TITO 3
3
Diosca ninanda juyashpami, imatapash cashcatapacha rurashcatashna chasquishca
1Llactata mandajcunata, pueblopi mandajcunatapash, aliguta cazushpa causachun, crijcunataca yarichipangui. Imata cashpapash, aligutaca ruranallacuna shuyanajuchun yarichipangui. 2Ama pitapash nalicachishpa, ama fiñanajushpa causachun yachachingui. Ashtahuangarin juyaita ricuchishpa, ali shunguhuambacha tucui gentecunata yachachingui.
3Ñucanchipash pundaca, juizu illaj, na cazuj, chingashcami causarcanchi. Imatapash nalitalla rurachun yarichimujta gañanshna cazushpami, chaitara rurashpa cushijushpa causarcanchi. Imatapash nalita rurashpa causashpami, shujcuna imata charijtapash ñucapaj cashcanman yashpa ricurcanchi. Shinallata millanayachi tucushcacunami carcanchi, caishujhuan chaishujhuan millanayachirishpami causarcanchi. 4Chashna causajpipash, ñucanchita Quishpichij Taita Diosmi, tucui gentecunata ninandapacha llaquishpa, juyajushcata ricuchimurca. 5Shinami ñucanchitaca, imatapash cashcatapacha rurashpa causashcamandaca, na quishpichirca. Ashtahuangarin ñucanchita llaquishpallami quishpichirca. Paimi, ñucanchi juchacunata maillashpa, cutin huacharishcatashna rurashca. Paipaj jucha illaj Espiritumandami, mushuj causaitapash carashca. 6Chai Espiritutaca, Diosmi ñucanchita Quishpichij Jesucristomanda ashtacata talinshna ñucanchiman caramushca. 7Diosca, paipaj ninan juyaimandami, ñucanchitaca imatapash cashcatapacha rurashcatashna chasquirca. Shinamandami, causaita causagrinata japinataca yariajlla shuyanajunchi.
8Cai shimicunaca, napacha llulla cajpimi Taita Diosta crijcunaca, shinlli tucushpa, imatapash alicunata rurashpa causachun munani. Shina causanaca, tucui gentecunapaj ali minishtirishcapachami. 9Ashtahuangarin yanga parlocunata, ñaupa taitacunapaj shuticunamanda parlocunata, Moisés mandashca shimicunata parlashpa, fiñanajushpa chimbapurajcunataca na uyanachu cangui. Chaicunaca imapajpash nali, yanga parlocunami. 10Crij puracunata shicanyachij runataca, shuj viajella cashpa, ishcai viajeta cashpapash, shinllita tacurijpi na cazungapaj munajpica, llujchishpa cachangui. 11Paica, pandashpami jatun nali juchata rurashca. Paillata ninanda llaquichi tucungapaj, chashna nalita rurajushcata yachashpami, chashna rurana cangui.
Imaguta rurachumbash, Titomanmi mingashca
12Artemas shuti huauquita cashpapash, Tíquico shuti huauquita cashpapash, cambajman cachamushami. Pai chayamujpica, Nicópolis shuti puebloman ñucata ricungapaj ucha shamupangui. Chaipimi, tamia chiri quillacunapica quedasha yajuni. 13Mandajcunahuan ñucanchimanda rimaj Zenas shuti runaman, Apolos shuti runamambash, ama imagupash illaj rinajuchun, aliguta ricushpa carapangui. 14Can chashna carajta ricushpami, ñucanchipura crijcunapash imagupash illajcunaman imatapash alicunata ruranata yariajlla causanata yachajunga. Shina aliguta rurashpami, na yanga causanajunga.
Aliguta causapanguichi, Diospash bendiachun nishpami tucuchishca
15Ñucahuan tiajcunapash tucuillami candaca, alillachu capangui ninajun. Ñucanchita juyaj crijcunatapash, alillachu capanguichi nipangui. Diospaj ninan juyaica, tucui cangunahuan cachunmi munanchi. Shina cachun.
Currently Selected:
TITO 3: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
TITO 3
3
Diosca ninanda juyashpami, imatapash cashcatapacha rurashcatashna chasquishca
1Llactata mandajcunata, pueblopi mandajcunatapash, aliguta cazushpa causachun, crijcunataca yarichipangui. Imata cashpapash, aligutaca ruranallacuna shuyanajuchun yarichipangui. 2Ama pitapash nalicachishpa, ama fiñanajushpa causachun yachachingui. Ashtahuangarin juyaita ricuchishpa, ali shunguhuambacha tucui gentecunata yachachingui.
3Ñucanchipash pundaca, juizu illaj, na cazuj, chingashcami causarcanchi. Imatapash nalitalla rurachun yarichimujta gañanshna cazushpami, chaitara rurashpa cushijushpa causarcanchi. Imatapash nalita rurashpa causashpami, shujcuna imata charijtapash ñucapaj cashcanman yashpa ricurcanchi. Shinallata millanayachi tucushcacunami carcanchi, caishujhuan chaishujhuan millanayachirishpami causarcanchi. 4Chashna causajpipash, ñucanchita Quishpichij Taita Diosmi, tucui gentecunata ninandapacha llaquishpa, juyajushcata ricuchimurca. 5Shinami ñucanchitaca, imatapash cashcatapacha rurashpa causashcamandaca, na quishpichirca. Ashtahuangarin ñucanchita llaquishpallami quishpichirca. Paimi, ñucanchi juchacunata maillashpa, cutin huacharishcatashna rurashca. Paipaj jucha illaj Espiritumandami, mushuj causaitapash carashca. 6Chai Espiritutaca, Diosmi ñucanchita Quishpichij Jesucristomanda ashtacata talinshna ñucanchiman caramushca. 7Diosca, paipaj ninan juyaimandami, ñucanchitaca imatapash cashcatapacha rurashcatashna chasquirca. Shinamandami, causaita causagrinata japinataca yariajlla shuyanajunchi.
8Cai shimicunaca, napacha llulla cajpimi Taita Diosta crijcunaca, shinlli tucushpa, imatapash alicunata rurashpa causachun munani. Shina causanaca, tucui gentecunapaj ali minishtirishcapachami. 9Ashtahuangarin yanga parlocunata, ñaupa taitacunapaj shuticunamanda parlocunata, Moisés mandashca shimicunata parlashpa, fiñanajushpa chimbapurajcunataca na uyanachu cangui. Chaicunaca imapajpash nali, yanga parlocunami. 10Crij puracunata shicanyachij runataca, shuj viajella cashpa, ishcai viajeta cashpapash, shinllita tacurijpi na cazungapaj munajpica, llujchishpa cachangui. 11Paica, pandashpami jatun nali juchata rurashca. Paillata ninanda llaquichi tucungapaj, chashna nalita rurajushcata yachashpami, chashna rurana cangui.
Imaguta rurachumbash, Titomanmi mingashca
12Artemas shuti huauquita cashpapash, Tíquico shuti huauquita cashpapash, cambajman cachamushami. Pai chayamujpica, Nicópolis shuti puebloman ñucata ricungapaj ucha shamupangui. Chaipimi, tamia chiri quillacunapica quedasha yajuni. 13Mandajcunahuan ñucanchimanda rimaj Zenas shuti runaman, Apolos shuti runamambash, ama imagupash illaj rinajuchun, aliguta ricushpa carapangui. 14Can chashna carajta ricushpami, ñucanchipura crijcunapash imagupash illajcunaman imatapash alicunata ruranata yariajlla causanata yachajunga. Shina aliguta rurashpami, na yanga causanajunga.
Aliguta causapanguichi, Diospash bendiachun nishpami tucuchishca
15Ñucahuan tiajcunapash tucuillami candaca, alillachu capangui ninajun. Ñucanchita juyaj crijcunatapash, alillachu capanguichi nipangui. Diospaj ninan juyaica, tucui cangunahuan cachunmi munanchi. Shina cachun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.