MATIUS 1
1
Yesus Kristus ambu-ombalak taginabik wagaukwa wene
(Luk. 3:23-38)
1At Yesus Kristus Abraham en, Daud en, tagongge a'nogo ambu ombalak eroba nen taginabik wagaukwa mene inenu yi.
2At Abraham en Ishak tatik, Ishak en Yakub tatik, Yakub en Yehuda agoromi inom taginafik, 3Yehuda nen he, he Tamar wanhikhesik he, ap Peres inom, Zerah inom, emberek taginafik, Peres nen Hezron tatik, Hezron en Ram tatik, 4Ram en Aminadab tatik, Aminadab en Nahason tatik, Nahason en Salmon tatik, 5Salmon en he, he Rahap wanhikhesik he, Boas tatik, Boas nen he, he Rut wanhikhesik he, Obed tatik, Obed en Isai tatik, 6Isai nen he, ap Daud enupogot a'nogo tatik, a'nogo taginabik wagaukwa. Nen, andi nen he, at Daud en ap Uria agwe telogo waluk wulifikhesik he, Salomo tatik, 7Salomo nen he, Rehabeam tatik, Rehabeam en Abia tatik, Abia nen Asa tatik, 8Asa nen Yosafat tatik, Yosafat en Yoram tatik, Yoram en Uzia tatik, 9Uzia nen Yotam tatik, Yotam en Ahas tatik, Ahas nen Hizkia tatik, 10Hizkia nen Manasye tatik, Manasye nen Amon tatik, Amon en Yosia tatik, 11Yosia nen ap Yahudi mene o Babel woginarek lagaukwa andem higit, at Yekhonya agaila'lak inom taginabik, a'nogo taginabik wagaukwa. #2Raj. 24:14-15; 2Taw. 36:10; Yer. 27:20
12Nen, afuni Yahudi mene o Babel woginarek lagaukwama logolik he, hobuk at Yekhonya nen he, Sealtiel tatik, Sealtiel en Zerubabel tatik, 13Zerubabel en Abihud tatik, Abihud en Elyakim tatik, Elyakim en Azur tatik, 14Azur en Zadok tatik, Zadok en Akhim tatik, Akhim en Eliud tatik, 15Eliud en Eleazar tatik, Eleazar en Matan tatik, Matan en Yakub tatik, 16Yakub en Yusup he Maria agun a'nogo, tatik, he Maria nen he, Yesus, niren Kristus ikhi lago a'nogo tatik, eroba nen taginabik wagaukwa.
17A'nogo taginabik wagaukwa andi re, ap Abraham ta'lagaikhe huli nen he, ap Daud ta'lagaikhe andi huliba inambu inombalak inebe 14 huli nen taginabik wagaukwa. Nen, Daud ta'lagaikhe huli nen he, afuni Yahudi mene woginarek o Babel lagaukwa andi huliba inambu inombalak 14 huli nen hobuk taginabik wagaukwaat. Nen, ap Yahudi mene o Babel woginarek lagaukwa huli nen he, Kristus ta'lagaikhe andiba, inebe 14 huli nen hobuk taginabik wagaukwaat andi.
Yesus Kristus ta'lagaikhe wene
(Luk. 2:1-7)
18At Yesus Kristus ta'lagaikhe andi ebe yi'nogo ta'lagaikhe. Agaisa Maria andi, ap Yusuf ebe wanhi'lek, we, wenago were'ma re, Allah Areagun en omalik a'mat fesikhe.#Luk. 1:27 19A'mat fesikhemo re, at Yusuf obabut fano andi nen he, endawimo nen, ”An he andi afuni ineilhanem herakfisamo enggali asinogo nen he, hinagaisogo herakfisagain,” iluk, anggikhi lagaikhe. 20A'nogo anggikhi logolik, hubanggo nogo ugunem he, at malaikat Allah pogoroba nen yonggo pelakfisa wagarek mene ekhe oba wagaikhesik he, mel yagatikhe: ”Yusuf Daud omba yi. Hat he, hele Maria andi wanigin nabit, iluk hendawimo anggagun o. Omalik andi Allah Areagun en at a'mat fikhemo. Halok he, wanin o. 21Omalik andi ebe abat tasigin o. Tasumo re, aren oe agot weak hilingiri'lagwi mene korogo wokhambik telinabigin o, iluk enu Yesus salin o,” iluk yagatikhe.#Luk. 1:31
22A'nogo hilingisugun iluk he, nineisena Tuhan Allah nen he, ap ekhe attagat ayonggo fesikhemo wene yagaisikhi logolik he, lisu palogo fesikhe mene higithogoat hilinglasuageluk isikhe andi. 23At andi nen he:
”Hele silerik ekhe omalik a'ma asimbik he, eak abat takhagain o.
Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.#Yes. 7:14
24Andi re, at Yusuf eluk agaikhesik, malaikat Allah nen lakfei wagaikhemo, abiba yagatikhe mene a'nogo higithogoat, agwe a'nogo wanhikhesik 25emberek nogo igi'lek were'ma, eak abat takhasikhemo re, enu Yesus salhikhe.#Luk. 2:21
Currently Selected:
MATIUS 1: inohap
Highlight
Share
Copy
Want to have your highlights saved across all your devices? Sign up or sign in