MATEU 28
28
Tsogo ya Jesu
(Mar. 16:1-10; Luk. 24:1-12; Joh. 20:1-10)
1E rile ge Sabatha e seno feta, mosong wa letšatši la Sontaga, Maria Magadalena le Maria yola yo mongwe ba ya go hlola lebitla. 2Gateetee lefase la šikinyega ka maatla; morongwa wa Morena a theoga legodimong, a tla a pshikološa leswika lela a le tloša, a dula godimo ga lona. 3O be a bonala a le bjalo ka legadima, le diaparo tša gagwe di re twaa bjalo ka lehlwa. 4Ka lebaka la go tšhošwa ke morongwa yoo baleti bale ba thothomela, ba feleletša ba le bjalo ka ge nke ba hwile.
5Morongwa a re go basadi bale: “Le se ke la boifa; ke a tseba gore le nyaka Jesu yo a bego a bapotšwe sefapanong. 6Ga a gona mo, o tsogile bahung bjalo ka ge a ile a bolela. Etlang le bone mo a bego a robaditšwe gona. 7Napang le itlhaganele, le yo tsebiša barutiwa ba gagwe le re: ‘O tsogile bahung, gomme bjale o le thaka pele go ya Galilea; ke moo le tlago mmona gona.’ Ke wona molaetša wo ke le tlišeditšego wona.”
8Ke moka ba tloga moo lebitleng ba itlhaganetše ba tšhogile, fela ba thabile kudu, gomme ba kitimela go yo begela barutiwa ba gagwe.
9Gateetee Jesu a gahlana le bona a re: “Dumelang!” Bona ba mmatamela, ba mo swara maoto, ba mo khunamela. 10Yena a re go bona: “Se boifeng! Sepelang le yo botša banabešo gore ba ye Galilea, moo ba tlago mpona gona.”
Pego ya baleti
11E rile ge basadi bale ba sepela, bahlabani ba bangwe bao ba bego ba letile lebitla ba ya motseng, ba fihla ba botša baprista ba bagolo tšohle tše di diregilego. 12Baprista ba bagolo ba kopana le bagolo ba setšhaba mme ba lakana gore ba fe bahlabani bale tšhelete ye ntši, 13gomme ba re: “Le bolele gore barutiwa ba gagwe ba tlile bošego ba mo utswa lena le sa ile ka boroko. 14Ge mmušiši a ka kwa taba ye, rena re tla mmea pelwanatšhwaana ra ba ra šetša gore le lena le se tsene bothateng.”
15Baleti bao ba ile ba tšea tšhelete yeo mme ba dira ka mo ba boditšwego ka gona, gomme le lehono pego yeo e sa le ka moo e ilego ya phatlalatšwa ka gona Bajudeng.
Jesu o itšweletša go barutiwa ba gagwe
(Mar. 16:14-18; Luk. 24:36-49; Joh. 20:19-23; Dit. 1:6-8)
16 Barutiwa bale ba lesome le o tee ba ya Galilea, thabeng yela Jesu a bego a ba laetše gore ba ye go yona. 17Ge ba mmona, ba mo khunamela, le ge ba bangwe ba bona ba be ba belaela. 18Jesu a ba batamela, a re go bona: “Ke filwe maatla ohle legodimong le lefaseng. 19 Ka gona eyang go ba ditšhaba tšohle, le ba dire barutiwa ba ka: le ba kolobetše ka leina la Tate, le la Morwa, le la Moya wo Mokgethwa, 20le ba rute go phetha tšohle tše ke le laetšego tšona. Tsebang gore ke tla ba le lena ka mehla go fihla mohla lefase le fela.”
Currently Selected:
MATEU 28: NSO00
Highlight
Share
Copy
Want to have your highlights saved across all your devices? Sign up or sign in
Bible in Sepedi 2000 translation © Bible Society of South Africa 2000. Digital Version © Bible Society of South Africa 2012. All rights reserved. www.biblesa.co.za.
MATEU 28
28
Tsogo ya Jesu
(Mar. 16:1-10; Luk. 24:1-12; Joh. 20:1-10)
1E rile ge Sabatha e seno feta, mosong wa letšatši la Sontaga, Maria Magadalena le Maria yola yo mongwe ba ya go hlola lebitla. 2Gateetee lefase la šikinyega ka maatla; morongwa wa Morena a theoga legodimong, a tla a pshikološa leswika lela a le tloša, a dula godimo ga lona. 3O be a bonala a le bjalo ka legadima, le diaparo tša gagwe di re twaa bjalo ka lehlwa. 4Ka lebaka la go tšhošwa ke morongwa yoo baleti bale ba thothomela, ba feleletša ba le bjalo ka ge nke ba hwile.
5Morongwa a re go basadi bale: “Le se ke la boifa; ke a tseba gore le nyaka Jesu yo a bego a bapotšwe sefapanong. 6Ga a gona mo, o tsogile bahung bjalo ka ge a ile a bolela. Etlang le bone mo a bego a robaditšwe gona. 7Napang le itlhaganele, le yo tsebiša barutiwa ba gagwe le re: ‘O tsogile bahung, gomme bjale o le thaka pele go ya Galilea; ke moo le tlago mmona gona.’ Ke wona molaetša wo ke le tlišeditšego wona.”
8Ke moka ba tloga moo lebitleng ba itlhaganetše ba tšhogile, fela ba thabile kudu, gomme ba kitimela go yo begela barutiwa ba gagwe.
9Gateetee Jesu a gahlana le bona a re: “Dumelang!” Bona ba mmatamela, ba mo swara maoto, ba mo khunamela. 10Yena a re go bona: “Se boifeng! Sepelang le yo botša banabešo gore ba ye Galilea, moo ba tlago mpona gona.”
Pego ya baleti
11E rile ge basadi bale ba sepela, bahlabani ba bangwe bao ba bego ba letile lebitla ba ya motseng, ba fihla ba botša baprista ba bagolo tšohle tše di diregilego. 12Baprista ba bagolo ba kopana le bagolo ba setšhaba mme ba lakana gore ba fe bahlabani bale tšhelete ye ntši, 13gomme ba re: “Le bolele gore barutiwa ba gagwe ba tlile bošego ba mo utswa lena le sa ile ka boroko. 14Ge mmušiši a ka kwa taba ye, rena re tla mmea pelwanatšhwaana ra ba ra šetša gore le lena le se tsene bothateng.”
15Baleti bao ba ile ba tšea tšhelete yeo mme ba dira ka mo ba boditšwego ka gona, gomme le lehono pego yeo e sa le ka moo e ilego ya phatlalatšwa ka gona Bajudeng.
Jesu o itšweletša go barutiwa ba gagwe
(Mar. 16:14-18; Luk. 24:36-49; Joh. 20:19-23; Dit. 1:6-8)
16 Barutiwa bale ba lesome le o tee ba ya Galilea, thabeng yela Jesu a bego a ba laetše gore ba ye go yona. 17Ge ba mmona, ba mo khunamela, le ge ba bangwe ba bona ba be ba belaela. 18Jesu a ba batamela, a re go bona: “Ke filwe maatla ohle legodimong le lefaseng. 19 Ka gona eyang go ba ditšhaba tšohle, le ba dire barutiwa ba ka: le ba kolobetše ka leina la Tate, le la Morwa, le la Moya wo Mokgethwa, 20le ba rute go phetha tšohle tše ke le laetšego tšona. Tsebang gore ke tla ba le lena ka mehla go fihla mohla lefase le fela.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Sepedi 2000 translation © Bible Society of South Africa 2000. Digital Version © Bible Society of South Africa 2012. All rights reserved. www.biblesa.co.za.