Matius 4
4
Puang Isa napengkulle-kullei Ballisi' ssedei mpugauk dosa
4:1-11
(Markus 1:12-13; Lukas 4:1-13)
1Mangkai joo too, napatujumi Roh Allataala to Puang Isa namale de' tangnga padang pallawangan, dikua anna pengkulle-kullei nasede Ballisi' mpugauk dosa. 2Ia tonna mangkamo Puang Isa puasa patang pulo allona patang pulo bonginna, tangbarahmi. 3Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”#4:3 Anak Allataala mesa' sanga to mpamanassa kasiumputanna tau na Puang Allataala. Ia joo sanga Anak Allataala dipatuju lako Raja Mangpasalama' to napau jolo Puang Allataala. Tangngia battuananna kumua Puang Allataala ambe'na to disanga Anak Allataala susi passanga tolino.
4Apa mebalii Puang Isa nakua, “Den diuki' lan Sura' Allataala kumua,
‘Tangngia kande manda to la naputuo tau,
apa kadan-Na too Puang Allataala.’ ”#Ulangan 8:3
5Nasolan omi Ballisi' to Puang Isa de' kota Yerusalem, (iamo to kota-Na Puang Allataala), anna solanni de' bubungan Bola Puang Allataala. 6Nakuanni, “Polloranko kalemu, sanga Anak Allataalako. Te'da muciapa, nasaba' den diuki' lan Sura' Allataala kumua,
‘La nasuai Puang Allataala to malaeka'-Na la njagaiko.
La natimangko,
na moi aje-Mu te'da nalatitampah lako batu.’ ”#Zabur 91:11, 12
7Mebalimi Puang Isa nakua, “Den toopa diuki' lan Sura' Allataala kumua, ‘Danggi' muuji Puangmu, Puang Allataala.’ ”#Ulangan 6:16
8Nasolan pole' omi Ballisi' to Puang Isa de' buntu gaja jao, napakitanni to sininna kaparentan lan lino sola kamala'biranna. 9Nakua pole' omo lako Puang Isa, “La kuben ngasanko joo mukitanna, ke messuju'ko ssompana'.” 10Mebalimi nakua, “Ee Ballisi', malaiko! Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”#Ulangan 6:13 11Malaimi to Ballisi', nasaba' ditalomi, anna ratu to malaeka'-Na Puang Allataala mbenni to naparalluin-Na Puang Isa.
Puang Isa mpamula jamanna jio tana Galilea
4:12-17
(Markus 1:14-15; Lukas 4:14-15)
12Ia tonna sa'dingmi Puang Isa kumua ditarungkumi to Nabi Yahya, malemi re' tana Galilea. 13Nasalaimi to kota Nazaret, namellele lako kota Kapernaum jio randan Tasik Galilea, tana Zebulon sola Naftali.
14Susimi joo najaji to kadan-Na Puang Allataala mangka napau Nabi Yesaya tonna anu' kumua,
15“Tanana pangrapuanna Zebulon sola pangrapuanna Naftali,
diola lako tasik,
sambali'na Sa'dan Yordan,
tana Galilea, buda natorroi bangsa tangngia to-Yahudi.#4:15 Ia to tana Galilea jolona disanga tana to-Zebulon sola tana to-Naftali. Jiomo ntuu joo nanii kota Nazaret sola kota Kapernaum.
16Ia to tote'dapa naissen Puang Allataala, susimo to totuo lan kamalillinan,
na ngkitamo arrang-Na Puang Allataala.
Ia to tau susimo to totorro lan lino tomate, napubua' dosana,
naarrangngimi arrang kasalamatan-Na Puang Allataala.”#Yesaya 8:23–9:1
17Ia joo wattu napamulami Puang Isa mpangpeissenanni kumua, “La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”
Puang Isa mpilei a'pa' pangjala menjaji anak gurun-Na
4:18-22
(Markus 1:16-20; Lukas 5:1-11)
18Ia tonna lumingka-mingkamo Puang Isa jio randan Tasik Galilea, ngkitami dua tosile'to disanga Simon ba'tu Petrus sola sile'tona to disanga Andreas mangjala jiong tasik, sanga iamo jamanna. 19Nakuamo lako sola dua “Male kamu' mai nturu'na'! La kuben kamu' jaman nnajahhi tau ngkatappa'ina'.” 20Nata'pa mpatorro jalana sola dua, namale nturu'i. 21Mpatarruhmi kalingkan-Na Puang Isa, na ngkita omo dua tosile'to disanga Yakub na Yahya anakkana Zebedeus, mpemeloi jalana lan lopi sola ambe'na. Natambai omi sola dua. 22Nata'pa ssalai lopinna sola ambe'na, namale nturu' Puang Isa.
Puang Isa mangngajahhi sola mpamalagah tomasaki
4:23-25
(Lukas 6:17-19)
23Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau. 24Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi. 25Ia joo wattu buda tau undi nturu' Puang Isa. Den to ratu jio mai tana Galilea, tana Sangpulo Kota, kota Yerusalem, tana Yudea, na den too to ratu jio mai sambali'na Sa'dan Yordan.
Currently Selected:
Matius 4: mvpAD
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
Matius 4
4
Puang Isa napengkulle-kullei Ballisi' ssedei mpugauk dosa
4:1-11
(Markus 1:12-13; Lukas 4:1-13)
1Mangkai joo too, napatujumi Roh Allataala to Puang Isa namale de' tangnga padang pallawangan, dikua anna pengkulle-kullei nasede Ballisi' mpugauk dosa. 2Ia tonna mangkamo Puang Isa puasa patang pulo allona patang pulo bonginna, tangbarahmi. 3Ratumi to Ballisi' mpengkulle-kullei ssedei mpugauk dosa nakua, “Suai tee batu menjaji kande, sanga Anak Allataalako.”#4:3 Anak Allataala mesa' sanga to mpamanassa kasiumputanna tau na Puang Allataala. Ia joo sanga Anak Allataala dipatuju lako Raja Mangpasalama' to napau jolo Puang Allataala. Tangngia battuananna kumua Puang Allataala ambe'na to disanga Anak Allataala susi passanga tolino.
4Apa mebalii Puang Isa nakua, “Den diuki' lan Sura' Allataala kumua,
‘Tangngia kande manda to la naputuo tau,
apa kadan-Na too Puang Allataala.’ ”#Ulangan 8:3
5Nasolan omi Ballisi' to Puang Isa de' kota Yerusalem, (iamo to kota-Na Puang Allataala), anna solanni de' bubungan Bola Puang Allataala. 6Nakuanni, “Polloranko kalemu, sanga Anak Allataalako. Te'da muciapa, nasaba' den diuki' lan Sura' Allataala kumua,
‘La nasuai Puang Allataala to malaeka'-Na la njagaiko.
La natimangko,
na moi aje-Mu te'da nalatitampah lako batu.’ ”#Zabur 91:11, 12
7Mebalimi Puang Isa nakua, “Den toopa diuki' lan Sura' Allataala kumua, ‘Danggi' muuji Puangmu, Puang Allataala.’ ”#Ulangan 6:16
8Nasolan pole' omi Ballisi' to Puang Isa de' buntu gaja jao, napakitanni to sininna kaparentan lan lino sola kamala'biranna. 9Nakua pole' omo lako Puang Isa, “La kuben ngasanko joo mukitanna, ke messuju'ko ssompana'.” 10Mebalimi nakua, “Ee Ballisi', malaiko! Den diuki' lan Sura' Allataala kumua, ‘La ssompako Puangmu, Puang Allataala, na Ia manda to la mupu-Puang.’ ”#Ulangan 6:13 11Malaimi to Ballisi', nasaba' ditalomi, anna ratu to malaeka'-Na Puang Allataala mbenni to naparalluin-Na Puang Isa.
Puang Isa mpamula jamanna jio tana Galilea
4:12-17
(Markus 1:14-15; Lukas 4:14-15)
12Ia tonna sa'dingmi Puang Isa kumua ditarungkumi to Nabi Yahya, malemi re' tana Galilea. 13Nasalaimi to kota Nazaret, namellele lako kota Kapernaum jio randan Tasik Galilea, tana Zebulon sola Naftali.
14Susimi joo najaji to kadan-Na Puang Allataala mangka napau Nabi Yesaya tonna anu' kumua,
15“Tanana pangrapuanna Zebulon sola pangrapuanna Naftali,
diola lako tasik,
sambali'na Sa'dan Yordan,
tana Galilea, buda natorroi bangsa tangngia to-Yahudi.#4:15 Ia to tana Galilea jolona disanga tana to-Zebulon sola tana to-Naftali. Jiomo ntuu joo nanii kota Nazaret sola kota Kapernaum.
16Ia to tote'dapa naissen Puang Allataala, susimo to totuo lan kamalillinan,
na ngkitamo arrang-Na Puang Allataala.
Ia to tau susimo to totorro lan lino tomate, napubua' dosana,
naarrangngimi arrang kasalamatan-Na Puang Allataala.”#Yesaya 8:23–9:1
17Ia joo wattu napamulami Puang Isa mpangpeissenanni kumua, “La mengkatoba' kamu' jio mai dosami, nasaba' cingga'tu'mora naratu Puang Allataala mangparenta susi Raja.”
Puang Isa mpilei a'pa' pangjala menjaji anak gurun-Na
4:18-22
(Markus 1:16-20; Lukas 5:1-11)
18Ia tonna lumingka-mingkamo Puang Isa jio randan Tasik Galilea, ngkitami dua tosile'to disanga Simon ba'tu Petrus sola sile'tona to disanga Andreas mangjala jiong tasik, sanga iamo jamanna. 19Nakuamo lako sola dua “Male kamu' mai nturu'na'! La kuben kamu' jaman nnajahhi tau ngkatappa'ina'.” 20Nata'pa mpatorro jalana sola dua, namale nturu'i. 21Mpatarruhmi kalingkan-Na Puang Isa, na ngkita omo dua tosile'to disanga Yakub na Yahya anakkana Zebedeus, mpemeloi jalana lan lopi sola ambe'na. Natambai omi sola dua. 22Nata'pa ssalai lopinna sola ambe'na, namale nturu' Puang Isa.
Puang Isa mangngajahhi sola mpamalagah tomasaki
4:23-25
(Lukas 6:17-19)
23Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau. 24Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi. 25Ia joo wattu buda tau undi nturu' Puang Isa. Den to ratu jio mai tana Galilea, tana Sangpulo Kota, kota Yerusalem, tana Yudea, na den too to ratu jio mai sambali'na Sa'dan Yordan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.