PROVERBIOS 30
30
Agur rimashcamanta
1Jaquepac churi Agur Itielta, Ucalta rimashpaca:
2Ñucaca tucui runacunamanta
yalli mana entendicmi cani.
Runacunapac alli yuyaitaca
mana charinichu.
3Ñucaca alli yachaitaca
mana yachacushcanichu.
Jucha illac Diosmantapish
mana yachanichu.
4¿Pitac jahua pachaman rishpa,
cutimushcayari?
¿Pitac maquipi huairata
tandachishcayari?
¿Pitac yacuta montonashpa
chari pudishcayari?
¿Pitac cai pachataca
muyundita ruhuashcayari?
¿Paica ima shutitac canyari?
¿Paipac churipac shutitaca
yachanguichu?
5Mandac Dios rimashca shimicunaca
jucha illacmi.
Diosca paipi shunguta churaccunapac
jarcarina escudomi.
6Dios rimashcata ama yapachinguichu.
Pacta canta rimanman.
Pacta canllatac llullac llucshinguiman.
7Ñuca Dioslla,
cai ishcaillatami mañani.
Chaitaca ñuca manarac
huañucpi cuiyari.
8Yangalla yuyaitapish,
llullanatapish ñucamanta anchuchiyari.
Shinallatac chayucyana yuyaitapish,
huacchayana yuyaitapish ama cuichu.
9Pacta huicsa pactata micushpa,
canta cungarishpaca:
«¿Mandac Diosca pitacyari?» niman.
Pacta huacchayashpa shuhuashpa,
ñuca Diospac shutita mana alli
niman.
10Ama servic runata juchanchishpa
paipac amoman huillanguichu.
Pacta canta maldiciashpa,
mana alli ninman.
11Maijan huahua huahuacunaca
paicunapac taitata maldiciashpa,
paicunapac mamata mana bendicianchu.
12Maijan huahua huahuacunaca
juchacunata manarac saquishca cashpapish
paicunapac yuyaillapi jucha illaccunami
canchic nincunami.
13Maijan huahua huahuacunaca jatun tucushpami
shuccunataca piña ñahuihuan ricuncuna.
14Maijan huahua huahuacunapac
ñaupa quirucunaca espadata shina,
cuchu quirucunaca cuchillota shinami can.
Paicunaca llactapi causac huacchacunata,
runacunapurapi yangalla gentecunata
lambic shina tucuchingapacmi causancuna.
15Sanguijuela curuca
ishcai ushicunatami charin.
Paicunaca:
«Carailla, carailla» nicunmi.
Huicsapi jaicapi mana jundachicca
quimsami tiyan.
Chuscuniquica jaicapi mana
“¡Chailla!” ninchu. 16Chaicunaca Seolpish,
huahuata mana charic huarmipish,
mashnata tamyacpipish
yacuta mana sacsac chaquiclla allpapish,
shinallatac ninapish jaicapi
mana: «¡Chailla!» ninchu.
17Taitata burlashpa asic churica
mama yachachishcatapish yangapimi churan.
Chai churipac ñahuitaca
yacu huaicupi causac angacuna
surcuchun.
Jatun angapac huahuacuna micuchun.
18Ñucaca cai quimsacunatami
mana yachai pudini.
Chuscuniquitapish mana entendinichu:
19Jatun anga maita huairata rishcata,
quingraita maita culebra rishcata,
mama cucha yacupi maita barco rishcata,
carihuan manarac chayarishca solterapi
cari chayarishcatami mana yachai pudini.
20Huainayac huarmica micushpa,
shimita picharishpaca:
«Ima mana allita
mana ruhuashcanichu» ninmi.
21Cai quimsatami
cai pachapi causaccunaca
manchashpa chucchuncuna.
Chuscuniquitacarin manchashpa
llaquita mana apai pudincunachu:
22Servic runa mandac tucucpi,
mana entendic runa
huicsa pactata micucpi,
23tucui mashna mana ricunayachishca
huarmi cazaracpi,
servishpa causac huarmi
paipac amapac tucui charishcacunata
quichucpimi mancharincuna.
24Cai pachapica chuscu uchilla
animalcunami tiyan.
Chaicunaca yachaisapa runacunatapish,
yalli yachaisapacunami.
25Hormigacunaca mana sinchicuna cashpapish,
usyai punzhacunapimi micunata tandancuna.
26Conejocunaca
mana sinchicuna cashpapish,
jatun rumi ucupimi huasita charincuna.
27Langostacunaca
jatun mandacta mana charishpapish,
tucui mashnami tandanacushpa llucshincuna.
28Maquihuan japinalla arañapish,
jatun mandac mandana ucupimi causan.
29Sinchita puriccunaca quimsami tiyan.
Chuscuniquicarin sumactami purin.
30Tucui animalpurapica
leonmi ashtahuan sinchi.
Paica imata ricushpapish
mana huashaiman cutinchu.
31Cari cari gallopish,
cari chivopish, pi mana cariyaipac
jatun mandacpish tiyanmi.
32Yuyai illac shina jatun tucushca
cashpa, mana cashpaca pitapish
llaquichinata yuyarishca cashpaca,
shimipi maquita churashpa jarcarichun.
33Maijanpish lecheta yallita
cuyuchishpaca mantequillatami llucchin.
Singata yallita quic nishpaca
yahuartami llucchin.
Pihuanpish yallita piñarishpaca,
piñanacuipimi churan.
Currently Selected:
PROVERBIOS 30: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
PROVERBIOS 30
30
Agur rimashcamanta
1Jaquepac churi Agur Itielta, Ucalta rimashpaca:
2Ñucaca tucui runacunamanta
yalli mana entendicmi cani.
Runacunapac alli yuyaitaca
mana charinichu.
3Ñucaca alli yachaitaca
mana yachacushcanichu.
Jucha illac Diosmantapish
mana yachanichu.
4¿Pitac jahua pachaman rishpa,
cutimushcayari?
¿Pitac maquipi huairata
tandachishcayari?
¿Pitac yacuta montonashpa
chari pudishcayari?
¿Pitac cai pachataca
muyundita ruhuashcayari?
¿Paica ima shutitac canyari?
¿Paipac churipac shutitaca
yachanguichu?
5Mandac Dios rimashca shimicunaca
jucha illacmi.
Diosca paipi shunguta churaccunapac
jarcarina escudomi.
6Dios rimashcata ama yapachinguichu.
Pacta canta rimanman.
Pacta canllatac llullac llucshinguiman.
7Ñuca Dioslla,
cai ishcaillatami mañani.
Chaitaca ñuca manarac
huañucpi cuiyari.
8Yangalla yuyaitapish,
llullanatapish ñucamanta anchuchiyari.
Shinallatac chayucyana yuyaitapish,
huacchayana yuyaitapish ama cuichu.
9Pacta huicsa pactata micushpa,
canta cungarishpaca:
«¿Mandac Diosca pitacyari?» niman.
Pacta huacchayashpa shuhuashpa,
ñuca Diospac shutita mana alli
niman.
10Ama servic runata juchanchishpa
paipac amoman huillanguichu.
Pacta canta maldiciashpa,
mana alli ninman.
11Maijan huahua huahuacunaca
paicunapac taitata maldiciashpa,
paicunapac mamata mana bendicianchu.
12Maijan huahua huahuacunaca
juchacunata manarac saquishca cashpapish
paicunapac yuyaillapi jucha illaccunami
canchic nincunami.
13Maijan huahua huahuacunaca jatun tucushpami
shuccunataca piña ñahuihuan ricuncuna.
14Maijan huahua huahuacunapac
ñaupa quirucunaca espadata shina,
cuchu quirucunaca cuchillota shinami can.
Paicunaca llactapi causac huacchacunata,
runacunapurapi yangalla gentecunata
lambic shina tucuchingapacmi causancuna.
15Sanguijuela curuca
ishcai ushicunatami charin.
Paicunaca:
«Carailla, carailla» nicunmi.
Huicsapi jaicapi mana jundachicca
quimsami tiyan.
Chuscuniquica jaicapi mana
“¡Chailla!” ninchu. 16Chaicunaca Seolpish,
huahuata mana charic huarmipish,
mashnata tamyacpipish
yacuta mana sacsac chaquiclla allpapish,
shinallatac ninapish jaicapi
mana: «¡Chailla!» ninchu.
17Taitata burlashpa asic churica
mama yachachishcatapish yangapimi churan.
Chai churipac ñahuitaca
yacu huaicupi causac angacuna
surcuchun.
Jatun angapac huahuacuna micuchun.
18Ñucaca cai quimsacunatami
mana yachai pudini.
Chuscuniquitapish mana entendinichu:
19Jatun anga maita huairata rishcata,
quingraita maita culebra rishcata,
mama cucha yacupi maita barco rishcata,
carihuan manarac chayarishca solterapi
cari chayarishcatami mana yachai pudini.
20Huainayac huarmica micushpa,
shimita picharishpaca:
«Ima mana allita
mana ruhuashcanichu» ninmi.
21Cai quimsatami
cai pachapi causaccunaca
manchashpa chucchuncuna.
Chuscuniquitacarin manchashpa
llaquita mana apai pudincunachu:
22Servic runa mandac tucucpi,
mana entendic runa
huicsa pactata micucpi,
23tucui mashna mana ricunayachishca
huarmi cazaracpi,
servishpa causac huarmi
paipac amapac tucui charishcacunata
quichucpimi mancharincuna.
24Cai pachapica chuscu uchilla
animalcunami tiyan.
Chaicunaca yachaisapa runacunatapish,
yalli yachaisapacunami.
25Hormigacunaca mana sinchicuna cashpapish,
usyai punzhacunapimi micunata tandancuna.
26Conejocunaca
mana sinchicuna cashpapish,
jatun rumi ucupimi huasita charincuna.
27Langostacunaca
jatun mandacta mana charishpapish,
tucui mashnami tandanacushpa llucshincuna.
28Maquihuan japinalla arañapish,
jatun mandac mandana ucupimi causan.
29Sinchita puriccunaca quimsami tiyan.
Chuscuniquicarin sumactami purin.
30Tucui animalpurapica
leonmi ashtahuan sinchi.
Paica imata ricushpapish
mana huashaiman cutinchu.
31Cari cari gallopish,
cari chivopish, pi mana cariyaipac
jatun mandacpish tiyanmi.
32Yuyai illac shina jatun tucushca
cashpa, mana cashpaca pitapish
llaquichinata yuyarishca cashpaca,
shimipi maquita churashpa jarcarichun.
33Maijanpish lecheta yallita
cuyuchishpaca mantequillatami llucchin.
Singata yallita quic nishpaca
yahuartami llucchin.
Pihuanpish yallita piñarishpaca,
piñanacuipimi churan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.