2 Juan 1
1
Carta qalaykunan
1Tayta Dios akrashqan warmi y wawankuna:#1.1 Tayta Dios akrashqan warmi nirqa juk markacho iglesiapaqmi niykan. Wawankuna nirqa tsay iglesiacho juntakaq wawqi panikunapaqmi niykan.
Mayor wawqi karmi kay cartata apaykätsimü. Qamkunata lapan shonqüwanmi kuyä. Manami noqalatsu kuyä, sinöqa Tayta Diospa wilakuyninta wakin chaskikuqkunapis kuyashunkimi. 2Qamkunata kuyapäkü Tayta Diospa wilakuyninta noqakunano chaskikushqa kaptikimi. Paypa wilakuynintaqa imaypis manami qonqashuntsu. 3Tayta Dios y Tsurin Jesucristo kuyapäshushpayki ali kawapäkunaykipaq yanapaykuläshunki. Tsaynöpis ali wilakuynin nishqanno kawar kuyanakärinaykipaq yanapaykuläshunki.
Kuyanakur kawanantsipaq nishqan
4Wakin wamraykikuna Tayta Diospa mandamientun nishqanno kawarkaykashqanta rikarmi fiyupa kushikushqä.#1Juan 3.23; 3Juan 3. 5Tsaymi kanan qamta ruwakü jukniki juknikipis kuyanakärinaykipaq. Kay mandamientuqa manami mushuqtsu, sinöqa unaypitanami musyashqantsi.#Juan 13.34; 15.12, 17. 6Rasunpa kuyakuq karqa Tayta Diospa mandamientunkunata cäsukushun. Paypa mandamientunqa nimantsi kuyanakur kawanantsipaqmi. Kuyanakunantsipaq kashqantaqa unaypitanami musyashqantsi.#Juan 14.15, 23-24; 1Juan 5.3.
Lutan yachatsikuqkuna puriykashqan
7Kay patsacho atskaqmi lutan yachatsikuqkuna purirkaykan. Paykunaqa nirkaykan Jesucristo rasunpa runa mana kashqantami. Runakunata tsayno criyitsirmi anticristo karkaykan.#1Juan 2.18; 4.1-3. 8Cuidädu tsay runakuna qamkunatapis criyiykätsishunkiman. Criyitsishuptikiqa Jesucristupa wilakuyninta chaskikärishqaykipis manakaqpaqmi kanqa. Paykunata mana chaskiparmi itsanqa gloriacho premiuta chaskipäkunkipaq.
9Pipis Jesucristupa wilakuyninta kacharir lutan yachatsikuyta chaskiparqa manami rasunpatsu Tayta Diosta chaskikushqa. Jesucristupa wilakuyninta mana kachariqkunami itsanqa Jesucristuta y Tayta Diostapis rasunpa chaskikushqa.#1Juan 2.22-23.
10Tsayno kaykaptinqa lutan yachatsikuqkunata chayamuptin ama chaskipaytsu ni wayikimanpis patsatsiytsu. 11Lutan yachatsikuqkunata chaskipaq kaqqa paykunanömi lutanta rurarkaykan.
Carta ushanan
12Yätsinäpaq maspis kaykanraqmi. Itsanqa cartalacho manami qelqamushaqtsu. Kikï shamurnami mastaqa tantiyatsishayki.#3Juan 13-14. Tsaychömi shumaq kushikushun.
13Tayta Dios akrashqan nanaykipa wawankunapis#1.13 Tayta Dios akrashqan nanayki nirqa juk markacho iglesiapaqmi niykan. Wawankuna nirqa tsay iglesiacho juntakaq wawqi panikunapaqmi niykan. salüdunkunata apatsikamunmi. [Amén.]
Currently Selected:
2 Juan 1: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.