JOB 37
37
1Chaimantami ñuca shunguca
chucchushpa, llucshinalaya
tucushpa saltacun.
2Pai tulun nic shina rimashcata,
paipac shimimanta llucshishca
sinchi rimaicunata uyaichicyari.
3Jahua pacha ucutami
relampata cacharin.
Chai achic nishcaca
tucui cai pachatami achicyachin.
4Chai relampa tulun nishca quipaca
paipac rimashcami uyarin.
Pai rimashca uyaricpica
relampa achic nicucpish
mana jarcarinchu.
5Diosca sumaimanatami
tulun nic shina riman.
Paica ñucanchic mana entendipac
sumaimanacunatami ruhuan.
6Paica puyutaca:
“¡Allpaman uricui!” ninmi.
Cutin paramota, tamyataca:
“¡Sinchita allpaman urmai!” ninmi.
7Chaipimi gentecunaca
huasipi saquirin.
Pai imata ruhuacushcata tucui mashna
yachachunmi chashnaca ruhuan.
8Manchana animalcunaca
miticuna jutcuman yaicushpami,
chaillapitac saquirin.
9Ura ladomantaca tamya huaira,
jahua ladomantaca
chiri huairami shamun.
10Dios pucucpimi rasupish tucun.
Mama cuchacunapish
rumi shina sinchiyan.
11Puyupi yacuta tandachicpimi,
puyuca relampata
caita chaita cachan.
12Chashna pai mandacpimi puyuca
tucui cai pachata rishpa
pai mandashcata pactachin.
13Chashnami Diosca maijan cutinca
llaquichingapac, maijan cutinca
allpamanta, maijan cutinca
llaquishcamanta ricuchin
14Job, caita alli uyai.
Dios cai sumaimanacunata
ruhuashcataca allita yuyariyari.
15¿Diosca puyupi churashpa
relampata ima shina
tulun nichictaca yachanguichu?
16¿Canca shuctac shuctac puyucuna
tiyashcataca yachanguichu?
¿Tucuita yachac Dios cai
sumaimanacunata ima shina
ruhuashcatapish yachanguichu?
17Ura ladomanta huaira shamushpa,
allpata chiriyachicucpica,
cambac churanacunahuanmi ruparicungui.
18Dios jahua pachata mana paquiric
espejota shina ruhuacucpica,
¿canchu ayudarcangui?
19Paita imata ninataca ñucanchicta
yachachiyari.
Ñucanchicca amsapi shina
causacushpami ima alli
yuyaitapish mana charinchic.
20¿Ñucaca paihuan rimangapac
mañanachu cani?
Chashna nishpaca ñucata tucuchichun
nishpami mañacuiman.
21Jahua pachapi tiyac achictaca
puyu tapashca cacpica,
pi mana ricui pudinchu.
Huaira shamushpa puyuta anchuchishpa
achicyachicpimi ricunalla can.
22Jahua ladomantaca curi shina
quillunlla achicmi shamun.
Diosca sumaimana achic-huanmi
paipac muyunditaca shamun.
23Tucuita ruhuac Diosmantaca
mana yachai pudinchicchu.
Paica imatapish cashcata ruhuac,
pitapish mana llaquichic Diosmi can.
24Chaimantami runacunaca
paita manchancuna.
Paimanca shungupi jatun
tucushcacunaca yangallami» nirca.
Currently Selected:
JOB 37: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.