2 Juan 1
1
Apóstol Juan saludakunqan
1Dios Yaya akranqan warmi y wawankuna:#1.1 Dios Yaya akranqan warmi nirqa juk markachö iglesiapaqmi nin. Wawankuna nirqa tsay iglesiachö qorikaq wawqikunapaq y panikunapaqmi nin.
Mayor wawqi karmi kay cartata cartakamü. Qamkunatam llapan shonqüwan alläpa kuyayaq. Manam noqallatsu kuyayaq, sinöqa Dios Yayapa willakuyninta chaskiqkunapis llapanmi kuyayäshunki. 2Qamkunatam kuyayaq Dios Yayapa willakuyninta noqakunanö chaskishqa kayaptiki. Alli willakuynintaqa manam imaypis qonqashuntsu. 3Dios Yayawan Tsurin Jesucristo llakipäyäshurniki alli päsakuychö kawayänaykipaq y alli willakuynin ninqannö kawar kuyanakuyänaykipaq yanapaykuyälläshuy.
Kuyanakur kawanapaq ninqan
4Wakin kaq wamraykikuna Dios Yayapa mandamientun ninqannölla kawaykäyanqanta musyaskirmi alläpa kushikü.#1Juan 3.23; 3Juan 3. 5Tsaymi alläpa rugayaq juknin jukninwanpis kuyanakuyänaykipaq. Kay mandamientuqa manam mushuqtsu, sinöqa unaypitanam musyashkantsik.#Juan 13.34; 15.12, 17. 6Rasunpa kuyakuq karqa Dios Yayapa mandamientunkunata cäsushun. Paypa mandamientunmi <<kuyanakuyay>> nimantsik. Kuyanakunapaq kanqantaqa unaypitanam musyashkantsik.#Juan 14.15, 23-24; 1Juan 5.3.
Mana alli yachatsikuqkuna puriyanqan
7Kay patsachömi atskaq mana alli yachatsikuqkuna puriykäyan. Paykunam niyan: <<Jesucristuqa manam rasunpa runatsu>>. Runakunata tsaynö creyitsirmi anticristo kayan.#1Juan 2.18; 4.1-3. 8Cuidädutaq tsay runakuna qamkunatapis creyitsiyäshunkiman. Creyitsiyäshuptikiqa Jesucristupa willakuyninta chaskikuyanqaykipis manakaqllapaqmi kanqa. Tsay mana alli yachatsikuqkunata mana chaskirmi sïqa gloriachö premiuta chaskiyanki.
9Pipis Jesucristupa willakuyninta dëjaskir mana alli yachatsikuykunata chaskirqa manam rasunpatsu Dios Yayawan kaykan. Peru Jesucristupa willakuyninta mana dëjaqkunam sïqa Jesucristuwan y Dios Yayawanpis rasunpa kaykäyan.#1Juan 2.22-23.
10Llutan yachatsikuqkuna chäyämuptin ama chaskiyaytsu ni wajikikunamanpis patsatsiyaytsu. 11Llutan yachatsikuqkunata chaskirqa paykunapa yanapaqninmi kaykäyan.
Cartapa ushanan
12Masraqmi niyänaqpaq kan. Peru cartallachöqa manam qellqamümantsu. Kikï shamurmi mastaqa niyäshayki.#3Juan 13-14. Tsaymi llapantsik kushikushun.
13Dios Yaya akranqan ñañaykipa wawankunam#1.13 Dios Yaya akranqan ñañayki nirqa juk markachö iglesiapaqmi nin. Wawankuna nirqa tsay iglesiachö qorikaq wawqikunapaq y panikunapaqmi nin. saludayämushunki. [Amén.]
Currently Selected:
2 Juan 1: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.