ —ñanagürü.
Churaragü rü chacherdótegüarü ãẽ̱xgacügümaxã nüxü̃ nayarüxugüe ga yema ngupetüxü̃
11Rü yexguma ga yema ngecügü rü namagu naxĩyane, rü ñuxre ga churaragü ga yéma naxmaü̃wa dauxü̃taegüxü̃ rü Yerucharéü̃wa naxĩ. Rü chacherdótegüarü ãẽ̱xgacügümaxã nüxü̃ nayarüxugüe ga guxü̃ma ga yema ngupetüxü̃.
12Rü yema chacherdótegüarü ãẽ̱xgacügü rü namaxã nayarüdexagü ga Yudíugüarü ãẽ̱xgacügü. Rü nügümaxã nanamexẽẽgü ga ta̱xacümaxã tá churaragüxü̃ nax yaxucu̱xẽgüxü̃. Rü ñu̱xũchi nüxna ngĩxü̃ naxãgü ga tacü ga diẽru.
13Rü namaxã nüxü̃ nixugüe rü ñanagürügü: —¡Pema rü ñaperügügü tá: “Ngẽxguma chütacü tapeeyane, rü norü ngúexü̃gü toechita ngéma naxĩ rü nayayauxgü ga naxü̃ne”, ñaperügügü tá!
14Rü ngẽxguma ãẽ̱xgacü ya Pirátu tá nüxü̃ cua̱xgu i ngẽma ngupetüxü̃, rü toma rü tá namaxã tidexagü rü namaxã tá tanamexẽxẽ nax taxuxü̃ma pemaxã naxüxü̃ca̱x —ñanagürügü.
15Rü yexguma ga yema churaragü rü ngĩxü̃ nayauxgü ga yema diẽru. Rü yema ãẽ̱xgacügü namaxã nüxü̃ ixugüxü̃rüxü̃ duü̃xü̃gümaxã nüxü̃ nixugüe. Rü ñu̱xma rü ta ngẽmatama dexa nixĩ i nüxü̃ yaxugüxü̃ i Yudíugü.
Ngechuchu nanamu ga norü ngúexü̃gü
(Mr. 16.15-18; Lc. 24.36-49; Jn. 20.19-23)
16Rü yema 11 ga Ngechuchuarü ngúexü̃gü rü Gariréaanewa naxĩ ga guma ma̱xpǘne ga Ngechuchu namaxã nüxü̃ ixuxü̃newa.
17Rü yexguma Ngechuchuxü̃ nadaugügu rü nüxü̃ nicua̱xüü̃gü, woo ñuxre ga norü ngúexü̃gü rü tama aixcüma nayaxõgü nax Ngechuchu yixĩxü̃.
18Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.
19Rü ñu̱xma rü chanaxwa̱xe i guxü̃ i nachixü̃anewa pexĩ i guxü̃ i duü̃xü̃gütanüwa. ¡Rü chorü duü̃xü̃güxü̃ peyaxĩgüxẽxẽ̱x! ¡Rü ípenabaiü̃xẽxẽ chauégagu rü Chaunatüégagu rü Naãxẽ ya Üünexü̃égagu!
20¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.
Currently Selected:
Ore i mexü̃ ga Matéu ümatüxü̃ 28: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Ore i mexü̃ ga Matéu ümatüxü̃ 28
28
Yuwa ínarüda ga Ngechuchu
(Mr. 16.1-8; Lc. 24.1-12; Jn. 20.1-10)
1Rü ngü̃chigaarü ngunexü̃guwena ga yüxüarü pa̱xmama, rü yéma naxmaü̃wa íiyadaugü ga María ga Madarénacüã̱x rü nai ga María.
2Rü ngürüãchi poraãcü naxĩã̱xãchiane, yerü wüxi ga daxũcüã̱x ga Cori ya Tupanaarü orearü ngeruxü̃ ínarüxĩ, rü naxmaü̃wa nangu rü ínananguxgachi ga gumá nuta ga namaxã nangũxtaü̃cü ga yema naxmaxü̃. Rü ñu̱xũchi gumá nutaétüwa narüto.
3Rü yema orearü ngeruxü̃ rü wüxi ga ba̱i̱xbeanexü̃rüxü̃ niyauracüxü. Rü nacómüxü̃chi ga naxchiru.
4Rü yexguma yemaxü̃ nadaugügu ga churaragü rü norü muü̃maxã nidu̱xruxe, rü yexma niyuãchitanü.
5Rü yexguma ga yema orearü ngeruxü̃, rü ñanagürü ngĩxü̃ ga yema ngecügü: —¡Taxṹ i pemuü̃exü̃! Choma nüxü̃ chacua̱x rü naxca̱x pedaugü ya Ngechuchu ga gumá curuchawa yapotagüãcü.
6Nataxuma i nua, erü marü wena namaxü̃, yema nüma ü̃pa pemaxã nüxü̃ yaxuxü̃rüxü̃. ¡Rü nua pexĩ, rü ípeyada̱u̱x i naxmaxü̃ i ngẽma inaxügüãxü̃wa ga naxü̃ne!
7¡Rü paxa ípixĩ, rü norü ngúexü̃gümaxã nüxü̃ peyarüxugüe rü marü ínarüda rü wena namaxü̃ ya Ngechuchu! Rü ñu̱xma rü marü pexü̃pa nüxíra Gariréaanewa naxũ i nümax. Rü ngéma tá nixĩ i nüxü̃ peyadauxü̃. Rü ngẽma nixĩ i ore i pemaxã nüxü̃ chayarüxuxü̃ —ñanagürü.
8Rü yexguma ga yema ngecügü rü paxãma nüxna íiyaxĩ ga yema naxmaxü̃. Rü imuü̃ẽ, natürü itaãẽgü ta. Rü poraãcü ixü̃ãchi nax Ngechuchuarü ngúexü̃gümaxã nüxü̃ nax yanaxugüexü̃ca̱x ga yema ore ga daxũcüã̱x ngĩmaxã nüxü̃ ixuxü̃.
9Rü yexguma inaxü̃ãchiyane, rü ngürüãchi yéma ngĩxca̱x nango̱x ga Ngechuchu, rü ngĩxü̃ narümoxẽ. Rü ngĩmagü rü Ngechuchuca̱x iyabuxmü rü nüxü̃ iyacua̱xüü̃gü, rü naparawa ina̱i̱xãchitanü.
10Rü nüma ga Ngechuchu rü ñanagürü ngĩxü̃: —¡Taxṹ i pemuü̃exü̃! ¡Rü ípixĩ rü chauenexẽgü i chorü ngúexü̃gümaxã nüxü̃ peyarüxu rü Gariréaanewa naxĩ! Rü ngéma tá nixĩ i choxü̃ nadaugüxü̃ —ñanagürü.
Churaragü rü chacherdótegüarü ãẽ̱xgacügümaxã nüxü̃ nayarüxugüe ga yema ngupetüxü̃
11Rü yexguma ga yema ngecügü rü namagu naxĩyane, rü ñuxre ga churaragü ga yéma naxmaü̃wa dauxü̃taegüxü̃ rü Yerucharéü̃wa naxĩ. Rü chacherdótegüarü ãẽ̱xgacügümaxã nüxü̃ nayarüxugüe ga guxü̃ma ga yema ngupetüxü̃.
12Rü yema chacherdótegüarü ãẽ̱xgacügü rü namaxã nayarüdexagü ga Yudíugüarü ãẽ̱xgacügü. Rü nügümaxã nanamexẽẽgü ga ta̱xacümaxã tá churaragüxü̃ nax yaxucu̱xẽgüxü̃. Rü ñu̱xũchi nüxna ngĩxü̃ naxãgü ga tacü ga diẽru.
13Rü namaxã nüxü̃ nixugüe rü ñanagürügü: —¡Pema rü ñaperügügü tá: “Ngẽxguma chütacü tapeeyane, rü norü ngúexü̃gü toechita ngéma naxĩ rü nayayauxgü ga naxü̃ne”, ñaperügügü tá!
14Rü ngẽxguma ãẽ̱xgacü ya Pirátu tá nüxü̃ cua̱xgu i ngẽma ngupetüxü̃, rü toma rü tá namaxã tidexagü rü namaxã tá tanamexẽxẽ nax taxuxü̃ma pemaxã naxüxü̃ca̱x —ñanagürügü.
15Rü yexguma ga yema churaragü rü ngĩxü̃ nayauxgü ga yema diẽru. Rü yema ãẽ̱xgacügü namaxã nüxü̃ ixugüxü̃rüxü̃ duü̃xü̃gümaxã nüxü̃ nixugüe. Rü ñu̱xma rü ta ngẽmatama dexa nixĩ i nüxü̃ yaxugüxü̃ i Yudíugü.
Ngechuchu nanamu ga norü ngúexü̃gü
(Mr. 16.15-18; Lc. 24.36-49; Jn. 20.19-23)
16Rü yema 11 ga Ngechuchuarü ngúexü̃gü rü Gariréaanewa naxĩ ga guma ma̱xpǘne ga Ngechuchu namaxã nüxü̃ ixuxü̃newa.
17Rü yexguma Ngechuchuxü̃ nadaugügu rü nüxü̃ nicua̱xüü̃gü, woo ñuxre ga norü ngúexü̃gü rü tama aixcüma nayaxõgü nax Ngechuchu yixĩxü̃.
18Rü yexguma ga Ngechuchu rü naxca̱x nixũ, rü ñanagürü nüxü̃: —Tupana rü guxü̃ma i pora choxna naxã nax daxũguxü̃ i naanemaxã rü ñoma i naanemaxã ichacuáxü̃ca̱x.
19Rü ñu̱xma rü chanaxwa̱xe i guxü̃ i nachixü̃anewa pexĩ i guxü̃ i duü̃xü̃gütanüwa. ¡Rü chorü duü̃xü̃güxü̃ peyaxĩgüxẽxẽ̱x! ¡Rü ípenabaiü̃xẽxẽ chauégagu rü Chaunatüégagu rü Naãxẽ ya Üünexü̃égagu!
20¡Rü penangúexẽxẽ nax naga naxĩnüexü̃ca̱x i guxü̃ma i ngẽma pexü̃ chamuxü̃! Rü dücax, guxü̃gutáma pexü̃tawa changexmaecha ñu̱xmatáta nagú i naane —ñanagürü ga Ngechuchu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.