Imatiwu ỌYỊSỊZỤ
ỌYỊSỊZỤ
Enube ọyịza Imatiwu vị iwe ana kà enube ọyịza Ijeesu, Ọdọzaha anẹhẹ ọnị Ohomorihi kà a ka ọnị vaa tụ́ụ vẹ ẹhẹ. Ọnị Ohomorihi zị oze anị mẹ̀ ịsa ọnị ọ kà a yị aza anị ini oto ọkụkụ ka ọnị vaa mẹ nị. Enube Ọyịza ọnọnị ẹ yị vị Aniju nịnị kẹnẹ ịzị a ya ma Ijeesu ọ vị, ama avaba anẹhẹ ẹ nyị nị.
Iwe Imatiwu vị ana a tangwa to anka ịrẹyị ana mẹ̀ mẹmẹ yà. Ô nyima hụụnị a mẹmẹ ma Ijeesu, dị ọ kà a a mẹmẹ mẹ̀ ọyịhwọzenyi yọ, a mẹmẹ zama a re, ụkọrọ enube ọyịza ana aa kà a zị, dị aa zụ̀ aza ịsa, dị ọ́ raa mẹ aza ụkụ ịnị ẹtẹ Igariri. Ịrẹma ọsọnị, dị enube ọyịza ọnọnị va kà a Ijeesu mẹmẹ hụrị Igariri na ngụ Ijerusarẹmị nị. Ọ́ rẹ kà a ịsa ọnị Ijeesu mẹ ịnị ọsẹ ọdịrẹma ọnị ọ mẹ ịnị ẹhẹ huu ne tu a mẹmẹ kanyị ọ za apavahị ọnịrị ọyị ha kwẹẹtẹ anị.
Enube ọyịza ọnọnị vị ana sị zụ ka Ijeesu ọ vị ọzwọzịsa ọbanyị, ana nyị ọda ọ̀ yị kà a ịsa ọda Ohomorihi kà nị. Ọnị ọ rẹẹ̀ sị Ohomorihi mẹmẹẹ mẹ ịjọvaa zụ aza nị. Ịsa ọrụrụ-ọrụrụ ọnị Ijeesu sị zụ aza vị ana gà tụ oze ẹẹhị ini enube ọyịza ọnọnị: (1) Ịrẹyị ọnị Ijeesu kà ịrẹsụ ataba. Ộ kà a ịsa a vọrọ ka ọ̀ vị ebira aza, ụkọrọ ana vọrọ a mẹ, aha ọnịrị ọvavịrẹma aza ene eku ọyịza vị ẹnịnị (ịrẹsụ ẹẹhị na ngụ ịhịmba); (2) Ịrẹyị ọnị Ijeesu kà yị ezirẹma anị ịnị ụtụ ọnị ọ́ tụ́ wa (ịrẹsụ ẹẹwụ); (3) Ụhịrẹyị ịzị Ohomorihi yà aa mẹ ịjọva (ịrẹsụ ẹwụrẹta); (4) Ịsa ọnị ọ́ sị zụ aza ka ẹ̀ zụ yẹ ẹpa aza mẹmẹẹ vara ezirẹma Ijeesu (ịrẹsụ ẹwụrịhịnta); (5) Ịsa ọ́ sị zụ aza ịnị ịpa ẹhẹ ọyaanị mẹmẹ vaa zẹtẹ ọnịrị ị́jọva ẹbẹẹba mẹmẹ vaa vẹ (ịrẹsụ ohurẹẹna na ngụ ohurẹẹhị).
Eyi Ịrẹyị
Ovwoovu Ijeesu ọnịrị a mẹmẹ ma a 1.1—2.23
Ụkọrọ Ịjọọnụ Ọhwọzenyi 3.1-12
A mẹmẹ mẹ ọyịhwenyi yị Ijeesu ọnịrị á mẹmẹ zama a re 3.13—4.11
Ụkọrọ ọnị Ijeesu mẹ ana aza re Ígariri 4.12—18.35
Ijeesu ộ hụrị Igariri na ngụ Ijerusarẹmị 19.1—20.34
Ọsẹ ọdịrẹma Ijeesu Íjerusarẹmị ọnịrị ọ̀ sị gụrị ịzọọ 21.1—27.66
Ananyị yị mẹmẹ ha hụụnị isu dị ọ sị ẹngụ zụ̀ 28.1-20
Currently Selected:
Imatiwu ỌYỊSỊZỤ: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Imatiwu ỌYỊSỊZỤ
ỌYỊSỊZỤ
Enube ọyịza Imatiwu vị iwe ana kà enube ọyịza Ijeesu, Ọdọzaha anẹhẹ ọnị Ohomorihi kà a ka ọnị vaa tụ́ụ vẹ ẹhẹ. Ọnị Ohomorihi zị oze anị mẹ̀ ịsa ọnị ọ kà a yị aza anị ini oto ọkụkụ ka ọnị vaa mẹ nị. Enube Ọyịza ọnọnị ẹ yị vị Aniju nịnị kẹnẹ ịzị a ya ma Ijeesu ọ vị, ama avaba anẹhẹ ẹ nyị nị.
Iwe Imatiwu vị ana a tangwa to anka ịrẹyị ana mẹ̀ mẹmẹ yà. Ô nyima hụụnị a mẹmẹ ma Ijeesu, dị ọ kà a a mẹmẹ mẹ̀ ọyịhwọzenyi yọ, a mẹmẹ zama a re, ụkọrọ enube ọyịza ana aa kà a zị, dị aa zụ̀ aza ịsa, dị ọ́ raa mẹ aza ụkụ ịnị ẹtẹ Igariri. Ịrẹma ọsọnị, dị enube ọyịza ọnọnị va kà a Ijeesu mẹmẹ hụrị Igariri na ngụ Ijerusarẹmị nị. Ọ́ rẹ kà a ịsa ọnị Ijeesu mẹ ịnị ọsẹ ọdịrẹma ọnị ọ mẹ ịnị ẹhẹ huu ne tu a mẹmẹ kanyị ọ za apavahị ọnịrị ọyị ha kwẹẹtẹ anị.
Enube ọyịza ọnọnị vị ana sị zụ ka Ijeesu ọ vị ọzwọzịsa ọbanyị, ana nyị ọda ọ̀ yị kà a ịsa ọda Ohomorihi kà nị. Ọnị ọ rẹẹ̀ sị Ohomorihi mẹmẹẹ mẹ ịjọvaa zụ aza nị. Ịsa ọrụrụ-ọrụrụ ọnị Ijeesu sị zụ aza vị ana gà tụ oze ẹẹhị ini enube ọyịza ọnọnị: (1) Ịrẹyị ọnị Ijeesu kà ịrẹsụ ataba. Ộ kà a ịsa a vọrọ ka ọ̀ vị ebira aza, ụkọrọ ana vọrọ a mẹ, aha ọnịrị ọvavịrẹma aza ene eku ọyịza vị ẹnịnị (ịrẹsụ ẹẹhị na ngụ ịhịmba); (2) Ịrẹyị ọnị Ijeesu kà yị ezirẹma anị ịnị ụtụ ọnị ọ́ tụ́ wa (ịrẹsụ ẹẹwụ); (3) Ụhịrẹyị ịzị Ohomorihi yà aa mẹ ịjọva (ịrẹsụ ẹwụrẹta); (4) Ịsa ọnị ọ́ sị zụ aza ka ẹ̀ zụ yẹ ẹpa aza mẹmẹẹ vara ezirẹma Ijeesu (ịrẹsụ ẹwụrịhịnta); (5) Ịsa ọ́ sị zụ aza ịnị ịpa ẹhẹ ọyaanị mẹmẹ vaa zẹtẹ ọnịrị ị́jọva ẹbẹẹba mẹmẹ vaa vẹ (ịrẹsụ ohurẹẹna na ngụ ohurẹẹhị).
Eyi Ịrẹyị
Ovwoovu Ijeesu ọnịrị a mẹmẹ ma a 1.1—2.23
Ụkọrọ Ịjọọnụ Ọhwọzenyi 3.1-12
A mẹmẹ mẹ ọyịhwenyi yị Ijeesu ọnịrị á mẹmẹ zama a re 3.13—4.11
Ụkọrọ ọnị Ijeesu mẹ ana aza re Ígariri 4.12—18.35
Ijeesu ộ hụrị Igariri na ngụ Ijerusarẹmị 19.1—20.34
Ọsẹ ọdịrẹma Ijeesu Íjerusarẹmị ọnịrị ọ̀ sị gụrị ịzọọ 21.1—27.66
Ananyị yị mẹmẹ ha hụụnị isu dị ọ sị ẹngụ zụ̀ 28.1-20
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.