Gálatas 3
3
Pablo llakikunqan
1¡Mana tantiyakuq Galacia runakuna! Noqantsik rayku Jesucristo cruzchö wañunqantam tantiyayarqayki. Tsaynö kaykaptinqa ¿pitan engañayäshushkanki [mana alli yachatsikuyta creyiyänaykipaq]? 2Kanan mä willayämay. ¿Moisés qellqanqan leykunata cumplirku o Jesucristupa willakuyninta wiyar payman confiakurku Espíritu Santuta chaskiyashkanki? 3¡Mana tantiyakuq upam kayanki! Espíritu Santu yanapayäshuptikim Dios Yaya munanqannö kawayta qallayashkanki. Tsaynö kaykaptinqa ¿imanirtan Espíritu Santuta mana cäsur Moisés qellqanqan leykunata cumpliyta munaykäyanki? 4Tsaynö karqa ¿manakaqllapaqtsuraq Jesucristuman creyiyanqaykipita sufriyashkanki? Manach manakaqllapaqqa sufriyankimantsu.
5¿Tsay leykunata cumpliyanqaykipitatsuraq Dios Yaya Espíritu Santuta qarayäshushkanki? ¿Leykunata cumpliyanqaykipitatsuraq qamkunachö milagrukunata ruran? Manam tsaypitatsu, sinöqa Jesucristupa alli willakuyninta wiyar payman confiakuyanqaykipitam.
Abrahamnö confiakur salvakashqa kanqantsik
6Confiakuptinmi Abrahamtapis jutsannaqtana Dios Yaya chaskirqan.#Gén. 15.6; Rom. 4.3. 7Shumaq tantiyakuyay. Dios Yayaman confiakurqa mayqan casta karpis Abrahampa castanmi kantsik.#Rom. 4.16.
8Dios Yayapa palabranmi nin mana Israel kaqkunatapis payman confiakuyanqanpita Dios Yaya perdonananpaq kanqanta. Tsaymi alli willakuyninta Abrahamta Dios Yaya willar nirqan: <<Qam raykum llapan casta runakunapis bendicionnïta chaskiyanqa>>.#Gén. 12.3.
9Tsaymi noqantsikpis Dios Yayaman confiakur bendicionta Abraham chaskinqannö bendicionta chaskintsik.#3.9 Tsay bendicionqa salvacionmi kaykan (Hech. 3.26).
10 Moisés qellqanqan leykunata cumplir salvashqa kayta yarpaqkunam llapanpis maldicionädu kayan. Dios Yayapa palabranmi nin: <<Llapan qellqashqa leykunata mana cumpliq kaqmi maldicionashqa kanqa>>.#Deut. 27.26.
11Moisés qellqanqan leykunawanqa manam ni mayqanpis salvakäyanqatsu. Tsaypaqmi Dios Yayapa palabranchö nin: <<Munanqänö kawaq runaqa noqaman confiakamurmi kawanqa>>.#Hab. 2.4; Rom. 1.17.
12Moisés qellqanqan leykunaqa manam Diosman creyikur salvakänapaqtsu parlan, sinöqa nin: <<Leynïkunata cumpliq kaq runaqa llapantam cumplinman>>.#Lev. 18.5; Rom. 10.5.
13Peru tsay leykunata cumpliyta mana puëdirmi maldicionädu karqantsik. Tsaymi noqantsikpa rantintsik maldicionädu runanö wañur Jesucristo salvamashkantsik. Dios Yayapa palabranmi nin: <<Pipa cuerpunpis qeruchö warkaraptinmi tsay runa maldicionashqa kanqa>>.#Deut. 21.23.
14Jesucristupis tsaynö wañurqan Abrahamta Dios Yaya prometinqan bendicionta mana Israel kaqkunapis chaskiyänanpaqmi. Tsaymi Jesucristuman confiakur Dios Yaya prometinqan Espíritu Santuta chaskintsik.
Abrahamta Dios Yaya prometinqan
15Wawqikuna y panikuna, kanan runakuna rurayanqan testamentuman iwalatsirmi tantiyatsiyäshayki. Musyanqantsiknömi testamentuta rurar firmaskiptinqa ni pipis manakaqman churannatsu ni imatapis yapannatsu. Tsaynöllam Dios Yaya prometinqanpis kaykan.
16Pay prometinqanmi Abrahampaq y paypita miraqpaq kaykan. Manam Abrahampita llapan miraqkunapaq kanqantatsu Dios Yaya nirqan, sinöqa paypita miraq jukllayllapaq kanqantam nirqan.#3.16 Tsaynömi nin Gén. 12.7 versïculuchö. Hebreo y griego idiömachöqa atska miraqkuna ninqan y jukllaylla miraq ninqanpis tsay palabrallam. Tsaynö nirqa Jesucristupaqmi parlarqan.
17Tsaymi niyaq: Abrahamwan pactuta [Cristuchö] ruranqanpita chusku pachak kimsa chunka (430) watataraqmi Dios Yaya leyninkunata Moisésta entregarqan.#Éxo. 12.40. Qepataraq shamushqa karmi Abrahamta prometinqanta anulashqatsu. 18Tsaynö kaptinmi Moisés qellqanqan leykunata cumplinqantsikpitatsu salvakantsik, sinöqa Abrahamta prometinqanta Dios Yaya cumpliptinmi. Moisés qellqanqan leykunata cumplinqantsikpita salvakäna kaptinqa Dios Yaya prometinqanpis manakaqllapaqmi kanman karqan.#Rom. 4.14.
Moisés qellqanqan leykuna imapaq kanqan
19Tsaynö kaykaptinqa ¿imapaqtan tsay leykuna? Runakuna jutsayuq kayanqanta tantiyayänanpaqmi tsay leykunata Dios Yaya Moisésta entregarqan.#Rom. 3.20; 7.7. Tsaynö kaptinpis tsay leykunaqa Jesucristo shamunqanyaqllam karqan. Paymi Abrahamta Dios Yaya prometinqan runa kaykan.
Tsaynöllam Dios Yaya leyninkunata angelkunawan Moisésta entregatsirqan.#Hech. 7.38, 53; Heb. 2.2. Moisésnam tsay leykunata runakunata willarqan. 20Peru Abrahamta prometirmi sïqa jukwan willatsinqanpa rantin kikin Dios Yaya parlaparqan.
21Tsaynö kaykaptinqa ¿Dios Yayapa leyninkuna salvamänapaqtsuraq kaykan? ¡Manam! Tsay leykuna salvamänapaq kaptinqa prometinqantam Dios Yaya manakaqman churanman karqan. Salvamänapaq kaptinqa leyninkunata cumplirmi salvakushwan karqan. 22Peru Dios Yayapa palabranmi nin llapantsikpis jutsayuq kanqantsikta. Jesucristuman creyikurraqmi Dios Yaya prometinqanta chaskir salvakantsik.
23Jesucristuman manaraq creyikushqam Moisés qellqanqan leykuna poderninchö katsimarqantsik. Tsaynö katsimashkantsik Jesucristo shamunqanyaqmi. 24Tsurinta rïcu runa wätayninpa poderninman churanqannömi noqantsiktapis Dios Yaya tsay leykunapa poderninman churamashkantsik. Tsaynömi churamashkantsik Jesucristo shamuptin payman creyikur salvakänapaq. 25Wamra jatunyarkur wätaqninpa poderninchö manana kanqannömi Jesucristuman creyikur Moisés qellqanqan leykunapa poderninchönatsu kantsik.
Dios Yayapa wamranna kanqantsik
26Wawqikuna y panikuna, Jesucristuman creyikurmi kananqa Dios Yayapa wamranna kantsik. 27Tsaynöllam bautizakuskirqa Jesucristuwan jukllayllanö kar paypa poderninchöna kantsik. 28Tsaymi Israel runa o mana Israel runa karpis, servikuq o mana servikuq karpis, ollqu o warmi karpis Jesucristuchö karqa Dios Yayapa wamranna kantsik. 29Tsaynöllam Jesucristuman creyikur Abrahampita miraqna kantsik. Tsaynöpam Abrahamta Dios Yaya prometinqanta noqantsikpis chaskintsik.#Rom. 4.13.
Currently Selected:
Gálatas 3: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Gálatas 3
3
Pablo llakikunqan
1¡Mana tantiyakuq Galacia runakuna! Noqantsik rayku Jesucristo cruzchö wañunqantam tantiyayarqayki. Tsaynö kaykaptinqa ¿pitan engañayäshushkanki [mana alli yachatsikuyta creyiyänaykipaq]? 2Kanan mä willayämay. ¿Moisés qellqanqan leykunata cumplirku o Jesucristupa willakuyninta wiyar payman confiakurku Espíritu Santuta chaskiyashkanki? 3¡Mana tantiyakuq upam kayanki! Espíritu Santu yanapayäshuptikim Dios Yaya munanqannö kawayta qallayashkanki. Tsaynö kaykaptinqa ¿imanirtan Espíritu Santuta mana cäsur Moisés qellqanqan leykunata cumpliyta munaykäyanki? 4Tsaynö karqa ¿manakaqllapaqtsuraq Jesucristuman creyiyanqaykipita sufriyashkanki? Manach manakaqllapaqqa sufriyankimantsu.
5¿Tsay leykunata cumpliyanqaykipitatsuraq Dios Yaya Espíritu Santuta qarayäshushkanki? ¿Leykunata cumpliyanqaykipitatsuraq qamkunachö milagrukunata ruran? Manam tsaypitatsu, sinöqa Jesucristupa alli willakuyninta wiyar payman confiakuyanqaykipitam.
Abrahamnö confiakur salvakashqa kanqantsik
6Confiakuptinmi Abrahamtapis jutsannaqtana Dios Yaya chaskirqan.#Gén. 15.6; Rom. 4.3. 7Shumaq tantiyakuyay. Dios Yayaman confiakurqa mayqan casta karpis Abrahampa castanmi kantsik.#Rom. 4.16.
8Dios Yayapa palabranmi nin mana Israel kaqkunatapis payman confiakuyanqanpita Dios Yaya perdonananpaq kanqanta. Tsaymi alli willakuyninta Abrahamta Dios Yaya willar nirqan: <<Qam raykum llapan casta runakunapis bendicionnïta chaskiyanqa>>.#Gén. 12.3.
9Tsaymi noqantsikpis Dios Yayaman confiakur bendicionta Abraham chaskinqannö bendicionta chaskintsik.#3.9 Tsay bendicionqa salvacionmi kaykan (Hech. 3.26).
10 Moisés qellqanqan leykunata cumplir salvashqa kayta yarpaqkunam llapanpis maldicionädu kayan. Dios Yayapa palabranmi nin: <<Llapan qellqashqa leykunata mana cumpliq kaqmi maldicionashqa kanqa>>.#Deut. 27.26.
11Moisés qellqanqan leykunawanqa manam ni mayqanpis salvakäyanqatsu. Tsaypaqmi Dios Yayapa palabranchö nin: <<Munanqänö kawaq runaqa noqaman confiakamurmi kawanqa>>.#Hab. 2.4; Rom. 1.17.
12Moisés qellqanqan leykunaqa manam Diosman creyikur salvakänapaqtsu parlan, sinöqa nin: <<Leynïkunata cumpliq kaq runaqa llapantam cumplinman>>.#Lev. 18.5; Rom. 10.5.
13Peru tsay leykunata cumpliyta mana puëdirmi maldicionädu karqantsik. Tsaymi noqantsikpa rantintsik maldicionädu runanö wañur Jesucristo salvamashkantsik. Dios Yayapa palabranmi nin: <<Pipa cuerpunpis qeruchö warkaraptinmi tsay runa maldicionashqa kanqa>>.#Deut. 21.23.
14Jesucristupis tsaynö wañurqan Abrahamta Dios Yaya prometinqan bendicionta mana Israel kaqkunapis chaskiyänanpaqmi. Tsaymi Jesucristuman confiakur Dios Yaya prometinqan Espíritu Santuta chaskintsik.
Abrahamta Dios Yaya prometinqan
15Wawqikuna y panikuna, kanan runakuna rurayanqan testamentuman iwalatsirmi tantiyatsiyäshayki. Musyanqantsiknömi testamentuta rurar firmaskiptinqa ni pipis manakaqman churannatsu ni imatapis yapannatsu. Tsaynöllam Dios Yaya prometinqanpis kaykan.
16Pay prometinqanmi Abrahampaq y paypita miraqpaq kaykan. Manam Abrahampita llapan miraqkunapaq kanqantatsu Dios Yaya nirqan, sinöqa paypita miraq jukllayllapaq kanqantam nirqan.#3.16 Tsaynömi nin Gén. 12.7 versïculuchö. Hebreo y griego idiömachöqa atska miraqkuna ninqan y jukllaylla miraq ninqanpis tsay palabrallam. Tsaynö nirqa Jesucristupaqmi parlarqan.
17Tsaymi niyaq: Abrahamwan pactuta [Cristuchö] ruranqanpita chusku pachak kimsa chunka (430) watataraqmi Dios Yaya leyninkunata Moisésta entregarqan.#Éxo. 12.40. Qepataraq shamushqa karmi Abrahamta prometinqanta anulashqatsu. 18Tsaynö kaptinmi Moisés qellqanqan leykunata cumplinqantsikpitatsu salvakantsik, sinöqa Abrahamta prometinqanta Dios Yaya cumpliptinmi. Moisés qellqanqan leykunata cumplinqantsikpita salvakäna kaptinqa Dios Yaya prometinqanpis manakaqllapaqmi kanman karqan.#Rom. 4.14.
Moisés qellqanqan leykuna imapaq kanqan
19Tsaynö kaykaptinqa ¿imapaqtan tsay leykuna? Runakuna jutsayuq kayanqanta tantiyayänanpaqmi tsay leykunata Dios Yaya Moisésta entregarqan.#Rom. 3.20; 7.7. Tsaynö kaptinpis tsay leykunaqa Jesucristo shamunqanyaqllam karqan. Paymi Abrahamta Dios Yaya prometinqan runa kaykan.
Tsaynöllam Dios Yaya leyninkunata angelkunawan Moisésta entregatsirqan.#Hech. 7.38, 53; Heb. 2.2. Moisésnam tsay leykunata runakunata willarqan. 20Peru Abrahamta prometirmi sïqa jukwan willatsinqanpa rantin kikin Dios Yaya parlaparqan.
21Tsaynö kaykaptinqa ¿Dios Yayapa leyninkuna salvamänapaqtsuraq kaykan? ¡Manam! Tsay leykuna salvamänapaq kaptinqa prometinqantam Dios Yaya manakaqman churanman karqan. Salvamänapaq kaptinqa leyninkunata cumplirmi salvakushwan karqan. 22Peru Dios Yayapa palabranmi nin llapantsikpis jutsayuq kanqantsikta. Jesucristuman creyikurraqmi Dios Yaya prometinqanta chaskir salvakantsik.
23Jesucristuman manaraq creyikushqam Moisés qellqanqan leykuna poderninchö katsimarqantsik. Tsaynö katsimashkantsik Jesucristo shamunqanyaqmi. 24Tsurinta rïcu runa wätayninpa poderninman churanqannömi noqantsiktapis Dios Yaya tsay leykunapa poderninman churamashkantsik. Tsaynömi churamashkantsik Jesucristo shamuptin payman creyikur salvakänapaq. 25Wamra jatunyarkur wätaqninpa poderninchö manana kanqannömi Jesucristuman creyikur Moisés qellqanqan leykunapa poderninchönatsu kantsik.
Dios Yayapa wamranna kanqantsik
26Wawqikuna y panikuna, Jesucristuman creyikurmi kananqa Dios Yayapa wamranna kantsik. 27Tsaynöllam bautizakuskirqa Jesucristuwan jukllayllanö kar paypa poderninchöna kantsik. 28Tsaymi Israel runa o mana Israel runa karpis, servikuq o mana servikuq karpis, ollqu o warmi karpis Jesucristuchö karqa Dios Yayapa wamranna kantsik. 29Tsaynöllam Jesucristuman creyikur Abrahampita miraqna kantsik. Tsaynöpam Abrahamta Dios Yaya prometinqanta noqantsikpis chaskintsik.#Rom. 4.13.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.