Imatiwu 1
EBTP

Imatiwu 1

1
Ovwoovu Ijeesu
(Irk 3.23-38)
1Ịrẹha ohiku-ohiku ịzị Ijeesu chị hụrẹ vẹ yị: Ijeesu vị ozi Idevidi, ana vị ozi Abụrahamị 2Abụrahamị ọ ma Ayiziiki nị, dị Ayiziiki ma Ijekọvụ nị, dị Ijekọvụ ọnị rẹ ma Ijuda ọnịrị ẹyịnyara anị nị. 3Ijuda ộ ma Ịpẹrẹzị beri Ịzẹra ọnị ọnyị ẹnịnị vị Ịtama; di Ịpẹrẹzị ma Ihezironi, di Ihezironi ọnị rẹ ma Aramị nị. 4Dị Aramị ma Aminadabi nị, dị Aminadabi ọ ma Inasoni nị, dị Inasoni ma Ịsarịmọnị nị. 5Ịsarịmọnị ọ ma Ibowazị ọnị ọnya nị rị Ịrahabị nị, di Ibowazị ma Obẹdị, ọnị ọnya anị rị Iruutu nị, dị Obẹdị ọnị ma Ijeese nị. 6#2 Ohi 24.14,15; 2 Ịtọ 36.10; Ijer 27.20Ijeese ọ ma Idevidi ana vị ohinọyị nị. Dị Idevidi ohinọyị ma Isoromọnị ọnị ọnyị anị vịdị vị ose Uriya nị. 7Isoromọnị ọ ma Irehobomi, dị Irehobomi ma Abija, dị Abija ma Asahwi nị. 8Asahwi ọ ma Ijehosahwati, dị Ijehosahwati ọnị ma Ijorami nị; dị Ijorami ma Uziya, 9dị Uziya ma Ijotami nị, dị Ijotami ma Ahazi nị, dị Ahazi ọnị ma Ihezekaya nị. 10Ihezekaya ọ ma Ịmanasẹ, dị Ịmanasẹ ma Amọnị nị, dị Amọnị ọnị rẹ ma Ijosaya nị. 11Ijosaya ọ ma Ijekoniya beri ẹyịnyara anị nị; ịnị ụmẹ ọnọọ a sị kụ wa nọ Ịbabịrọnị nị. 12Ịrẹma ana a raà kụ nọ Ịbabịrọnị, Ijekoniya ộ ma Isaritiyẹrị, dị Isaritiyẹrị ma Izerubabẹrị nị. 13Izerubabẹrị ọ ma Abihudi, dị Abihudi ma Eriyakimi nị, dị Eriyakimi ma Azori nị. 14Azori ộ ma Ịzadọkị, dị Ịzadọkị ma Akimi nị, dị Akimi ọnị ma Eriyudi nị. 15Eriyudi ộ ma Eriyaza, dị Eriyaza ma Imatani, dị Imatani ma Ijekọvụ nị. 16Ijekọvụ ọ ma Ijosẹẹhụ, ọva Imeri ana ma Ijeesu ana aā hị́ Ohinọyị oni Ohomorihi nyị ka ọ̀ dọ ọza ha nị. 17Hụụnị ụmẹ Abụrahamị va ngụ ụmẹ Idevidi vị anụmẹ ẹwụrẹna, hụụnị ụmẹ Idevidi na ngụ ụmẹ ana a sị kụ wa nọ Ịbabịrọnị rẹ vị anụmẹ ẹwụrẹna. Hụụnị ụmẹ Ịbabịrọnị na ngụ ụmẹ Ohinọyị oni Ohomorihi nyị ka ọ̀ dọ aza ha rẹ vị anụmẹ ẹwụrẹna.
A mẹmẹ ma Ijeesu Ohinọyị Ọdọzaha
(Irk 2.1-7)
18 # Irk 1.27 Aanị a mẹmẹ ma Ijeesu Ohinọyị oni Ohomorihi nyị ka ọ̀ dọ aza há nị: Ijosẹẹhụ ộ nyị Imeri tụ́ oze ana vị ọnyị Ijeesu. Ama dị ẹ va nyị ẹngụ obooro, ô re ka Ụhwẹ ọnịnị ọ mẹ ka òo zyẹẹ. 19Ijosẹẹhụ ọva anị vị ọnịrẹyịzẹyịza, o yi sì ka ọnị ọ̀ mẹ̀ ụhị nyị ọ eyi ịnọyị-ịnọyị; dị ó rò o ka ọnị ee weree yi ọ tịtẹ nị. 20Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị. 21#Irk 1.31Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.” 22Avaba ẹsẹnị vị ana mẹ, agụvị ịsị ana Ananyị yị zị oze ịnị ụvọ ọnịsẹ ka, ọ̀ zụ sẹ ka: 23#Ayị 7.14“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.” 24Ịjọnọọ dị Ijosẹẹhụ sị ha hụụnị ara, dị ọ mẹ anka anggẹẹrị Ohomorihi ọnọọ mẹ̀ mẹ ọdaa yọ nị, dị ọ nyị ose anị nị. 25#Irk 2.21Ama ọ yị yẹ ahwaahụ anị pooro dị ọ ma ozi ịpaapa anị ọnọrụ, dị ọ sị́ ịrẹha yọ ka ọnị ọ rị Ijeesu nị.

Ebira First Bible © Bible Society of Nigeria, 2014.


Learn more about IWE ỌNỊNỊ