2 MAKABAYO 7
7
Abaana abasiani nende nyinabwe beerwa khulwa obusuubili bwabwe
1 #
Abaheb. 11:35,36 Inyanga yindi, omukhasi omuyahudi halala nabaanabe abasiani musafu batiilwa. Omuruchi yalachilisia mbu banywekhwe nemisharati khandi balunyibwe okhulia inyama yeimbitsi. 2Mana mulala khubasianibe abo nareeba ari, “Kho nishiina eshiamulanyoola mukamukholanga kano? Ifwe khwirecheshe okhufwa nebutswa shikhunyala okhulekha emilukha chiabakuuka befwe tawe.”
3Amakhuwa ako kasinyisia omuruchi muno, nalachilisia mbu, ebifuria nende ebirobotobo bisambwe mumulilo biyie pia. 4Olwa biali nibiyiile pia, omuruchi yalachilisia mbu omusiani wali naboolile amakhuwa ako atetwe olulimilwe nende okhukhobolwa eshikhoba shiokhumurwekwe, khandi mbu bakhalache amakhonoke nebilenjebie, nyinamwana nabasiani babwe basasaba abo nibareerekhwo tsimoni. 5Omusiani oyo yakhalakwamwo ebitonye natong'a butswa eshirundu, nebutswa yali nashiheelanga. Mana omuruchi nalachilisia mbu bamutsiiyile mushifulia eshiali nishiyiile pia eshio. Omwosi kwatumuukha okhurula mushifulia eshio, nebutswa abasiani babwe nende nyinabwe batsuubana mbu boome ikholo, kho mbu kata nibaba nibeerwa bafwe neitswoni, nibaboolelana bari, 6#Okhuk. 32:36“OMWAMI Nyasaye alolanga kano, khandi amanyile okhusandibwa khwefwe. Musa yalolesia habulafu amakhuwa ako, olwa yakaasia olwimbo lwokhufukula abahunzukha okhurula khunjila eya OMWAMI Nyasaye, naboola ari, ‘OMWAMI Nyasaye alabababeela abo abamukhalabanilanga.’ ”
7Olunyuma lwokhwiirwa khwomusiani wambeli oyo, abelihe bamureera owakhabili ne nibachaaka okhwisangasia khulwa okhurandulula likhoba liokhumurwekwe nibakhwesa liswilie, ne nibamureeba bari, “Kho olalia inyama yeimbitsi noho khukhalache amakhono nende ebilenjebio?”
8Omusiani oyo nabakalusia mululimi lwabakuukabe ari; “Shienyala okhulia inyama yeimbitsi kata nahatutu tawe!” Kho abelihe nibamusandia shinga olwa bali nibakholile owambeli. 9Nebutswa olwa yali nafwitsanga yalanjilisia naboolela omuruchi ari; “Iwe omwiri! Onyala okhukhwiira nebutswa omuruchi weshialo shiosi alakhulamusia okhurula mubafu nakhuhelesia obulamu bwobumeli, shichila khulondanga amalakoke.”
10Olunyuma lwako abelihe bachaaka okhwisangasia nibamubayila omusiani wakhataru. Olwa bamuboolela okhwasama omunwa yeleesie olulimi elwanyi, yakhola ario bwangu muno. Yanyiila amakhonoke, 11nababoolela niyomile ikholo ari, “Nyasaye niye owambelesia amakhono kano, nebutswa amalakoke namalayi khwisia okhushila amakhono kano. Emanyile Nyasaye alingalusilia amakhono ako khandi.” 12Omuruchi halala nabandube bahuchisibwa neitswoniye, khandi shinga olwa yali niyerecheshe okhusandibwa.
13Olunyuma lwokhwiirwa, abelihe bamusandia omusiani wakhane munjila imbi ndala eyo, 14habula olwa yali nali hambi okhufwa yaboola ari, “Endi nobusaangaali muno okhufwila mumakhonoko iwe Antioko, okhuba khuli nobusuubili mbu Nyasaye alakhulamusia okhurula mukhufwa. Nebutswa iwe, Antioko, shiwakhalamusibwekhwo ta!”
15Olwa abelihe babukula omusiani wakharano oyo nibachaaka okhumusandia, 16yarangaala omuruchi mumoni shilunji, namuboolela ari, “Oli nobunyali okhukhukhola ifwe liosi liosi elia wenya, nebutswa omanye mbu iwe butswa omundu namundu, wesi wakhafwe. Nebutswa olapaara mbu Nyasaye yebala abandu befwe tawe. 17Liinda butswa nolole. Nyasaye yakhekhoonyela obunyalibwe obukhongo okhukhusandia iwe nende abolwibulolwo.”
18Mana abelihe nibabukula omusiani wakhasasaba. Naye olwa yali nashili okhufwa, yaboola ari, “Shimulekaatie abeene ta. Ifwe khusandanga shinga olwa kakhukhoyele, shichila khwamwonoonela Nyasaye wefwe. Niko akachila amabi kano koosi nikakhukwila. 19Nebutswa shimulapaare nahatutu mbu mwakhahonokoshe okhunyoola eshinyasio khulwa okhumulwana Nyasaye ta.”
20Nyinamwana abasiani abo naye yahuchisiakhwo abandu kata okhushilakhwo abasianibe, ne akhoyile okhwitsulilwa munjila yoluyali. Kata olwa yalola abasianibe boosi musaafu nibeerwa khunyanga ndala, yefwila neitswoni ikhongo, okhuba yali niyesika OMWAMI Nyasaye. 21Yatinyisia buli mulala khubaanabe abasiani abo mululimi lwabakuuka babwe, ne niyetsuulemwo omwoyo kweitswoni, yaboola amakhuwa niyoomile ikholo shinga omundu musaatsa nababoolela ari, 22“Shiemanyile shinga olwa walongwa mulubeleshelo lwanje ta, khandi shiendi isie owakhuhelesia obulamu kata emiuya chiokhuheela, noho okhulimaasia amakumbako halala tawe. 23Khulweshio, Nyasaye, owalonga eshialo, abandu boosi nende ebindu biosi ebiliho, mutsimbabasitsie, alakhukalusilia obulamu nende emiuya chiokhuheela, shichila oheelile amalakoke okhushila shinga olwa weheelila omwene.”
24Antioko namanyiile elala mbu, omukhasi oyo yali namutseshelelanga, yateema okhukaatilisia omusianiwe omushe, owali nashili omulamu mbu aleshe okhulondana nemilukha chiabakuukabe. Namwitsubila okhumuhelesia obuyinda obunji nokhumukhola amanyishe nende okhumuhelesia obunyali mana alangwe mbu “Omwitsa womuruchi.” 25Nebutswa omusiani oyo shiyahulila amakhuwa ako ta, mana nikachila omuruchi Antioko nateema okhumwisaaya nyinamwana omusiani oyo mbu amuhombelesie, kho mbu ahonokosie obulamubwe. 26Olunyuma lwokhuhombelesibwa khulwa oluhoono olurambi, nyinamwana yafuchilila okhuboola nomusianiwe. 27Yekaatia niyenama ahambi nomusianiwe oyo, namuboolela mululimi lwabwe ari: “Mwana wanje, umbeelelelekhwo. Witsulile shinga olwa ndakhuchinga munda mwanje emiesi shienda, mana nekhukhusia khulwemiyika chitaru. Ekhulelilenje nekhuhelesia ebia wenya biosi okhuula olwa leelo. 28Bulaano mwana wanje, ekhusaaya mbu orangaale likulu nende eshialo. Ohenjelesie obulayi olole ebilimwo, mana omanyilisie mbu Nyasaye niye owalonga ebindu ebio biosi obulekhoonyelakhwo eshindu shindi shiosi shiosi ta, shinga olwa yalonga butswa abandu. 29Shiolaria omwiri uno ta. Wihaane omwene okhwiirwa, mana ololesie mbu wesi oli omwifwili shinga abashio, kho mungalushile mwesi ninabo khunduukho yobulamushi khulwa tsimbabasi tsia Nyasaye.”
30Kata nyina nashili okhumala okhumuboolela kano, omusiani oyo yamureeba omuruchi, “Olindanga shiina Omuruchi Antioko? Endobile okhukhola aka wundachilisinjia. Ekholanga butswa kalia akali mumalako ka Musa yahelesia abakuuka befwe. 31Wakulukunza obubii obunji okhukholela abandu befwe, nebutswa sholihonokokha eshinyaasio eshia Nyasaye yakhubiishila tawe. 32Okhuba ni tieli khusandanga khulwa obwonooni bwefwe. 33Nyasaye wefwe Ouli Mwoyo yakhusinyishiile. Nishio eshichila nakhusandinjia khulwa okhukhukololosia. Okhusanda khuno khulaba khulwa oluhoono olututu butswa, shichila khushili abakhalabanibe, naye alakhuleshela. 34Nebutswa iwe niwe omundu omutinyu khandi omubii okhushila bosi. Sholekaatia nopaara mbu olaba omukhulundu, lwoba nosandinjia abandu ba Nyasaye ta. 35Yibulaho injila yolahonokoshelamwo eshinyaasio shia Nyasaye Owunyala Biosi, khandi Owulolanga Koosi tawe. 36Abasiani befwe basandile hatutu khulwa obwisiikwa bwefwe khundakano ya Nyasaye, nebutswa bulano benjiile nubulamu bwobumeli. Halali Nyasaye alakhukhalachila iwe nawe, nakhuhelesia eshinyaasio eshikhukhoyeele khulwa okhubeela injiniayo. 37Bulano ndihaana omubili halala nende obulamu bwanje khulwa amalako kabakuuka banje, shinga olwa abasiani befwe bakholile. Nebutswa emusaya Nyasaye yanguyilisie okhukholela abandube aketsimbabasi, ne akhusalisie okhuula olwa wiyasa norumbula mbu ye yenyene niye Nyasaye. 38Shiakhuha isie nabasiani befwe khwaba abomwisho okhusandibwa khulwa oburuma bwa Nyasaye Owunyala Biosi, okhwa lihanga liefwe linyoolile shichila likhukhoyeele.”
39Amakhuwa kano kamulalusia Omuruchi Antioko noburuma, nalachilisia omusiani oyo okhusalisibwa obubii okhushilakhwo kata abasiani babwe. 40Nilwo lwomusiani oyo yafwa, namusubiliile Omwami kupu, oburamukanakaniakhwo nahatutu ta.
41Olunyuma lwene, nyinabwe yeerwa.
42Ndakhaboola akahela khu Bayahudi abasandibungwa nibalunyibwa okhulia amala akemiruko echiamalungwa emisango.
Currently Selected:
2 MAKABAYO 7: OLUDC
Highlight
Share
Copy
Want to have your highlights saved across all your devices? Sign up or sign in
2 MAKABAYO 7
7
Abaana abasiani nende nyinabwe beerwa khulwa obusuubili bwabwe
1 #
Abaheb. 11:35,36 Inyanga yindi, omukhasi omuyahudi halala nabaanabe abasiani musafu batiilwa. Omuruchi yalachilisia mbu banywekhwe nemisharati khandi balunyibwe okhulia inyama yeimbitsi. 2Mana mulala khubasianibe abo nareeba ari, “Kho nishiina eshiamulanyoola mukamukholanga kano? Ifwe khwirecheshe okhufwa nebutswa shikhunyala okhulekha emilukha chiabakuuka befwe tawe.”
3Amakhuwa ako kasinyisia omuruchi muno, nalachilisia mbu, ebifuria nende ebirobotobo bisambwe mumulilo biyie pia. 4Olwa biali nibiyiile pia, omuruchi yalachilisia mbu omusiani wali naboolile amakhuwa ako atetwe olulimilwe nende okhukhobolwa eshikhoba shiokhumurwekwe, khandi mbu bakhalache amakhonoke nebilenjebie, nyinamwana nabasiani babwe basasaba abo nibareerekhwo tsimoni. 5Omusiani oyo yakhalakwamwo ebitonye natong'a butswa eshirundu, nebutswa yali nashiheelanga. Mana omuruchi nalachilisia mbu bamutsiiyile mushifulia eshiali nishiyiile pia eshio. Omwosi kwatumuukha okhurula mushifulia eshio, nebutswa abasiani babwe nende nyinabwe batsuubana mbu boome ikholo, kho mbu kata nibaba nibeerwa bafwe neitswoni, nibaboolelana bari, 6#Okhuk. 32:36“OMWAMI Nyasaye alolanga kano, khandi amanyile okhusandibwa khwefwe. Musa yalolesia habulafu amakhuwa ako, olwa yakaasia olwimbo lwokhufukula abahunzukha okhurula khunjila eya OMWAMI Nyasaye, naboola ari, ‘OMWAMI Nyasaye alabababeela abo abamukhalabanilanga.’ ”
7Olunyuma lwokhwiirwa khwomusiani wambeli oyo, abelihe bamureera owakhabili ne nibachaaka okhwisangasia khulwa okhurandulula likhoba liokhumurwekwe nibakhwesa liswilie, ne nibamureeba bari, “Kho olalia inyama yeimbitsi noho khukhalache amakhono nende ebilenjebio?”
8Omusiani oyo nabakalusia mululimi lwabakuukabe ari; “Shienyala okhulia inyama yeimbitsi kata nahatutu tawe!” Kho abelihe nibamusandia shinga olwa bali nibakholile owambeli. 9Nebutswa olwa yali nafwitsanga yalanjilisia naboolela omuruchi ari; “Iwe omwiri! Onyala okhukhwiira nebutswa omuruchi weshialo shiosi alakhulamusia okhurula mubafu nakhuhelesia obulamu bwobumeli, shichila khulondanga amalakoke.”
10Olunyuma lwako abelihe bachaaka okhwisangasia nibamubayila omusiani wakhataru. Olwa bamuboolela okhwasama omunwa yeleesie olulimi elwanyi, yakhola ario bwangu muno. Yanyiila amakhonoke, 11nababoolela niyomile ikholo ari, “Nyasaye niye owambelesia amakhono kano, nebutswa amalakoke namalayi khwisia okhushila amakhono kano. Emanyile Nyasaye alingalusilia amakhono ako khandi.” 12Omuruchi halala nabandube bahuchisibwa neitswoniye, khandi shinga olwa yali niyerecheshe okhusandibwa.
13Olunyuma lwokhwiirwa, abelihe bamusandia omusiani wakhane munjila imbi ndala eyo, 14habula olwa yali nali hambi okhufwa yaboola ari, “Endi nobusaangaali muno okhufwila mumakhonoko iwe Antioko, okhuba khuli nobusuubili mbu Nyasaye alakhulamusia okhurula mukhufwa. Nebutswa iwe, Antioko, shiwakhalamusibwekhwo ta!”
15Olwa abelihe babukula omusiani wakharano oyo nibachaaka okhumusandia, 16yarangaala omuruchi mumoni shilunji, namuboolela ari, “Oli nobunyali okhukhukhola ifwe liosi liosi elia wenya, nebutswa omanye mbu iwe butswa omundu namundu, wesi wakhafwe. Nebutswa olapaara mbu Nyasaye yebala abandu befwe tawe. 17Liinda butswa nolole. Nyasaye yakhekhoonyela obunyalibwe obukhongo okhukhusandia iwe nende abolwibulolwo.”
18Mana abelihe nibabukula omusiani wakhasasaba. Naye olwa yali nashili okhufwa, yaboola ari, “Shimulekaatie abeene ta. Ifwe khusandanga shinga olwa kakhukhoyele, shichila khwamwonoonela Nyasaye wefwe. Niko akachila amabi kano koosi nikakhukwila. 19Nebutswa shimulapaare nahatutu mbu mwakhahonokoshe okhunyoola eshinyasio khulwa okhumulwana Nyasaye ta.”
20Nyinamwana abasiani abo naye yahuchisiakhwo abandu kata okhushilakhwo abasianibe, ne akhoyile okhwitsulilwa munjila yoluyali. Kata olwa yalola abasianibe boosi musaafu nibeerwa khunyanga ndala, yefwila neitswoni ikhongo, okhuba yali niyesika OMWAMI Nyasaye. 21Yatinyisia buli mulala khubaanabe abasiani abo mululimi lwabakuuka babwe, ne niyetsuulemwo omwoyo kweitswoni, yaboola amakhuwa niyoomile ikholo shinga omundu musaatsa nababoolela ari, 22“Shiemanyile shinga olwa walongwa mulubeleshelo lwanje ta, khandi shiendi isie owakhuhelesia obulamu kata emiuya chiokhuheela, noho okhulimaasia amakumbako halala tawe. 23Khulweshio, Nyasaye, owalonga eshialo, abandu boosi nende ebindu biosi ebiliho, mutsimbabasitsie, alakhukalusilia obulamu nende emiuya chiokhuheela, shichila oheelile amalakoke okhushila shinga olwa weheelila omwene.”
24Antioko namanyiile elala mbu, omukhasi oyo yali namutseshelelanga, yateema okhukaatilisia omusianiwe omushe, owali nashili omulamu mbu aleshe okhulondana nemilukha chiabakuukabe. Namwitsubila okhumuhelesia obuyinda obunji nokhumukhola amanyishe nende okhumuhelesia obunyali mana alangwe mbu “Omwitsa womuruchi.” 25Nebutswa omusiani oyo shiyahulila amakhuwa ako ta, mana nikachila omuruchi Antioko nateema okhumwisaaya nyinamwana omusiani oyo mbu amuhombelesie, kho mbu ahonokosie obulamubwe. 26Olunyuma lwokhuhombelesibwa khulwa oluhoono olurambi, nyinamwana yafuchilila okhuboola nomusianiwe. 27Yekaatia niyenama ahambi nomusianiwe oyo, namuboolela mululimi lwabwe ari: “Mwana wanje, umbeelelelekhwo. Witsulile shinga olwa ndakhuchinga munda mwanje emiesi shienda, mana nekhukhusia khulwemiyika chitaru. Ekhulelilenje nekhuhelesia ebia wenya biosi okhuula olwa leelo. 28Bulaano mwana wanje, ekhusaaya mbu orangaale likulu nende eshialo. Ohenjelesie obulayi olole ebilimwo, mana omanyilisie mbu Nyasaye niye owalonga ebindu ebio biosi obulekhoonyelakhwo eshindu shindi shiosi shiosi ta, shinga olwa yalonga butswa abandu. 29Shiolaria omwiri uno ta. Wihaane omwene okhwiirwa, mana ololesie mbu wesi oli omwifwili shinga abashio, kho mungalushile mwesi ninabo khunduukho yobulamushi khulwa tsimbabasi tsia Nyasaye.”
30Kata nyina nashili okhumala okhumuboolela kano, omusiani oyo yamureeba omuruchi, “Olindanga shiina Omuruchi Antioko? Endobile okhukhola aka wundachilisinjia. Ekholanga butswa kalia akali mumalako ka Musa yahelesia abakuuka befwe. 31Wakulukunza obubii obunji okhukholela abandu befwe, nebutswa sholihonokokha eshinyaasio eshia Nyasaye yakhubiishila tawe. 32Okhuba ni tieli khusandanga khulwa obwonooni bwefwe. 33Nyasaye wefwe Ouli Mwoyo yakhusinyishiile. Nishio eshichila nakhusandinjia khulwa okhukhukololosia. Okhusanda khuno khulaba khulwa oluhoono olututu butswa, shichila khushili abakhalabanibe, naye alakhuleshela. 34Nebutswa iwe niwe omundu omutinyu khandi omubii okhushila bosi. Sholekaatia nopaara mbu olaba omukhulundu, lwoba nosandinjia abandu ba Nyasaye ta. 35Yibulaho injila yolahonokoshelamwo eshinyaasio shia Nyasaye Owunyala Biosi, khandi Owulolanga Koosi tawe. 36Abasiani befwe basandile hatutu khulwa obwisiikwa bwefwe khundakano ya Nyasaye, nebutswa bulano benjiile nubulamu bwobumeli. Halali Nyasaye alakhukhalachila iwe nawe, nakhuhelesia eshinyaasio eshikhukhoyeele khulwa okhubeela injiniayo. 37Bulano ndihaana omubili halala nende obulamu bwanje khulwa amalako kabakuuka banje, shinga olwa abasiani befwe bakholile. Nebutswa emusaya Nyasaye yanguyilisie okhukholela abandube aketsimbabasi, ne akhusalisie okhuula olwa wiyasa norumbula mbu ye yenyene niye Nyasaye. 38Shiakhuha isie nabasiani befwe khwaba abomwisho okhusandibwa khulwa oburuma bwa Nyasaye Owunyala Biosi, okhwa lihanga liefwe linyoolile shichila likhukhoyeele.”
39Amakhuwa kano kamulalusia Omuruchi Antioko noburuma, nalachilisia omusiani oyo okhusalisibwa obubii okhushilakhwo kata abasiani babwe. 40Nilwo lwomusiani oyo yafwa, namusubiliile Omwami kupu, oburamukanakaniakhwo nahatutu ta.
41Olunyuma lwene, nyinabwe yeerwa.
42Ndakhaboola akahela khu Bayahudi abasandibungwa nibalunyibwa okhulia amala akemiruko echiamalungwa emisango.
Currently Selected:
:
Highlight
Share
Copy
Want to have your highlights saved across all your devices? Sign up or sign in