Bụo aRom 1
1
1Mị ạPol, ọnyo oḍighi phọ ạJizos Kraist, Ẹnaan ẹsaḅar bọ ẹmagh mọ aḍighi otelhedom, ạghaaph ghan ooḅi ọghaaph phọ kụ ụge bọ ḍịnya phọ ạḍien riruomaan inyina.
2Ẹnaan iguanaan ni ooḅi ọghaaph phọ, ẹḅeni riil phọ ọdi kꞌaḍiodiidi mọ ogbeelom. Ọge kẹn ni sịphe Ạḍinya Iigbia phọ ịlo oguan phọ ọphon. 3Ịphen phọ ẹkpulughiom Jịzos Kraist Ọony phọ ọdi, Ọmoogh-we phọ ayira. Sịen eye phọ, ụmar ri nyọdi kꞌẹemara aDevid. 4Esi ạroozo aruukuan phọ, ịdipho Ẹnaan ẹsighe bọ iboom ịikpo kụ eḅetenom bọ nyọdi sịphe aḍuugh phọ eḍeenaan mọ ọdi kụ Ọony phọ ọno ni. 5Ẹnaan ịtuan nyọdi kụ ịnma bọ ịmi ighirigiir mọ mị uḍighi otelhedom aKraist pịdi ọkomom we oomo areelhe phọ omeeraam aani ọḅile ọnaghanan. 6Nyina phọ ạbuphe Ẹnaan mẹmagh bọ ẹpe Rom eḍighi bụo ạJizos Kraist eḍighom aani ni.
7Kụ mị ạge ratuomaan oomo phọ anyina ạbuphe Ẹnaan ẹphomoghian bọ kụ mẹmagh bọ eḍighi bụo ọdi ẹpe Rom.
Ạḍiseph rꞌẹepho kꞌẸnaan Ọde phọ rꞌạJizos Kraist Ọmoogh-we phọ ịrolonaan inyina!
Ịiḅereghi ọsephom Ẹnaan
8Emiighom mọ, mị akol Jịzos Kraist rạsephenaan oomo phọ anyina Ẹnaan phọ ạmi, ịdi eḍighi bọ ọdu omeeraam mọ anyina maaleghaan oomo aḅirini phọ. 9Ẹnaan phọ mị ạsighe bọ oomo ologhi raḍighinaan oḍighi ọghaaph ghan ooḅi ọghaaph ịlo Ọony phọ ọdi, elegheri ni mọ ịphen mị rạkaaph bọ igey ni, mọ mị rásoph ghan mem oghol anyina 10tọrobo amem lọ mị rạaḅereghi. Mị rạlom ghan mọ Ẹnaan emeera ni mọ egi phọ ẹphen kégoronaan mun oru ọteeny anyina. 11Edi ni ologhi ạmi iboom ọmiin anyina, ọbo mị aḍighi dị nyina kẹmoogh aani ḍịseph phọ Ẹnaan, ẹkparamiom ruwaloor phọ anyina. 12Ẹmhu ọghaaph phọ ạmi ịduon mọ omeeraam mọ ạmi rꞌọpo anyina kạloghonaan ni ḍịghaagh oomo phọ ayira.
13 #
Iiḍ 19.21
Bụo asiya, ịkiom ologhi mọ ịbadi amem mị magbiighi ni oru, kụ ịyaar regbororian ghan ni. Mị rạwa aani ni we ọḅaranaan aKraist sịphe ogbo phọ anyina, ịdipho mị mạmoogh bọ ogbo ạbueri phọ aruuruen phọ. 14Mị ale ọmugh oḍighi oḍighi phọ ọngo oomo awe, mꞌạbuo aGris rꞌạbuo areelhe dị eḅula ọman, mꞌạbulo ọmaar ḍịnya rꞌạbulo ḍịnya ụ́maar. 15Esi ịduon phọ, mị ạmi, aloor ạmi repiigha ni ọghaaph ooḅi ọghaaph phọ ọḅeni aani anyina phọ edi bọ ẹpe Rom.
Ịikpo ooḅi ọghaaph phọ
16 #
Mạk 8.38
Mị ooḅi ọghaaph phọ rákiilom umugholoor. Ẹnaan rẹtuan ghan ịikpo ooḅi ọghaaph phọ kụ kẹphel oomo ạbuphe omeeraam bọ, emiigh kꞌạbuo aJu phọ kụ ẹteeny ruuruen phọ. 17#Hạb 2.4Ooḅi ọghaaph phọ kụ raḍeenaan ghan mọ Ẹnaan rẹtuan ghan omeeraam dị ọman úpogh kụ kẹsighe bụphe omeeraam bọ mọ ạbuo aruukuan ni. Ịdipho ạḍinya iigbia phọ ẹḅem bọ mọ, “Oye dị Ẹnaan mẹtuan omeeraam kụ ẹsighenom mọ oye aruukuan ni kạmoogh ni ghuḍum.”
Oomo awe mọpioman
18Ạghelhe phọ Ẹnaan aganana ni kꞌạke kụ ratu osoorom oomo abuḍighinom ịkaraph rꞌạbuphe Ẹnaan úlegheri bọ. Ịkaraph phọ ạbidi mesophoghom igey phọ. 19Ẹnaan rẹliom ghan ni bịdi, ịdi eḍighi bọ bịdi kụ ulegheri ịdi ẹkpe dị awe mulegheri ịlo ọdi. Ẹnaan kụ imitiom bọ ni eḍeenaan bịdi. 20Kꞌaḍio phọ Ẹnaan ẹlhem bọ aḅirini phọ, ạroozo phọ ọdi ịpe rọ́miin ghan bọ ekpeḍien phọ, ịikpo kꞌagee-pọ phọ rꞌaruukuan phọ ọdi, meganana dị awe rọmiin mọ ọdi kụ Ẹnaan phọ. Awe ọsighe ghan rạraar phọ ịpe Ẹnaan ẹlemogh bọ kụ rọotughianam ghan rọozo phọ ọdi. Ịyaar oghol kụ ọsar ọwilenaan ạbidi ílho. 21#Ẹfe 4.17, 18Bịdi olegheri ni Ẹnaan kụ rọ́ngo ghan nyọdi eghuan phọ ọdi, ḅịle kẹn nyọdi rọ́seph ghan. Loor ịphen phọ, oomo ịitughian phọ ạbidi, epe ni oopho, ḅịle ufiri kụ mamuza ipokoro iloghi phọ ạbidi. 22Bịdi role ghan oghoph mọ ạbuno ọsu ni ologhi, kụ ạri moḍigh ruwelologhi. 23#Dut 4.16-18Kpạripe rꞌooseeny ghan Ẹnaan phọ rémugh ghan bọ, bịdi ọḅile rooseeny ghan rạraar dị ọkaaghi ọghighemi we dị aḍuugh rekori ni, rꞌịnun, rꞌịnam rꞌịpe rekuura bọ.
24Loor ịphen phọ, Ẹnaan meghel bịdi ẹḅogh ẹngo opesi yogh ipesi phọ ạruuphua phọ renyuughiom bọ bịdi, ḅịle rꞌọphuenaan asiloor ạbidi. 25Bịdi ọsighe ghan igey phọ Ẹnaan kụ roonmenenom ọkpe. Rooseeny ghan rạraar phọ ịpe Ẹnaan ẹlemogh bọ kpạripe ghụn rꞌooseeny ghan ọḅile oḍighi oḍighi ọngo Ẹnaan Ọlemia phọ rꞌaloor ọdi ạkpe bọ ọngo ghan ạḍiseph kꞌagee-pọ. Ẹrol li ịdipho!
26Ẹnaan mẹtuan ịduon phọ ekel bịdi ẹḅogh ẹngo rụuphua umugholoor. Ạnmariir phọ kẹn bịn moghel ịpe Ẹnaan ẹto bọ, oniin ạḅile rạtoḅologhom ghan nyoniin rạghaagh. 27Ịduon phọ kẹn alephiri phọ moghel nmạriir phọ ọḅile romughom ẹphuom kọminian ghan rịiniom. Alephiri phọ, oniin raḍighi ghan nyoniin ịlo umugholoor, kụ esi ịduon phọ Ẹnaan rẹliom ghan ni loor phọ ạbidi ẹliomom dị ẹkasian rꞌọpioman phọ.
28Ịdipho bịdi mogbiighi bọ mọ bụno kólegheri mun Ẹnaan, ọdi maghel bịdi ạḅogh ạngo ịkaraph ịitughian bịn bịdi mọḅile roḍighi yogh ghan rạraar dị ị́kpe. 29Ịlo bịdi úlegheri ílho — ịkaraph, ekpooko, ephogh-aḍien. Ẹḍim, ọko enu, ọgbaragbara, iigbegheḍiom, ịghughian kụ imuza loor ạbidi. Bịdi odimom ghan ịkalaghian 30rꞌọphue aḍien. Bịdi ọlogh Ẹnaan ḍien, ọmaar iitunyan rꞌiituma rꞌobaga. Bịdi rọotughian ghan ịkaraph oḍighi ghan. Bịdi rọ́naghanan ghan ịlo ạburude rꞌaburunhiin ạbidi. 31Bịdi ọmoogh ipokoro iloghi, ḅịle robi ghan oguan. Ẹphomoghian rꞌigbiririph ụ́moogh. 32Bịdi olegheri ni mọ iilogh phọ Ẹnaan ẹḅem mọ bụlo roḍighi ghan ọdo ạraraar phọ ịphen phọ ọkpe ni omuughu ghan. Kụ bịdi phọ ọtomaam ni ịphen phọ, ọḅile ọloghoma bụlo roḍighi ghan ịphen phọ.
Currently Selected:
Bụo aRom 1: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo aRom 1
1
1Mị ạPol, ọnyo oḍighi phọ ạJizos Kraist, Ẹnaan ẹsaḅar bọ ẹmagh mọ aḍighi otelhedom, ạghaaph ghan ooḅi ọghaaph phọ kụ ụge bọ ḍịnya phọ ạḍien riruomaan inyina.
2Ẹnaan iguanaan ni ooḅi ọghaaph phọ, ẹḅeni riil phọ ọdi kꞌaḍiodiidi mọ ogbeelom. Ọge kẹn ni sịphe Ạḍinya Iigbia phọ ịlo oguan phọ ọphon. 3Ịphen phọ ẹkpulughiom Jịzos Kraist Ọony phọ ọdi, Ọmoogh-we phọ ayira. Sịen eye phọ, ụmar ri nyọdi kꞌẹemara aDevid. 4Esi ạroozo aruukuan phọ, ịdipho Ẹnaan ẹsighe bọ iboom ịikpo kụ eḅetenom bọ nyọdi sịphe aḍuugh phọ eḍeenaan mọ ọdi kụ Ọony phọ ọno ni. 5Ẹnaan ịtuan nyọdi kụ ịnma bọ ịmi ighirigiir mọ mị uḍighi otelhedom aKraist pịdi ọkomom we oomo areelhe phọ omeeraam aani ọḅile ọnaghanan. 6Nyina phọ ạbuphe Ẹnaan mẹmagh bọ ẹpe Rom eḍighi bụo ạJizos Kraist eḍighom aani ni.
7Kụ mị ạge ratuomaan oomo phọ anyina ạbuphe Ẹnaan ẹphomoghian bọ kụ mẹmagh bọ eḍighi bụo ọdi ẹpe Rom.
Ạḍiseph rꞌẹepho kꞌẸnaan Ọde phọ rꞌạJizos Kraist Ọmoogh-we phọ ịrolonaan inyina!
Ịiḅereghi ọsephom Ẹnaan
8Emiighom mọ, mị akol Jịzos Kraist rạsephenaan oomo phọ anyina Ẹnaan phọ ạmi, ịdi eḍighi bọ ọdu omeeraam mọ anyina maaleghaan oomo aḅirini phọ. 9Ẹnaan phọ mị ạsighe bọ oomo ologhi raḍighinaan oḍighi ọghaaph ghan ooḅi ọghaaph ịlo Ọony phọ ọdi, elegheri ni mọ ịphen mị rạkaaph bọ igey ni, mọ mị rásoph ghan mem oghol anyina 10tọrobo amem lọ mị rạaḅereghi. Mị rạlom ghan mọ Ẹnaan emeera ni mọ egi phọ ẹphen kégoronaan mun oru ọteeny anyina. 11Edi ni ologhi ạmi iboom ọmiin anyina, ọbo mị aḍighi dị nyina kẹmoogh aani ḍịseph phọ Ẹnaan, ẹkparamiom ruwaloor phọ anyina. 12Ẹmhu ọghaaph phọ ạmi ịduon mọ omeeraam mọ ạmi rꞌọpo anyina kạloghonaan ni ḍịghaagh oomo phọ ayira.
13 #
Iiḍ 19.21
Bụo asiya, ịkiom ologhi mọ ịbadi amem mị magbiighi ni oru, kụ ịyaar regbororian ghan ni. Mị rạwa aani ni we ọḅaranaan aKraist sịphe ogbo phọ anyina, ịdipho mị mạmoogh bọ ogbo ạbueri phọ aruuruen phọ. 14Mị ale ọmugh oḍighi oḍighi phọ ọngo oomo awe, mꞌạbuo aGris rꞌạbuo areelhe dị eḅula ọman, mꞌạbulo ọmaar ḍịnya rꞌạbulo ḍịnya ụ́maar. 15Esi ịduon phọ, mị ạmi, aloor ạmi repiigha ni ọghaaph ooḅi ọghaaph phọ ọḅeni aani anyina phọ edi bọ ẹpe Rom.
Ịikpo ooḅi ọghaaph phọ
16 #
Mạk 8.38
Mị ooḅi ọghaaph phọ rákiilom umugholoor. Ẹnaan rẹtuan ghan ịikpo ooḅi ọghaaph phọ kụ kẹphel oomo ạbuphe omeeraam bọ, emiigh kꞌạbuo aJu phọ kụ ẹteeny ruuruen phọ. 17#Hạb 2.4Ooḅi ọghaaph phọ kụ raḍeenaan ghan mọ Ẹnaan rẹtuan ghan omeeraam dị ọman úpogh kụ kẹsighe bụphe omeeraam bọ mọ ạbuo aruukuan ni. Ịdipho ạḍinya iigbia phọ ẹḅem bọ mọ, “Oye dị Ẹnaan mẹtuan omeeraam kụ ẹsighenom mọ oye aruukuan ni kạmoogh ni ghuḍum.”
Oomo awe mọpioman
18Ạghelhe phọ Ẹnaan aganana ni kꞌạke kụ ratu osoorom oomo abuḍighinom ịkaraph rꞌạbuphe Ẹnaan úlegheri bọ. Ịkaraph phọ ạbidi mesophoghom igey phọ. 19Ẹnaan rẹliom ghan ni bịdi, ịdi eḍighi bọ bịdi kụ ulegheri ịdi ẹkpe dị awe mulegheri ịlo ọdi. Ẹnaan kụ imitiom bọ ni eḍeenaan bịdi. 20Kꞌaḍio phọ Ẹnaan ẹlhem bọ aḅirini phọ, ạroozo phọ ọdi ịpe rọ́miin ghan bọ ekpeḍien phọ, ịikpo kꞌagee-pọ phọ rꞌaruukuan phọ ọdi, meganana dị awe rọmiin mọ ọdi kụ Ẹnaan phọ. Awe ọsighe ghan rạraar phọ ịpe Ẹnaan ẹlemogh bọ kụ rọotughianam ghan rọozo phọ ọdi. Ịyaar oghol kụ ọsar ọwilenaan ạbidi ílho. 21#Ẹfe 4.17, 18Bịdi olegheri ni Ẹnaan kụ rọ́ngo ghan nyọdi eghuan phọ ọdi, ḅịle kẹn nyọdi rọ́seph ghan. Loor ịphen phọ, oomo ịitughian phọ ạbidi, epe ni oopho, ḅịle ufiri kụ mamuza ipokoro iloghi phọ ạbidi. 22Bịdi role ghan oghoph mọ ạbuno ọsu ni ologhi, kụ ạri moḍigh ruwelologhi. 23#Dut 4.16-18Kpạripe rꞌooseeny ghan Ẹnaan phọ rémugh ghan bọ, bịdi ọḅile rooseeny ghan rạraar dị ọkaaghi ọghighemi we dị aḍuugh rekori ni, rꞌịnun, rꞌịnam rꞌịpe rekuura bọ.
24Loor ịphen phọ, Ẹnaan meghel bịdi ẹḅogh ẹngo opesi yogh ipesi phọ ạruuphua phọ renyuughiom bọ bịdi, ḅịle rꞌọphuenaan asiloor ạbidi. 25Bịdi ọsighe ghan igey phọ Ẹnaan kụ roonmenenom ọkpe. Rooseeny ghan rạraar phọ ịpe Ẹnaan ẹlemogh bọ kpạripe ghụn rꞌooseeny ghan ọḅile oḍighi oḍighi ọngo Ẹnaan Ọlemia phọ rꞌaloor ọdi ạkpe bọ ọngo ghan ạḍiseph kꞌagee-pọ. Ẹrol li ịdipho!
26Ẹnaan mẹtuan ịduon phọ ekel bịdi ẹḅogh ẹngo rụuphua umugholoor. Ạnmariir phọ kẹn bịn moghel ịpe Ẹnaan ẹto bọ, oniin ạḅile rạtoḅologhom ghan nyoniin rạghaagh. 27Ịduon phọ kẹn alephiri phọ moghel nmạriir phọ ọḅile romughom ẹphuom kọminian ghan rịiniom. Alephiri phọ, oniin raḍighi ghan nyoniin ịlo umugholoor, kụ esi ịduon phọ Ẹnaan rẹliom ghan ni loor phọ ạbidi ẹliomom dị ẹkasian rꞌọpioman phọ.
28Ịdipho bịdi mogbiighi bọ mọ bụno kólegheri mun Ẹnaan, ọdi maghel bịdi ạḅogh ạngo ịkaraph ịitughian bịn bịdi mọḅile roḍighi yogh ghan rạraar dị ị́kpe. 29Ịlo bịdi úlegheri ílho — ịkaraph, ekpooko, ephogh-aḍien. Ẹḍim, ọko enu, ọgbaragbara, iigbegheḍiom, ịghughian kụ imuza loor ạbidi. Bịdi odimom ghan ịkalaghian 30rꞌọphue aḍien. Bịdi ọlogh Ẹnaan ḍien, ọmaar iitunyan rꞌiituma rꞌobaga. Bịdi rọotughian ghan ịkaraph oḍighi ghan. Bịdi rọ́naghanan ghan ịlo ạburude rꞌaburunhiin ạbidi. 31Bịdi ọmoogh ipokoro iloghi, ḅịle robi ghan oguan. Ẹphomoghian rꞌigbiririph ụ́moogh. 32Bịdi olegheri ni mọ iilogh phọ Ẹnaan ẹḅem mọ bụlo roḍighi ghan ọdo ạraraar phọ ịphen phọ ọkpe ni omuughu ghan. Kụ bịdi phọ ọtomaam ni ịphen phọ, ọḅile ọloghoma bụlo roḍighi ghan ịphen phọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS