JOB 26
26
Diospac poderta Job huillashcamanta
1Shina nicpimi, Jobca Bildadtaca:
2«¿Imahuantac imatapish
mana ruhuai pudic
runataca ayudarcangui?
¿Ima shinatac fuerzata mana charic
rigrataca ayudarcangui?
3¿Imatatac mana entendic
runamanca yachachircangui?
¿Ima alli yachaitatac ricuchircangui?
4¿Pi ayudacpitac cai
shimicunataca huillarcangui?
¿Pipactac canmanta
llucshicuc samaica?
5Huañushcacunaca
allpa ucupimi chucchucun.
Mama cucha yacupish,
chaipi tiyaccunapish chucchunmi.
6Diospac ñaupapica
Seolpish pascashcami.
Abadonpish imahuan mana
jarcashcachu can.
7Paica jahua pachatapish
airepimi churarca.
Cai pachatapish, imahuan
mana churachishpami charicun.
8Yacutaca puyuhuanmi pillurca.
Chashna pillushca cashpapish,
puyuca mana lliquirinchu.
9Paipac jatun tiyarinataca
Paimi sumacta charicun.
Chai jahuataca puyuhuanmi quillparca.
10Paimi achic-huan,
amsahuan tucuringacaman,
maicaman yacu tiyanatapish
linderota churarca.
11Pai rimashcata uyashpaca
jahua pachata charic
pilarcunapish chucchunmi.
12Paipac poderhuanmi
mama cuchatapish cuyuchin.
Paica jatun yachac cashpami
mama cuchapi cac
Rahabtaca llaquichin.
13Paipac samaihuan pucushpami
jahua pachataca achicta ruhuarca.
Paipac maquihuanmi
callpac culebratapish huañuchirca.
14Cai ruhuashcacunaca
callari ruhuaicunallami.
¡Paimantaca asha
ashallatami uyanchic!
Paipac jatun podertaca
¿pitac alli yachai pudinga?» nirca.
Currently Selected:
JOB 26: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.