Énkjínkón 31
31
Énkjínkón xi tsíchji̱a̱ re Lemuee̱l
1Kuí eén xi katsꞌénkjién na̱aa̱n re Lemuee̱l nga katsꞌénchji̱ni̱e̱ ndií.
2Ji xi̱ꞌin, jí boá kui ndí xí katsjána
Néná nga ꞌniú tsíꞌáa̱, kó mí kjo̱a̱kjínkón xi ka̱ma tsjaa̱ katsaki.
3¡Ngata̱ niꞌínkjiéjín ji ngaꞌniúu̱ ngatꞌanii̱ ínchjín!
Ngatꞌa̱ ta̱ngatꞌanii̱ kui nga ree̱ tsꞌénchájá yojoo̱.
4Ji ndína Lemuee̱l,
ndajínkjiꞌi nga bino̱ kꞌuí ree̱,
ko̱jo ndajínkjiꞌi nga xán kꞌuí xota̱ xi botixómaá.
5Ngatꞌa̱ tsita̱ ngije ka̱ma chꞌi̱,
xchi̱yaa̱ kjo̱a̱kitii̱, kó ngiti̱ ndasénjín ka̱maa̱
nga sku̱i̱e̱ndikón kjo̱a̱nda xi tjiín xota̱ ni̱ma̱a̱.
6Xaán tsi̱ꞌe̱ xota̱ xi je mejeén kjifesoón boá,
kó binoo̱ tsi̱ꞌe̱ xota̱ xi síndo xtindaa̱ boá.
7¡Ngatꞌi, kó ngatsꞌénchíyá ni xi chajaa̱!
¡Ko̱jo ngatsꞌénchíyá kjo̱a̱ni̱ma̱ xi ndyi̱foaꞌatio!
8Ndókjo̱e̱tjé ji xota̱ xi májiín chji̱a̱a̱,
tꞌenjindeje̱ ji kjo̱a̱nda xi tjiín xota̱ xi jmíjiín xi kꞌo̱xiéꞌá.
9¡ꞌNiú ndókjo̱e̱ ji, tsi̱ꞌe̱ nga kixi̱ tsꞌén si̱ꞌansee̱n!
¡Tꞌenjindeje̱ ji xota̱ ni̱ma̱a̱ ko̱jo xota̱ xi ni̱ma̱kjo̱a̱ síndoo̱!
Na̱ xi kixi̱i̱ xi xikoó tsi ngo chi̱bo̱a̱ ka̱maa̱
10¡Achichí niꞌìn kjiꞌi nga sa̱kóná
ngo chjo̱on xi ta̱nisién nga ndatsꞌèn!
¡Tsi sa̱kóná xikónií tsi ngo ndi̱jo̱
xi achichí tsjákjiꞌi xi kasakoná!
11Xi̱ꞌin xi tikónjo̱ kui naa̱ kamáꞌniátakón,
kó ta̱ngatꞌanii̱ kui naa̱ nga jmíni̱xtjin xcha̱jaa̱ to̱n xi sa̱ꞌín.
12Kui naa̱ ngatsjéni̱xtjin nga nda sa̱ꞌínjo̱ xi̱ꞌii̱n,
ngayeje ni̱xtjin nga kꞌuijñá.
13Fíkꞌatsie tsa̱nga̱a̱ cho̱tsa̱nga̱ ko̱jo ńchjón lino̱,
kó achichí tsjaꞌbeé nga tsꞌénda ni xi machjieén.
14Boá ma tsꞌén, xikoó ngo tjotso yiꞌi xi tsꞌénkjién xota̱ xi botiñá nii̱,
kui xi achichí kjin ndibájo̱ni nichiniee̱.
15Achichí jñóyà fostjíe̱n,
nga tsjaá nichinie xota̱ ndiꞌaa̱,
ko̱jo nga tsóyaà xá xí sa̱ꞌín chji̱ni̱e̱ꞌboo̱.
16Kosoón kótjín chjií ngo xoꞌba,
kósꞌe̱ ꞌbotsiejo̱ni to̱n xi je katsꞌén,
sꞌe̱ jaskan ꞌbítji̱e̱ tostsi̱je̱è.
17Kó ꞌniú tsꞌénxá nga tsjaá kjo̱a̱ni̱ma̱ yojoo̱.
18Kuí má xi koo̱n xaá tsi̱ꞌe̱ nga nda ko̱e̱je̱e̱,
kó nga ngo ni̱xtji̱e̱e̱n nga tí ndiꞌí ndiꞌaa̱,
ngatꞌa̱ nga ngo ni̱xtji̱e̱e̱n nga tsꞌénxá.
19Ti̱ kuíní bo̱a̱ xi tsꞌénkjién ṉtji̱i̱ nga tsꞌénda ńchjón
xí tsꞌéndani ńjño xi boajá.
20Kó ngatsjéni̱xtjin nga bosikójo xota̱ ni̱ma̱a̱,
ko̱jo xota̱ xi ni chjieén.
21Nda̱jín maá nga nchꞌàn ma,
ngatꞌa̱ ngayeje xota̱ ndiꞌaa̱
tjiín ńjño xi nda tsꞌénꞌásoo̱ yojoo̱.
22Kjíbé ńjño lino̱ xi nda ko̱jo xi ńchjón koán kamándani,
kó kuí tsꞌéndani ńjñotjibé ko̱jo chi̱nga xi boajá.
23Achichí yandikón xi̱ꞌii̱n ki̱a̱ nga̱ntjo̱a̱a̱ na̱xi̱ńdáꞌniuú,
kjiꞌanga ki̱a̱ ꞌbíjñajii̱n xota̱ xi xchaá kui ngi̱ndiee̱.
24Tsꞌénda ńjño xi botiñá,
ko̱jo ńjño xi ꞌbíkjá ndáyáná
xi botiñaá xota̱ xi botiñá nii̱.
25Kuí boá ngo na̱ xi tjiín ngaꞌniú, ko̱jo xi yandikón,
kó nda̱jín maá ni xi jaskan ka̱maa̱.
26Ngatsjéni̱xtjin nga én kjínkón xi chji̱a̱,
kó achichí tsjatsꞌèn bokoyá nga nda xꞌi̱a̱ xingi̱.
27Ngatsjéni̱xtjin nga tikónda kjo̱a̱a̱ ni xi chjieén ndiꞌaa̱,
kó jmíni̱xtjin nga ta̱xkiya skji̱ni̱e̱ ni xi kuijín kisꞌingii̱ nga katsꞌénxá.
28Ndií achichí tsjá tsoó kjo̱a̱a̱ ni xi tsꞌén,
kó xi̱ꞌii̱n tsꞌéndíkón má nga bi̱ tsoó:
29Achichí ínchjín xí ndatsꞌèn, tjín,
ta̱nga ji ikitatjénríi̱ ngayejee̱.
30Kjo̱a̱tsjakjiꞌii̱ ngo na̱, ta̱ ꞌboṉcha̱jo tsíná,
kjo̱a̱tsjakjiꞌii̱ ta̱kjo̱a̱ndaní bo̱a̱,
¡kuí na̱ xi bendikón Néná xí chjiéngá si̱ꞌandikón!
31¡Ngatamayandikón kjo̱a̱a̱ ngayeje ni xi tsꞌén!
¡Ti̱ꞌantsjàjnúu̱ ngindyi̱ko̱n ngayeje xotaa̱ kjo̱a̱a̱ ni xi katsꞌén!
Currently Selected:
Énkjínkón 31: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 31
31
Énkjínkón xi tsíchji̱a̱ re Lemuee̱l
1Kuí eén xi katsꞌénkjién na̱aa̱n re Lemuee̱l nga katsꞌénchji̱ni̱e̱ ndií.
2Ji xi̱ꞌin, jí boá kui ndí xí katsjána
Néná nga ꞌniú tsíꞌáa̱, kó mí kjo̱a̱kjínkón xi ka̱ma tsjaa̱ katsaki.
3¡Ngata̱ niꞌínkjiéjín ji ngaꞌniúu̱ ngatꞌanii̱ ínchjín!
Ngatꞌa̱ ta̱ngatꞌanii̱ kui nga ree̱ tsꞌénchájá yojoo̱.
4Ji ndína Lemuee̱l,
ndajínkjiꞌi nga bino̱ kꞌuí ree̱,
ko̱jo ndajínkjiꞌi nga xán kꞌuí xota̱ xi botixómaá.
5Ngatꞌa̱ tsita̱ ngije ka̱ma chꞌi̱,
xchi̱yaa̱ kjo̱a̱kitii̱, kó ngiti̱ ndasénjín ka̱maa̱
nga sku̱i̱e̱ndikón kjo̱a̱nda xi tjiín xota̱ ni̱ma̱a̱.
6Xaán tsi̱ꞌe̱ xota̱ xi je mejeén kjifesoón boá,
kó binoo̱ tsi̱ꞌe̱ xota̱ xi síndo xtindaa̱ boá.
7¡Ngatꞌi, kó ngatsꞌénchíyá ni xi chajaa̱!
¡Ko̱jo ngatsꞌénchíyá kjo̱a̱ni̱ma̱ xi ndyi̱foaꞌatio!
8Ndókjo̱e̱tjé ji xota̱ xi májiín chji̱a̱a̱,
tꞌenjindeje̱ ji kjo̱a̱nda xi tjiín xota̱ xi jmíjiín xi kꞌo̱xiéꞌá.
9¡ꞌNiú ndókjo̱e̱ ji, tsi̱ꞌe̱ nga kixi̱ tsꞌén si̱ꞌansee̱n!
¡Tꞌenjindeje̱ ji xota̱ ni̱ma̱a̱ ko̱jo xota̱ xi ni̱ma̱kjo̱a̱ síndoo̱!
Na̱ xi kixi̱i̱ xi xikoó tsi ngo chi̱bo̱a̱ ka̱maa̱
10¡Achichí niꞌìn kjiꞌi nga sa̱kóná
ngo chjo̱on xi ta̱nisién nga ndatsꞌèn!
¡Tsi sa̱kóná xikónií tsi ngo ndi̱jo̱
xi achichí tsjákjiꞌi xi kasakoná!
11Xi̱ꞌin xi tikónjo̱ kui naa̱ kamáꞌniátakón,
kó ta̱ngatꞌanii̱ kui naa̱ nga jmíni̱xtjin xcha̱jaa̱ to̱n xi sa̱ꞌín.
12Kui naa̱ ngatsjéni̱xtjin nga nda sa̱ꞌínjo̱ xi̱ꞌii̱n,
ngayeje ni̱xtjin nga kꞌuijñá.
13Fíkꞌatsie tsa̱nga̱a̱ cho̱tsa̱nga̱ ko̱jo ńchjón lino̱,
kó achichí tsjaꞌbeé nga tsꞌénda ni xi machjieén.
14Boá ma tsꞌén, xikoó ngo tjotso yiꞌi xi tsꞌénkjién xota̱ xi botiñá nii̱,
kui xi achichí kjin ndibájo̱ni nichiniee̱.
15Achichí jñóyà fostjíe̱n,
nga tsjaá nichinie xota̱ ndiꞌaa̱,
ko̱jo nga tsóyaà xá xí sa̱ꞌín chji̱ni̱e̱ꞌboo̱.
16Kosoón kótjín chjií ngo xoꞌba,
kósꞌe̱ ꞌbotsiejo̱ni to̱n xi je katsꞌén,
sꞌe̱ jaskan ꞌbítji̱e̱ tostsi̱je̱è.
17Kó ꞌniú tsꞌénxá nga tsjaá kjo̱a̱ni̱ma̱ yojoo̱.
18Kuí má xi koo̱n xaá tsi̱ꞌe̱ nga nda ko̱e̱je̱e̱,
kó nga ngo ni̱xtji̱e̱e̱n nga tí ndiꞌí ndiꞌaa̱,
ngatꞌa̱ nga ngo ni̱xtji̱e̱e̱n nga tsꞌénxá.
19Ti̱ kuíní bo̱a̱ xi tsꞌénkjién ṉtji̱i̱ nga tsꞌénda ńchjón
xí tsꞌéndani ńjño xi boajá.
20Kó ngatsjéni̱xtjin nga bosikójo xota̱ ni̱ma̱a̱,
ko̱jo xota̱ xi ni chjieén.
21Nda̱jín maá nga nchꞌàn ma,
ngatꞌa̱ ngayeje xota̱ ndiꞌaa̱
tjiín ńjño xi nda tsꞌénꞌásoo̱ yojoo̱.
22Kjíbé ńjño lino̱ xi nda ko̱jo xi ńchjón koán kamándani,
kó kuí tsꞌéndani ńjñotjibé ko̱jo chi̱nga xi boajá.
23Achichí yandikón xi̱ꞌii̱n ki̱a̱ nga̱ntjo̱a̱a̱ na̱xi̱ńdáꞌniuú,
kjiꞌanga ki̱a̱ ꞌbíjñajii̱n xota̱ xi xchaá kui ngi̱ndiee̱.
24Tsꞌénda ńjño xi botiñá,
ko̱jo ńjño xi ꞌbíkjá ndáyáná
xi botiñaá xota̱ xi botiñá nii̱.
25Kuí boá ngo na̱ xi tjiín ngaꞌniú, ko̱jo xi yandikón,
kó nda̱jín maá ni xi jaskan ka̱maa̱.
26Ngatsjéni̱xtjin nga én kjínkón xi chji̱a̱,
kó achichí tsjatsꞌèn bokoyá nga nda xꞌi̱a̱ xingi̱.
27Ngatsjéni̱xtjin nga tikónda kjo̱a̱a̱ ni xi chjieén ndiꞌaa̱,
kó jmíni̱xtjin nga ta̱xkiya skji̱ni̱e̱ ni xi kuijín kisꞌingii̱ nga katsꞌénxá.
28Ndií achichí tsjá tsoó kjo̱a̱a̱ ni xi tsꞌén,
kó xi̱ꞌii̱n tsꞌéndíkón má nga bi̱ tsoó:
29Achichí ínchjín xí ndatsꞌèn, tjín,
ta̱nga ji ikitatjénríi̱ ngayejee̱.
30Kjo̱a̱tsjakjiꞌii̱ ngo na̱, ta̱ ꞌboṉcha̱jo tsíná,
kjo̱a̱tsjakjiꞌii̱ ta̱kjo̱a̱ndaní bo̱a̱,
¡kuí na̱ xi bendikón Néná xí chjiéngá si̱ꞌandikón!
31¡Ngatamayandikón kjo̱a̱a̱ ngayeje ni xi tsꞌén!
¡Ti̱ꞌantsjàjnúu̱ ngindyi̱ko̱n ngayeje xotaa̱ kjo̱a̱a̱ ni xi katsꞌén!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014