Ore i mexü̃ ga Cuáü̃ ümatüxü̃ 16
16
1Ngechuchu rü ñanagürü nüxü̃: —Pemaxã nüxü̃ chixu i ñaa ore nax tama nüxü̃ perüxoexü̃ca̱x nax choxü̃́ peyaxõgüxü̃.
2Rü ngutaque̱xepataü̃güwa tá pexü̃ ínawoxü̃. Rü tá nawa nangu nax texé pexü̃ daixü̃ rü tá nagu tarüxĩnü nax ngẽmaãcü mexü̃ Tupanaca̱x taxüxü̃.
3Rü ngẽmaãcü tá pemaxã namaxẽ i duü̃xü̃gü, erü taguma nüxü̃ nacua̱xgü ya Chaunatü, rü taguma choxü̃ nacua̱xgü.
4Rü pemaxã nüxü̃ chixu i ñaa ore i ñu̱xmax, nax nüxna pecua̱xãchiexü̃ca̱x i ngẽxguma tá ngẽmaãcü pexü̃ nangupetügu. Noxri rü tama pemaxã nüxü̃ chixu i ñaa ore, yerü petanüwa chayexma.
Tupanaãxẽ ya Üünexü̃arü puracüchiga
5Rü ñu̱xma rü tá pexna íchixũ nax Chaunatü ga núma choxü̃ mucüxü̃tawa nax changexmaxü̃ca̱x. Rü pema rü taxúema choxna peca nax ngextá tá chaxũxü̃.
6Rü ñu̱xma rü poraãcü pengechaü̃güama erü pemaxã nüxü̃ chixu i ngẽma ore.
7Natürü aixcüma pemaxã nüxü̃ chixu rü pexca̱x narümemae nixĩ nax Chaunatüca̱x chataeguxü̃. Rü ngẽxguma chi tama Chaunatüxü̃tawa chaxũxgu rü taxũchima núma naxũ ya Naãxẽ ya Üünecü ya perü ngü̃xẽẽruxü̃. Natürü ngẽxguma ngéma chaxũxgu rü choma tá núma chanamu.
8Rü ngẽxguma núma naxũxgu ya Naãxẽ ya Üünecü rü tá ñoma i naanecüã̱x i duü̃xü̃güxü̃ nüxü̃ nacua̱xẽxẽ nax texé pecadugu maxẽxü̃, rü texé tama pecadugu maxẽxü̃, rü texé tá Tupana tüxü̃ poxcuxü̃.
9Rü nüma ya Naãxẽ ya Üünecü tá duü̃xü̃güxü̃ nüxü̃ nacua̱xẽxẽ nax yíxema tama choxü̃́ yaxõgüxe rü pecadugu tamaxẽ.
10Rü nüma ya Naãxẽ ya Üünecü tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya Tupanape̱xewa mexẽ. Rü choma rü tá Chaunatüxü̃tawa chaxũ, rü pema rü marü taxũtáma choxü̃ pedaugü.
11Rü Naãxẽ ya Üünexü̃ tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya yíxema Tupana marü poxcu tümamaxã naxueguxe. Rü nüma nixĩ i Chataná i ñoma i naanemaxã icuáxü̃.
12Choma rü choxü̃́ nangẽxma i muxü̃ma i to i ore i pemaxã nüxü̃ chixuxchaü̃chiréxü̃. Natürü ngẽxguma chi pemaxã nüxü̃ chixuxgu rü taxũchima nüxü̃ pecua̱xgü.
13Rü ngẽxguma núma naxũxgu i Tupanaãxẽ ya Üünexü̃ i aixcüma ixĩxü̃, rü nüma tá pexü̃ nangúexẽxẽ i guxü̃ma i ore i aixcüma ixĩxü̃. Erü nüma rü tama nüechama tá nidexa, natürü ngẽma ore i Chaunatüxü̃tawa rü chauxü̃tawa nüxü̃ naxĩnüxü̃ tá nixĩ i nüxü̃ yaxuxü̃. Rü tá pexü̃ nüxü̃ nacua̱xẽxẽ i guxü̃ma i ta̱xacü i yixcüra tá ngupetüxü̃.
14Rü nüma rü tá chauxü̃tawa nanayaxu i chorü ngu̱xẽẽtae, rü ñu̱xũchi tá pexü̃ namaxã nangúexẽxẽ. Rü ngẽmaãcü tá choxü̃ nicua̱xüxü̃.
15Guxü̃ma i Chaunatüaxü̃́ ngẽxmaxü̃ rü choxrü ta nixĩ. Ngẽmaca̱x pemaxã nüxü̃ chixu rü Naãxẽ ya Üünexü̃ rü chauxü̃tawa tá nanayaxu i chorü ngu̱xẽẽtae, rü ñu̱xũchi pexü̃ tá namaxã nangúexẽxẽ.
16Rü paxaãchi taxũtáma choxü̃ pedau. Natürü yixcüra rü wena táxarü choxü̃ pedau erü Chaunatüxü̃tawa tá chaxũ —ñanagürü ga Ngechuchu.
Ngẽma ngechaü̃ rü yixcüama rü tá taãẽxü̃ nananguxuchi
17Rü yexguma ñuxre ga Ngechuchuarü ngúexü̃gü rü nügüna nacagü, rü ñanarügügü: —¿Ta̱xacüchiga nixĩ nax ngẽma ñaxü̃: “Paxaãchi taxũtáma choxü̃ pedau. Natürü yixcüra rü wena táxarü choxü̃ pedau”, ñaxü̃? ¿Rü ta̱xacüchiga nixĩ nax ngẽma ñaxü̃: “Choma rü Chaunatüxü̃tawa tá chaxũ”, ñaxü̃?
18¿Rü ta̱xacüchiga ta nixĩ nax ñaxü̃: “Rü paxaãchi taxũtáma choxü̃ pedaugü”, ñaxü̃? Rü yixema rü tama nüxü̃ tacua̱x nax ta̱xacüchigaxü̃ tamaxã yaxuxü̃ —ñanarügügü.
19Rü Ngechuchu rü nüxü̃ nacua̱xama nax nüxna nacagüchaü̃xü̃. Rü yemaca̱x ga nüma rü ñanagürü nüxü̃: —Choma rü marü pemaxã nüxü̃ chixu rü paxaãchi taxũtáma choxü̃ pedau, natürü yixcüra rü wena táxarü choxü̃ pedau. ¿Ẽ̱xna ngẽma dexaca̱xtama i pegüna pecagüxü̃?
20Rü aixcüma pemaxã nüxü̃ chixu rü pema rü tá pexauxe, rü tá pengechaü̃gü. Rü yoxni ñoma i naanecüã̱x i duü̃xü̃gü rü tá nataãẽgü. Natürü woo pema tá pengechaü̃gü, rü ngẽma perü ngechaü̃ rü tá taãẽxü̃ nananguxuchi.
21Ngẽxguma wüxi i nge íxraxacüchaü̃gu rü inaxĩ̱xãchiãẽ, erü inguxneca. Natürü ngẽxguma marü nabuxgu ya ngĩxacü, rü nüxü̃ iyarüngüma nax poraãcü ngĩxü̃́ nax nangu̱xchiréxü̃ i noxrix, erü tümamaxã itaãxẽ ya ngĩxacü.
22Rü ngẽxgumarüxü̃ tá pexü̃ nangupetü i pemax, erü ñu̱xma rü penaxĩ̱xãchiãẽgü. Natürü wena táxarü chataegu nax pexü̃ íchayadauxü̃ca̱x. Rü ngẽxguma rü tá pexü̃́ nangẽxma i wüxi i taãxẽ i taxucürüwama texé pexna yaxuxü̃.
23Rü ngẽxguma tá ínanguxgu i ngẽma ngunexü̃ nax yanguxü̃ i ñaa pemaxã nüxü̃ chixuxü̃, rü taxuca̱xtama ta̱xacüca̱x choxna pecagü, erü Chaunatü tá pexna nanaxã i guxü̃ma i chauégagu nüxna naxca̱x pecaxü̃.
24Ñu̱xmarüta i pema rü taxuxü̃ca̱xma chauégagu ípecagü. ¡Naxca̱x ípeca rü tá penayaxu i ngẽma naxca̱x ípecaxü̃! Rü ngẽmaãcü tá aixcüma petaãẽgü.
Ngechuchu rü marü nüxü̃ narüyexera i guxü̃ma i ñoma i naanearü chixexü̃
25Ñu̱xma rü cua̱xruü̃gügu chayaxuãcüma pemaxã nüxü̃ chixu i ore. Natürü nawa tá nangu i ngunexü̃ i marü taxũtáma ngẽmaãcü pemaxã nüxü̃ chixu. Rü ngẽxguma rü tá noxtacüma mea pemaxã chanangõ̱xẽxẽ i Chaunatüchiga.
26-27Rü ngẽma ngunexü̃gu i pema rü Chaunatüxü̃tawa tá chauégagu naxca̱x ípeca i ta̱xacü i penaxwa̱xexü̃. Rü taxuca̱xma tü̱xcüü̃ choma tá Chaunatüxü̃tawa pexü̃́ naxca̱x íchaca, erü nümatama ya Chaunatü rü woetama pexü̃ nangechaü̃, erü pema rü choxü̃ pengechaü̃ rü peyaxõgü nax Chaunatüxü̃tawa ne chaxũxü̃.
28Chaunatüxü̃tawa ne chaxũ nax ñoma ga naanewa chaxũxü̃ca̱x. Rü ñu̱xma rü tá nüxna chataegu i ñoma i naane nax wenaxarü Chaunatüxü̃tawa chaxũxü̃ca̱x —ñanagürü.
29Rü yexguma ga norü ngúexü̃gü rü ñanarügügü: —Ñu̱xmawaxi nixĩ i meaxü̃chima tomaxã cunango̱xẽxẽxü̃ i curü ore i tomaxã nüxü̃ quixuxü̃. Rü tama cua̱xruü̃gügu cuyaxuãcüma tomaxã nüxü̃ quixu.
30Rü ñu̱xma rü nüxü̃ tacua̱x nax aixcüma guxü̃xü̃ma cucuáxü̃. Rü taxuacüma tü̱xcüü̃ texé cuxna taca. Rü ngẽmaca̱x nixĩ i tayaxõgüxü̃ nax aixcüma Tupanaxü̃tawa ne cuxũxü̃ —ñanarügügü.
31Rü Ngechuchu nanangãxü̃ rü ñanagürü: —¿Ẽ̱xna ñu̱xma waxi i aixcüma peyaxõgüxü̃?
32Rü nawa tá nangu i ngunexü̃ rü ñu̱xmatátama nixĩ i nax pegü pewoonexü̃. Rü wüxichigü i pema rü tá pepatawa pexĩ, rü chaxica tá nua choxü̃ peta̱x. Natürü tama chaxica changexma, erü Chaunatü rü chauxü̃tawa nangẽxma.
33Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.
Currently Selected:
Ore i mexü̃ ga Cuáü̃ ümatüxü̃ 16: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Ore i mexü̃ ga Cuáü̃ ümatüxü̃ 16
16
1Ngechuchu rü ñanagürü nüxü̃: —Pemaxã nüxü̃ chixu i ñaa ore nax tama nüxü̃ perüxoexü̃ca̱x nax choxü̃́ peyaxõgüxü̃.
2Rü ngutaque̱xepataü̃güwa tá pexü̃ ínawoxü̃. Rü tá nawa nangu nax texé pexü̃ daixü̃ rü tá nagu tarüxĩnü nax ngẽmaãcü mexü̃ Tupanaca̱x taxüxü̃.
3Rü ngẽmaãcü tá pemaxã namaxẽ i duü̃xü̃gü, erü taguma nüxü̃ nacua̱xgü ya Chaunatü, rü taguma choxü̃ nacua̱xgü.
4Rü pemaxã nüxü̃ chixu i ñaa ore i ñu̱xmax, nax nüxna pecua̱xãchiexü̃ca̱x i ngẽxguma tá ngẽmaãcü pexü̃ nangupetügu. Noxri rü tama pemaxã nüxü̃ chixu i ñaa ore, yerü petanüwa chayexma.
Tupanaãxẽ ya Üünexü̃arü puracüchiga
5Rü ñu̱xma rü tá pexna íchixũ nax Chaunatü ga núma choxü̃ mucüxü̃tawa nax changexmaxü̃ca̱x. Rü pema rü taxúema choxna peca nax ngextá tá chaxũxü̃.
6Rü ñu̱xma rü poraãcü pengechaü̃güama erü pemaxã nüxü̃ chixu i ngẽma ore.
7Natürü aixcüma pemaxã nüxü̃ chixu rü pexca̱x narümemae nixĩ nax Chaunatüca̱x chataeguxü̃. Rü ngẽxguma chi tama Chaunatüxü̃tawa chaxũxgu rü taxũchima núma naxũ ya Naãxẽ ya Üünecü ya perü ngü̃xẽẽruxü̃. Natürü ngẽxguma ngéma chaxũxgu rü choma tá núma chanamu.
8Rü ngẽxguma núma naxũxgu ya Naãxẽ ya Üünecü rü tá ñoma i naanecüã̱x i duü̃xü̃güxü̃ nüxü̃ nacua̱xẽxẽ nax texé pecadugu maxẽxü̃, rü texé tama pecadugu maxẽxü̃, rü texé tá Tupana tüxü̃ poxcuxü̃.
9Rü nüma ya Naãxẽ ya Üünecü tá duü̃xü̃güxü̃ nüxü̃ nacua̱xẽxẽ nax yíxema tama choxü̃́ yaxõgüxe rü pecadugu tamaxẽ.
10Rü nüma ya Naãxẽ ya Üünecü tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya Tupanape̱xewa mexẽ. Rü choma rü tá Chaunatüxü̃tawa chaxũ, rü pema rü marü taxũtáma choxü̃ pedaugü.
11Rü Naãxẽ ya Üünexü̃ tá duü̃xü̃güxü̃ nüxü̃ nacua̱xẽxẽ nax texé tixĩxü̃ ya yíxema Tupana marü poxcu tümamaxã naxueguxe. Rü nüma nixĩ i Chataná i ñoma i naanemaxã icuáxü̃.
12Choma rü choxü̃́ nangẽxma i muxü̃ma i to i ore i pemaxã nüxü̃ chixuxchaü̃chiréxü̃. Natürü ngẽxguma chi pemaxã nüxü̃ chixuxgu rü taxũchima nüxü̃ pecua̱xgü.
13Rü ngẽxguma núma naxũxgu i Tupanaãxẽ ya Üünexü̃ i aixcüma ixĩxü̃, rü nüma tá pexü̃ nangúexẽxẽ i guxü̃ma i ore i aixcüma ixĩxü̃. Erü nüma rü tama nüechama tá nidexa, natürü ngẽma ore i Chaunatüxü̃tawa rü chauxü̃tawa nüxü̃ naxĩnüxü̃ tá nixĩ i nüxü̃ yaxuxü̃. Rü tá pexü̃ nüxü̃ nacua̱xẽxẽ i guxü̃ma i ta̱xacü i yixcüra tá ngupetüxü̃.
14Rü nüma rü tá chauxü̃tawa nanayaxu i chorü ngu̱xẽẽtae, rü ñu̱xũchi tá pexü̃ namaxã nangúexẽxẽ. Rü ngẽmaãcü tá choxü̃ nicua̱xüxü̃.
15Guxü̃ma i Chaunatüaxü̃́ ngẽxmaxü̃ rü choxrü ta nixĩ. Ngẽmaca̱x pemaxã nüxü̃ chixu rü Naãxẽ ya Üünexü̃ rü chauxü̃tawa tá nanayaxu i chorü ngu̱xẽẽtae, rü ñu̱xũchi pexü̃ tá namaxã nangúexẽxẽ.
16Rü paxaãchi taxũtáma choxü̃ pedau. Natürü yixcüra rü wena táxarü choxü̃ pedau erü Chaunatüxü̃tawa tá chaxũ —ñanagürü ga Ngechuchu.
Ngẽma ngechaü̃ rü yixcüama rü tá taãẽxü̃ nananguxuchi
17Rü yexguma ñuxre ga Ngechuchuarü ngúexü̃gü rü nügüna nacagü, rü ñanarügügü: —¿Ta̱xacüchiga nixĩ nax ngẽma ñaxü̃: “Paxaãchi taxũtáma choxü̃ pedau. Natürü yixcüra rü wena táxarü choxü̃ pedau”, ñaxü̃? ¿Rü ta̱xacüchiga nixĩ nax ngẽma ñaxü̃: “Choma rü Chaunatüxü̃tawa tá chaxũ”, ñaxü̃?
18¿Rü ta̱xacüchiga ta nixĩ nax ñaxü̃: “Rü paxaãchi taxũtáma choxü̃ pedaugü”, ñaxü̃? Rü yixema rü tama nüxü̃ tacua̱x nax ta̱xacüchigaxü̃ tamaxã yaxuxü̃ —ñanarügügü.
19Rü Ngechuchu rü nüxü̃ nacua̱xama nax nüxna nacagüchaü̃xü̃. Rü yemaca̱x ga nüma rü ñanagürü nüxü̃: —Choma rü marü pemaxã nüxü̃ chixu rü paxaãchi taxũtáma choxü̃ pedau, natürü yixcüra rü wena táxarü choxü̃ pedau. ¿Ẽ̱xna ngẽma dexaca̱xtama i pegüna pecagüxü̃?
20Rü aixcüma pemaxã nüxü̃ chixu rü pema rü tá pexauxe, rü tá pengechaü̃gü. Rü yoxni ñoma i naanecüã̱x i duü̃xü̃gü rü tá nataãẽgü. Natürü woo pema tá pengechaü̃gü, rü ngẽma perü ngechaü̃ rü tá taãẽxü̃ nananguxuchi.
21Ngẽxguma wüxi i nge íxraxacüchaü̃gu rü inaxĩ̱xãchiãẽ, erü inguxneca. Natürü ngẽxguma marü nabuxgu ya ngĩxacü, rü nüxü̃ iyarüngüma nax poraãcü ngĩxü̃́ nax nangu̱xchiréxü̃ i noxrix, erü tümamaxã itaãxẽ ya ngĩxacü.
22Rü ngẽxgumarüxü̃ tá pexü̃ nangupetü i pemax, erü ñu̱xma rü penaxĩ̱xãchiãẽgü. Natürü wena táxarü chataegu nax pexü̃ íchayadauxü̃ca̱x. Rü ngẽxguma rü tá pexü̃́ nangẽxma i wüxi i taãxẽ i taxucürüwama texé pexna yaxuxü̃.
23Rü ngẽxguma tá ínanguxgu i ngẽma ngunexü̃ nax yanguxü̃ i ñaa pemaxã nüxü̃ chixuxü̃, rü taxuca̱xtama ta̱xacüca̱x choxna pecagü, erü Chaunatü tá pexna nanaxã i guxü̃ma i chauégagu nüxna naxca̱x pecaxü̃.
24Ñu̱xmarüta i pema rü taxuxü̃ca̱xma chauégagu ípecagü. ¡Naxca̱x ípeca rü tá penayaxu i ngẽma naxca̱x ípecaxü̃! Rü ngẽmaãcü tá aixcüma petaãẽgü.
Ngechuchu rü marü nüxü̃ narüyexera i guxü̃ma i ñoma i naanearü chixexü̃
25Ñu̱xma rü cua̱xruü̃gügu chayaxuãcüma pemaxã nüxü̃ chixu i ore. Natürü nawa tá nangu i ngunexü̃ i marü taxũtáma ngẽmaãcü pemaxã nüxü̃ chixu. Rü ngẽxguma rü tá noxtacüma mea pemaxã chanangõ̱xẽxẽ i Chaunatüchiga.
26-27Rü ngẽma ngunexü̃gu i pema rü Chaunatüxü̃tawa tá chauégagu naxca̱x ípeca i ta̱xacü i penaxwa̱xexü̃. Rü taxuca̱xma tü̱xcüü̃ choma tá Chaunatüxü̃tawa pexü̃́ naxca̱x íchaca, erü nümatama ya Chaunatü rü woetama pexü̃ nangechaü̃, erü pema rü choxü̃ pengechaü̃ rü peyaxõgü nax Chaunatüxü̃tawa ne chaxũxü̃.
28Chaunatüxü̃tawa ne chaxũ nax ñoma ga naanewa chaxũxü̃ca̱x. Rü ñu̱xma rü tá nüxna chataegu i ñoma i naane nax wenaxarü Chaunatüxü̃tawa chaxũxü̃ca̱x —ñanagürü.
29Rü yexguma ga norü ngúexü̃gü rü ñanarügügü: —Ñu̱xmawaxi nixĩ i meaxü̃chima tomaxã cunango̱xẽxẽxü̃ i curü ore i tomaxã nüxü̃ quixuxü̃. Rü tama cua̱xruü̃gügu cuyaxuãcüma tomaxã nüxü̃ quixu.
30Rü ñu̱xma rü nüxü̃ tacua̱x nax aixcüma guxü̃xü̃ma cucuáxü̃. Rü taxuacüma tü̱xcüü̃ texé cuxna taca. Rü ngẽmaca̱x nixĩ i tayaxõgüxü̃ nax aixcüma Tupanaxü̃tawa ne cuxũxü̃ —ñanarügügü.
31Rü Ngechuchu nanangãxü̃ rü ñanagürü: —¿Ẽ̱xna ñu̱xma waxi i aixcüma peyaxõgüxü̃?
32Rü nawa tá nangu i ngunexü̃ rü ñu̱xmatátama nixĩ i nax pegü pewoonexü̃. Rü wüxichigü i pema rü tá pepatawa pexĩ, rü chaxica tá nua choxü̃ peta̱x. Natürü tama chaxica changexma, erü Chaunatü rü chauxü̃tawa nangẽxma.
33Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.