Juan 5
5
Mana puriyta puëdiq runata Betesda estanquichö Jesús kutikätsinqan
1Tsaypitanam Jerusalénchö Israel runakunapa fiestanman Jesúspis aywarqan. 2Jerusalén yaykunachömi Üsha Punku niyanqanchö jatun estanqui kaykan. Hebreo idiömachö tsay estanquipa shutinmi Betesda#5.2 Wakin traduccionkunachöqa Betzata niyanmi.. Lädunkunapam pitsqa coredorkuna kaykan. 3Tsay coredorkunachömi atskaq qeshyaqyashakuna, qaprakuna, wishtukuna y puriyta mana puëdiqkuna ujuraykäyarqan. [Paykunam yaku kuyuqta shuyaräyarqan. 4Tsaychömi ciëlupita ángel unaychö unaychö urämur yakuta kuyutsiq. Yakuta kuyutsiptinmi mayqan qeshyaykaqpis puntata yakuman yaykuq kaq kutikashqana yarqamuq.]
5Tsaychömi juk runa kimsa chunka pusaq (38) watana qeshyar ujuraykarqan. 6Tsay runa unaypitana qeshyanqanta musyarmi Jesús nirqan: <<¿Kutikayta munankiku?>>
7Niptinnam nirqan: <<Awmi taytay, kutikaytam munallä. Manam pïnï kantsu yakuta ángel kuyutsiptin estanquiman yaykatsimänanpaq. Yaykunäpaq kaykaptïpis jukmi llalliskaman>>.
8Jesúsnam nirqan: <<¡Shäriy! tsakrankaykita apakurkur aywakuy>>.
9Tsaymi jina höra kutikaskir tsakrankanta apakurkur kushishqa aywakurqan. Tsay junaqqa jamay junaqmi karqan. 10Tsay runa kutikanqanta rikarmi Israel autoridäkuna niyarqan: <<Jamay junaq kaykaptin ¿imanirtan tsakrankayki aparishqa puriykanki?>>#Neh. 13.19; Jer. 17.21.
11Tsay runanam nirqan: <<Kutikätsimaqnï runam nimashqa tsakrankäta apakurkur aywakunäpaq>>.
12Tsaymi tapuyarqan: <<¿Pitan tsaynö nishushkanki?>>
13Peru estanqui kaqpita Jesús aywakushqana kaptinmi rikätsinanpaq tarirqannatsu.
14Tsaypitanam templupa patiunchö tsay kutikätsinqan runawan Jesús tinkuskir nirqan: <<Kutikashqana kaykarqa jutsata amana rurankinatsu. Yapay jutsata ruraptikiqa mas peormi imapis päsashunki>>.
15Tsaypitanam tsay runaqa Israel autoridäkunaman aywaykur Jesús kutikätsinqanta willarqan.
Diospa Tsurin kanqanta Jesús ninqan
16Jamay junaqchö kutikätsinqanpitam Israel autoridäkuna Jesúspa contran shärir [wañutsiyänanpaq] ashiyarqan. 17Paykunawan tinkuskirnam Jesús nirqan: <<Jamay junaq kaptinpis Taytäqa arunmi. Tsaynöllam noqapis aruykä>>.
18Tsaynö niptinmi Israel autoridäkuna Jesústa wañutsiyta munayarqan. Manam jamay junaqchö runata kutikätsinqanllapitatsu wañutsiyta munayarqan, sinöqa <<Diosmi Taytä>> niptin Dios tukunqanta yarparmi.#Juan 10.30-38.
19Jesúsnam nirqan: <<Rasun kaqtam niyaq: Dios Yayapa Tsurin karmi Taytä llapan ruranqallanta noqapis rurä. Manam kikïpa munaylläpitatsu imatapis rurä, sinöqa Taytä ruranqanta rikanqallätam rurä. 20Taytä kuyamarmi llapan imayka ruranqanta rikätsiman. Mas wakin kaqkunata ruranäpaqmi tantiyatsimanqa. Tsayta rikarmi masraq mantsakäyanki. 21Wañushqakunata Taytä kawayta qaranqannö noqapis munanqä kawayta kaqkunata qaraptïmi tsaynö mantsakäyanki.
22<<Tsaynöllam Taytätsu pitapis juzganqa, sinöqa noqatam Tsurin kaptï pïmaytapis juzganäpaq churamashqa. 23Kikinta adorayanqannölla noqatapis llapan runakuna adorayämänanpaqmi tsaynö churamashqa. Tsaymi noqata mana adoramaq kaqqa Taytätapis adorayantsu.
24<<Rasun kaqtam niyaq: Willakunqäta wiyar kachamaqnï Taytäman confiakuqkunaqa mana ushakaq kawaytam tariyashqa. Paykunaqa manam infiernuman jitarpushqatsu kayanqa, sinöqa wañushqanö kayanqanpitam mushuq kawaytana tariyashqa.
25<<Rasun kaqtam niyaq: Tiempu chämushqanam wañushqanö kaqkuna Diospa Tsurin willakunqanta wiyayänanpaq. Willakunqanta cäsukuqkunaqa mana ushakaq kawaytam tariyanqa. 26Tsaynö kananpaqmi Dios Yaya poderninta Tsurinta entregashqa. Tsaymi runakunata kawayta qarananpaq Dios Yaya poderösu kanqannö Tsurinpis poderyuq kaykan. 27Tsaynöllam Runapa Tsurin kaptin runakunata juzgananpaq Dios Yaya poderninta entregashqa.
28<< <¿Imanöraq tsay kanqa?> nir ama yarpachakuyaytsu. Tiempu chämunqam llapan wañushqakuna Diospa Tsurinpa vozninta wiyayänanpaq. 29Allita ruraqkunaqa kawaskamurmi imayyaqpis kawayanqa. Peru mana alli ruraqkunam sïqa kawamurpis infiernuman jitarpushqa kayanqa.#Dan. 12.2. 30Manam kikïpa munaylläpitatsu juzgashaq, sinöqa kachamaqnï [Taytä] munanqannöllam juzgashaq.
Dios Yaya kachamunqanta Jesús tantiyatsinqan
31<<Dios Yaya kachamanqanta kikïpa yarpaylläpita niyaptiqqa manam creyiyämankimantsu. 32Peru manam noqallatsu musyatsiyaq, sinöqa kikin Dios Yayam noqapaq musyatsiyäshunki. Pay musyatsiyäshunqaykiqa llapanpis rasun kaqllam.
33<<Bautizaq Juanman tapukuq kachayaptiki paypis noqapaq rasun kaqllatam willayäshurqayki.#Juan 1.19-27; 3.27-30. 34Peru manam mayqan runapis willamaptinraqtsu Dios Yaya kachamanqanta musyä, sinöqa Taytä musyatsimaptinmi. Dios Yaya kachamanqanta creyir salvakäyänaykipaqmi noqapaq Juan willakunqanta yarpätsiyaq. 35Juanqa imayka rupaykaq aktsinömi karqan. Willakunqanta wiyarmi juk rätulla kushikuyarqayki.
36<<Dios Yaya kachamanqantaqa manam Juan willakunqanta wiyarllatsu runakuna tantiyayan, sinöqa milagru ruranqäkunata rikar y yachatsinqäkunata wiyarmi. Taytä nimanqanllatam llapanta rurä. 37Tsaynöpam kikin Dios Yaya mana parlapäyäshurnikipis y mana yuripuyäshurnikipis noqata kachamanqanta musyatsiyäshunki. 38Tsaynö musyatsiyäshuptiki mana creyiyämarmi Dios Yayapa palabrantapis creyiyankitsu.
Runakuna mana chaskiyanqanta Jesús parlanqan
39<<Qamkunam mana ushakaq kawayta tariyänaykipaq kanqanta yarpar Dios Yayapa palabranta liyir yachakuyanki. Tsaynö yachakurpis manam tantiyayankitsu tsay qellqashqa kaykaqkunachö noqapaq qellqashqa kanqanta.#5.39 O Dios Yayapa palabranchö mana ushakaq kawayta tariyänaykipaq kanqanta yarparqa paypa palabranta yachakuyay. Paypa palabranqa noqapaqmi qellqashqa kaykan. 40Tsaynö qellqaraykaptinpis manam chaskiyämankitsu. Peru chaskimaq kaqmi sïqa mana ushakaq kawayta tariyan.
41<<Noqaqa manam qamkuna aläbayämänaykita munätsu. 42Musyämi Dios Yayata rasunpa mana kuyayanqaykita. 43Taytäpa shutinchö shamushqa kaptïpis manam chaskiyämayta munayankitsu. Peru kikinkunapa munayllankunapita shamuq runakunatam sïqa sas chaskiyanki. 44Qamkunaqa runa majikikunawan alli kawayänaykillapaqmi alläpa yarpachakuyanki. Peru manam Dios Yayawan alli kawayänaykipaqqa yarpachakuyankitsu. Tsaynö kaykarqa ¿imanöpatan creyiyämankiman?
45<<Ama yarpäyaytsu Dios Yayapa puntanchö shimpiyänaqpaq kanqanta. Moisésman creyiyanqaykipitam pay shimpiyäshunki. 46Moisés qellqanqankunam noqapaq qellqashqa kaykan. Tsaymi pay qellqanqankunata creyirqa noqa ninqäkunatapis creyiyankiman. 47Pay qellqanqankunata mana creyirmi noqa ninqäkunatapis creyiyankitsu>>.
Currently Selected:
Juan 5: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Juan 5
5
Mana puriyta puëdiq runata Betesda estanquichö Jesús kutikätsinqan
1Tsaypitanam Jerusalénchö Israel runakunapa fiestanman Jesúspis aywarqan. 2Jerusalén yaykunachömi Üsha Punku niyanqanchö jatun estanqui kaykan. Hebreo idiömachö tsay estanquipa shutinmi Betesda#5.2 Wakin traduccionkunachöqa Betzata niyanmi.. Lädunkunapam pitsqa coredorkuna kaykan. 3Tsay coredorkunachömi atskaq qeshyaqyashakuna, qaprakuna, wishtukuna y puriyta mana puëdiqkuna ujuraykäyarqan. [Paykunam yaku kuyuqta shuyaräyarqan. 4Tsaychömi ciëlupita ángel unaychö unaychö urämur yakuta kuyutsiq. Yakuta kuyutsiptinmi mayqan qeshyaykaqpis puntata yakuman yaykuq kaq kutikashqana yarqamuq.]
5Tsaychömi juk runa kimsa chunka pusaq (38) watana qeshyar ujuraykarqan. 6Tsay runa unaypitana qeshyanqanta musyarmi Jesús nirqan: <<¿Kutikayta munankiku?>>
7Niptinnam nirqan: <<Awmi taytay, kutikaytam munallä. Manam pïnï kantsu yakuta ángel kuyutsiptin estanquiman yaykatsimänanpaq. Yaykunäpaq kaykaptïpis jukmi llalliskaman>>.
8Jesúsnam nirqan: <<¡Shäriy! tsakrankaykita apakurkur aywakuy>>.
9Tsaymi jina höra kutikaskir tsakrankanta apakurkur kushishqa aywakurqan. Tsay junaqqa jamay junaqmi karqan. 10Tsay runa kutikanqanta rikarmi Israel autoridäkuna niyarqan: <<Jamay junaq kaykaptin ¿imanirtan tsakrankayki aparishqa puriykanki?>>#Neh. 13.19; Jer. 17.21.
11Tsay runanam nirqan: <<Kutikätsimaqnï runam nimashqa tsakrankäta apakurkur aywakunäpaq>>.
12Tsaymi tapuyarqan: <<¿Pitan tsaynö nishushkanki?>>
13Peru estanqui kaqpita Jesús aywakushqana kaptinmi rikätsinanpaq tarirqannatsu.
14Tsaypitanam templupa patiunchö tsay kutikätsinqan runawan Jesús tinkuskir nirqan: <<Kutikashqana kaykarqa jutsata amana rurankinatsu. Yapay jutsata ruraptikiqa mas peormi imapis päsashunki>>.
15Tsaypitanam tsay runaqa Israel autoridäkunaman aywaykur Jesús kutikätsinqanta willarqan.
Diospa Tsurin kanqanta Jesús ninqan
16Jamay junaqchö kutikätsinqanpitam Israel autoridäkuna Jesúspa contran shärir [wañutsiyänanpaq] ashiyarqan. 17Paykunawan tinkuskirnam Jesús nirqan: <<Jamay junaq kaptinpis Taytäqa arunmi. Tsaynöllam noqapis aruykä>>.
18Tsaynö niptinmi Israel autoridäkuna Jesústa wañutsiyta munayarqan. Manam jamay junaqchö runata kutikätsinqanllapitatsu wañutsiyta munayarqan, sinöqa <<Diosmi Taytä>> niptin Dios tukunqanta yarparmi.#Juan 10.30-38.
19Jesúsnam nirqan: <<Rasun kaqtam niyaq: Dios Yayapa Tsurin karmi Taytä llapan ruranqallanta noqapis rurä. Manam kikïpa munaylläpitatsu imatapis rurä, sinöqa Taytä ruranqanta rikanqallätam rurä. 20Taytä kuyamarmi llapan imayka ruranqanta rikätsiman. Mas wakin kaqkunata ruranäpaqmi tantiyatsimanqa. Tsayta rikarmi masraq mantsakäyanki. 21Wañushqakunata Taytä kawayta qaranqannö noqapis munanqä kawayta kaqkunata qaraptïmi tsaynö mantsakäyanki.
22<<Tsaynöllam Taytätsu pitapis juzganqa, sinöqa noqatam Tsurin kaptï pïmaytapis juzganäpaq churamashqa. 23Kikinta adorayanqannölla noqatapis llapan runakuna adorayämänanpaqmi tsaynö churamashqa. Tsaymi noqata mana adoramaq kaqqa Taytätapis adorayantsu.
24<<Rasun kaqtam niyaq: Willakunqäta wiyar kachamaqnï Taytäman confiakuqkunaqa mana ushakaq kawaytam tariyashqa. Paykunaqa manam infiernuman jitarpushqatsu kayanqa, sinöqa wañushqanö kayanqanpitam mushuq kawaytana tariyashqa.
25<<Rasun kaqtam niyaq: Tiempu chämushqanam wañushqanö kaqkuna Diospa Tsurin willakunqanta wiyayänanpaq. Willakunqanta cäsukuqkunaqa mana ushakaq kawaytam tariyanqa. 26Tsaynö kananpaqmi Dios Yaya poderninta Tsurinta entregashqa. Tsaymi runakunata kawayta qarananpaq Dios Yaya poderösu kanqannö Tsurinpis poderyuq kaykan. 27Tsaynöllam Runapa Tsurin kaptin runakunata juzgananpaq Dios Yaya poderninta entregashqa.
28<< <¿Imanöraq tsay kanqa?> nir ama yarpachakuyaytsu. Tiempu chämunqam llapan wañushqakuna Diospa Tsurinpa vozninta wiyayänanpaq. 29Allita ruraqkunaqa kawaskamurmi imayyaqpis kawayanqa. Peru mana alli ruraqkunam sïqa kawamurpis infiernuman jitarpushqa kayanqa.#Dan. 12.2. 30Manam kikïpa munaylläpitatsu juzgashaq, sinöqa kachamaqnï [Taytä] munanqannöllam juzgashaq.
Dios Yaya kachamunqanta Jesús tantiyatsinqan
31<<Dios Yaya kachamanqanta kikïpa yarpaylläpita niyaptiqqa manam creyiyämankimantsu. 32Peru manam noqallatsu musyatsiyaq, sinöqa kikin Dios Yayam noqapaq musyatsiyäshunki. Pay musyatsiyäshunqaykiqa llapanpis rasun kaqllam.
33<<Bautizaq Juanman tapukuq kachayaptiki paypis noqapaq rasun kaqllatam willayäshurqayki.#Juan 1.19-27; 3.27-30. 34Peru manam mayqan runapis willamaptinraqtsu Dios Yaya kachamanqanta musyä, sinöqa Taytä musyatsimaptinmi. Dios Yaya kachamanqanta creyir salvakäyänaykipaqmi noqapaq Juan willakunqanta yarpätsiyaq. 35Juanqa imayka rupaykaq aktsinömi karqan. Willakunqanta wiyarmi juk rätulla kushikuyarqayki.
36<<Dios Yaya kachamanqantaqa manam Juan willakunqanta wiyarllatsu runakuna tantiyayan, sinöqa milagru ruranqäkunata rikar y yachatsinqäkunata wiyarmi. Taytä nimanqanllatam llapanta rurä. 37Tsaynöpam kikin Dios Yaya mana parlapäyäshurnikipis y mana yuripuyäshurnikipis noqata kachamanqanta musyatsiyäshunki. 38Tsaynö musyatsiyäshuptiki mana creyiyämarmi Dios Yayapa palabrantapis creyiyankitsu.
Runakuna mana chaskiyanqanta Jesús parlanqan
39<<Qamkunam mana ushakaq kawayta tariyänaykipaq kanqanta yarpar Dios Yayapa palabranta liyir yachakuyanki. Tsaynö yachakurpis manam tantiyayankitsu tsay qellqashqa kaykaqkunachö noqapaq qellqashqa kanqanta.#5.39 O Dios Yayapa palabranchö mana ushakaq kawayta tariyänaykipaq kanqanta yarparqa paypa palabranta yachakuyay. Paypa palabranqa noqapaqmi qellqashqa kaykan. 40Tsaynö qellqaraykaptinpis manam chaskiyämankitsu. Peru chaskimaq kaqmi sïqa mana ushakaq kawayta tariyan.
41<<Noqaqa manam qamkuna aläbayämänaykita munätsu. 42Musyämi Dios Yayata rasunpa mana kuyayanqaykita. 43Taytäpa shutinchö shamushqa kaptïpis manam chaskiyämayta munayankitsu. Peru kikinkunapa munayllankunapita shamuq runakunatam sïqa sas chaskiyanki. 44Qamkunaqa runa majikikunawan alli kawayänaykillapaqmi alläpa yarpachakuyanki. Peru manam Dios Yayawan alli kawayänaykipaqqa yarpachakuyankitsu. Tsaynö kaykarqa ¿imanöpatan creyiyämankiman?
45<<Ama yarpäyaytsu Dios Yayapa puntanchö shimpiyänaqpaq kanqanta. Moisésman creyiyanqaykipitam pay shimpiyäshunki. 46Moisés qellqanqankunam noqapaq qellqashqa kaykan. Tsaymi pay qellqanqankunata creyirqa noqa ninqäkunatapis creyiyankiman. 47Pay qellqanqankunata mana creyirmi noqa ninqäkunatapis creyiyankitsu>>.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.