Ore i mexü̃ ga Cuáü̃ ümatüxü̃ 12
12
Wüxi ga nge rü Ngechuchucutügu pumara iba
(Mt. 26.6-13; Mr. 14.3-9)
1Rü 6 ga ngunexü̃ naxü̃pa ga Üpetüchigaarü peta, rü Ngechuchu rü Betániawa naxũ. Rü guma ĩane nixĩ ga nagu naxãchiü̃ne ga Lácharo ga Ngechuchu wena namaxẽẽcü.
2Rü yéma Lácharopatawa Ngechuchuca̱x nanaxügü ga wüxi ga õna. Rü natanüwa ga yema mechawa yexmagüxü̃ rü Lácharo nixĩ ga Ngechuchuxü̃tawaama chibücü. Rü Márta iyixĩ ga inaxǘcü ga õna.
3Rü yexguma ga María rü yéma inange ga 300 gramu nagu ga pumara ga nardo ga tatanüxü̃. Rü Ngechuchuxü̃ namaxã iyixcutü. Rü ñu̱xũchi ngĩyaemaxã íinapicutü. Rü guxü̃wama ga gumá ĩpata rü nayixmachĩã namaxã ga yema pumara.
4-5Rü yexguma wüxi ga Ngechuchuarü ngúexü̃ ga Yúda ga Icharióte ga yixcama Ngechuchuxü̃ íxuaxü̃xü̃, rü ñanagürü: —¿Tü̱xcüü̃ tama tatanüxü̃gu namaxã itaxe i ngẽma pumara nax ngẽma diẽrumaxã nüxü̃ nangü̃xẽẽxü̃ca̱x i ngẽma duü̃xü̃gü i ngearü diẽruã̱xgüxü̃? —ñanagürü.
6Natürü ga Yúda rü tama aixcüma nagu narüxĩnü ga yema ngearü diẽruã̱xgüxü̃. Natürü yema ñanagürü yerü nüma rü wüxi ga ngĩ́ta̱xaxü̃ nixĩ. Rü naxme̱xwa nayexma ga yema choca ga diẽru nagu naxǘgüxü̃ ga Ngechuchu rü norü ngúexü̃gü. Rü Yúda rü ñuxguacü rü noxrüxü̃tama ngĩxne nangĩ̱xĩxü̃.
7Rü yexguma ga Ngechuchu rü Yúdaxü̃ ñanagürü: —¡Taxṹ i ngĩxü̃ cuchixewexü̃! Erü choma rü paxa tá chayu rü tá ichata̱x. Rü ngẽmaca̱x nixĩ i ngẽma pumaramaxã choxü̃ nachaxü̃.
8Ngẽma ngearü diẽruã̱xgüxü̃ rü guxü̃gutáma petanüwa nangẽxmagü. Natürü i choma rü taxũtáma guxü̃gu petanüwa changexma —ñanagürü.
Chacherdótegüarü ãẽ̱xgacügü rü nügümaxã nanamexẽẽgü nax Lácharoxü̃ yama̱xgüxü̃
9Rü muxü̃ma ga Yudíugü rü nüxü̃ nacuáchiga ga Betániawa nax nayexmaxü̃ ga Ngechuchu. Rü yéma naxĩ nax nüxü̃ nadaugüxü̃ca̱x. Rü tama Ngechuchuxü̃xicatama nadaugüchaü̃ natürü nüxü̃ nadaugüchaü̃ ta ga Lácharo ga Ngechuchu wena namaxẽẽcü.
10Rü yexguma ga chacherdótegüarü ãẽ̱xgacügü rü nügümaxã nanamexẽẽgü ga Lácharoxü̃ rü ta nax yama̱xgüxü̃ca̱x.
11Yerü Lácharogagu nixĩ ga muxü̃ma ga Yudíugü ga Ngechuchuaxü̃́ yaxõgüãxü̃ rü yema chacherdótegüna naxĩgüxü̃.
Ngechuchu rü Yerucharéü̃gu naxücu
(Mt. 21.1-11; Mr. 11.1-11; Lc. 19.28-40)
12Rü muxü̃ma ga duü̃xü̃gü rü Yerucharéü̃wa naxĩ naxca̱x ga Üpetüchigaarü peta. Rü moxü̃ãcü duü̃xü̃gü nüxü̃ nacuáchigagü ga Ngechuchu rü guma ĩanewa nax nanguxchaü̃xü̃.
13Rü yexguma moruátüta nadaü̃gü rü yemamaxã Ngechuchuxü̃ nayatüxgütanüãchi. Rü tagaãcü ñanagürügü: —¡Namaxü̃! ¡Namecümaxüchi ya daa Tupanaégagu núma ũcü! ¡Namecümaxüchi ya daa Iraétanüxü̃arü Ãẽ̱xgacü! —ñanagürügü.
14Rü Ngechuchu nüxü̃ nadau ga wüxi ga búru, rü naétügu naxaunagü, yema Tupanaarü ore ga ümatüxü̃ nüxü̃ ixuxü̃rüxü̃:
15“¡Taxṹ i pemuü̃exü̃, Pa Chióü̃cüã̱xgüx!
¡Rü iperüdaunü nax wüxi i búru i íraxü̃étügu ngéma ne naxũxü̃ ya perü ãẽ̱xgacü!”
ñanagürü ga yema ore.
16Rü noxri ga norü ngúexü̃gü rü tama nüxü̃ nacua̱xgü ga Ngechuchuchiga nax yixĩxü̃ ga yema ore. Natürü nawena ga yexguma marü Ngechuchu daxũwa ũxgu, rü yexguma nixĩ ga nüxna nacua̱xãchiexü̃ ga guxü̃ma ga yema Ngechuchuxü̃ ngupetüxü̃, rü yema Tupanaarü ore ümatüxü̃ãcü nüxü̃ nax nangupetüxü̃.
17Rü yema duü̃xü̃gü ga Ngechuchuxü̃tawa yexmagüxü̃ ga yexguma Lácharoca̱x nacaxgu nax ínaxũxũxü̃ca̱x ga naxmaxü̃wa rü yuwa ínadaxẽẽãgu, rü yema duü̃xü̃gü rü nüxü̃ nixugüe ga yema nüxü̃ nadaugüxü̃.
18Rü yemaca̱x nixĩ ga duü̃xü̃gü ga Ngechuchuxü̃ yatüxãchitanüxü̃ nax nayauxgüãxü̃ca̱x, yerü nüxü̃ nacuáchigagü ga yema taxü̃ ga mexü̃ ga Tupanaarü poramaxã naxüxü̃.
19Natürü ga yema Parichéugü rü nügümaxã ñanagürügü: —Marü nüxü̃ pedauxü̃ i ñu̱xma nax taxucürüwama ta̱xacü namaxã ixüxü̃. ¡Rü dücax, guxü̃ma i duü̃xü̃gü rü nawe narüxĩ! —ñanagürügü.
Griégugü rü Ngechuchuxü̃ nadaugüchaü̃
20Rü yema duü̃xü̃gü ga petaca̱x Yerucharéü̃wa ĩxü̃ nax yéma Tupanaxü̃ nax yanacua̱xüü̃güxü̃ca̱x, rü natanüwa nayexma ga ñuxre ga Griégugü.
21Rü yema Griégugü rü Ferípeca̱x naxĩ. Rü nüma ga Ferípe rü Gariréaanearü ĩane ga Bechaídacüã̱x nixĩ. Rü yema Griégugü rü nüxü̃ naca̱a̱xü̃gü rü ñanagürügü: —Pa Corix, nüxü̃ tadaugüchaü̃ ya Ngechuchu —ñanagürügü.
22Rü Ferípe rü Andrémaxã nüxü̃ nayarüxu. Rü yema taxre rü wüxigu Ngechuchuxü̃tawa naxĩ, rü namaxã nüxü̃ nayarüxugü.
23Rü yexguma ga Ngechuchu rü ñanagürü nüxü̃: —Marü nawa nangu nax nayuxü̃ ya Tupana Nane ya duü̃xü̃xü̃ ixĩcü nax wenaxarü Nanatüxü̃tawa naxũxü̃ca̱x.
24Rü aixcüma pemaxã nüxü̃ chixu rü ngẽxguma chi wüxipü̱xü i triguchire tama waixü̃müanegu nguxgu rü nayu̱xgu rü wüxipü̱xüechatama nixĩ. Natürü ngẽxguma waixü̃mügu nanguxgu rü nayu̱xgu rü ngéma naxüxgu rü namuxũchi i norü o.
25Rü pemaxã nüxü̃ chixu rü texé tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü texé ya ñoma i naanewa cha̱u̱xca̱x inaxãxẽ i tümaarü maxü̃ rü tá tanayaxu i maxü̃ i taguma gúxü̃.
26Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.
Ngechuchu nüxü̃ nixu ga norü yuxchiga
27Rü Ngechuchu ñanagürü: —Rü ñu̱xma rü poraãcü changechaü̃ rü chanaxĩ̱xãchiãxẽ. ¿Rü ta̱xacüxü̃ tá Chaunatümaxã chixuxü̃? Taxucürüwa namaxã nüxü̃ chixu nax choxü̃ ínanguxuchixẽẽxü̃ca̱x nax tama chayuxü̃ca̱x, erü woetama ngẽmaca̱x núma chaxũ —ñanagürü.
28Rü ñanagürü: —Pa Chaunatüx, ¡Duü̃xü̃güpe̱xewa inawe̱x i curü pora! —ñanagürü. Rü yexguma nüxü̃ naxĩnüe ga wüxi ga naga ga daxũwa inaxũxü̃ ga ñaxü̃: —Marü ichanawe̱x i chorü pora, rü wena táxarü ichanawe̱x i chorü pora —ñanagürü ga yema naga.
29Rü yema duü̃xü̃gü ga yéma yexmagüxü̃ ga nüxü̃ ĩnüexü̃ ga yema naga, rü ñanagürügü: —Wüxi i duruanexü̃ nixĩ —ñanagürügü. Natürü togü rü ñanagürügü: —Wüxi i Tupanaarü orearü ngeruxü̃ i daxũcüã̱x nixĩ i namaxã idexaxü̃ —ñanagürügü.
30Rü yexguma ga Ngechuchu rü ñanagürü nüxü̃: —Tama cha̱u̱xca̱x nixĩ i nüxü̃ pexĩnüexü̃ i ngẽma naga. Rü pexca̱xtama nixĩ i nüxü̃ pexĩnüexü̃.
31Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.
32Rü ngẽxguma curuchawa chipotagu rü chaugüxü̃tawa tá chanagagü i guxü̃ma i duü̃xü̃gü —ñanagürü ga Ngechuchu.
33Rü yema orewa duü̃xü̃güxü̃ nüxü̃ nacua̱xẽxẽ ga ñuxãcü tá nax nayuxü̃.
34Rü yema duü̃xü̃gü nanangãxü̃gü, rü ñanagürügü: —Ngẽma mugü i ümatüxü̃wa nüxü̃ tadaugü nax guxü̃gutáma namaxechaxü̃ ya Cristu. ¿Rü ñuxãcü i cuma rü ñacurügü: “Tupana Nane ya duü̃xü̃xü̃ ixĩcü rü curuchawa tá nipota”, ñacurügü? ¿Rü texé tixĩ ya yíxema Tupana Nane ya duü̃xü̃xü̃ ixĩxẽ? —ñanagürügü.
35Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.
36Rü ñoma rü ta petanüwa changexma rü name nixĩ i paxa choxü̃́ peyaxõgü nax chorü ngóonexü̃wa pengẽxmagüxü̃ca̱x —ñanagürü. Rü yema ñaxguwena rü nüxna nixũgachi ga Ngechuchu. Rü na̱xcha̱xwa tóxnamana naxũ.
Ta̱xacüca̱x nixĩ ga Yudíugü ga tama Ngechuchuaxü̃́ yaxõgüãxü̃
37Rü woo ga Ngechuchu rü duü̃xü̃güpe̱xewa nanaxü ga muxü̃ma ga taxü̃ ga mexü̃ ga cua̱xruü̃gü ga Tupanaarü poramaxã naxüxü̃, natürü yexguma rü ta tama nüxü̃́ nayaxõgü ga duü̃xü̃gü.
38Rü yemaacü ningu ga yema ore ga Ichaía ümatüxü̃ ga ñaxü̃:
“Pa Corix, ¿texé yaxõxü̃ ga yema ore ga nüxü̃ ixuxü̃?
¿Rü texéca̱x nango̱xẽẽãxü̃ ga norü pora ga Tupana?”
ñaxü̃.
39-40Rü yemaacü ga yema duü̃xü̃gü rü tama nayaxõgü yema Ichaía ümatüxü̃wa nüxü̃ yaxuxü̃rüxü̃, rü:
“Yema duü̃xü̃gü rü tama nüxü̃ nadaugüchaü̃ rü tama nayaxõgüchaü̃ rü tama Tupanaca̱x nawoeguchaü̃.
Rü yemaca̱x ga Tupana rü nüxna nixũ nax tama nüxü̃ nadaugüxü̃ca̱x rü tama yaxõgüãxü̃ca̱x rü tama naxca̱x nawoeguxü̃ca̱x nax nüma nüxna naxããxü̃ca̱x i maxü̃ i ngexwaca̱xü̃xü̃”,
ñaxü̃.
41Rü yema ñanagürü ga Ichaía yerü yexguma nango̱xetügu marü nüxü̃ nadau nax aixcüma ãẽ̱xgacü ya poracü yixĩxü̃ ya Ngechuchu ya Cristu. Rü yemaca̱x yemaacü nachiga nidexa.
42Natürü muxü̃ma ga yema Yudíugü rü Ngechuchuaxü̃́ nayaxõgü, rü woo ga ñuxre ga ãẽ̱xgacügü rü ta nayaxõgü, natürü tama nügü nixugüchaü̃ ga duü̃xü̃güpe̱xewa, yerü Parichéugüxü̃ namuü̃e nax tama ngutaque̱xepataü̃wa ínawoxü̃xü̃ca̱x.
43Rü yemaacü tama nügü nixugüchaü̃, yerü norü me nixĩ nax duü̃xü̃gü namaxã taãẽgüxü̃ rü tama aixcüma naxca̱x nadaugü nax Tupana namaxã taãẽxü̃.
Texé ya tama Ngechuchuarü oreaxü̃́ yaxṍxe rü tá tapoxcu
44Rü tagaãcü ñanagürü ga Ngechuchu: —Texé ya choxü̃́ yaxṍxe rü tama choxü̃́xicatama tayaxõ. Natürü Chaunatü ya núma choxü̃ mucüaxü̃́ rü ta tayaxõ.
45Rü texé ya choxü̃ dauxe, rü Chaunatü ya núma choxü̃ mucüxü̃ rü ta tadau.
46Choma nax nangóonexẽẽruxü̃ chixĩxü̃, rü ñoma i naanewa chaxũ nax guxãma ya texé ya choxü̃́ yaxõgüxe rü tama ẽanexü̃wa tangexmagüxü̃ca̱x.
47Natürü ngẽxguma texé nüxü̃ ĩnügu i chorü ore rü tama tayaxõ̱xgu rü tama choma nixĩ i tüxü̃ chapoxcuxü̃. Erü tama ñoma i naanewa changu nax chanapoxcuexü̃ca̱x i duü̃xü̃gü, natürü núma chaxũ nax chanamaxẽxẽẽxü̃ca̱x.
48Yíxema tama choxü̃́ yaxṍxe rü tama chauga ĩnüxe rü marü tüxü̃́ nangẽxma nax ta̱xacüca̱x tapoxcuxü̃. Erü ngẽma ore i nüxü̃ chixuxü̃gagu tátama nixĩ i tapoxcuxü̃ i naanearü gu̱xgu, erü tama tayaxõ i ngẽma ore i nüxü̃ chixuxü̃.
49Tama chaugagutama chidexa, natürü yimá Chaunatü ya núma choxü̃ mucü, rü yimá nixĩ i chomaxã nüxü̃ ixucü nax ta̱xacüxü̃ tá duü̃xü̃gümaxã chixuxü̃ rü ñuxãcü tá chanangúexẽẽxü̃.
50Rü nüxü̃ chacua̱x nax Chaunatüarü orewa nangẽxmaxü̃ i maxü̃ i taguma gúxü̃. Rü ngẽmaca̱x i ngẽma ore i nüxü̃ chixuxü̃, rü ngẽmatama ore nixĩ i Chaunatü choxü̃ muxü̃ nax nüxü̃ chixuxü̃ —ñanagürü ga Ngechuchu.
Currently Selected:
Ore i mexü̃ ga Cuáü̃ ümatüxü̃ 12: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Ore i mexü̃ ga Cuáü̃ ümatüxü̃ 12
12
Wüxi ga nge rü Ngechuchucutügu pumara iba
(Mt. 26.6-13; Mr. 14.3-9)
1Rü 6 ga ngunexü̃ naxü̃pa ga Üpetüchigaarü peta, rü Ngechuchu rü Betániawa naxũ. Rü guma ĩane nixĩ ga nagu naxãchiü̃ne ga Lácharo ga Ngechuchu wena namaxẽẽcü.
2Rü yéma Lácharopatawa Ngechuchuca̱x nanaxügü ga wüxi ga õna. Rü natanüwa ga yema mechawa yexmagüxü̃ rü Lácharo nixĩ ga Ngechuchuxü̃tawaama chibücü. Rü Márta iyixĩ ga inaxǘcü ga õna.
3Rü yexguma ga María rü yéma inange ga 300 gramu nagu ga pumara ga nardo ga tatanüxü̃. Rü Ngechuchuxü̃ namaxã iyixcutü. Rü ñu̱xũchi ngĩyaemaxã íinapicutü. Rü guxü̃wama ga gumá ĩpata rü nayixmachĩã namaxã ga yema pumara.
4-5Rü yexguma wüxi ga Ngechuchuarü ngúexü̃ ga Yúda ga Icharióte ga yixcama Ngechuchuxü̃ íxuaxü̃xü̃, rü ñanagürü: —¿Tü̱xcüü̃ tama tatanüxü̃gu namaxã itaxe i ngẽma pumara nax ngẽma diẽrumaxã nüxü̃ nangü̃xẽẽxü̃ca̱x i ngẽma duü̃xü̃gü i ngearü diẽruã̱xgüxü̃? —ñanagürü.
6Natürü ga Yúda rü tama aixcüma nagu narüxĩnü ga yema ngearü diẽruã̱xgüxü̃. Natürü yema ñanagürü yerü nüma rü wüxi ga ngĩ́ta̱xaxü̃ nixĩ. Rü naxme̱xwa nayexma ga yema choca ga diẽru nagu naxǘgüxü̃ ga Ngechuchu rü norü ngúexü̃gü. Rü Yúda rü ñuxguacü rü noxrüxü̃tama ngĩxne nangĩ̱xĩxü̃.
7Rü yexguma ga Ngechuchu rü Yúdaxü̃ ñanagürü: —¡Taxṹ i ngĩxü̃ cuchixewexü̃! Erü choma rü paxa tá chayu rü tá ichata̱x. Rü ngẽmaca̱x nixĩ i ngẽma pumaramaxã choxü̃ nachaxü̃.
8Ngẽma ngearü diẽruã̱xgüxü̃ rü guxü̃gutáma petanüwa nangẽxmagü. Natürü i choma rü taxũtáma guxü̃gu petanüwa changexma —ñanagürü.
Chacherdótegüarü ãẽ̱xgacügü rü nügümaxã nanamexẽẽgü nax Lácharoxü̃ yama̱xgüxü̃
9Rü muxü̃ma ga Yudíugü rü nüxü̃ nacuáchiga ga Betániawa nax nayexmaxü̃ ga Ngechuchu. Rü yéma naxĩ nax nüxü̃ nadaugüxü̃ca̱x. Rü tama Ngechuchuxü̃xicatama nadaugüchaü̃ natürü nüxü̃ nadaugüchaü̃ ta ga Lácharo ga Ngechuchu wena namaxẽẽcü.
10Rü yexguma ga chacherdótegüarü ãẽ̱xgacügü rü nügümaxã nanamexẽẽgü ga Lácharoxü̃ rü ta nax yama̱xgüxü̃ca̱x.
11Yerü Lácharogagu nixĩ ga muxü̃ma ga Yudíugü ga Ngechuchuaxü̃́ yaxõgüãxü̃ rü yema chacherdótegüna naxĩgüxü̃.
Ngechuchu rü Yerucharéü̃gu naxücu
(Mt. 21.1-11; Mr. 11.1-11; Lc. 19.28-40)
12Rü muxü̃ma ga duü̃xü̃gü rü Yerucharéü̃wa naxĩ naxca̱x ga Üpetüchigaarü peta. Rü moxü̃ãcü duü̃xü̃gü nüxü̃ nacuáchigagü ga Ngechuchu rü guma ĩanewa nax nanguxchaü̃xü̃.
13Rü yexguma moruátüta nadaü̃gü rü yemamaxã Ngechuchuxü̃ nayatüxgütanüãchi. Rü tagaãcü ñanagürügü: —¡Namaxü̃! ¡Namecümaxüchi ya daa Tupanaégagu núma ũcü! ¡Namecümaxüchi ya daa Iraétanüxü̃arü Ãẽ̱xgacü! —ñanagürügü.
14Rü Ngechuchu nüxü̃ nadau ga wüxi ga búru, rü naétügu naxaunagü, yema Tupanaarü ore ga ümatüxü̃ nüxü̃ ixuxü̃rüxü̃:
15“¡Taxṹ i pemuü̃exü̃, Pa Chióü̃cüã̱xgüx!
¡Rü iperüdaunü nax wüxi i búru i íraxü̃étügu ngéma ne naxũxü̃ ya perü ãẽ̱xgacü!”
ñanagürü ga yema ore.
16Rü noxri ga norü ngúexü̃gü rü tama nüxü̃ nacua̱xgü ga Ngechuchuchiga nax yixĩxü̃ ga yema ore. Natürü nawena ga yexguma marü Ngechuchu daxũwa ũxgu, rü yexguma nixĩ ga nüxna nacua̱xãchiexü̃ ga guxü̃ma ga yema Ngechuchuxü̃ ngupetüxü̃, rü yema Tupanaarü ore ümatüxü̃ãcü nüxü̃ nax nangupetüxü̃.
17Rü yema duü̃xü̃gü ga Ngechuchuxü̃tawa yexmagüxü̃ ga yexguma Lácharoca̱x nacaxgu nax ínaxũxũxü̃ca̱x ga naxmaxü̃wa rü yuwa ínadaxẽẽãgu, rü yema duü̃xü̃gü rü nüxü̃ nixugüe ga yema nüxü̃ nadaugüxü̃.
18Rü yemaca̱x nixĩ ga duü̃xü̃gü ga Ngechuchuxü̃ yatüxãchitanüxü̃ nax nayauxgüãxü̃ca̱x, yerü nüxü̃ nacuáchigagü ga yema taxü̃ ga mexü̃ ga Tupanaarü poramaxã naxüxü̃.
19Natürü ga yema Parichéugü rü nügümaxã ñanagürügü: —Marü nüxü̃ pedauxü̃ i ñu̱xma nax taxucürüwama ta̱xacü namaxã ixüxü̃. ¡Rü dücax, guxü̃ma i duü̃xü̃gü rü nawe narüxĩ! —ñanagürügü.
Griégugü rü Ngechuchuxü̃ nadaugüchaü̃
20Rü yema duü̃xü̃gü ga petaca̱x Yerucharéü̃wa ĩxü̃ nax yéma Tupanaxü̃ nax yanacua̱xüü̃güxü̃ca̱x, rü natanüwa nayexma ga ñuxre ga Griégugü.
21Rü yema Griégugü rü Ferípeca̱x naxĩ. Rü nüma ga Ferípe rü Gariréaanearü ĩane ga Bechaídacüã̱x nixĩ. Rü yema Griégugü rü nüxü̃ naca̱a̱xü̃gü rü ñanagürügü: —Pa Corix, nüxü̃ tadaugüchaü̃ ya Ngechuchu —ñanagürügü.
22Rü Ferípe rü Andrémaxã nüxü̃ nayarüxu. Rü yema taxre rü wüxigu Ngechuchuxü̃tawa naxĩ, rü namaxã nüxü̃ nayarüxugü.
23Rü yexguma ga Ngechuchu rü ñanagürü nüxü̃: —Marü nawa nangu nax nayuxü̃ ya Tupana Nane ya duü̃xü̃xü̃ ixĩcü nax wenaxarü Nanatüxü̃tawa naxũxü̃ca̱x.
24Rü aixcüma pemaxã nüxü̃ chixu rü ngẽxguma chi wüxipü̱xü i triguchire tama waixü̃müanegu nguxgu rü nayu̱xgu rü wüxipü̱xüechatama nixĩ. Natürü ngẽxguma waixü̃mügu nanguxgu rü nayu̱xgu rü ngéma naxüxgu rü namuxũchi i norü o.
25Rü pemaxã nüxü̃ chixu rü texé tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü texé ya ñoma i naanewa cha̱u̱xca̱x inaxãxẽ i tümaarü maxü̃ rü tá tanayaxu i maxü̃ i taguma gúxü̃.
26Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.
Ngechuchu nüxü̃ nixu ga norü yuxchiga
27Rü Ngechuchu ñanagürü: —Rü ñu̱xma rü poraãcü changechaü̃ rü chanaxĩ̱xãchiãxẽ. ¿Rü ta̱xacüxü̃ tá Chaunatümaxã chixuxü̃? Taxucürüwa namaxã nüxü̃ chixu nax choxü̃ ínanguxuchixẽẽxü̃ca̱x nax tama chayuxü̃ca̱x, erü woetama ngẽmaca̱x núma chaxũ —ñanagürü.
28Rü ñanagürü: —Pa Chaunatüx, ¡Duü̃xü̃güpe̱xewa inawe̱x i curü pora! —ñanagürü. Rü yexguma nüxü̃ naxĩnüe ga wüxi ga naga ga daxũwa inaxũxü̃ ga ñaxü̃: —Marü ichanawe̱x i chorü pora, rü wena táxarü ichanawe̱x i chorü pora —ñanagürü ga yema naga.
29Rü yema duü̃xü̃gü ga yéma yexmagüxü̃ ga nüxü̃ ĩnüexü̃ ga yema naga, rü ñanagürügü: —Wüxi i duruanexü̃ nixĩ —ñanagürügü. Natürü togü rü ñanagürügü: —Wüxi i Tupanaarü orearü ngeruxü̃ i daxũcüã̱x nixĩ i namaxã idexaxü̃ —ñanagürügü.
30Rü yexguma ga Ngechuchu rü ñanagürü nüxü̃: —Tama cha̱u̱xca̱x nixĩ i nüxü̃ pexĩnüexü̃ i ngẽma naga. Rü pexca̱xtama nixĩ i nüxü̃ pexĩnüexü̃.
31Rü ñu̱xma tá nixĩ i napoxcuexü̃ i duü̃xü̃gü naxca̱x i norü pecadugü. Rü ñu̱xma tá nixĩ i ínata̱xüchixü̃ i ngẽma ñoma i naanewa poraxü̃ i Chataná.
32Rü ngẽxguma curuchawa chipotagu rü chaugüxü̃tawa tá chanagagü i guxü̃ma i duü̃xü̃gü —ñanagürü ga Ngechuchu.
33Rü yema orewa duü̃xü̃güxü̃ nüxü̃ nacua̱xẽxẽ ga ñuxãcü tá nax nayuxü̃.
34Rü yema duü̃xü̃gü nanangãxü̃gü, rü ñanagürügü: —Ngẽma mugü i ümatüxü̃wa nüxü̃ tadaugü nax guxü̃gutáma namaxechaxü̃ ya Cristu. ¿Rü ñuxãcü i cuma rü ñacurügü: “Tupana Nane ya duü̃xü̃xü̃ ixĩcü rü curuchawa tá nipota”, ñacurügü? ¿Rü texé tixĩ ya yíxema Tupana Nane ya duü̃xü̃xü̃ ixĩxẽ? —ñanagürügü.
35Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.
36Rü ñoma rü ta petanüwa changexma rü name nixĩ i paxa choxü̃́ peyaxõgü nax chorü ngóonexü̃wa pengẽxmagüxü̃ca̱x —ñanagürü. Rü yema ñaxguwena rü nüxna nixũgachi ga Ngechuchu. Rü na̱xcha̱xwa tóxnamana naxũ.
Ta̱xacüca̱x nixĩ ga Yudíugü ga tama Ngechuchuaxü̃́ yaxõgüãxü̃
37Rü woo ga Ngechuchu rü duü̃xü̃güpe̱xewa nanaxü ga muxü̃ma ga taxü̃ ga mexü̃ ga cua̱xruü̃gü ga Tupanaarü poramaxã naxüxü̃, natürü yexguma rü ta tama nüxü̃́ nayaxõgü ga duü̃xü̃gü.
38Rü yemaacü ningu ga yema ore ga Ichaía ümatüxü̃ ga ñaxü̃:
“Pa Corix, ¿texé yaxõxü̃ ga yema ore ga nüxü̃ ixuxü̃?
¿Rü texéca̱x nango̱xẽẽãxü̃ ga norü pora ga Tupana?”
ñaxü̃.
39-40Rü yemaacü ga yema duü̃xü̃gü rü tama nayaxõgü yema Ichaía ümatüxü̃wa nüxü̃ yaxuxü̃rüxü̃, rü:
“Yema duü̃xü̃gü rü tama nüxü̃ nadaugüchaü̃ rü tama nayaxõgüchaü̃ rü tama Tupanaca̱x nawoeguchaü̃.
Rü yemaca̱x ga Tupana rü nüxna nixũ nax tama nüxü̃ nadaugüxü̃ca̱x rü tama yaxõgüãxü̃ca̱x rü tama naxca̱x nawoeguxü̃ca̱x nax nüma nüxna naxããxü̃ca̱x i maxü̃ i ngexwaca̱xü̃xü̃”,
ñaxü̃.
41Rü yema ñanagürü ga Ichaía yerü yexguma nango̱xetügu marü nüxü̃ nadau nax aixcüma ãẽ̱xgacü ya poracü yixĩxü̃ ya Ngechuchu ya Cristu. Rü yemaca̱x yemaacü nachiga nidexa.
42Natürü muxü̃ma ga yema Yudíugü rü Ngechuchuaxü̃́ nayaxõgü, rü woo ga ñuxre ga ãẽ̱xgacügü rü ta nayaxõgü, natürü tama nügü nixugüchaü̃ ga duü̃xü̃güpe̱xewa, yerü Parichéugüxü̃ namuü̃e nax tama ngutaque̱xepataü̃wa ínawoxü̃xü̃ca̱x.
43Rü yemaacü tama nügü nixugüchaü̃, yerü norü me nixĩ nax duü̃xü̃gü namaxã taãẽgüxü̃ rü tama aixcüma naxca̱x nadaugü nax Tupana namaxã taãẽxü̃.
Texé ya tama Ngechuchuarü oreaxü̃́ yaxṍxe rü tá tapoxcu
44Rü tagaãcü ñanagürü ga Ngechuchu: —Texé ya choxü̃́ yaxṍxe rü tama choxü̃́xicatama tayaxõ. Natürü Chaunatü ya núma choxü̃ mucüaxü̃́ rü ta tayaxõ.
45Rü texé ya choxü̃ dauxe, rü Chaunatü ya núma choxü̃ mucüxü̃ rü ta tadau.
46Choma nax nangóonexẽẽruxü̃ chixĩxü̃, rü ñoma i naanewa chaxũ nax guxãma ya texé ya choxü̃́ yaxõgüxe rü tama ẽanexü̃wa tangexmagüxü̃ca̱x.
47Natürü ngẽxguma texé nüxü̃ ĩnügu i chorü ore rü tama tayaxõ̱xgu rü tama choma nixĩ i tüxü̃ chapoxcuxü̃. Erü tama ñoma i naanewa changu nax chanapoxcuexü̃ca̱x i duü̃xü̃gü, natürü núma chaxũ nax chanamaxẽxẽẽxü̃ca̱x.
48Yíxema tama choxü̃́ yaxṍxe rü tama chauga ĩnüxe rü marü tüxü̃́ nangẽxma nax ta̱xacüca̱x tapoxcuxü̃. Erü ngẽma ore i nüxü̃ chixuxü̃gagu tátama nixĩ i tapoxcuxü̃ i naanearü gu̱xgu, erü tama tayaxõ i ngẽma ore i nüxü̃ chixuxü̃.
49Tama chaugagutama chidexa, natürü yimá Chaunatü ya núma choxü̃ mucü, rü yimá nixĩ i chomaxã nüxü̃ ixucü nax ta̱xacüxü̃ tá duü̃xü̃gümaxã chixuxü̃ rü ñuxãcü tá chanangúexẽẽxü̃.
50Rü nüxü̃ chacua̱x nax Chaunatüarü orewa nangẽxmaxü̃ i maxü̃ i taguma gúxü̃. Rü ngẽmaca̱x i ngẽma ore i nüxü̃ chixuxü̃, rü ngẽmatama ore nixĩ i Chaunatü choxü̃ muxü̃ nax nüxü̃ chixuxü̃ —ñanagürü ga Ngechuchu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.