हिब्रु 1
1
निङ्वाॽफुमाङ्ङिन् कुस्सालाम् पाःत्
1उन्छेःन् निङ्वाॽफुमाङ्ङिन् माङ्निङ्वाॽपान् के़बाःप्पाहाॽ लाम्बा आनिॽ सुधे़बा ताक्थे़बाहाॽनु यरिक्ले़ङ् परिक् परिक्लाम्बा पारे़रो॥ 2कर आल्ल कन् कुनुप्मा ये़न्हाॽओग खुने़ॽ आबाङे आबुगे़न् कुस्सालाम्बा आनिॽनु पारे़आङ् वाॽरो॥ आबुगे़न् कुस्साःङ्ग खुने़ॽ काक् पाःन्नो लक्के़घोबा चोगुआङ् खुने़ॽलाम्बाए काक् नावागे़न् चइःत्तिन्नाङ् ने़स्सुरो॥ 3कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्सान् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
ख्रिस्ते़न् माङ्लाइङ्बाहाॽनुःल्ले़ पयम् यम्बा चोक्
4निङ्वाॽफुमाङ्ङिल्ले़ आबुगे़न् कुस्सान् माङ्लाइङ्बाहाॽनुःल्ले़आङ् पयम् यम्बा चोगुआङ् वाॽ॥ हे़क्केलॽरिक्के निङ्वाॽफुमाङ्ङिल्ले़ खे़ङ्हाॽरे़ खुनिॽ मिङ्ङिन्नुःल्ले़आङ् यम्बा मिङ् खुने़ॽ पिरुआङ् वाॽरो॥ 5थेआङ्भे़ल्ले़ निङ्वाॽफुमाङ्ङिल्ले़ आप्फाल्ले़आङ् माङ्लाइङ्बाहाॽ अक्खेलॽरिक् मे़मे़त्तुन्छिन्,
“खे़ने़ॽग इङ्गाॽ आबुगे़न् आस्साने़ फाॽआङ् इङ्भोसुङ्लो, आइन् इङ्गाॽ खे़ने़ॽ पानुदिङ् के़म्बा पोःक्खाङ्ङाङ् वाॽआरो॥”#निङ् सुम् २:७
याम्मो निङ्वाॽफुमाङ्ङिल्ले़ अक्खे पाःत्तु,
“इङ्गाॽग खुने़ॽ पानुदिङ् कुम्बा पोङ्ङारो, हे़क्क्याङ् खुने़ॽ आबुगे़न् आस्सा पोङ्लो॥”#२ सामु ७:१४; १ साप्मु १७:१३
6हे़क्क्याङ् निङ्वाॽफुसान् इक्सादिङ् खाम्बेःक्मो तारुल्ले़ खुने़ॽ अक्खे पाःत्तुॽ,
“निङ्वाॽफुमाङ्ङिल्ले़ काक् कुमाङ्लाइङ्बाहाॽरे़ खुने़ॽ से़वा मे़जोगुररो॥”#साम्यो इङ् ३२:४३
7हे़क्क्याङ् निङ्वाॽफुमाङ्ङिल्ले़ माङ्लाइङ्बाहाॽरे़ खुनिॽ याःम्बेओ अक्खे पाःत्तुॽ,
“इङ्गाॽग आमाङ्लाइङ्बाहाॽ सुरित् केजङ् चोगुङ्सिङ्, हे़क्क्याङ् आसे़वारोबाहाॽ मिराःक् चोगुङ्सिङ्लो॥”#निङ् सुम् १०४:४
8कर खुने़ॽ आबुगे़न् कुस्साःल्ले़ कुयाःम्बेओ अक्खे पाःत्तु, “निङ्वाॽफुमाङ्ङे, खे़ने़ॽ के़हाङ्जुम्मिङ्ग सदादिङ् वाॽरो॥ हे़क्क्याङ् खे़ने़ॽ के़हाङ्तक्काःत्तिल्ले़ के़मनाहाॽओ साम्योनिमान्नु हाङ् के़जोगुॽरो॥ 9खे़ने़ॽ साम्योनिमान् मिःम्जि के़मे़त्तु हे़क्क्याङ् ताप्फे़ःम्बान् के़जिःत्तुआङ् वाॽ॥ खे़ल्ले़चोगुल्ले़ खे़ने़ॽ के़निङ्वाॽफुमाङ्ङिल्ले़ सःत्ते़आङ् निःङ्गेःल्ले़ माङ्थुक्मा के़बिरे़आङ् के़न्जुम्हाॽनुःल्ले़आङ् थाःङ् के़युक्खे़रो॥”#निङ् सुम् ४५:६-७
10खुने़ॽ याम्मो पाःत्तुॽ,
“यहवे दाङ्बे, तोलिङ्सोमुओ खे़ने़ॽग इक्सादिङ् खाम्बेःक्माल्ले़न् ने़म्भोगे़न् पाङ्यक् के़ने़स्सु हे़क्क्याङ् तरःङ्दिङ् ताङ्साक्किन् के़हुक्किल्ले़ के़जोगुरो॥ 11खे़ङ्हाॽ मे़मे़क् मे़बेःक् कर खे़ने़ॽ सदादिङ् के़वाॽरो॥ खे़ङ्हाॽग चाङ्देःत् कुइसिक् मे़यःत् मे़दे़ःङ् मे़बेःक्लो॥ 12खे़ने़ॽ लगेःत्तिन् कुइसिक् खे़ङ्हाॽ के़भाक्तुसिरो हे़क्क्याङ् कुद्रे़ःक् चाङ्देःत् कुइसिःक्के खे़ङ्हाॽ लाप्के़भुसुसिरो॥ कर खे़ने़ॽग आप्फाल्ले़आङ् के़न्ले़क्सिङ्ङिन् हे़क्क्याङ् खे़ने़ॽ सदादिङ् कुहिङ्वे़त् के़वाॽरो॥”#निङ् सुम् १०२:२५-२७
13निङ्वाॽफुमाङ्ङिल्ले़ आबुगे़न् कुस्सान् कुइसिक् आत्तिन् माङ्लाइङ्बाहाॽआङ् अक्खेलॽरिक् मे़मे़त्तुन्छिन्लो,
“खे़ने़ॽ के़निङ्मिहाॽ के़युक्को मे़न्दाःत्छिङ्ङे थारिक् आजुप्साङ् ले़प्माङ् युङे़ॽओ॥”#निङ् सुम् ११०:१
14कर माङ्लाइङ्बाहाॽग निङ्वाॽफुमाङ्ङिल्ले़ से़न्लप् पिरुसिबाहाॽरे़ खुनिॽ लागि माङ्से़वा के़जोःक्पा साम्सिरक्लो॥
Currently Selected:
हिब्रु 1: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.