2 SAMUEL 2
2
Davidtaca, Judá llactapaj jatun mandaj cachunmi churashca
1Chai jipami, cashna tucurca: Davidca, Mandaj Diostami cashna nishpa tapurca:
—Judá llactapi tiaj maijan pueblomambash, ¿vichai rinallachu capani?— nishpa tapujpimi, Mandaj Diosca:
—Ari, vichai rilla— nirca.
Shina nijpimi, Davidca:
—¿Maimanda vichai ripasha?— nishpa cutin tapujpi:
—Hebrón puebloman ri— nirca.
2Shina nijpimi Davidca, paipaj ishcandi huarmicunandi, chaiman vichai rirca. Jezreel pueblomanda Ahinoam shuti huarmindi, Carmel shuti pueblomanda Nabal shuti runa huañujpi pai cazarashca Abigail huarmindimi rirca. 3Shinallata Davidca, paihuan purij runacunatapash paicunapaj familiacunandimi pusharca. Paicunapashmi, Hebrón pueblo ladollapi tiaj pueblocunapi causanajurca. 4Judá llacta runacunaca chaiman shamushpami, Judá aillupajllata jatun mandaj cachun Davidtaca, aceiteta talishpa javinajurca.
Shinallata: “Galaad llactapi tiaj Jabes shuti pueblomanda runacunami, Saúl huañujpica pambashca” nishpami, Davidman villanajurca. 5Shina villajpimi Davidca, Galaad llactapi tiaj Jabes shuti pueblopi causajcunaman, cashna nichun villaj runacunata cacharca: “Cangunata mandaj Saulta chashna llaquishpa pambashcamandaca, Mandaj Diosca cangunatapash bendiciapachun. 6Cunanga, Mandaj Diosca cangunatapash chashnallata llaquishpa, imatapash pactachipachun. Canguna caita rurashcamandaca, ñucapash alitallami cangunamambash rurasha. 7Cunanga, cangunapaj maquipash ashtahuan shinlli tucushpa, na manllashpa shayarichiyari. Cangunata mandaj Saúl huañujpipash, Judá aillu runacunaca ñucatami, paicunapaj jatun mandaj cachun, aceiteta talishpa javihuarca” nichunmi cacharca.
Davidpaj soldadocunahuan, Saulpaj familiacunahuan macanajushcatami villajun
8Saulpaj soldadocunata mandaj, Ner shuti runapaj churi, Abner runaca, Saulpaj churi Is-boset shuti runata japishpami, Mahanaim shuti puebloman aparca. 9Chaipimi Galaad llactatapash, Gesuri shuti llactatapash, Jezreel pueblotapash, Efraín llactatapash, Benjamín llactatapash, shinallata tucuilla Israel llactatapash jatun mandaj cachun churarca. 10Saulpaj churi Is-boset shuti runaca, chuscu chunga huatata charishpami, Israel llactataca mandai callarirca. Paica, ishcai huatacamanllami mandajurca. David mandajujtaca, Judá aillu runacunallami catinajurca. 11Davidca, canchis huata sucta quillatami, Judá aillu runacunataca, Hebrón pueblopi mandajurca.
12Ner shuti runapaj churi Abnerca, Mahanaim shuti pueblomandami, Saulpaj churi Is-boset shuti runata servijcunandi, Gabaón shuti puebloman llujshishpa rirca. 13Sarvia shuti huarmipaj churi Joab runapash, Davidta servijcunapash, Hebrón pueblomanda llujshishpa rishpaca, Gabaón pueblo ladopi cuchayashca yacu ladopimi tuparinajurca. Chaipi tuparishpami shujcunaca, cuchayashca yacu chai ladoman, caishujcunaca chaishuj ladoman shayarinajurca. 14Chaipimi Abner runaca, Joab runataca:
—Ñucanchi ñaupajpi shayarishpa macanajungapaj, chairalla viñai runacuna jatarichun— nijpi, Joab runaca:
—Jatarichi— nirca.
15Shina nishca jipami, Benjamín aillu puramanda Saulpaj churi Is-boset runapaj ladoca, chunga ishcai runacuna shayarirca. Shinallata Davidta servijcunamandapash, chunga ishcaillatami shayarirca. 16Chaipimi paicunaca, fiñarij purallata umamanda japirishpa, shinallata espadatapash fiñarij purallata paicunapaj vijsa ladopi satirishpa, tucuicuna huañushpa urmanajurca. Chaimandami chai pambataca, “Helcat-hazurim” nishpa shutichirca. Chaica, Gabaón pueblopimi tiajun. 17Chai punllapi macanajuica, shinllipachami carca. Chaipimi Abner runatapash, Israel runacunatapash Davidta servijcunaca misharca. 18Sarvia shuti huarmipaj quimsandi churicunapashmi, chaipi carca. Paicunaca Joab, Abisai, Asael shutimi carca. Chai Asael runaca, pambapi causaj tarugashnami calpangapaca alipacha carca. 19Shina cashpami Asael runaca, Abner runataca ali ladomambash, lluqui ladomambash na anchurishpa, ninandapacha calpashpa catijurca. 20Shina catijujpimi, huashaman tigrarishpa Abner runa ricushpaca:
—¿Nachu canga, Asael cangui?— nijpi paica:
—Ari— nirca.
21Shina nijpimi Abner runaca, cashna nirca:
—Ali ladoman cashpa, lluqui ladoman cashpapash anchuri. Chai jipaca, maijan runata cashpapash japishpa, pai ima charishcacunatapash quichushpa apailla— nircami.
Shina nijpipash Asael runaca, paita catijushcamandaca na anchuringapaj munarcachu. 22Chaimandami Abner runaca, Asael runataca cutin cashna nirca:
—Ñuca ladomanda anchuri. Huañungacaman canda ñuca chugrichishpaca, cambaj huauqui Joab runapaj ñaupajpica, ima ñavita ricurigrisha— nircami.
23Shina nijujpipash, na anchuringapaj munajpimi Abner runaca, lanza filohuan, picha costillas ladopi huashaman yalijta tujsirca. Shinamandami, chaipillata huañushpa urmarca. Asael runa huañushpa urmashca ñandallata tucui shamujcunaca, tucuicunami shayarishpa ricunajurca. 24Ashtahuangarin Joab shuti, Abisai shuti runacunaca, Abnerta catishpa rinajurcallami. Gía shuti pueblo chimba purapi tiaj Amma shuti lomaman chayajpimi, indi huashajurca. Chai Gía shuti puebloca, Gabaón shuti jichushca pamba ñan ladopimi. 25Chaipimi, Benjamín llacta runacunaca, Abner runata catishpa rishpa shujllapi tandanajushpa, shuj loma jahuapi shayarinajurca. 26Chai pushtumandami Abner runaca, Joab runataca cashna nishpa caparirca:
—¿Espadahuan tucuchishpa catijugringuillachu? Cai macanajui tucurishca jipaca, ¿llaquicunalla tianataca nachu yachangui? ¿Ima horascamanda cambaj gentecunataca, paicunapaj huauquicunata llaquichishpa catinata saquishpa tigramuchun mandagringui?— nircami.
27Shina nijpimi Joab runaca, cashna nirca:
—Taita Diosca causajumbachami. Can jariyashpa na rimashca cajpica, gentecunaca cunan tutamandallatami paicunapaj huauquicunata catinataca, saquinman carca— nircami.
28Shina nishca jipami Joab runaca, cachuta huacachirca. Chaita gentecuna uyashpami, tucuilla shayarirca. Chaimandaca, na ashtahuan israelcunata llaquichishpa catircachu. Macanajuitapash na ashtahuan macanajurcachu. 29Abner runaca, paipaj runacunandimi, Arabá shuti jichushca pambata tucui tuta rinajurca. Jordán yacuta chimbashpaca, Bitrón shuti tucuilla pambata yalishpami, Mahanaim puebloman chayagrirca.
30Joab runapash, Abner runata catijushcata saquishpa tigrarcallami. Shina tigrashpaca, tucuilla gentecunata tandachishpa ricushpami, Davidta servij chunga pusaj runacunapash, Asael runapash illashcata ricujurca. 31Ashtahuangarin Davidta servijcunaca, Benjamín aillu puracunatapash, Abnerpaj runacunatapash, quimsa patsaj sucta chunga runacunatami chugrichishpa huañuchirca.
32Asael runataca, Belén puebloman apashpami, paipaj taitata pambana utujupi pambarca. Chai jipaca Joab runapash, paipaj runacunapash tucui tuta rinajushpallatami, punllayangacaman Hebrón shuti puebloman chayarca.
Currently Selected:
2 SAMUEL 2: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
2 SAMUEL 2
2
Davidtaca, Judá llactapaj jatun mandaj cachunmi churashca
1Chai jipami, cashna tucurca: Davidca, Mandaj Diostami cashna nishpa tapurca:
—Judá llactapi tiaj maijan pueblomambash, ¿vichai rinallachu capani?— nishpa tapujpimi, Mandaj Diosca:
—Ari, vichai rilla— nirca.
Shina nijpimi, Davidca:
—¿Maimanda vichai ripasha?— nishpa cutin tapujpi:
—Hebrón puebloman ri— nirca.
2Shina nijpimi Davidca, paipaj ishcandi huarmicunandi, chaiman vichai rirca. Jezreel pueblomanda Ahinoam shuti huarmindi, Carmel shuti pueblomanda Nabal shuti runa huañujpi pai cazarashca Abigail huarmindimi rirca. 3Shinallata Davidca, paihuan purij runacunatapash paicunapaj familiacunandimi pusharca. Paicunapashmi, Hebrón pueblo ladollapi tiaj pueblocunapi causanajurca. 4Judá llacta runacunaca chaiman shamushpami, Judá aillupajllata jatun mandaj cachun Davidtaca, aceiteta talishpa javinajurca.
Shinallata: “Galaad llactapi tiaj Jabes shuti pueblomanda runacunami, Saúl huañujpica pambashca” nishpami, Davidman villanajurca. 5Shina villajpimi Davidca, Galaad llactapi tiaj Jabes shuti pueblopi causajcunaman, cashna nichun villaj runacunata cacharca: “Cangunata mandaj Saulta chashna llaquishpa pambashcamandaca, Mandaj Diosca cangunatapash bendiciapachun. 6Cunanga, Mandaj Diosca cangunatapash chashnallata llaquishpa, imatapash pactachipachun. Canguna caita rurashcamandaca, ñucapash alitallami cangunamambash rurasha. 7Cunanga, cangunapaj maquipash ashtahuan shinlli tucushpa, na manllashpa shayarichiyari. Cangunata mandaj Saúl huañujpipash, Judá aillu runacunaca ñucatami, paicunapaj jatun mandaj cachun, aceiteta talishpa javihuarca” nichunmi cacharca.
Davidpaj soldadocunahuan, Saulpaj familiacunahuan macanajushcatami villajun
8Saulpaj soldadocunata mandaj, Ner shuti runapaj churi, Abner runaca, Saulpaj churi Is-boset shuti runata japishpami, Mahanaim shuti puebloman aparca. 9Chaipimi Galaad llactatapash, Gesuri shuti llactatapash, Jezreel pueblotapash, Efraín llactatapash, Benjamín llactatapash, shinallata tucuilla Israel llactatapash jatun mandaj cachun churarca. 10Saulpaj churi Is-boset shuti runaca, chuscu chunga huatata charishpami, Israel llactataca mandai callarirca. Paica, ishcai huatacamanllami mandajurca. David mandajujtaca, Judá aillu runacunallami catinajurca. 11Davidca, canchis huata sucta quillatami, Judá aillu runacunataca, Hebrón pueblopi mandajurca.
12Ner shuti runapaj churi Abnerca, Mahanaim shuti pueblomandami, Saulpaj churi Is-boset shuti runata servijcunandi, Gabaón shuti puebloman llujshishpa rirca. 13Sarvia shuti huarmipaj churi Joab runapash, Davidta servijcunapash, Hebrón pueblomanda llujshishpa rishpaca, Gabaón pueblo ladopi cuchayashca yacu ladopimi tuparinajurca. Chaipi tuparishpami shujcunaca, cuchayashca yacu chai ladoman, caishujcunaca chaishuj ladoman shayarinajurca. 14Chaipimi Abner runaca, Joab runataca:
—Ñucanchi ñaupajpi shayarishpa macanajungapaj, chairalla viñai runacuna jatarichun— nijpi, Joab runaca:
—Jatarichi— nirca.
15Shina nishca jipami, Benjamín aillu puramanda Saulpaj churi Is-boset runapaj ladoca, chunga ishcai runacuna shayarirca. Shinallata Davidta servijcunamandapash, chunga ishcaillatami shayarirca. 16Chaipimi paicunaca, fiñarij purallata umamanda japirishpa, shinallata espadatapash fiñarij purallata paicunapaj vijsa ladopi satirishpa, tucuicuna huañushpa urmanajurca. Chaimandami chai pambataca, “Helcat-hazurim” nishpa shutichirca. Chaica, Gabaón pueblopimi tiajun. 17Chai punllapi macanajuica, shinllipachami carca. Chaipimi Abner runatapash, Israel runacunatapash Davidta servijcunaca misharca. 18Sarvia shuti huarmipaj quimsandi churicunapashmi, chaipi carca. Paicunaca Joab, Abisai, Asael shutimi carca. Chai Asael runaca, pambapi causaj tarugashnami calpangapaca alipacha carca. 19Shina cashpami Asael runaca, Abner runataca ali ladomambash, lluqui ladomambash na anchurishpa, ninandapacha calpashpa catijurca. 20Shina catijujpimi, huashaman tigrarishpa Abner runa ricushpaca:
—¿Nachu canga, Asael cangui?— nijpi paica:
—Ari— nirca.
21Shina nijpimi Abner runaca, cashna nirca:
—Ali ladoman cashpa, lluqui ladoman cashpapash anchuri. Chai jipaca, maijan runata cashpapash japishpa, pai ima charishcacunatapash quichushpa apailla— nircami.
Shina nijpipash Asael runaca, paita catijushcamandaca na anchuringapaj munarcachu. 22Chaimandami Abner runaca, Asael runataca cutin cashna nirca:
—Ñuca ladomanda anchuri. Huañungacaman canda ñuca chugrichishpaca, cambaj huauqui Joab runapaj ñaupajpica, ima ñavita ricurigrisha— nircami.
23Shina nijujpipash, na anchuringapaj munajpimi Abner runaca, lanza filohuan, picha costillas ladopi huashaman yalijta tujsirca. Shinamandami, chaipillata huañushpa urmarca. Asael runa huañushpa urmashca ñandallata tucui shamujcunaca, tucuicunami shayarishpa ricunajurca. 24Ashtahuangarin Joab shuti, Abisai shuti runacunaca, Abnerta catishpa rinajurcallami. Gía shuti pueblo chimba purapi tiaj Amma shuti lomaman chayajpimi, indi huashajurca. Chai Gía shuti puebloca, Gabaón shuti jichushca pamba ñan ladopimi. 25Chaipimi, Benjamín llacta runacunaca, Abner runata catishpa rishpa shujllapi tandanajushpa, shuj loma jahuapi shayarinajurca. 26Chai pushtumandami Abner runaca, Joab runataca cashna nishpa caparirca:
—¿Espadahuan tucuchishpa catijugringuillachu? Cai macanajui tucurishca jipaca, ¿llaquicunalla tianataca nachu yachangui? ¿Ima horascamanda cambaj gentecunataca, paicunapaj huauquicunata llaquichishpa catinata saquishpa tigramuchun mandagringui?— nircami.
27Shina nijpimi Joab runaca, cashna nirca:
—Taita Diosca causajumbachami. Can jariyashpa na rimashca cajpica, gentecunaca cunan tutamandallatami paicunapaj huauquicunata catinataca, saquinman carca— nircami.
28Shina nishca jipami Joab runaca, cachuta huacachirca. Chaita gentecuna uyashpami, tucuilla shayarirca. Chaimandaca, na ashtahuan israelcunata llaquichishpa catircachu. Macanajuitapash na ashtahuan macanajurcachu. 29Abner runaca, paipaj runacunandimi, Arabá shuti jichushca pambata tucui tuta rinajurca. Jordán yacuta chimbashpaca, Bitrón shuti tucuilla pambata yalishpami, Mahanaim puebloman chayagrirca.
30Joab runapash, Abner runata catijushcata saquishpa tigrarcallami. Shina tigrashpaca, tucuilla gentecunata tandachishpa ricushpami, Davidta servij chunga pusaj runacunapash, Asael runapash illashcata ricujurca. 31Ashtahuangarin Davidta servijcunaca, Benjamín aillu puracunatapash, Abnerpaj runacunatapash, quimsa patsaj sucta chunga runacunatami chugrichishpa huañuchirca.
32Asael runataca, Belén puebloman apashpami, paipaj taitata pambana utujupi pambarca. Chai jipaca Joab runapash, paipaj runacunapash tucui tuta rinajushpallatami, punllayangacaman Hebrón shuti puebloman chayarca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.