Luka 20
20
Yesu Tumi Ɩwɩ Asʋn Fɩtɛhɛ
(Mateo 21:23-27; Marko 11:27-33)
1Ɛkɛ ɔkʋ Yesu bʋ Bulu ɔtswɛkpa wunsɩnɛsʋ ɩnʋ ɔdɛ Bulu asʋn wanklaan amʋ ɔkan da, ɔdɛ atɔ suna. Ɩnʋ Bulu igyi ahapʋ dɛhɛn, Mose mbla asunapʋ pʋ́ Yudafɔ ahandɛ bɛba bɔtʋ mʋ. 2Bɛfɩtɛ mʋ bɛɛ, “Ma lɛha fʋ ɔkpa fʋdɛ ntobi anfɩ bwɛ? Ma lɛha fʋ tumi?”
3Yesu lɛlɛ mʋ́ ɔnɔ ɔbɛɛ, “Mɩ ɛ nfɩtɛ mlɩ asʋn kuakʋlɛ. 4Bulu wa Asu Ɔbɔpʋ Yohane lenya tumi pʋbɔ aha asu loo, ntɛ nyankpʋsa? Mlɩbla mɩ.”
5Amʋ́ wʋlɛwʋlɛ bɔyɔ asʋn anfɩtɔ bɛɛ, “Nɩ ablɩ anɩaa itsu Bulu wa a, ɔbɛ́fɩtɛ anɩ ɔbɛɛ, mʋ́ ntogyi sʋ anɩmɔhɔ mʋ gyi? 6Nɩ ablɩ anɩaa, nyankpʋsa wa ɛ a, ɔdɔm anfɩ bɛ́da anɩ abwi mɔ, tsufɛ bohogyi ánɩ́ Bulu ɔnɔsʋ ɔtɔɩpʋ Yohane gyi.” 7Mʋ́ sʋ bɛlɛ mʋ́ ɔnɔ bɛɛ, “Ohwee! Anɩmeyin ɔtɩnɛá olenya mʋ tumi tsu.”
8Yesu lɛbla amʋ́ ɔbɛɛ, “Mʋmʋ mɩ ɛ mmɛ́ɛbla mlɩ tumi oduá ndɛpʋbwɛ ntobi anfɩ.”
Apafɔ Lalahɛ Akʋ
(Mateo 21:33-46; Marko 12:1-12)
9Ɩnʋ Yesu lɛtra ha amʋ́ yebi ɔbɛɛ, “Ɔdɔtɔpʋ ɔkʋ lɔdɔ waɩn ndɔ, ɔlɔpʋ ndɔ amʋ wa apafɔ ɩbɩtɔ, tu ɔkpa yɔ ɔmá kʋtɔ yetsia ɩnʋ nfi-nfi. 10Brɛá waɩn-abi amʋ kpɔtɩbɩ lɔfʋn a, ɔlɔwa mʋ osumpʋ apafɔ amʋ wa ɔbɛɛ, ɔyɛhɔ mʋ ogyikpa ba mʋ. Tamɛ apafɔ amʋ bɛda obi amʋ, gya mʋ sɩsɩ ɩbɩkpan. 11Ɔdɔtɔpʋ amʋ lɛlawa mʋ osumpʋ nyɔsɩ amʋ́ wa. Apafɔ amʋ bɛda mʋ, sʋpa mʋ, gya mʋ ɛ sɩsɩ ɩbɩkpan. 12Ɔlɛtra lawa ɔba sasɩ. Apafɔ amʋ bepilan mʋ, gya mʋ ɛ lɛ ndɔ amʋtɔ. 13Mʋʋ ndɔ mʋ wie amʋ lɛblɩ ɔbɛɛ, ‘Nkalɩ kʋraa nɔ́bwɛ? Nɔ́wa mɩ onuto mɩ bi ɔdwɛpʋ amʋ́ wa. Fialɩ bóbu mʋ mʋ́.> 14Tamɛ brɛá apafɔ amʋ bowun mʋ bi amʋ sɩsɩ a, bɛbla aba bɛɛ, ‘Ɔ́nɩ obégyi mʋ sɩ atɔ nɩ. Mlɩha amɔ mʋ, mɛnɩ ndɔ amʋ ibémli anɩ klɛ.> 15Ɩnʋ bɛkɩta mʋ, bɩtɩa mʋ dalɩ ndɔ amʋtɔ yɔmɔ mʋ.
“Ntɔ mlɩlahogyi mlɩaa, ndɔ mʋ wie amʋ ɔbɔ́bwɛ apafɔ anfɩ? 16Ɔbɛ́ba bɔmɔ amʋ́, pʋ ndɔ amʋ wa apafɔ bamba ɩbɩtɔ.”
Brɛá aha amʋ bonu asʋn anfɩ a, bɛblɩ bɛɛ, “Ɩnɩ mʋ́ ɩtsʋn anɩsʋ!”
17Yesu lɛkɩ amʋ́ ansɩtɔ diin, ɔlɛfɩtɛ amʋ́ ɔbɛɛ, “Bulu asʋn anfɩ asɩ mɛ?
‘Ibwi amʋʋ obu ayipʋ bekina amʋ
lebemli okonkisʋbwi nɩ.>
18Ɔhagyiɔha ánɩ́ ɔlɛdɩda ibwi amʋsʋ obébiabia blublublublu. Nɩ ibwi amʋ isunki da ɔkʋsʋ ɛ a, ɩbɔ́kwɛ mʋ fɩkɔfɩkɔfɩkɔ fɛ nfuo.”
Lampooka
(Mateo 22:15-22; Marko 12:13-17)
19Ɩlɔwankɩ Mose mbla asunapʋ pʋ́ Bulu igyi ahapʋ amʋ ánɩ́ amʋ́ ɩwɩ yebi alaha. Ɩnʋ bekleá bɛ́kɩta mʋ, tamɛ benya aha amʋ ifu. 20Mʋ́ sʋ bodunka ɔkpa ánɩ́ bɔ́tsʋn mʋ́sʋ kɩta mʋ. Ɩnʋ bɛlɛ aha bɛɛ, bʋpina bwɛ ɩwɩ fɛ aha wanklaan; abʋtɛ mʋ kɩ bɛɛ bónu asʋankʋ tsu mʋ ɔnɔ, mɛnɩ bɛ́lɩɩ mʋ́sʋ kɩta mʋ ya ɔmásʋ ogyipʋ. Mʋbʋ tumi gyi mʋ asʋn. 21Yesu atɛpʋ amʋ bɛfɩtɛ mʋ bɛɛ, “Osunapʋ, anɩyin ánɩ́ ɔnɔkwalɩpʋ fʋgyi, fʋtosuna mʋ́ ɛ. Fʋtamakɩ ɔhaa ansɩtɔ. Mboun fʋtosuna Bulu ɔkpa amʋ ɔnɔkwalɩsʋ. 22Afɩtɛ fʋ! Anɩ mbla lɛha ɔkpa ánɩ́ aka lampoo ha Roma owie dɛhɛn Kaesare, ntɛ anɩmáka?”
23Tamɛ Yesu lowun amʋ́ agywɩɩn. Mʋ́ sʋ ɔlɛbla amʋ́ ɔbɛɛ, 24“Mlɩpʋ kɔba amʋ ɩkʋ ba mɩ ankɩ.” Bɔpʋba mʋ. Mʋʋ ɔlɛfɩtɛ amʋ́ ɔbɛɛ, “Ma nwun pʋ́ mʋ ɩda dɩn mʋ́sʋ?”
Bɛlɛ mʋ́ ɔnɔ bɛɛ, “Kaesare.”
25Mʋʋ ɔlɛbla amʋ́ ɔbɛɛ, “Mʋmʋ mlɩpʋ tɔá igyi Kaesare klɛ ha Kaesare, amlɩpʋ mʋ́á igyi Bulu klɛ ɛ ha Bulu.”
26Mʋ́ sʋ bʋmɛtalɩ lɩɩ Yesu asʋn blɩhɛ anfɩsʋ kɩta mʋ aha amʋ ansɩtɔ. Ɔnɔ ɛ lobwie amʋ́, bʋmɛtalɩ tra bwii ɔnɔ.
Kʋsʋ Tsu Afulitɔ Ɩwɩ Asʋn Fɩtɛhɛ
(Mateo 22:23-33; Marko 12:18-27)
27 Sadukifɔ ɔpasua bʋtɛblɩ bɛɛ, kʋsʋ tsu afulitɔ ma ɩnʋ. Amʋ́tɔ akʋ bɛba Yesu wa, 28bɛfɩtɛ mʋ bɛɛ, “Osunapʋ, Mose lɔwanlɩn tswɩ anɩ ɔbɛɛ, ‘Nɩ ɔkʋ mʋa mʋ ka bʋmɔkwɩɩ asa olowu si mʋ ka amʋ a, mʋ pio otsu mʋ ka amʋ tsia, fɛkɩ ɔkwɩɩ ha owupʋ amʋ.> 29Oyin ɔkʋlɛ abi abasienɔ akʋ betsia. Amʋ́tɔ ogyankpapʋ letsia ɔka, tamɛ ɔmɔkwɩɩ asa olowu. 30Mʋ gyama lotsu ɔsʋrapʋka amʋ tsia, tamɛ mʋ ɛ ɔmɔkwɩɩ. 31Ɔsasɩ ɛ lotsu ɔtsɩ amʋ tsia. Mʋ ɛ ɔmɔkwɩɩ. Alɩɩ yɔtʋ osienɔsɩ amʋ. Amʋ́tɔ ɔkʋkʋ mɔkwɩɩ asa olowu. 32Ɔma-ɔma a, ɔsʋrapʋ amʋ ɛ lobowu. 33Afuli ɔkʋsʋkɛ a, amʋ́tɔ ɔmɔmʋ ɔbɔ́bwɛ mʋ klu? Tsufɛ amʋ́ abasienɔ amʋ fɛ́ɛ́ betsia mʋ.”
34Mʋʋ Yesu lɛlɛ mʋ́ ɔnɔ ɔbɛɛ, “Ɔyɩ anfɩtɔ aha tetsia aka mʋ́a aklu. 35Tamɛ ɩmɛ́ɛba alɩ brɛ amʋʋ ɩba amʋtɔ. Aha amʋʋ bɔfʋn ánɩ́ bɔ́kʋsʋ tsu afulitɔ, tsia nkpa ɔyɩ amʋʋ ɩbɛ́ba amʋtɔ amʋ mʋ́ bʋméetsia aklu, bʋméetsia aka. 36Bʋmɛ́ɛtra wu, tsufɛ bɔ́bwɛ fɛ Bulu-abɔpʋ. Bulu aha bʋgyi, tsufɛ bakʋsʋ tsu afulitɔ. 37Anɩ nain Mose kʋraa lɔwanlɩn atɔ tsu afulikʋsʋ ɩwɩ. Tsufɛ ɔlɔwanlɩn ɔbɛɛ, ɛkɛ amʋʋ olowun oyibi kʋ dɛ ogya tsii, tamɛ ɩmɛdɛhɔ amʋ a, ɔlɛtɩ Bulu ɔbɛɛ, ‘Abraham mʋa Isakɩ pʋ́ Yakob Bulu.> 38Megyi awupʋ Bulu ogyi, akɩankpapʋ Bulu ogyi. Tsufɛ mʋ ansɩtɔ mʋ́ a, amʋ́ fɛ́ɛ́ bʋbʋ nkpa.”
39Ɩnʋ Mose mbla asunapʋ amʋ akʋ bɛblɩ bɛɛ, “Osunapʋ, fabɩ lɛ mʋ́ ɔnɔ!” 40Mʋ́ sʋ amʋ́tɔ ɔkʋkʋʋkʋ mɛtra wa klʋn fɩtɛ mʋ asʋansʋ.
Ma Gyi Kristo Amʋ?
(Mateo 22:41-46; Marko 12:35-37)
41Ɩnʋ Yesu lɛfɩtɛ mbla asunapʋ amʋ ɔbɛɛ, “Nkalɩ ɩlɔbwɛ asa aha bɛɛ, Owie Dawid mʋ na gyi Kristo amʋ? 42Tsufɛ owie Dawid onuto lɛblɩ Israelfɔ ɩlʋ amʋtɔ ɔbɛɛ,
‘Anɩ Wie Bulu lɛbla mɩ Wie ɔbɛɛ,
Tsia mɩ gyɔpɩsʋ,
43yɔfʋn brɛá nɔ́pʋ fʋ alupʋ bwɛ fʋ ayabi oyikpa.>
44Owie Dawid lɛtɩ Kristo amʋ ɔbɛɛ, mʋ wie. Mʋ́ nkalɩ sʋ ɔtra ogyi mʋ na?”
Mose Mbla Asunapʋ Tsiatɔ
(Mateo 23:1-36; Marko 12:38-40)
45Ɩnʋ ɔlɛbla mʋ akasɩpʋ aha amʋ ansɩtɔ ɔbɛɛ, 46“Mlɩkɩ Mose mbla asunapʋ anfɩ wanklaan. Bʋtekle liga wa natɩ ki. Bʋtekle bɛɛ, aha bʋbun ha amʋ́ itsia dɩnsʋ. Otsiakpa yile bʋtekle tsia Yudafɔ ofiakpa pʋ́ nkɛ ogyikpa. 47Bʋtɔswɩɩ asʋrapʋ amʋ́ woyi, bʋtepina bɔ mpaɩ tɩntɩntɩn ahatɔ pʋbun amʋ́ lalahɛsʋ. Bulu ɔbɛ́bɩtɩ amʋ́ ɩsʋ kinkiinkin!”
Currently Selected:
Luka 20: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Luka 20
20
Yesu Tumi Ɩwɩ Asʋn Fɩtɛhɛ
(Mateo 21:23-27; Marko 11:27-33)
1Ɛkɛ ɔkʋ Yesu bʋ Bulu ɔtswɛkpa wunsɩnɛsʋ ɩnʋ ɔdɛ Bulu asʋn wanklaan amʋ ɔkan da, ɔdɛ atɔ suna. Ɩnʋ Bulu igyi ahapʋ dɛhɛn, Mose mbla asunapʋ pʋ́ Yudafɔ ahandɛ bɛba bɔtʋ mʋ. 2Bɛfɩtɛ mʋ bɛɛ, “Ma lɛha fʋ ɔkpa fʋdɛ ntobi anfɩ bwɛ? Ma lɛha fʋ tumi?”
3Yesu lɛlɛ mʋ́ ɔnɔ ɔbɛɛ, “Mɩ ɛ nfɩtɛ mlɩ asʋn kuakʋlɛ. 4Bulu wa Asu Ɔbɔpʋ Yohane lenya tumi pʋbɔ aha asu loo, ntɛ nyankpʋsa? Mlɩbla mɩ.”
5Amʋ́ wʋlɛwʋlɛ bɔyɔ asʋn anfɩtɔ bɛɛ, “Nɩ ablɩ anɩaa itsu Bulu wa a, ɔbɛ́fɩtɛ anɩ ɔbɛɛ, mʋ́ ntogyi sʋ anɩmɔhɔ mʋ gyi? 6Nɩ ablɩ anɩaa, nyankpʋsa wa ɛ a, ɔdɔm anfɩ bɛ́da anɩ abwi mɔ, tsufɛ bohogyi ánɩ́ Bulu ɔnɔsʋ ɔtɔɩpʋ Yohane gyi.” 7Mʋ́ sʋ bɛlɛ mʋ́ ɔnɔ bɛɛ, “Ohwee! Anɩmeyin ɔtɩnɛá olenya mʋ tumi tsu.”
8Yesu lɛbla amʋ́ ɔbɛɛ, “Mʋmʋ mɩ ɛ mmɛ́ɛbla mlɩ tumi oduá ndɛpʋbwɛ ntobi anfɩ.”
Apafɔ Lalahɛ Akʋ
(Mateo 21:33-46; Marko 12:1-12)
9Ɩnʋ Yesu lɛtra ha amʋ́ yebi ɔbɛɛ, “Ɔdɔtɔpʋ ɔkʋ lɔdɔ waɩn ndɔ, ɔlɔpʋ ndɔ amʋ wa apafɔ ɩbɩtɔ, tu ɔkpa yɔ ɔmá kʋtɔ yetsia ɩnʋ nfi-nfi. 10Brɛá waɩn-abi amʋ kpɔtɩbɩ lɔfʋn a, ɔlɔwa mʋ osumpʋ apafɔ amʋ wa ɔbɛɛ, ɔyɛhɔ mʋ ogyikpa ba mʋ. Tamɛ apafɔ amʋ bɛda obi amʋ, gya mʋ sɩsɩ ɩbɩkpan. 11Ɔdɔtɔpʋ amʋ lɛlawa mʋ osumpʋ nyɔsɩ amʋ́ wa. Apafɔ amʋ bɛda mʋ, sʋpa mʋ, gya mʋ ɛ sɩsɩ ɩbɩkpan. 12Ɔlɛtra lawa ɔba sasɩ. Apafɔ amʋ bepilan mʋ, gya mʋ ɛ lɛ ndɔ amʋtɔ. 13Mʋʋ ndɔ mʋ wie amʋ lɛblɩ ɔbɛɛ, ‘Nkalɩ kʋraa nɔ́bwɛ? Nɔ́wa mɩ onuto mɩ bi ɔdwɛpʋ amʋ́ wa. Fialɩ bóbu mʋ mʋ́.> 14Tamɛ brɛá apafɔ amʋ bowun mʋ bi amʋ sɩsɩ a, bɛbla aba bɛɛ, ‘Ɔ́nɩ obégyi mʋ sɩ atɔ nɩ. Mlɩha amɔ mʋ, mɛnɩ ndɔ amʋ ibémli anɩ klɛ.> 15Ɩnʋ bɛkɩta mʋ, bɩtɩa mʋ dalɩ ndɔ amʋtɔ yɔmɔ mʋ.
“Ntɔ mlɩlahogyi mlɩaa, ndɔ mʋ wie amʋ ɔbɔ́bwɛ apafɔ anfɩ? 16Ɔbɛ́ba bɔmɔ amʋ́, pʋ ndɔ amʋ wa apafɔ bamba ɩbɩtɔ.”
Brɛá aha amʋ bonu asʋn anfɩ a, bɛblɩ bɛɛ, “Ɩnɩ mʋ́ ɩtsʋn anɩsʋ!”
17Yesu lɛkɩ amʋ́ ansɩtɔ diin, ɔlɛfɩtɛ amʋ́ ɔbɛɛ, “Bulu asʋn anfɩ asɩ mɛ?
‘Ibwi amʋʋ obu ayipʋ bekina amʋ
lebemli okonkisʋbwi nɩ.>
18Ɔhagyiɔha ánɩ́ ɔlɛdɩda ibwi amʋsʋ obébiabia blublublublu. Nɩ ibwi amʋ isunki da ɔkʋsʋ ɛ a, ɩbɔ́kwɛ mʋ fɩkɔfɩkɔfɩkɔ fɛ nfuo.”
Lampooka
(Mateo 22:15-22; Marko 12:13-17)
19Ɩlɔwankɩ Mose mbla asunapʋ pʋ́ Bulu igyi ahapʋ amʋ ánɩ́ amʋ́ ɩwɩ yebi alaha. Ɩnʋ bekleá bɛ́kɩta mʋ, tamɛ benya aha amʋ ifu. 20Mʋ́ sʋ bodunka ɔkpa ánɩ́ bɔ́tsʋn mʋ́sʋ kɩta mʋ. Ɩnʋ bɛlɛ aha bɛɛ, bʋpina bwɛ ɩwɩ fɛ aha wanklaan; abʋtɛ mʋ kɩ bɛɛ bónu asʋankʋ tsu mʋ ɔnɔ, mɛnɩ bɛ́lɩɩ mʋ́sʋ kɩta mʋ ya ɔmásʋ ogyipʋ. Mʋbʋ tumi gyi mʋ asʋn. 21Yesu atɛpʋ amʋ bɛfɩtɛ mʋ bɛɛ, “Osunapʋ, anɩyin ánɩ́ ɔnɔkwalɩpʋ fʋgyi, fʋtosuna mʋ́ ɛ. Fʋtamakɩ ɔhaa ansɩtɔ. Mboun fʋtosuna Bulu ɔkpa amʋ ɔnɔkwalɩsʋ. 22Afɩtɛ fʋ! Anɩ mbla lɛha ɔkpa ánɩ́ aka lampoo ha Roma owie dɛhɛn Kaesare, ntɛ anɩmáka?”
23Tamɛ Yesu lowun amʋ́ agywɩɩn. Mʋ́ sʋ ɔlɛbla amʋ́ ɔbɛɛ, 24“Mlɩpʋ kɔba amʋ ɩkʋ ba mɩ ankɩ.” Bɔpʋba mʋ. Mʋʋ ɔlɛfɩtɛ amʋ́ ɔbɛɛ, “Ma nwun pʋ́ mʋ ɩda dɩn mʋ́sʋ?”
Bɛlɛ mʋ́ ɔnɔ bɛɛ, “Kaesare.”
25Mʋʋ ɔlɛbla amʋ́ ɔbɛɛ, “Mʋmʋ mlɩpʋ tɔá igyi Kaesare klɛ ha Kaesare, amlɩpʋ mʋ́á igyi Bulu klɛ ɛ ha Bulu.”
26Mʋ́ sʋ bʋmɛtalɩ lɩɩ Yesu asʋn blɩhɛ anfɩsʋ kɩta mʋ aha amʋ ansɩtɔ. Ɔnɔ ɛ lobwie amʋ́, bʋmɛtalɩ tra bwii ɔnɔ.
Kʋsʋ Tsu Afulitɔ Ɩwɩ Asʋn Fɩtɛhɛ
(Mateo 22:23-33; Marko 12:18-27)
27 Sadukifɔ ɔpasua bʋtɛblɩ bɛɛ, kʋsʋ tsu afulitɔ ma ɩnʋ. Amʋ́tɔ akʋ bɛba Yesu wa, 28bɛfɩtɛ mʋ bɛɛ, “Osunapʋ, Mose lɔwanlɩn tswɩ anɩ ɔbɛɛ, ‘Nɩ ɔkʋ mʋa mʋ ka bʋmɔkwɩɩ asa olowu si mʋ ka amʋ a, mʋ pio otsu mʋ ka amʋ tsia, fɛkɩ ɔkwɩɩ ha owupʋ amʋ.> 29Oyin ɔkʋlɛ abi abasienɔ akʋ betsia. Amʋ́tɔ ogyankpapʋ letsia ɔka, tamɛ ɔmɔkwɩɩ asa olowu. 30Mʋ gyama lotsu ɔsʋrapʋka amʋ tsia, tamɛ mʋ ɛ ɔmɔkwɩɩ. 31Ɔsasɩ ɛ lotsu ɔtsɩ amʋ tsia. Mʋ ɛ ɔmɔkwɩɩ. Alɩɩ yɔtʋ osienɔsɩ amʋ. Amʋ́tɔ ɔkʋkʋ mɔkwɩɩ asa olowu. 32Ɔma-ɔma a, ɔsʋrapʋ amʋ ɛ lobowu. 33Afuli ɔkʋsʋkɛ a, amʋ́tɔ ɔmɔmʋ ɔbɔ́bwɛ mʋ klu? Tsufɛ amʋ́ abasienɔ amʋ fɛ́ɛ́ betsia mʋ.”
34Mʋʋ Yesu lɛlɛ mʋ́ ɔnɔ ɔbɛɛ, “Ɔyɩ anfɩtɔ aha tetsia aka mʋ́a aklu. 35Tamɛ ɩmɛ́ɛba alɩ brɛ amʋʋ ɩba amʋtɔ. Aha amʋʋ bɔfʋn ánɩ́ bɔ́kʋsʋ tsu afulitɔ, tsia nkpa ɔyɩ amʋʋ ɩbɛ́ba amʋtɔ amʋ mʋ́ bʋméetsia aklu, bʋméetsia aka. 36Bʋmɛ́ɛtra wu, tsufɛ bɔ́bwɛ fɛ Bulu-abɔpʋ. Bulu aha bʋgyi, tsufɛ bakʋsʋ tsu afulitɔ. 37Anɩ nain Mose kʋraa lɔwanlɩn atɔ tsu afulikʋsʋ ɩwɩ. Tsufɛ ɔlɔwanlɩn ɔbɛɛ, ɛkɛ amʋʋ olowun oyibi kʋ dɛ ogya tsii, tamɛ ɩmɛdɛhɔ amʋ a, ɔlɛtɩ Bulu ɔbɛɛ, ‘Abraham mʋa Isakɩ pʋ́ Yakob Bulu.> 38Megyi awupʋ Bulu ogyi, akɩankpapʋ Bulu ogyi. Tsufɛ mʋ ansɩtɔ mʋ́ a, amʋ́ fɛ́ɛ́ bʋbʋ nkpa.”
39Ɩnʋ Mose mbla asunapʋ amʋ akʋ bɛblɩ bɛɛ, “Osunapʋ, fabɩ lɛ mʋ́ ɔnɔ!” 40Mʋ́ sʋ amʋ́tɔ ɔkʋkʋʋkʋ mɛtra wa klʋn fɩtɛ mʋ asʋansʋ.
Ma Gyi Kristo Amʋ?
(Mateo 22:41-46; Marko 12:35-37)
41Ɩnʋ Yesu lɛfɩtɛ mbla asunapʋ amʋ ɔbɛɛ, “Nkalɩ ɩlɔbwɛ asa aha bɛɛ, Owie Dawid mʋ na gyi Kristo amʋ? 42Tsufɛ owie Dawid onuto lɛblɩ Israelfɔ ɩlʋ amʋtɔ ɔbɛɛ,
‘Anɩ Wie Bulu lɛbla mɩ Wie ɔbɛɛ,
Tsia mɩ gyɔpɩsʋ,
43yɔfʋn brɛá nɔ́pʋ fʋ alupʋ bwɛ fʋ ayabi oyikpa.>
44Owie Dawid lɛtɩ Kristo amʋ ɔbɛɛ, mʋ wie. Mʋ́ nkalɩ sʋ ɔtra ogyi mʋ na?”
Mose Mbla Asunapʋ Tsiatɔ
(Mateo 23:1-36; Marko 12:38-40)
45Ɩnʋ ɔlɛbla mʋ akasɩpʋ aha amʋ ansɩtɔ ɔbɛɛ, 46“Mlɩkɩ Mose mbla asunapʋ anfɩ wanklaan. Bʋtekle liga wa natɩ ki. Bʋtekle bɛɛ, aha bʋbun ha amʋ́ itsia dɩnsʋ. Otsiakpa yile bʋtekle tsia Yudafɔ ofiakpa pʋ́ nkɛ ogyikpa. 47Bʋtɔswɩɩ asʋrapʋ amʋ́ woyi, bʋtepina bɔ mpaɩ tɩntɩntɩn ahatɔ pʋbun amʋ́ lalahɛsʋ. Bulu ɔbɛ́bɩtɩ amʋ́ ɩsʋ kinkiinkin!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation