Énkjínkón 22
22
Jmí ni chjíjiín kjo̱a̱cho̱o̱n
1Ndakjiꞌi ngase nga xcha̱ndikónná,
ta̱bo̱a̱jiín nga ꞌniú cho̱n ka̱má,
ngatꞌa̱ ngo xota̱ xi tjó niꞌánjo̱,
chjí ngasenii̱ ta̱bo̱a̱jiín to̱ntiboaa̱ ko̱jo to̱nsinieé.
2Xota̱ xi cho̱o̱n ko̱jo xota̱ xi ni̱ma̱a̱, ngo ndséje̱n boá,
ngatꞌa̱ Néná boá xi katsꞌénda ngajoó.
3Xota̱ xi tjiín kjo̱a̱kjíntakoón
be ni xi ndajiín, kó ki̱a̱jín fítji̱ngi,
ta̱nga xota̱ xi chi̱nii̱, ki̱a̱ fítji̱ngi,
kó ndajín maá ngijee̱.
4Ni̱ma̱kjo̱a̱ ꞌnaxié ji yojòo̱ ko̱jo che̱ndikín jí Néná,
kó Néná tsja̱á kjo̱a̱cho̱n, kjo̱a̱yandikón ko̱jo kjo̱a̱mindyion.
5Ndi̱ya̱à xota̱ xi ꞌniú ndajiín, xikónií tsi ndaꞌyá ko̱jo chja̱ya̱ tjiín,
ta̱nga xota̱ xi tjoó ini̱ma̱a̱, tsꞌénkjii̱n yojoo̱ kui nii̱.
6Ti̱ꞌinchji̱ni̱ ji ndíi̱ ndeskande nga xi̱xi̱,
kó ngaskande nga ka̱maxchá
ku̱i̱ꞌíjñámasienjín ni xi akakoyée̱.
7Xota̱ xi cho̱o̱n boá xi ndi̱a̱a̱ xota̱ xi ni̱ma̱a̱,
kó xota̱ xi míyá to̱o̱n, mosoo̱ xota̱ xi tsꞌénkíyà to̱o̱n boá.
8Xota̱ xi ni xi ndajín ꞌbítji̱e̱, ja̱ ti̱ ni xi ndajín kjo̱a̱ꞌátikó nga,
kó Néná sa̱ꞌínkjiéni nga sa̱ꞌínkjién yá xí botixómáni.
9Néná tsꞌénchíkonñé xota̱ xi tjiín kjo̱a̱ni̱ma̱takón,
ngatꞌa̱ katsjaá nichinie xota̱ xi ni̱ma̱a̱.
10Ti̱yítji̱ngìi̱ xota̱ xi mojnókiee̱, kó kju̱i̱e̱ kjo̱a̱xtii̱,
kjo̱a̱see̱, ko̱jo kjo̱a̱chꞌotsoó.
11Xota̱ xi nda ini̱ma̱a̱ ko̱jo xi kixi̱ chji̱a̱a̱,
kuí boá xi tjó ko̱jo xi amingo̱ sa̱ꞌínjo̱ nda̱ ree̱.
12Néná koón kjo̱a̱kjínkoón,
ta̱nga tsꞌénkjátsón ni xi ꞌbínda xota̱ xi botiñáná.
13Xota̱ xi tsiꞌeé ngo ni ꞌbijñáxtikjà
tsi̱ꞌe̱ nga ko̱e̱je̱tsꞌénxájín,
ngo xò xandi̱je̱ tsoꞌbá ngi̱ya ndi̱yàtieé
xi mején xoò skji̱ni̱e̱, tsó nga chji̱a̱.
14Tsꞌoa na̱ xi tsꞌéntꞌaa̱kjo̱a̱ xi̱ꞌii̱n
xikó maá tsi ngo chja̱ya̱ xi jmíjiín nínga fetꞌani,
kó ki̱a̱ nijan tsꞌénkámajo̱ xota̱ xi Néná jè bo̱a̱ katsó nga ndajín ka̱maa̱.
15Kjo̱a̱kitikjo̱a̱a̱, ngi̱jin ini̱ma̱a̱ ndií jè tikónjin,
ta̱nga ńꞌniú xí tsꞌénchjíni̱e̱e̱ boá xi ka̱maa̱ kjo̱a̱ꞌáxiín.
16Xota̱ xi tsꞌénchéjeé xota̱ ni̱ma̱a̱
tsi̱ꞌe̱ nga kꞌuié ngasee̱ to̱n,
nga kju̱i̱e̱tꞌaa̱ kuí xí ni̱ma̱ tsꞌén kꞌuijñá ngase.
Kjín ngase énkjínkón
17Nda nda má tasínijìi̱n eén xota̱ xi kjínkoón,
kó ini̱màa̱ tjajin ji kjo̱a̱bokoyá xi an tsꞌéntsjaa.
18Achichí nda kui eén tsi nda kjójintakín ji,
ko̱jo tsi je tjiꞌàmá ndso̱ꞌbe nga ko̱ndókjo̱e̱ ji.
19Jè tsꞌénxiyaa kui eén ngotꞌe̱,
tsi̱ꞌe̱ nga ka̱maꞌnítakín ji Néná,
20Kꞌi̱e̱ tsꞌéntsjaa kꞌi̱e̱e̱ kantié énkjínkón xí yaꞌa kjo̱a̱botíxoma ko̱jo kjo̱a̱kjíntakón.
21Én xi maꞌniátakón ko̱jo xi ja̱koxi̱ boá xi tsꞌéntsjaa,
tsi̱ꞌe̱ nga ka̱maa̱ ko̱ndókjo̱e̱je ji én xí ja̱koxi̱ kui xota̱ xi kanangiyachoo̱n ji.
-1-
22Ngata̱ niꞌínchejéjíi̱n xota̱ ni̱ma̱a̱, kjo̱a̱a̱ nga xota̱ ni̱ma̱,
ti̱nde ngata̱ ndakinníjín ji ngase jé xota̱ xi ndasen síndoo̱
ki̱a̱ ngindyi̱ko̱n xota̱ xi tsꞌénjeé,
23ngatꞌa̱ Néná boá xi kꞌo̱xiéꞌá kjo̱a̱a̱ ni xi kjimataꞌin,
kó kuí boá xi sa̱ꞌínkꞌién ini̱ma̱a̱ xota̱ xi kjo̱a̱ꞌáxiín ngayeje ni xi tjiín xota̱ ni̱ma̱a̱.
-2-
24Ngata̱ ki̱a̱jiín niꞌínkamaje̱ ji xota̱ xi xi xtinda,
ti̱nde ngata̱ amingo̱jín niꞌínje̱ ji xota̱ xi tamá,
25tsi̱ꞌe̱ nga bo̱a̱jín kón ka̱ma ji xikoó kuí,
kósꞌe̱ ti̱ jii kꞌuijñíi̱ chja̱ya̱ ini̱ma̱a̱.
-3-
26Nga boeꞌéjín jí ndso̱ꞌbe nga ji kꞌuíchjí jí,
ni xi ntsjieén kje̱ꞌe xota̱,
27ngatꞌa̱ tsi si̱ꞌinsénjín ji kui to̱o̱n,
ngaskande ṉchan xi tsjajnisén ji chje̱ꞌéxiín.
-4-
28Ngata̱ꞌnitíyéjíi̱n tsindió xí je tikoón xoꞌbáa̱
xikó kjiꞌi chi̱bo̱a̱ xi je índoo̱ xi xcháa̱.
-5-
29Kjiꞌanga xche̱ ji ngo xota̱ xi nda tjítsꞌén xaá,
jmí tsi ta̱xkiya xota̱ xi sa̱ꞌínxátꞌaa̱,
nda̱ ree̱ boá xi kjo̱chótsꞌénxátꞌaa̱.
Currently Selected:
Énkjínkón 22: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Énkjínkón 22
22
Jmí ni chjíjiín kjo̱a̱cho̱o̱n
1Ndakjiꞌi ngase nga xcha̱ndikónná,
ta̱bo̱a̱jiín nga ꞌniú cho̱n ka̱má,
ngatꞌa̱ ngo xota̱ xi tjó niꞌánjo̱,
chjí ngasenii̱ ta̱bo̱a̱jiín to̱ntiboaa̱ ko̱jo to̱nsinieé.
2Xota̱ xi cho̱o̱n ko̱jo xota̱ xi ni̱ma̱a̱, ngo ndséje̱n boá,
ngatꞌa̱ Néná boá xi katsꞌénda ngajoó.
3Xota̱ xi tjiín kjo̱a̱kjíntakoón
be ni xi ndajiín, kó ki̱a̱jín fítji̱ngi,
ta̱nga xota̱ xi chi̱nii̱, ki̱a̱ fítji̱ngi,
kó ndajín maá ngijee̱.
4Ni̱ma̱kjo̱a̱ ꞌnaxié ji yojòo̱ ko̱jo che̱ndikín jí Néná,
kó Néná tsja̱á kjo̱a̱cho̱n, kjo̱a̱yandikón ko̱jo kjo̱a̱mindyion.
5Ndi̱ya̱à xota̱ xi ꞌniú ndajiín, xikónií tsi ndaꞌyá ko̱jo chja̱ya̱ tjiín,
ta̱nga xota̱ xi tjoó ini̱ma̱a̱, tsꞌénkjii̱n yojoo̱ kui nii̱.
6Ti̱ꞌinchji̱ni̱ ji ndíi̱ ndeskande nga xi̱xi̱,
kó ngaskande nga ka̱maxchá
ku̱i̱ꞌíjñámasienjín ni xi akakoyée̱.
7Xota̱ xi cho̱o̱n boá xi ndi̱a̱a̱ xota̱ xi ni̱ma̱a̱,
kó xota̱ xi míyá to̱o̱n, mosoo̱ xota̱ xi tsꞌénkíyà to̱o̱n boá.
8Xota̱ xi ni xi ndajín ꞌbítji̱e̱, ja̱ ti̱ ni xi ndajín kjo̱a̱ꞌátikó nga,
kó Néná sa̱ꞌínkjiéni nga sa̱ꞌínkjién yá xí botixómáni.
9Néná tsꞌénchíkonñé xota̱ xi tjiín kjo̱a̱ni̱ma̱takón,
ngatꞌa̱ katsjaá nichinie xota̱ xi ni̱ma̱a̱.
10Ti̱yítji̱ngìi̱ xota̱ xi mojnókiee̱, kó kju̱i̱e̱ kjo̱a̱xtii̱,
kjo̱a̱see̱, ko̱jo kjo̱a̱chꞌotsoó.
11Xota̱ xi nda ini̱ma̱a̱ ko̱jo xi kixi̱ chji̱a̱a̱,
kuí boá xi tjó ko̱jo xi amingo̱ sa̱ꞌínjo̱ nda̱ ree̱.
12Néná koón kjo̱a̱kjínkoón,
ta̱nga tsꞌénkjátsón ni xi ꞌbínda xota̱ xi botiñáná.
13Xota̱ xi tsiꞌeé ngo ni ꞌbijñáxtikjà
tsi̱ꞌe̱ nga ko̱e̱je̱tsꞌénxájín,
ngo xò xandi̱je̱ tsoꞌbá ngi̱ya ndi̱yàtieé
xi mején xoò skji̱ni̱e̱, tsó nga chji̱a̱.
14Tsꞌoa na̱ xi tsꞌéntꞌaa̱kjo̱a̱ xi̱ꞌii̱n
xikó maá tsi ngo chja̱ya̱ xi jmíjiín nínga fetꞌani,
kó ki̱a̱ nijan tsꞌénkámajo̱ xota̱ xi Néná jè bo̱a̱ katsó nga ndajín ka̱maa̱.
15Kjo̱a̱kitikjo̱a̱a̱, ngi̱jin ini̱ma̱a̱ ndií jè tikónjin,
ta̱nga ńꞌniú xí tsꞌénchjíni̱e̱e̱ boá xi ka̱maa̱ kjo̱a̱ꞌáxiín.
16Xota̱ xi tsꞌénchéjeé xota̱ ni̱ma̱a̱
tsi̱ꞌe̱ nga kꞌuié ngasee̱ to̱n,
nga kju̱i̱e̱tꞌaa̱ kuí xí ni̱ma̱ tsꞌén kꞌuijñá ngase.
Kjín ngase énkjínkón
17Nda nda má tasínijìi̱n eén xota̱ xi kjínkoón,
kó ini̱màa̱ tjajin ji kjo̱a̱bokoyá xi an tsꞌéntsjaa.
18Achichí nda kui eén tsi nda kjójintakín ji,
ko̱jo tsi je tjiꞌàmá ndso̱ꞌbe nga ko̱ndókjo̱e̱ ji.
19Jè tsꞌénxiyaa kui eén ngotꞌe̱,
tsi̱ꞌe̱ nga ka̱maꞌnítakín ji Néná,
20Kꞌi̱e̱ tsꞌéntsjaa kꞌi̱e̱e̱ kantié énkjínkón xí yaꞌa kjo̱a̱botíxoma ko̱jo kjo̱a̱kjíntakón.
21Én xi maꞌniátakón ko̱jo xi ja̱koxi̱ boá xi tsꞌéntsjaa,
tsi̱ꞌe̱ nga ka̱maa̱ ko̱ndókjo̱e̱je ji én xí ja̱koxi̱ kui xota̱ xi kanangiyachoo̱n ji.
-1-
22Ngata̱ niꞌínchejéjíi̱n xota̱ ni̱ma̱a̱, kjo̱a̱a̱ nga xota̱ ni̱ma̱,
ti̱nde ngata̱ ndakinníjín ji ngase jé xota̱ xi ndasen síndoo̱
ki̱a̱ ngindyi̱ko̱n xota̱ xi tsꞌénjeé,
23ngatꞌa̱ Néná boá xi kꞌo̱xiéꞌá kjo̱a̱a̱ ni xi kjimataꞌin,
kó kuí boá xi sa̱ꞌínkꞌién ini̱ma̱a̱ xota̱ xi kjo̱a̱ꞌáxiín ngayeje ni xi tjiín xota̱ ni̱ma̱a̱.
-2-
24Ngata̱ ki̱a̱jiín niꞌínkamaje̱ ji xota̱ xi xi xtinda,
ti̱nde ngata̱ amingo̱jín niꞌínje̱ ji xota̱ xi tamá,
25tsi̱ꞌe̱ nga bo̱a̱jín kón ka̱ma ji xikoó kuí,
kósꞌe̱ ti̱ jii kꞌuijñíi̱ chja̱ya̱ ini̱ma̱a̱.
-3-
26Nga boeꞌéjín jí ndso̱ꞌbe nga ji kꞌuíchjí jí,
ni xi ntsjieén kje̱ꞌe xota̱,
27ngatꞌa̱ tsi si̱ꞌinsénjín ji kui to̱o̱n,
ngaskande ṉchan xi tsjajnisén ji chje̱ꞌéxiín.
-4-
28Ngata̱ꞌnitíyéjíi̱n tsindió xí je tikoón xoꞌbáa̱
xikó kjiꞌi chi̱bo̱a̱ xi je índoo̱ xi xcháa̱.
-5-
29Kjiꞌanga xche̱ ji ngo xota̱ xi nda tjítsꞌén xaá,
jmí tsi ta̱xkiya xota̱ xi sa̱ꞌínxátꞌaa̱,
nda̱ ree̱ boá xi kjo̱chótsꞌénxátꞌaa̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014