Juan 17
17
Tayta Diosta Jesús manakushqan
1Tsayno nirkushpanmi jana patsata rikärir Jesús kayno nirqan: <<Hörä chayamushqanami, Papä.#17.1a Hörä chayamushqanami nirqa wanunanpaq y kawarimunanpaq kashqantami nirqan. Tsuriki kaykaptïqa glorificaykalämay#17.1b Glorificaykalämay nishqanqa wanuypita kawarirkatsimar shuntakalämay y lapanpaqpis munayniyuq kanäpaq churaykalämay ninanmi.. Tsaynöpami noqapis glorificashayki#17.1c Noqapis glorificashayki nishqanqa noqa wanurkur kawarimuptïmi runakuna Tayta Diosta alabanqa ninanmi.. 2Lapan runakunapaq munayniyuq kanäpaqmi churamashqanki. Tsaymi munayniyuq kaykä makïman churamushqayki runakunata mana ushakaq kawayta qonäpaq. 3Mana ushakaq kawayta tariqkunaqa qamtami reqipäkushunki. Tsaynölami noqatapis reqipäkaman. Tsaynöpami tantiyakärin japalayki Dios kashqaykita y noqata kachamashqaykita.
4<<Runakuna alabashunaykipaqmi lapan nimashqaykikunata kay patsacho cumplishqä. 5Papä, kay patsa manaraq kaptin nawpaykicho munayniyuq kashqäno kananpis munayniyuq kanäpaq shuntakalämayna.
6<<Imano kashqaykitapis discïpulükunata yachatsishqämi. Qampa kaptinmi paykunata akrarkur makïman churamushqanki. Tsaymi wilakuynikita wilapaptï cäsukärishqa. 7Kananqa lapan yachatsishqäkuna y rurashqäkuna qam munashqaykino kashqanta musyapäkunnami. 8Lapan nimashqaykitami paykunata yachatsishqä. Tsaymi yachatsishqäkunata chaskikur tantiyakärin qampita kay patsaman shamushqäta.
9<<Manami lapan runakunapaqtsu manakaykämü, sinöqa discïpulükunalapaqmi. Qampa kaptinmi paykunata makïman churamushqanki. 10Lapanpis noqaman yärakamaqkunaqa qampami kaykan y qamman yärakuqkunapis noqapami kaykan. Discïpulükuna yärakamashqanpitami runakuna tantiyakurkaykan noqata kachamashqaykita. 11Kay patsapita qam kaqman kutikamuptïpis paykunaqa kay patsachöraqmi karkaykanqa. Santu Tayta Dios, noqantsi juklayla kashqantsino paykunapis juklaylano kananpaq ali rikaykulay.
12<<Makïman churamushqayki runakunataqa [kay patsacho] alimi rikashqä. Tsayno ali rikaptïmi mayqanpis mana oqrakashqatsu. Jukmi itsanqa Satanás munashqanta rurar oqrakashqa. Tsayno pasashqa Tayta Diospa palabran nishqanno kananpaqmi.#Sal. 41.9; Juan 13.18.
13<<Kananqa qam kaqmannami kutikamushaq. Kay patsacho discïpulükunata yachatsishqä noqa kushishqa kashqäno paykunapis kushishqa kawananpaqmi. 14Wilakuynikita wilapaptïmi chaskikärimashqa. Munashqaykita rurashqäno paykunapis ruraptinmi qamta mana cäsukuq runakuna chikipäkun. 15Chikiptinpis manami kay patsapita jukla pushakunaykipaqtsu manakamü, sinöqa Satanáspita tsapaykunaykipaqmi. 16Qampa makikicho kashqänömi paykunapis makikichöna karkaykan.
17<<Wilakuynikiqa rasun kaqmi kaykan. Wilakuyniki nishqannöla ali kawapäkunanpaq yanapaykulay. 18Kay patsaman kachamashqaykinölami paykunatapis munashqaykita rurananpaq kachaykä. 19Nimashqaykinölami lapantapis cumpliykä. Tsaynöpami noqata rikakamar paykunapis nishqaykikunata cumplipäkunqa.
20<<Manami discïpulükunalapaqtsu manakamü, sinöqa wilakärishqanta chaskikur noqaman yärakamuqkunapaqpis manakamümi. 21Noqantsi juklayla kashqantsino kikinpurapis y noqantsiwanpis juklaylano kawananpaq yanapaykulay. Tsayno kawapäkushqanta rikarmi wakin runakunapis tantiyakärinqa kachamashqayki Cristo kashqäta.
22<<Wilakuynikita tantiyatsimashqaykinölami tantiyatsishqä. Tsaynöpami noqantsi juklayla kashqantsino paykunapis juklaylano kapäkunqa. 23Paykunawan juklaylanömi kaykä y qampis noqawan juklaylami kaykanki. Tsaynöpami paykunapis juk shonqunöla kuyanakur kawapäkuptin kachamashqayki Cristo kashqäta runakuna tantiyapäkunqa. Tsaynöpis tantiyakärinqa noqata kuyamashqaykino paykunatapis kuyashqaykita.
24<<Makïman churamushqayki runakuna noqawan kanantami munä, Papä. Nawpächo karnami rikamanqa munayniyuq kanäpaq churamashqaykita. Kay patsata manaraq kamar kuyamashpaykimi munayniyuq kanäpaq churamarqayki.
25<<Papä, mana cäsushuqniki runakunaqa manami qamta reqishunkitsu. Noqami itsanqa qamta reqï. Tsaynöpis makïman churamushqayki runakunaqa musyanmi kay patsaman kachamashqaykita. 26Qampa wilakuynikitami yachatsishqä. Tsaynölami imaypis yachatsishaq noqawan juklaylano kawapäkunanpaq y noqata kuyamashqaykino paykunapis kuyanakunanpaq>>.
Currently Selected:
Juan 17: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.