2 ໂຄລິນໂທ 2
2
1ເຫວີ່ຍ ນ້າຍ ເຢຍ ຕີ່ງ ໂຮຍ້ວ ໄມ້ ແອ໋ງ ມີ່ງ ເມີ່ຍ ບົວ ໜ່າຍ ປຸນ ເມີ່ຍ ບົວ ມ່າຍ ໂຢວ-ເດສົ້າ. 2ເຊ ກ໊ອງ ເຢຍ ປຸນ ເມີ່ຍ ບົວ ເດສົ້າ ນໍ, ແອ໋ງ ມ່າຍ ຫາຍ ເຕົ້າ ປຸນ ເຢຍ ອຈຽນ-ໂຢ້ວ? ຂູງ ມ່າຍ ເມີ່ຍ ບົວ, ຕົ້ງ ເຢຍ ໂຕສ໋ວ ປຸນ ເດສົ້າ ວົ້ວ ເຕີ໋ຍ ຮນັ້ງ. 3ເຫວີ່ຍ ນ້າຍ ເຢຍ ຖສີງ ຕ້າຍ ເຟ້ຍ ວົ້ວ ເຕສີ໊ຍ ຝຽນ ປຸນ ເມີ່ຍ ບົວ. ເດສ໋ຍ ເຢຍ ເຖົາ ເຍີຍ ຕສຢັ້ງ ໂຫ່, ຕົ້ງ ຫອບ ຕສຸ ປຸນ ເຢຍ ອຈຽນ-ໂຢ້ວ ວົ້ວ ເຕີ໋ຍ, ຕ໋າວ ດສ໋ວນ ປຸນ ເຢຍ ເດສົ້າ ມເປີຍ. ເຢຍ ຢ່າ ຕສະເກ້ງ ສຽນ, ເຊ ກ໊ອງ ເຢຍ ມ່າຍ ອຈຽນ-ໂຢ້ວ, ເມີ່ຍ ບົວ ຢ່າ ເຖສົາ ຈ໊ຽນ ເຢຍ ອຈຽນ-ໂຢ້ວ. 4ເຢຍ ເຟ້ຍ ວົ້ວ ເຕສີ໊ຍ ຝຽນ ເຍີຍ ຕສຢັ້ງ ໂຫ່ ເຢຍ ເກ້ງ! ໂຮຍ້ວ ມຸນ, ໂຮຍ້ວ ເດສົ້າ, ມ່າຍ ວວມ-ເໝວີ່ຍ ຫລ່ຽວ ຈ໊ຽນ ທສ້ຳ ເຍີຍ. ເຢຍ ໄມ້ ເຕສີ໌ຍ ອ໋ອຍ ປຸນ ເມີ່ຍ ບົວ ເດສົ້າ ມປ່າ ອ໋ອຍ ປຸນ ເມີ່ຍ ບົວ ຮິ້ວ ຕຸ໊ ເຢຍ ຮນ້ຳ ເມີ່ຍ ບົວ ດົ່ງ ຫາຍ ທສ້ຳ.
ອ໋ອຍ ຕສຸ ກວັ່ງ ວົ້ວ ເຕົ້າ ມ່ຽນ ປ໌າມ ເຍີຍ ຕສຸ໌ຍ
5ເຊ ກ໊ອງ ຢຽມ ເມີ່ຍ ບົວ ໜ່າຍ, ຫາຍ ເຕົ້າ ໂຕສ໋ວ ປຸນ ມ່ຽນ ເດສົ້າ, ນິ່ນ ໄມ້ ຕານ ປຸນ ເຢຍ ເດສົ້າ ຮນັ້ງ, ນິ່ນ ຢ່າ ປຸນ ເມີ່ຍ ບົວ ຕສວັ໋ງ ມ່ຽນ ເຖສົາ ຈ໊ຽນ ເດສົ້າ ເຕີ໋ຍ. ເຢຍ ກ໊ອງ “ເຕີ໋ຍ” ເຫວີ່ຍ ຕສຸ ເຢຍ ໄມ້ ອ໋ອຍ ກ໊ອງ ປະຫລະ ເຮນ້ຍ. 6ເຢຍ ຮນ້ຳ ຕ້າຍ ເມີ່ຍ ບົວ ມ່ຽນ ທສ້ຳ ຕີ່ງ ວົ້ວ ເຕົ້າ ມ່ຽນ ເຍີຍ ຕສຸ໌ຍ ບົວະ ນ້າຍ ເກົ໋າ ອ໊ະ. 7ອີ້ ຕສັ່ນ ເມີ່ຍ ບົວ ອ໋ອຍ ຕສຸ ກວັ່ງ ນິ່ນ ໂຕສ໋ວ ຕ່ອງ ເຍີຍ ເຈົ໊າ, ອອນ ນິ່ນ ເຍີຍ ໂຮຍ້ວ, ໄມ້ ຕູ໋ງ ປຸນ ນິ່ນ ເດສົ້າ ເຈ໋ຍ ຈ໋າ ຕສ່ຽວ ເຊວີຍ ໝີ່ ອ໊ະ. 8ຮນັ້ງ ໜ່າຍ, ເຢຍ ໂທ້ ເມີ່ຍ ບົວ ປຸນ ນິ່ນ ຮິ້ວ ຕຸ໊ ເມີ່ຍ ບົວ ຖສໍ່ ຮນ້ຳ ນິ່ນ ເຍີຍ. 9ເຫວີ່ຍ ນ້າຍ ເຢຍ ຖສີງ ຕ້າຍ ເຟ້ຍ ວົ້ວ ເຕສີ໊ຍ ຝຽນ ປຸນ ເມີ່ຍ ບົວ, ອ໋ອຍ ເສີຍ ເມີ່ຍ ບົວ, ໝັ່ງ ກ໋າ ເມີ່ຍ ບົວ ຢຽມ ໝ່ານ ສີ່ ໝວັງ ເຢຍ ເຍີຍ ຫວ່າ ໄຟ. 10ເມີ່ຍ ບົວ ກວັ່ງ ຫາຍ ເຕົ້າ ເຍີຍ ຕສຸ໌ຍ, ເຢຍ ຢ່າ ກວັ່ງ ວົ້ວ ເຕົ້າ ເຍີຍ ຕສຸ໌ຍ. ເຢຍ ກວັ່ງ ຫາຍ ເຕົ້າ ເຍີຍ ຕສຸ໌ຍ ນໍ, ເຊ ກ໊ອງ ຕສະເກ້ງ ມ່າຍ ຫາຍ ຫຍູ່ງ ອ໋ອຍ ຕສຸ ກວັ່ງ, ເຢຍ ຢຽມ ກີຕູ່ ເຍີຍ ດສະຮມຽນ ຢ່າ ເຫວີ່ຍ ເມີ່ຍ ບົວ ເຍີຍ ກອນ-ແປ໋ງ ກວັ່ງ. 11ອ໋ອຍ ຕສຸ ຮນັ້ງ ໜ່າຍ ນໍ ໂຕສ໋ວ ເຫວີ່ຍ ໄມ້ ປຸນ ຊາຕານ ຮີ່ງ ບົວ, ເຫວີ່ຍ ຕສຸ ບົວ ຮິ້ວ ຕຸ໊ ນິ່ນ ເຍີຍ ຕສະເອີ໋ຍ ໝີ່ ອ໊ະ.
ເປົາໂລ ຢຽມ ໂຕອັດ ຕສີ້ງ ເດສົ້າ
12ເຢຍ ມີ່ງ ເຖົາ ໂຕອັດ ຕສີ້ງ ຕສຸ້ນ ກີຕູ່ ເຍີຍ ຄູ້ ຝຽນ, ເຢຍ ປວັດ ຕສ໊ຽວ ຄອຍ ຕສຢັ໋ງ ເຈົ໊າ #2:12 ຄອຍ ຕສຢັ໋ງ ເຈົ໊າ ກີກ ຫວ່າ ກ໊ອງ ຄອຍ ອກອຍ ແກ້ງ. ປຸນ ເຢຍ ຢຽມ ວົ້ວ ໂຕສ໋ວ ກົງ. #ກົງ-ໂຕສ້ 16:8 13ມປ່າ ເຢຍ ໄຮ໌ ໂຮຍ້ວ ໄມ້ ເຮ່ນ ເຫວີ່ຍ ຕສຸ ໄມ້ ຕຸ໊ ປວັ້ງ ບົວ ເຍີຍ ໂຢ໌ວ, ທິຕັດ. ເຢຍ ເຖສົາ ວົ້ວ ເຕີ໋ຍ ມ່ຽນ ກ໊ອງ ລິ໌ວ ເລີ່ຍ ຮຢາງ ຫວ່າ, ຕສ່ຽວ ມີ່ງ ມາຊີໂດເນຍ ເຕີ່ຍ-ປູງ.
ບົວ ເຂົາ ກີຕູ່ ຕຸ໊ ຮີ່ງ
14ມປ່າ ແລ໌ງ ຕສີ້ງ ທິນ-ຮູ່ງ. ບົວ ເຖສົາ ກີຕູ່ ຈວັ່ງ ແໝ່ງ ຕສຢັ້ງ, ທິນ-ຮູ່ງ ຢ່າ ຫລົ່ງ ກີຕູ່ ເທສ້ຍ ເປຢີ໊ຍ ຕໍ້ ບົວ ຕສັ່ນໆ ຕຸ໊ ຮີ່ງ. ທິນ-ຮູ່ງ ຢ່າ ຫລົ່ງ ບົວ ໂຕສ໋ວ ຮນັ້ງ ດາງ ເຍີຍ ເຖຈຍ ດສ໋ານ ມີ່ງ ນອມໆ ຕ໋ອງ, ປຸນ ມ່ຽນ ຮິ້ວ ຕຸ໊ ກີຕູ່. 15ເຢຍ ບົວ ເຊ ຮນັ້ງ ກີຕູ່ ປົ໊ວ ເກ໋ງ ທິນ-ຮູ່ງ ເຍີຍ ຮູງ ນໍ. ດາງ ເຍີຍ ເຖຈຍ ດສ໋ານ ມີ່ງ ເຖົາ ຕຸ໊ ໂອຈ໋ວ ເຍີຍ ມ່ຽນ, ແອ໋ງ ເຖົາ ຕສຸ ໝຽດ ເຍີຍ ມ່ຽນ. 16ຕສຸ ໝຽດ ເຍີຍ ມ່ຽນ ໄຮ໌ ນ້າຍ ເຕີ໋ຍ ເຖຈຍ ຖສົງ ຕສຸ ນິ່ນ ບົວ ໄຕ່. ມປ່າ ເຫວີ່ຍ ຕຸ໊ ໂອຈ໋ວ ເຍີຍ ມ່ຽນ ເຊ ດາງ ເຍີຍ, ປຸນ ນິ່ນ ບົວ ມ່າຍ ຕສຢັ້ງ ແໝ່ງ. ຫາຍ ເຕົ້າ ມ່າຍ ປັ້ນ ເຕສີ່ຍ ໂຕສ໋ວ ນ້າຍ ຫຍູ່ງ ກົງ? 17ເຢຍ ບົວ ໄມ້ ຮນັ້ງ ມ່ຽນ ທສ້ຳ ຕໍ້ ທິນ-ຮູ່ງ ເຍີຍ ໂຕ໌ ມີ່ງ ໝ່າຍ ຫຍັ່ນ. ຕ໋າວ ດສ໋ວນ ທິນ-ຮູ່ງ ພ້າຍ ເຢຍ ບົວ, ເຢຍ ບົວ ຕສ່ຽວ ຢຽມ ນິ່ນ ເຍີຍ ດສະຮມຽນ ໂຕສ໋ວ ກີຕູ່ ເຍີຍ ໂປວ, ຕສຽບ ຕສົ໊ວະ ເຍີຍ ກ໊ອງ ນິ່ນ ເຍີຍ ໂຕ໌.
Currently Selected:
2 ໂຄລິນໂທ 2: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.