HEBREOS 3
3
Jesusca, Moisestapash yalimi
1Shina cashcamanda Diospajlla tucushca huauquicuna, panicuna. Cangunaca, jahua pachapi causagringapajmi, cayai tucushcacuna canguichi. Chaimandami Cristo Jesustaca, villaj cajta, curacunata mandaj cajta crishpa, na cungashpa catina canguichi. 2Taita Diospaj huasipica, tucuitami aliguta Moisesca pactachishca. Shinallatami Jesuspash, Dios mingashcataca, tucuita aliguta pactachijun. 3Maijan huasichijpash, chai huasita yalimi alicachi tucun. Shinallata Jesuspash, Moisesta yalimi alicachi tucunata charin. 4Huasicunaca, pipash huasichijpillami tian. Ashtahuangarin tucui caicunata rurashpa churajca, Taita Diosmi. 5Moisesca, Taita Diospaj huasipica, tucuipimi aligutapacha servishpa pactachijushca. Jipa punllacunapi, imata villachinatapash villanapacha cajtami, Moisesca ricuchijushca. 6Ashtahuangarin Cristoca, Diospaj Churi cashpami, Diospaj huasitaca aligutapacha mandajun. Ñucanchica, cushijushpa shuyajushcamanda, tucurimui punllacaman paita aliguta crishpa shinllipacha shuyajushpaca, Dios causajuj huasishnami canchi.
Taita Diospaj huahuacuna samagrinatami villajun
7Shinamandami, Diospaj jucha illaj Espirituca, cashna nijun:
“Dios ima nijujta cunan uyashpaca,
8na shinlli shungu tucunachu canguichi.
Jichushca pambapi imatapash rurana munai shamujpi,
Diosta ninanda fiñachishcashnaca, na tucunachu canguichi.
9Chaipimi, cangunapaj ñaupa taitacunaca,
ñuca imata rurajta ricungapaj paicuna munashcata
rurachun mañashpa fiñachihuarca.
Shinallata ñuca imata rurajujtapashmi,
chuscu chunga huatacaman ricunajurca.
10Shinamandami chai miraicunahuanga, fiñarishpa cashna nircani:
‘Punllandimi, paicunapaj shungupica, yangacunatalla yarishpa purinajun.
Ñuca munashcashna causanataca, na rijsinllu’ nircanimi.
11Shina cashcamandami, ñuca ninanda fiñarishpa:
‘Ñucahuan samangapaca, napacha yaicungachu’
nishpa juramenturcani” nijunmi.
12Ricuichi huauquicuna, panicuna. Canguna purapica, nali shungu tucushpa, causajujlla Taita Diostapash na crishpa anchurijcunaca, maijanllapash ama tiachun. 13Ashtahuangarin cunan causajushpallata, punllandi caishuj chaishuj aliguta yarichirishpa causaichi. Juchata rurana yuyai pandachij shamujpipash, canguna purapica pipash ama shinlli shungu tucungapajmi, chashna causana canguichi. 14Cristota crishca punllamandapacha, tucurimui punllacaman paita aliguta catishpaca, Cristo japijushcashnallata ñucanchipash japigrinatami charinchi. 15Dios escribichishca Shimipica, cashnami nijun:
“Pai rimajujta cunan uyashpaca,
ñaupa punllacuna fiñachinajushcashnaca,
na cangunapaj shunguta shinlliyachinachu canguichi” nijunmi.
16Dios rimajujta uyashcata na cazushpa fiñachijcunaca, ¿picunata cashcanga? ¿Nachu Moisespaj maquihuan llujchimujpi, Egiptomanda tucui llujshimushcacuna fiñachinajushca? 17¿Picunahuanda Diosca, chuscu chunga huatacaman nali cashcanga? ¿Nachu jichushca pambapi juchata rurashpa huañujcunahuan nali cashcanga? 18¿Picunatata Diosca: “Ñucahuan samangapaca, napacha shamui ushanachu canguichi” nishpa juramentushca? ¿Nachu paita na cazujcunata, chashna nijushca? 19Paicunaca na crishcamandami, Dioshuan samangapaca, na yaicui ushashcata ricunchi.
Currently Selected:
HEBREOS 3: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
HEBREOS 3
3
Jesusca, Moisestapash yalimi
1Shina cashcamanda Diospajlla tucushca huauquicuna, panicuna. Cangunaca, jahua pachapi causagringapajmi, cayai tucushcacuna canguichi. Chaimandami Cristo Jesustaca, villaj cajta, curacunata mandaj cajta crishpa, na cungashpa catina canguichi. 2Taita Diospaj huasipica, tucuitami aliguta Moisesca pactachishca. Shinallatami Jesuspash, Dios mingashcataca, tucuita aliguta pactachijun. 3Maijan huasichijpash, chai huasita yalimi alicachi tucun. Shinallata Jesuspash, Moisesta yalimi alicachi tucunata charin. 4Huasicunaca, pipash huasichijpillami tian. Ashtahuangarin tucui caicunata rurashpa churajca, Taita Diosmi. 5Moisesca, Taita Diospaj huasipica, tucuipimi aligutapacha servishpa pactachijushca. Jipa punllacunapi, imata villachinatapash villanapacha cajtami, Moisesca ricuchijushca. 6Ashtahuangarin Cristoca, Diospaj Churi cashpami, Diospaj huasitaca aligutapacha mandajun. Ñucanchica, cushijushpa shuyajushcamanda, tucurimui punllacaman paita aliguta crishpa shinllipacha shuyajushpaca, Dios causajuj huasishnami canchi.
Taita Diospaj huahuacuna samagrinatami villajun
7Shinamandami, Diospaj jucha illaj Espirituca, cashna nijun:
“Dios ima nijujta cunan uyashpaca,
8na shinlli shungu tucunachu canguichi.
Jichushca pambapi imatapash rurana munai shamujpi,
Diosta ninanda fiñachishcashnaca, na tucunachu canguichi.
9Chaipimi, cangunapaj ñaupa taitacunaca,
ñuca imata rurajta ricungapaj paicuna munashcata
rurachun mañashpa fiñachihuarca.
Shinallata ñuca imata rurajujtapashmi,
chuscu chunga huatacaman ricunajurca.
10Shinamandami chai miraicunahuanga, fiñarishpa cashna nircani:
‘Punllandimi, paicunapaj shungupica, yangacunatalla yarishpa purinajun.
Ñuca munashcashna causanataca, na rijsinllu’ nircanimi.
11Shina cashcamandami, ñuca ninanda fiñarishpa:
‘Ñucahuan samangapaca, napacha yaicungachu’
nishpa juramenturcani” nijunmi.
12Ricuichi huauquicuna, panicuna. Canguna purapica, nali shungu tucushpa, causajujlla Taita Diostapash na crishpa anchurijcunaca, maijanllapash ama tiachun. 13Ashtahuangarin cunan causajushpallata, punllandi caishuj chaishuj aliguta yarichirishpa causaichi. Juchata rurana yuyai pandachij shamujpipash, canguna purapica pipash ama shinlli shungu tucungapajmi, chashna causana canguichi. 14Cristota crishca punllamandapacha, tucurimui punllacaman paita aliguta catishpaca, Cristo japijushcashnallata ñucanchipash japigrinatami charinchi. 15Dios escribichishca Shimipica, cashnami nijun:
“Pai rimajujta cunan uyashpaca,
ñaupa punllacuna fiñachinajushcashnaca,
na cangunapaj shunguta shinlliyachinachu canguichi” nijunmi.
16Dios rimajujta uyashcata na cazushpa fiñachijcunaca, ¿picunata cashcanga? ¿Nachu Moisespaj maquihuan llujchimujpi, Egiptomanda tucui llujshimushcacuna fiñachinajushca? 17¿Picunahuanda Diosca, chuscu chunga huatacaman nali cashcanga? ¿Nachu jichushca pambapi juchata rurashpa huañujcunahuan nali cashcanga? 18¿Picunatata Diosca: “Ñucahuan samangapaca, napacha shamui ushanachu canguichi” nishpa juramentushca? ¿Nachu paita na cazujcunata, chashna nijushca? 19Paicunaca na crishcamandami, Dioshuan samangapaca, na yaicui ushashcata ricunchi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.