Yohane 15
15
Waɩn Oyi Onuto
1Yesu lɛblɩ ɔbɛɛ, “Mɩgyi waɩn ɩfla onuto. Mɩ Sɩ gyi mʋ́ ɔdɔpʋ. 2Bambigyibambiá ɩbʋ mɩ ɩwɩ, ɩtamaswie a, ɔtɛkpalɩ mʋ́ tsitsa. Tamɛ kugyikʋá itoswie a, ɔtɛla mʋ́ wanklaan, mɛnɩ ibóswie tsɔtsɔɔtsɔ dʋn. 3Mɩ atosunahɛ anfɩ mlɩlanu anfɩ sʋ mlɩ ɩwɩ latɩn dodo. 4Mlɩtsia mɩtɔ, mɩ ɛ antsia mlɩtɔ. Bambi kʋkʋʋkʋ mɛ́ɛtalɩ swie abi, nkɛtɩ ɩtsa mʋ́ oyisʋ bregyibrɛ. Alɩ kɛn mlɩ ɛ mlɩmɛ́ɛtalɩ swie abi, nkɛtɩ mlɩbʋ mɩtɔ nɩ.
5“Mɩgyi waɩn-ɩfla amʋ. Mlɩgyi mʋ́ abambi. Ɔha ánɩ́ ɔbʋ mɩtɔ, mɩ ɛ mbʋ mʋtɔ obóswie abi tsɔtsɔɔtsɔ, tsufɛ mlɩmɛ́ɛtalɩ bwɛ tɔtɔɔtɔ tsʋn mɩ ɔma. 6Ɔhagyiɔha ánɩ́ ometsie mɩtɔ gyi fɛ bambiá bakpalɩ mʋ́ bun. Ɩbɔ́wʋlɩ, bɛ́kpa mʋ́ wa ogya. 7Nɩ mlɩtsie mɩtɔ, mɩ asʋn ɛ ɩbʋ mlɩtɔ a, mlɛ́fɩtɛ mɩ Sɩ togyitɔá mlɩdekle, ɔbɛ́ha mlɩ. 8Nɩ mloswie abi tsɔtsɔɔtsɔ a, ɩbɔ́wa mɩ Sɩ numnyam. Mʋ́ obósuna ánɩ́ mɩ akasɩpʋ mlɩgyi nɩ. 9Alɩ amʋʋ mɩ Sɩ tɔdwɛ mɩ amʋ a, alɩ kɛn mɩ ɛ ntɔdwɛ mlɩ nɩ. Mlɩtsia mɩtɔ, mɛnɩ nɔ́dwɛ mlɩ yɔ. 10Nɩ mlegyi mɩ mblasʋ a, nɔ́dwɛ mlɩ yɔ, fɛ alɩ amʋʋ mɩ ɛ ntegyi mɩ Sɩ mblasʋ, ɔtɔdwɛ mɩ yɔ amʋ.
11“Nabla mlɩ asʋn anfɩ fɛ́ɛ́, mɛnɩ ansigyi amʋʋ ɩbʋ mɩtɔ amʋ bétsia mlɩtɔ. Fówun ansɩ bégyi mlɩ wanklaan. 12Mbla ánɩ́ ndɛpʋha mlɩ gyi; mlɩdwɛ aba fɛ alɩá ntɔdwɛ mlɩ. 13Ɔdwɛ kʋkʋ mɔdʋn ánɩ́ ɔkʋ obówu mʋ nyawie nwunsʋ. 14Nɩ mlegyi mɩ mblasʋ a, mɩ anyawie mlɩgyi. 15Mmɛ́ɛtra tɩ mlɩ mɩ asumpʋ. Tsufɛ osumpʋ meyin tɔá mʋ wie dɛbwɛ. Ndɛ mlɩtɩ mɩ anyawie, tsufɛ nabla mlɩ togyitɔá nonu tsu mɩ Sɩ wa. 16Megyi mlɩ lɛlɛ mɩ. Mɩlɛlɛ mlɩ yaɩ mbɛɛ, mlɩyɔ amlɩyoswie abiá ibétsia brɛ fɛ́ɛ́, mɛnɩ mɩ Sɩ ɔbɛ́ha mlɩ togyitɔá mlɔ́kʋlɩ mʋ mɩ ɩdatɔ. 17Mbla ánɩ́ ndɛwa ha mlɩ gyi, ‘Mlɩdwɛ aba.>
Aha Bólu Mlɩ
18“Nɩ ɔyɩtɔ aha bʋdɛ mlɩ lu a, mlɩkaɩn ánɩ́ mɩ begyankpa lu. 19Nɩ ɔyɩtɔ aha mlɩgyi a, tɛkɩ ɔyɩtɔ aha bɔ́dwɛ mlɩ fɛ amʋ́ abi. Tamɛ nalɛ mlɩ tsu ɔyɩtɔfɔtɔ, sʋ mlɩmá amʋ́tɔ. Ɩnɩ sʋ ɔyɩtɔfɔ bʋtolu mlɩ nɩ. 20Mlɩkaɩn asʋn amʋʋ nɛbla mlɩ mbɛɛ, ‘Osumpʋ ɔkʋkʋ mɔdʋn mʋ wie> amʋsʋ. Nɩ aha bʋdɩn mɩsʋ a, mlɩ ɛ bɛ́dɩnka mlɩsʋ. Nɩ begyi mɩ asʋnsʋ a, mlɩ ɛ bégyi mlɩ asʋnsʋ. 21Tamɛ mɩbʋ mlɩ, sʋ bɔ́pʋ ɩnɩ fɛ́ɛ́ gyi mlɩ, tsufɛ bʋmeyin ɔha amʋʋ ɔlɔwa mɩ amʋ. 22Nɩ mmɔkʋbla amʋ́ asʋansʋ a, tɛkɩ bʋma ɩpɔn kʋkʋ gyi. Tamɛ sei anfɩ mʋ́ bʋma ɔnɔ lɛ. 23Ɔhagyiɔha ánɩ́ otolu mɩ tolu mɩ Sɩ ɛ. 24Nabɔbwɛ agyʋma ánɩ́ ɔhaa mɔkʋbwɛ mʋ́ odu kɩ amʋ́tɔ. Nɩ bʋmɔpʋ amʋ́ ansibi wun mʋ́ a, tɛkɩ Bulu mɛ́ɛha amʋ́ ɩpɔn. Bowun tɔá nɔbwɛ asa bʋdɛ mɩa mɩ Sɩ lu. 25Ilehian ánɩ́ ɩbɛ́ba alɩ, mɛnɩ asʋn amʋʋ bɔwanlɩn wa amʋ́ Mblatɔ bɛɛ, ‘Bolu mɩ kpaalɩ> amʋ ɩbɛ́ba mʋ́tɔ.
26“Nɔ́wa Ɔma Ɔlɩɩpʋ obótsu mɩ Sɩ wa ba. Mʋgyi Ɔŋɛ Wankɩhɛ amʋ. Mʋtosuna ɔnɔkwalɩá ɩbʋ Bulutɔ. Obégyi mɩ ɩwɩ adansɩɛ. 27Mlɩ ɛ mlégyi mɩ ɩwɩ adansɩɛ, tsufɛ mlɩlatsia mɩ wa tsu brɛá nefi atɔ suna asɩ.
Currently Selected:
Yohane 15: nko
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation
Yohane 15
15
Waɩn Oyi Onuto
1Yesu lɛblɩ ɔbɛɛ, “Mɩgyi waɩn ɩfla onuto. Mɩ Sɩ gyi mʋ́ ɔdɔpʋ. 2Bambigyibambiá ɩbʋ mɩ ɩwɩ, ɩtamaswie a, ɔtɛkpalɩ mʋ́ tsitsa. Tamɛ kugyikʋá itoswie a, ɔtɛla mʋ́ wanklaan, mɛnɩ ibóswie tsɔtsɔɔtsɔ dʋn. 3Mɩ atosunahɛ anfɩ mlɩlanu anfɩ sʋ mlɩ ɩwɩ latɩn dodo. 4Mlɩtsia mɩtɔ, mɩ ɛ antsia mlɩtɔ. Bambi kʋkʋʋkʋ mɛ́ɛtalɩ swie abi, nkɛtɩ ɩtsa mʋ́ oyisʋ bregyibrɛ. Alɩ kɛn mlɩ ɛ mlɩmɛ́ɛtalɩ swie abi, nkɛtɩ mlɩbʋ mɩtɔ nɩ.
5“Mɩgyi waɩn-ɩfla amʋ. Mlɩgyi mʋ́ abambi. Ɔha ánɩ́ ɔbʋ mɩtɔ, mɩ ɛ mbʋ mʋtɔ obóswie abi tsɔtsɔɔtsɔ, tsufɛ mlɩmɛ́ɛtalɩ bwɛ tɔtɔɔtɔ tsʋn mɩ ɔma. 6Ɔhagyiɔha ánɩ́ ometsie mɩtɔ gyi fɛ bambiá bakpalɩ mʋ́ bun. Ɩbɔ́wʋlɩ, bɛ́kpa mʋ́ wa ogya. 7Nɩ mlɩtsie mɩtɔ, mɩ asʋn ɛ ɩbʋ mlɩtɔ a, mlɛ́fɩtɛ mɩ Sɩ togyitɔá mlɩdekle, ɔbɛ́ha mlɩ. 8Nɩ mloswie abi tsɔtsɔɔtsɔ a, ɩbɔ́wa mɩ Sɩ numnyam. Mʋ́ obósuna ánɩ́ mɩ akasɩpʋ mlɩgyi nɩ. 9Alɩ amʋʋ mɩ Sɩ tɔdwɛ mɩ amʋ a, alɩ kɛn mɩ ɛ ntɔdwɛ mlɩ nɩ. Mlɩtsia mɩtɔ, mɛnɩ nɔ́dwɛ mlɩ yɔ. 10Nɩ mlegyi mɩ mblasʋ a, nɔ́dwɛ mlɩ yɔ, fɛ alɩ amʋʋ mɩ ɛ ntegyi mɩ Sɩ mblasʋ, ɔtɔdwɛ mɩ yɔ amʋ.
11“Nabla mlɩ asʋn anfɩ fɛ́ɛ́, mɛnɩ ansigyi amʋʋ ɩbʋ mɩtɔ amʋ bétsia mlɩtɔ. Fówun ansɩ bégyi mlɩ wanklaan. 12Mbla ánɩ́ ndɛpʋha mlɩ gyi; mlɩdwɛ aba fɛ alɩá ntɔdwɛ mlɩ. 13Ɔdwɛ kʋkʋ mɔdʋn ánɩ́ ɔkʋ obówu mʋ nyawie nwunsʋ. 14Nɩ mlegyi mɩ mblasʋ a, mɩ anyawie mlɩgyi. 15Mmɛ́ɛtra tɩ mlɩ mɩ asumpʋ. Tsufɛ osumpʋ meyin tɔá mʋ wie dɛbwɛ. Ndɛ mlɩtɩ mɩ anyawie, tsufɛ nabla mlɩ togyitɔá nonu tsu mɩ Sɩ wa. 16Megyi mlɩ lɛlɛ mɩ. Mɩlɛlɛ mlɩ yaɩ mbɛɛ, mlɩyɔ amlɩyoswie abiá ibétsia brɛ fɛ́ɛ́, mɛnɩ mɩ Sɩ ɔbɛ́ha mlɩ togyitɔá mlɔ́kʋlɩ mʋ mɩ ɩdatɔ. 17Mbla ánɩ́ ndɛwa ha mlɩ gyi, ‘Mlɩdwɛ aba.>
Aha Bólu Mlɩ
18“Nɩ ɔyɩtɔ aha bʋdɛ mlɩ lu a, mlɩkaɩn ánɩ́ mɩ begyankpa lu. 19Nɩ ɔyɩtɔ aha mlɩgyi a, tɛkɩ ɔyɩtɔ aha bɔ́dwɛ mlɩ fɛ amʋ́ abi. Tamɛ nalɛ mlɩ tsu ɔyɩtɔfɔtɔ, sʋ mlɩmá amʋ́tɔ. Ɩnɩ sʋ ɔyɩtɔfɔ bʋtolu mlɩ nɩ. 20Mlɩkaɩn asʋn amʋʋ nɛbla mlɩ mbɛɛ, ‘Osumpʋ ɔkʋkʋ mɔdʋn mʋ wie> amʋsʋ. Nɩ aha bʋdɩn mɩsʋ a, mlɩ ɛ bɛ́dɩnka mlɩsʋ. Nɩ begyi mɩ asʋnsʋ a, mlɩ ɛ bégyi mlɩ asʋnsʋ. 21Tamɛ mɩbʋ mlɩ, sʋ bɔ́pʋ ɩnɩ fɛ́ɛ́ gyi mlɩ, tsufɛ bʋmeyin ɔha amʋʋ ɔlɔwa mɩ amʋ. 22Nɩ mmɔkʋbla amʋ́ asʋansʋ a, tɛkɩ bʋma ɩpɔn kʋkʋ gyi. Tamɛ sei anfɩ mʋ́ bʋma ɔnɔ lɛ. 23Ɔhagyiɔha ánɩ́ otolu mɩ tolu mɩ Sɩ ɛ. 24Nabɔbwɛ agyʋma ánɩ́ ɔhaa mɔkʋbwɛ mʋ́ odu kɩ amʋ́tɔ. Nɩ bʋmɔpʋ amʋ́ ansibi wun mʋ́ a, tɛkɩ Bulu mɛ́ɛha amʋ́ ɩpɔn. Bowun tɔá nɔbwɛ asa bʋdɛ mɩa mɩ Sɩ lu. 25Ilehian ánɩ́ ɩbɛ́ba alɩ, mɛnɩ asʋn amʋʋ bɔwanlɩn wa amʋ́ Mblatɔ bɛɛ, ‘Bolu mɩ kpaalɩ> amʋ ɩbɛ́ba mʋ́tɔ.
26“Nɔ́wa Ɔma Ɔlɩɩpʋ obótsu mɩ Sɩ wa ba. Mʋgyi Ɔŋɛ Wankɩhɛ amʋ. Mʋtosuna ɔnɔkwalɩá ɩbʋ Bulutɔ. Obégyi mɩ ɩwɩ adansɩɛ. 27Mlɩ ɛ mlégyi mɩ ɩwɩ adansɩɛ, tsufɛ mlɩlatsia mɩ wa tsu brɛá nefi atɔ suna asɩ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation