JOB 30
30
Job llaquilla cashcata yuyarishpa huacashcamanta
1Ashtahuanpish ñucapac quipa
huiñaicunami asicuncuna.
Paicunapac taitacunataca ñuca
animalta cuidac allcucunahuanpish
mana churaimanchu carcani.
2Paicunapac fuerzaca ñucamanca,
¿imapactac valinman carca?
Paicunaca fuerza illacmi carca.
3Huaccha cashcamanta,
yarcaihuan cashcamantami
paicunalla manchaipac amsapi,
shitashca pambacunapi
pacalla puriccuna carca.
4Yuracuna chaupipimi
malvacunata tandaccuna carca.
Masharingapacca retama sapitami
tandaccuna carca.
5Paicunataca shuhuacta shina
caparishpami llactamanta
llucchishpa cachashca carca.
6Yacu huaicu jutcucunapi,
quingrai machaicunapimi causarcacuna.
7Sacha chaupicunapi capariccuna,
casha ucucunapi
tandanacuccunami carca.
8Paicunaca yuyai illac
gentecunapac churicuna,
paicunapac llactapi piñashca,
shuti illaccunami carca.
9Cunanca paicunapac burlashca,
asishpa imacunata
rimanami tucushcani.
10Ñucata millashpami
ñahuipi tucashpa caruyancuna.
11Diosllatacmi ñuca
arco cuerdata pascac shina
ñucataca cumurichirca.
Chaimantami ñuca ñaupapica
mana jarcarishpa
imatapish rimarcacuna.
12Ñuca alli ladomanca,
achca gentecuna jatarishpami
ñucataca tangashpa shitarca.
Ñucata chingachingapacmi,
pandachic ñancunata allichircacuna.
13Ñuca llaqui tucuchunmi
ñuca purina ñantapish jarcancuna.
Ñuca llaquipi cacta ricushpami
chashna ruhuarcacuna.
Paicunataca pipish mana jarcarcachu.
14Pirca jutcushcata
yaicuc shina yaicushpami,
chai llaqui jahuallapitac
llaquichircacuna.
15Yallita manchaimi ñucata japirca.
Ñucaca alli nishca canamantaca
huaira urmachic shinami
chingarircani.
Ñuca ima charishcapish
puyu shinami chingarirca.
16Cunanca ñuca causaica
yacuyac shinami chingarin.
Ñucaca punzhantami
yallita llaquihuan cani.
17Tutacunaca tullucamanmi nanan.
Nanaicunaca manatac samarinchu.
18Llaquicunami ñuca
cuerpotaca tucuchicun.
Jahualla churarina cungapi
sipic shinami ñucataca sipicun.
19Diosca turupimi
ñucataca urmachirca.
Ñuto allpa, uchupa shinami cani.
20Canta mañacpipish mana uyanguichu.
Cambac ñaupaman ricpipish
mana chasquinguichu.
21Canca yallita llaquichicmari
ñucapacca tucushcangui.
Cambac sinchi maquihuanmi catinta
llaquichingui.
22Huairapi tiyachishpami
jahuata cacharcangui.
Manchana tamya puntapimi
cacharircangui.
23Canca ñucataca huañuiman,
tucui causaccuna huañushpa, rina
llactaman apacushcatami yachani.
24Ashtahuanpish enterrana
jutcuman ama richunca,
paipac maquihuanca mana ayudangachu.
¿Pai llaquichicucpica,
huañushcacunaca caparingachu?
25¿Manachu ñucaca llaquihuan
caccunamanta huacarcani?
¿Manachu ñucaca huacchacunata llaquircani?
26Ashtahuanpish allita shuyacucpica,
mana allimi shamurca.
Achicta shuyacucpica,
amsaracmi chayamurca.
27Ñuca cuerpoca yallitami nanaihuan.
Tucui chai nanaicunaca
manatac anchurinchu.
Ñucamanca llaqui punzhacunami chayamushca.
28Manapish inti rupachicpimi
yanayashcani.
Tucui tandanacushcapac
ñaupapimi caparishpa mañarcani.
29Ñucaca sacha animalcunapac
huauquimi tucushcani.
Avestruzcunahuan apanacucmi tucushcani.
30Ñuca aicha caraca
yanayashpami urman.
Ñuca tullucunapish rupacunmi.
31Ñuca arpaca llaquilla
tocacmi tucushca.
Ñuca flautapish huacaccunapac
cunga shinami tucushca.
Currently Selected:
JOB 30: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
JOB 30
30
Job llaquilla cashcata yuyarishpa huacashcamanta
1Ashtahuanpish ñucapac quipa
huiñaicunami asicuncuna.
Paicunapac taitacunataca ñuca
animalta cuidac allcucunahuanpish
mana churaimanchu carcani.
2Paicunapac fuerzaca ñucamanca,
¿imapactac valinman carca?
Paicunaca fuerza illacmi carca.
3Huaccha cashcamanta,
yarcaihuan cashcamantami
paicunalla manchaipac amsapi,
shitashca pambacunapi
pacalla puriccuna carca.
4Yuracuna chaupipimi
malvacunata tandaccuna carca.
Masharingapacca retama sapitami
tandaccuna carca.
5Paicunataca shuhuacta shina
caparishpami llactamanta
llucchishpa cachashca carca.
6Yacu huaicu jutcucunapi,
quingrai machaicunapimi causarcacuna.
7Sacha chaupicunapi capariccuna,
casha ucucunapi
tandanacuccunami carca.
8Paicunaca yuyai illac
gentecunapac churicuna,
paicunapac llactapi piñashca,
shuti illaccunami carca.
9Cunanca paicunapac burlashca,
asishpa imacunata
rimanami tucushcani.
10Ñucata millashpami
ñahuipi tucashpa caruyancuna.
11Diosllatacmi ñuca
arco cuerdata pascac shina
ñucataca cumurichirca.
Chaimantami ñuca ñaupapica
mana jarcarishpa
imatapish rimarcacuna.
12Ñuca alli ladomanca,
achca gentecuna jatarishpami
ñucataca tangashpa shitarca.
Ñucata chingachingapacmi,
pandachic ñancunata allichircacuna.
13Ñuca llaqui tucuchunmi
ñuca purina ñantapish jarcancuna.
Ñuca llaquipi cacta ricushpami
chashna ruhuarcacuna.
Paicunataca pipish mana jarcarcachu.
14Pirca jutcushcata
yaicuc shina yaicushpami,
chai llaqui jahuallapitac
llaquichircacuna.
15Yallita manchaimi ñucata japirca.
Ñucaca alli nishca canamantaca
huaira urmachic shinami
chingarircani.
Ñuca ima charishcapish
puyu shinami chingarirca.
16Cunanca ñuca causaica
yacuyac shinami chingarin.
Ñucaca punzhantami
yallita llaquihuan cani.
17Tutacunaca tullucamanmi nanan.
Nanaicunaca manatac samarinchu.
18Llaquicunami ñuca
cuerpotaca tucuchicun.
Jahualla churarina cungapi
sipic shinami ñucataca sipicun.
19Diosca turupimi
ñucataca urmachirca.
Ñuto allpa, uchupa shinami cani.
20Canta mañacpipish mana uyanguichu.
Cambac ñaupaman ricpipish
mana chasquinguichu.
21Canca yallita llaquichicmari
ñucapacca tucushcangui.
Cambac sinchi maquihuanmi catinta
llaquichingui.
22Huairapi tiyachishpami
jahuata cacharcangui.
Manchana tamya puntapimi
cacharircangui.
23Canca ñucataca huañuiman,
tucui causaccuna huañushpa, rina
llactaman apacushcatami yachani.
24Ashtahuanpish enterrana
jutcuman ama richunca,
paipac maquihuanca mana ayudangachu.
¿Pai llaquichicucpica,
huañushcacunaca caparingachu?
25¿Manachu ñucaca llaquihuan
caccunamanta huacarcani?
¿Manachu ñucaca huacchacunata llaquircani?
26Ashtahuanpish allita shuyacucpica,
mana allimi shamurca.
Achicta shuyacucpica,
amsaracmi chayamurca.
27Ñuca cuerpoca yallitami nanaihuan.
Tucui chai nanaicunaca
manatac anchurinchu.
Ñucamanca llaqui punzhacunami chayamushca.
28Manapish inti rupachicpimi
yanayashcani.
Tucui tandanacushcapac
ñaupapimi caparishpa mañarcani.
29Ñucaca sacha animalcunapac
huauquimi tucushcani.
Avestruzcunahuan apanacucmi tucushcani.
30Ñuca aicha caraca
yanayashpami urman.
Ñuca tullucunapish rupacunmi.
31Ñuca arpaca llaquilla
tocacmi tucushca.
Ñuca flautapish huacaccunapac
cunga shinami tucushca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.