Hageo 2
2
Makat yulnin uni wisam kidika alasnina nuhni
1Waiku tiaskaubu kidika pasyakat, ma muihasluih minitkau as laihna yakat, watwi Papang kidika prapit Hageo yakat kiuna dai, 2dawak, pakna dai diyulna atnin Zorobabel, Josué dawak muih as balna yakat bik:#Esd 3:1-2. 3“Makat yulnin ūni ūk tatalna kidika yaringni bitik kau, dawakat waradika ūk duda kidika ampat tatalwih, bahang witingna yuyulwang.#Esd 3:12. ¿Adika dawi as dai kidika karak libitdak, as dai kidika laih dauh kapat awasyah? 4¡Kauna, kulnam dulauta Zorobabel! ¡Kulnam dulautah Josué sumalyang balna taninatuna! Adika sauni muihni balna, manna bitik kulnamna dulautanauh. Wark alahwanauh, yang manna karak yang. Yang Papangyang, paraski nuhni bitik dutayang bahang manayultayang. 5Amput pramis manayamnayang dai yakat, manna Egipto kaupak alahwanamana mani,#Ex 29:45-46. yang spiritki kidika manna karak ki. Yamaduduwinih. 6Tihndawak yamting kat, makau kisang dawak sau adika balna isihna karang ki,#Hib 12:26. kuma dawak sau buhni kidika bik. 7Sau muihni balna kidika bitik diyamting kat yuyukwarang ki, dawak dinina minit nuhni kidika bitik duwi aiwarang, dawak yang ūki kidika banghna karang ki alasnina yaksinh kidika.” Papang parasni nuhni duwa kidika yulwi: 8“Lalah dawak gol balna kidika laih yang diki balna. 9Adika makat yulnin ūni bu#2.9 Adika makat yulnin ūni bu: Y.y. makat yulnin ūni witni kidika. adika laih tanit yaksihni karang ki, muhnilau dai kidika karak dawakat. Kaput laih yamting kat kulnin aslah lani sakkarang adika pāni akat. Yang, Papang paraski nuhni bitik dutayang kat yultayang.”
Papang yaklauwi tawan la kat awas kidika yakat bilwi
10Darío king kana kurihni yakat, waiku tiaskauarungka laihwak kidika pasyakat, ma muihasluih minitkau arungka laihwa kat, Papang kidika prapit Hageo yakat kiuna dai 11pakna dai, Papang ayangni nuhni kidika kau, sumalyang nunuhni balna yakat diyulwi dakana atnin, la balna tanka kidika: 12“Yuldarang kat, muih as kat, dimuihni as Papang kau kalana dini kidika kalsurumhwa kidika kau balakwi dukiwarang kat, dawak kalsurumhwa asnina sutni kidika kasnin dini yakat uswi bayakwarang kat, ¿kasnin dini kidika Papang dini kalna karangyah, klin?” Sumalyang nunuhni balna yaklauwi yuyulna, sip kaput kalwas ki. 13Hageo yaklauwi baisa yulwa dai: “Kauna yuldarang kat, muih as muih dauna kat laihwarang, bahang witing muihni kidika dutni kaltilahna karang kat,#Nm 19:11-22. witing kidika di balna yakat laihwarang kat: ¿dutni kidika tilahwas karang yah di balna yakat?” Sumalyang nunuhni balna kidika yaklauwi kalyuyulna, agha, kaltilahwarang ki.
14Kaput laih Hageo yulwa dai: “Papang aput karangti: ‘Adika muihni balna laih sihm kaput ki, di yayamwa balna bitik yakat, dawak di duaiwi yayawa balna kidika dutni manah ki. 15Warmani kaupak tanit balna yakat, manna adika dini balna kulta talnauh. Baisa makat yulnin uni kidika laihta yamtasmana tanitkauh, 16¿ais amput manalaihwa daih?#2.16 ¿Ais amput manalaihwa daih?: grik kau laih kaput yulwi. Hibru kau laih amangladas ki. muihas di minik mahni uduhwa dai kidika muihasluih praisni, kaunah kiwi laihwi yakwakat, bik salap manah kalahwa dai, dawak wain yayamwa pāni yakat kiwi bukit andat Papusbah yakkuhti laihwakat, bukit muihasluih manah kalahwadai. 17Yang lawik manna wark alahwamana kidika bitik daukalmuknayang, kauna, yang akat aiwasdanaman. Yang, Papangyang kat yultayang. 18Warmani, waiku tiaskauarungka laihna yakat, ma muihasluih minitkau arungka laihna yakat, yang ūki rahni balna kidika ukna ki. 19Manna yamni talnauh, warmani kaupak di minik balna putamana uni yakat, di minik balna kidika dahnkalwas ban karang ki. Wain panani kidika baisa minik kalahwas ki, ani damni panan bik, turuh balna bik, olib panan bik, warmani kaupak yang lawik blis yamki.’ ”
Papang yaklauwi pramis yamna Zorobabel yakat
20Sihm kidika mani yakat, Papang yaklauwi Hageo yakat kiuna, 21Zorobabel yakat kalyulna atnin pakna, yuldarangkat Judá kingni yakat: “yang yamtingkat makau kisang dawak sau adika isihna karang; 22sau kingni balna parasnina kidika bitik bahtik dis daki, witingna yalalahwa kidika sau yakat ruhmlakki; war kalbabauwa kārni balna kidika bik piramlamukki, witingna kikilwa balna kidika, dawak aninaras balna dadauna karang, dawak witingna bik; kaput bik bitik witingna wirahnina isninaparah kau dadauna karang. 23Kidika mani Zorobabel yang diki yamyang kidika, tingki ānin maintalayang kapat mainmatalki ki, kat yang lawik mayaktik dunayang bahang. Yang, Papang paraski nuhni bitik dutayang kidika yultayang.”
Currently Selected:
Hageo 2: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Hageo 2
2
Makat yulnin uni wisam kidika alasnina nuhni
1Waiku tiaskaubu kidika pasyakat, ma muihasluih minitkau as laihna yakat, watwi Papang kidika prapit Hageo yakat kiuna dai, 2dawak, pakna dai diyulna atnin Zorobabel, Josué dawak muih as balna yakat bik:#Esd 3:1-2. 3“Makat yulnin ūni ūk tatalna kidika yaringni bitik kau, dawakat waradika ūk duda kidika ampat tatalwih, bahang witingna yuyulwang.#Esd 3:12. ¿Adika dawi as dai kidika karak libitdak, as dai kidika laih dauh kapat awasyah? 4¡Kauna, kulnam dulauta Zorobabel! ¡Kulnam dulautah Josué sumalyang balna taninatuna! Adika sauni muihni balna, manna bitik kulnamna dulautanauh. Wark alahwanauh, yang manna karak yang. Yang Papangyang, paraski nuhni bitik dutayang bahang manayultayang. 5Amput pramis manayamnayang dai yakat, manna Egipto kaupak alahwanamana mani,#Ex 29:45-46. yang spiritki kidika manna karak ki. Yamaduduwinih. 6Tihndawak yamting kat, makau kisang dawak sau adika balna isihna karang ki,#Hib 12:26. kuma dawak sau buhni kidika bik. 7Sau muihni balna kidika bitik diyamting kat yuyukwarang ki, dawak dinina minit nuhni kidika bitik duwi aiwarang, dawak yang ūki kidika banghna karang ki alasnina yaksinh kidika.” Papang parasni nuhni duwa kidika yulwi: 8“Lalah dawak gol balna kidika laih yang diki balna. 9Adika makat yulnin ūni bu#2.9 Adika makat yulnin ūni bu: Y.y. makat yulnin ūni witni kidika. adika laih tanit yaksihni karang ki, muhnilau dai kidika karak dawakat. Kaput laih yamting kat kulnin aslah lani sakkarang adika pāni akat. Yang, Papang paraski nuhni bitik dutayang kat yultayang.”
Papang yaklauwi tawan la kat awas kidika yakat bilwi
10Darío king kana kurihni yakat, waiku tiaskauarungka laihwak kidika pasyakat, ma muihasluih minitkau arungka laihwa kat, Papang kidika prapit Hageo yakat kiuna dai 11pakna dai, Papang ayangni nuhni kidika kau, sumalyang nunuhni balna yakat diyulwi dakana atnin, la balna tanka kidika: 12“Yuldarang kat, muih as kat, dimuihni as Papang kau kalana dini kidika kalsurumhwa kidika kau balakwi dukiwarang kat, dawak kalsurumhwa asnina sutni kidika kasnin dini yakat uswi bayakwarang kat, ¿kasnin dini kidika Papang dini kalna karangyah, klin?” Sumalyang nunuhni balna yaklauwi yuyulna, sip kaput kalwas ki. 13Hageo yaklauwi baisa yulwa dai: “Kauna yuldarang kat, muih as muih dauna kat laihwarang, bahang witing muihni kidika dutni kaltilahna karang kat,#Nm 19:11-22. witing kidika di balna yakat laihwarang kat: ¿dutni kidika tilahwas karang yah di balna yakat?” Sumalyang nunuhni balna kidika yaklauwi kalyuyulna, agha, kaltilahwarang ki.
14Kaput laih Hageo yulwa dai: “Papang aput karangti: ‘Adika muihni balna laih sihm kaput ki, di yayamwa balna bitik yakat, dawak di duaiwi yayawa balna kidika dutni manah ki. 15Warmani kaupak tanit balna yakat, manna adika dini balna kulta talnauh. Baisa makat yulnin uni kidika laihta yamtasmana tanitkauh, 16¿ais amput manalaihwa daih?#2.16 ¿Ais amput manalaihwa daih?: grik kau laih kaput yulwi. Hibru kau laih amangladas ki. muihas di minik mahni uduhwa dai kidika muihasluih praisni, kaunah kiwi laihwi yakwakat, bik salap manah kalahwa dai, dawak wain yayamwa pāni yakat kiwi bukit andat Papusbah yakkuhti laihwakat, bukit muihasluih manah kalahwadai. 17Yang lawik manna wark alahwamana kidika bitik daukalmuknayang, kauna, yang akat aiwasdanaman. Yang, Papangyang kat yultayang. 18Warmani, waiku tiaskauarungka laihna yakat, ma muihasluih minitkau arungka laihna yakat, yang ūki rahni balna kidika ukna ki. 19Manna yamni talnauh, warmani kaupak di minik balna putamana uni yakat, di minik balna kidika dahnkalwas ban karang ki. Wain panani kidika baisa minik kalahwas ki, ani damni panan bik, turuh balna bik, olib panan bik, warmani kaupak yang lawik blis yamki.’ ”
Papang yaklauwi pramis yamna Zorobabel yakat
20Sihm kidika mani yakat, Papang yaklauwi Hageo yakat kiuna, 21Zorobabel yakat kalyulna atnin pakna, yuldarangkat Judá kingni yakat: “yang yamtingkat makau kisang dawak sau adika isihna karang; 22sau kingni balna parasnina kidika bitik bahtik dis daki, witingna yalalahwa kidika sau yakat ruhmlakki; war kalbabauwa kārni balna kidika bik piramlamukki, witingna kikilwa balna kidika, dawak aninaras balna dadauna karang, dawak witingna bik; kaput bik bitik witingna wirahnina isninaparah kau dadauna karang. 23Kidika mani Zorobabel yang diki yamyang kidika, tingki ānin maintalayang kapat mainmatalki ki, kat yang lawik mayaktik dunayang bahang. Yang, Papang paraski nuhni bitik dutayang kidika yultayang.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998