Markoo̱ 3
3
Bi̱ tsꞌén katsꞌéndaya Kjisoo̱ ngo nda̱ xi kixíyà tsja
(Mat 12:9-14; Rka 6:6-11)
1Kó ti̱ tsꞌasꞌien nginí Kjisoo̱ ngo ndiꞌa nínga ndokjo̱a̱ eén Néná, kó ki̱a̱ kisꞌijña ngo nda̱ xi kixíyà tsja. 2Kó kichindá ꞌma Kjisoo̱ tsi̱ꞌe̱ nga xcha̱ tsi sa̱ꞌíndaya kui nda̱a̱ nga ni̱xtjin ndikón, tsi̱ꞌe̱ nga bo̱a̱ tsꞌén sa̱ko̱ó ngo kjo̱a̱ nga ko̱óngítaꞌin. 3Kósꞌe̱ Kjisoo̱, bi̱ katsoó nda̱ xi kixíyà tsjàa̱:
–Ti̱sítji̱n, kó kꞌi̱e̱ tindyin ji ngamasiee̱n.
4Kó bi̱ katsó nga asíyaá xota̱ xi ngasee̱:
–Mí ni xi tsjandiè kjo̱a̱kitii̱ nga ma niꞌán nga ni̱xtjin ndikón: A ni xi nda, axa̱ ni xi ndajín. A ko̱ꞌna̱xiéꞌá, axa̱ si̱ꞌankꞌién ngo xota̱.
Ta̱nga tsíchji̱a̱jín kui jaá. 5Kósꞌe̱ ngije askoꞌá tamá ngayeje xota̱ xi jaꞌatjiyajoo̱n, ndasen kamaá ngatꞌa̱ ta̱nisién tajá ini̱ma̱a̱, kó bi̱ katsoó nda̱ xi kixíyà tsjàa̱:
–Tjintie ndse̱.
Kó kui nda̱a̱ yejéntie tsja, kó kamándaya. 6Kó ngije jataxie já fariseoo̱, ítsꞌi̱yanii̱ nga índajo̱ xota̱ xi majo̱ nda̱ re Erondee̱ kótsꞌèn sa̱ꞌínkꞌién Kjisoo̱.
Bi̱ tsꞌén katsꞌéndaya Kjisoo̱ kjín xota̱ tꞌa ndáchíkoón
7Kó kijí Kjisoo̱ ko̱jo xota̱ tsi̱ꞌe̱ tꞌa ndáchíkoón, kó achichí xota̱ xi chji̱a̱ni nangi Ngalilea̱ xi kijítji̱ngii̱ ko̱jo xota̱ xi chji̱a̱ni nangi Jundea̱. 8Ko̱jo xi chji̱a̱ni na̱xi̱ńdáꞌniú Jerusale̱n, ko̱jo xi chji̱a̱ni nangi Indumea̱, ko̱jo xi chji̱a̱ni ngándaá ndejèꞌ Jorndaa̱n, ko̱jo xota̱ xi chji̱a̱ni nga̱ndee̱ nangi Tiroo̱, ko̱jo xi chji̱a̱ni nangi Sindo̱n, ta̱nisién kjín xota̱ xi tsintꞌié ngayeje ni xi katsꞌén Kjisoo̱ xi kijítji̱ngii̱. 9Kó Kjisoo̱ tsíchji̱a̱jo xota̱ tsi̱ꞌe̱, tsi̱ꞌe̱ nga ku̱i̱ꞌíjñandaa̱ ngo tjotso je, kó nga ku̱i̱ꞌíndyióꞌniújín xota̱ kjín xi kamátikó ki̱a̱a̱. 10Ngatꞌa̱ achichí kjín xota̱ xi katsꞌéndaya, kuíni nga kui xota̱ xi oo̱n ta̱xkiya katsanginjin kjo̱a̱ꞌniú yojoo̱ nínga tikón Kjisoo̱ tsi̱ꞌe̱ nga sa̱ꞌínjo̱. 11Kó kjiꞌanga kui a̱siénni̱xtjin xi ndajiín kamábe Kjisoo̱, indyiátꞌaa̱tikoó, kó bi̱ katsoó nga askjandáyaá:
¡Jí xí ndií Néná!
12Ta̱nga Kjisoo̱ ꞌniú katsꞌénxchánjo̱ kui xindajiín tsi̱ꞌe̱ nga ka̱tso̱yàjín ꞌyání bo̱a̱ xi kui.
Bi̱ tsꞌén jaꞌájin Kjisoo̱ nga tiejó já apostroo̱
(Mat 10:1-4; Rka 6:12-16)
13Kó Kjisoo̱ kijí ngo nga̱són tji̱ngi̱, kó tsíchji̱a̱a̱ já xí kamámejeén jaꞌájin kui, kó kui jaá kijíkoón. 14Tiejó má já xí jaꞌájin, tsi̱ꞌe̱ nga kjótsoꞌbájo̱ ko̱jo tsi̱ꞌe̱ nga sa̱ngíyá nga ku̱i̱ꞌíni̱jmì eén Néná, 15ko̱jo tsi̱ꞌe̱ nga kꞌuieé xá nga ka̱maa̱ sa̱ꞌíndaya xi oo̱n, ko̱jo nga ka̱maa̱ kꞌo̱xié xindajín xi síndojii̱n xotaa̱. 16Kuí xi̱ꞌbi̱ nga tiejó já xí jaꞌájin Kjisoo̱: Ximoo̱, xi Peé katsoó nga, 17ko̱jo Sandiyaá ndií Sebendeoo̱, ko̱jo Juaa̱ ntsꞌi̱e̱ Sandiyaá, kui xi Boanerje̱ ítꞌajaꞌén, ndií cho̱ꞌo̱n tsó kui jaꞌeén, 18ko̱jo Jandree̱, ko̱jo Ngiripee̱, ko̱jo Bartolomee̱, ko̱jo Matioo̱, ko̱jo Tomaa̱, ko̱jo Sandiyá ndií Alfeoo̱, ko̱jo Tandeoo̱, ko̱jo Ximoo̱ nda̱ kananistaa̱, 19ko̱jo Junda̱ Iskariotee̱, nda̱ xi jaskan katsꞌénkꞌasꞌien Kjisoo̱.
Bi̱ tsꞌén tsíchji̱a̱ Kjisoo̱ kjo̱a̱a̱ xindajín Belsebuu̱
(Mat 12:22-32; Rka 11:14-23; 12:10)
20Jaskan tsꞌasꞌien Kjisoo̱ ngo ndiꞌa, kó ti̱ ingo ndi̱yà nginí nga achichí kjín xota̱ kamátikó, kó nde kamájín iskjinie nichinie kui ko̱jo xota̱a̱. 21Kó nga tsintꞌié xota̱a̱ Kjisoo̱, kijíkjaꞌá tsi̱ꞌe̱ nga kjo̱jo, ngatꞌa̱ jè kjima tsobeé Kjisoo̱ katsó.
22Ta̱nga já chji̱ni̱e̱kjo̱a̱kiti xi kjindibáni na̱xi̱ńdáꞌniú Jerusale̱n, katsó nga Kjisoo̱ ngaꞌniuú nda̱ ngito̱ko̱o̱ xindajín xi ꞌmí Belsebuu̱ xò tsꞌénkjién nga ꞌboxié a̱si̱énni̱xtjii̱n xindajín.
23Kó Kjisoo̱ tsíchji̱a̱a̱ kui jaá, kó ngo énkjín tsíchji̱a̱jo, nga bi̱ katsoó:
–Kótsꞌèn ka̱maa̱ xindajín Satanaa̱ nga ti̱kuii kꞌo̱xié soboá yojoo̱. 24Kó tsi ngo ngi̱ndie nínga botixómá ngo nda̱ re jó tjín ka̱ma nga skjánjo̱ ti̱kuii xkjín, tsiejín ka̱maa̱ kui ngi̱ndiee̱, 25kó tsi xota̱ xi síndo ngo ndiꞌa tsi jó tjín ka̱ma, tsiejín ka̱maa̱ nga kꞌuijñá ngase. 26Kó tsi xindajín Satanaa̱ kondra̱ kꞌuijñaá ti̱ kui yojoo̱ kó jó tjín ka̱ma, ngiti̱ tsiejín ka̱maa̱ nga kꞌuijñá, kó jè ta̱ ki̱a̱ tsí tji̱e̱n jachó.
27Ta̱ꞌyajín xi ka̱maa̱ kꞌo̱sꞌien ndiꞌaa̱ ngo nda̱ xi tjingáꞌniuú, kósꞌe̱ sa̱ꞌínchejeé ni xi tjiín, tsi tjónjín ku̱i̱ꞌítaꞌniú kuí nda̱a̱. Bo̱a̱ tsi tsꞌén nga ka̱maa̱ sa̱ꞌínchejeé ni xi tjiín.
28Ja̱koxi̱ ni xi xiánjnúꞌun nga ka̱majetakoón ngayeje jeé xotaa̱ ko̱jo tsi chꞌo ka̱tso̱, ta̱ ni xi ka̱tso̱ nga ku̱i̱chji̱a̱, 29ta̱nga xi chꞌo ka̱tso̱o̱ A̱si̱énni̱xtjii̱n Néná, jmíni̱xtjin si̱ꞌanjetakoón, ta̱sá kꞌuieé jé ngatsjéni̱xtjin.
30Ngatꞌa̱ kui jaá katsó nga ngo xò a̱siénni̱xtjin xi ndajín tikónjii̱n Kjisoo̱.
Bi̱ tsꞌén katsóyà Kjisoo̱ ꞌyání xi na̱aa̱n ko̱jo xi ntsꞌi̱e̱
(Mat 12:46-50; Rka 8:19-21)
31Kó jaskan jachó na̱aa̱n, ko̱jo já ntsꞌi̱e̱, ko̱jo ínchjín ndichja Kjisoo̱, kó ndi̱tsen kisꞌińdo, sꞌe̱ katsangiya xi tsíchji̱a̱a̱ Kjisoo̱. 32Kó xota̱ xi síndo nga ngo foaꞌatjiyajoo̱n Kjisoo̱, bi̱ katsoó:
–Na̱áa̱n ko̱jo ntsꞌie, ko̱jo ndichje ndi̱tsén jàn síndo, kó jí ndyi̱mongasee̱.
33Sꞌe̱ Kjisoo̱, bi̱ katsó:
–ꞌYání xi na̱anna, ꞌyání xi ntsꞌié án, kó ꞌyání xi ndichja an.
34Kó askotsijee̱n xota̱ xi síndo nga ngo foaꞌatjiyajoo̱n, kósꞌe̱ bi̱ katsó:
–Kuí xi̱ꞌbi̱ xi na̱anna, ko̱jo xi ntsꞌié án, ko̱jo xi ndichja án. 35Ngatꞌa̱ ngayeje xi sa̱ꞌínkjatjosón ni xi mejeén Néná, kuí xi̱ꞌba̱ xi ntsꞌié án, xi ndichja án, ko̱jo xi na̱anna.
Currently Selected:
Markoo̱ 3: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Markoo̱ 3
3
Bi̱ tsꞌén katsꞌéndaya Kjisoo̱ ngo nda̱ xi kixíyà tsja
(Mat 12:9-14; Rka 6:6-11)
1Kó ti̱ tsꞌasꞌien nginí Kjisoo̱ ngo ndiꞌa nínga ndokjo̱a̱ eén Néná, kó ki̱a̱ kisꞌijña ngo nda̱ xi kixíyà tsja. 2Kó kichindá ꞌma Kjisoo̱ tsi̱ꞌe̱ nga xcha̱ tsi sa̱ꞌíndaya kui nda̱a̱ nga ni̱xtjin ndikón, tsi̱ꞌe̱ nga bo̱a̱ tsꞌén sa̱ko̱ó ngo kjo̱a̱ nga ko̱óngítaꞌin. 3Kósꞌe̱ Kjisoo̱, bi̱ katsoó nda̱ xi kixíyà tsjàa̱:
–Ti̱sítji̱n, kó kꞌi̱e̱ tindyin ji ngamasiee̱n.
4Kó bi̱ katsó nga asíyaá xota̱ xi ngasee̱:
–Mí ni xi tsjandiè kjo̱a̱kitii̱ nga ma niꞌán nga ni̱xtjin ndikón: A ni xi nda, axa̱ ni xi ndajín. A ko̱ꞌna̱xiéꞌá, axa̱ si̱ꞌankꞌién ngo xota̱.
Ta̱nga tsíchji̱a̱jín kui jaá. 5Kósꞌe̱ ngije askoꞌá tamá ngayeje xota̱ xi jaꞌatjiyajoo̱n, ndasen kamaá ngatꞌa̱ ta̱nisién tajá ini̱ma̱a̱, kó bi̱ katsoó nda̱ xi kixíyà tsjàa̱:
–Tjintie ndse̱.
Kó kui nda̱a̱ yejéntie tsja, kó kamándaya. 6Kó ngije jataxie já fariseoo̱, ítsꞌi̱yanii̱ nga índajo̱ xota̱ xi majo̱ nda̱ re Erondee̱ kótsꞌèn sa̱ꞌínkꞌién Kjisoo̱.
Bi̱ tsꞌén katsꞌéndaya Kjisoo̱ kjín xota̱ tꞌa ndáchíkoón
7Kó kijí Kjisoo̱ ko̱jo xota̱ tsi̱ꞌe̱ tꞌa ndáchíkoón, kó achichí xota̱ xi chji̱a̱ni nangi Ngalilea̱ xi kijítji̱ngii̱ ko̱jo xota̱ xi chji̱a̱ni nangi Jundea̱. 8Ko̱jo xi chji̱a̱ni na̱xi̱ńdáꞌniú Jerusale̱n, ko̱jo xi chji̱a̱ni nangi Indumea̱, ko̱jo xi chji̱a̱ni ngándaá ndejèꞌ Jorndaa̱n, ko̱jo xota̱ xi chji̱a̱ni nga̱ndee̱ nangi Tiroo̱, ko̱jo xi chji̱a̱ni nangi Sindo̱n, ta̱nisién kjín xota̱ xi tsintꞌié ngayeje ni xi katsꞌén Kjisoo̱ xi kijítji̱ngii̱. 9Kó Kjisoo̱ tsíchji̱a̱jo xota̱ tsi̱ꞌe̱, tsi̱ꞌe̱ nga ku̱i̱ꞌíjñandaa̱ ngo tjotso je, kó nga ku̱i̱ꞌíndyióꞌniújín xota̱ kjín xi kamátikó ki̱a̱a̱. 10Ngatꞌa̱ achichí kjín xota̱ xi katsꞌéndaya, kuíni nga kui xota̱ xi oo̱n ta̱xkiya katsanginjin kjo̱a̱ꞌniú yojoo̱ nínga tikón Kjisoo̱ tsi̱ꞌe̱ nga sa̱ꞌínjo̱. 11Kó kjiꞌanga kui a̱siénni̱xtjin xi ndajiín kamábe Kjisoo̱, indyiátꞌaa̱tikoó, kó bi̱ katsoó nga askjandáyaá:
¡Jí xí ndií Néná!
12Ta̱nga Kjisoo̱ ꞌniú katsꞌénxchánjo̱ kui xindajiín tsi̱ꞌe̱ nga ka̱tso̱yàjín ꞌyání bo̱a̱ xi kui.
Bi̱ tsꞌén jaꞌájin Kjisoo̱ nga tiejó já apostroo̱
(Mat 10:1-4; Rka 6:12-16)
13Kó Kjisoo̱ kijí ngo nga̱són tji̱ngi̱, kó tsíchji̱a̱a̱ já xí kamámejeén jaꞌájin kui, kó kui jaá kijíkoón. 14Tiejó má já xí jaꞌájin, tsi̱ꞌe̱ nga kjótsoꞌbájo̱ ko̱jo tsi̱ꞌe̱ nga sa̱ngíyá nga ku̱i̱ꞌíni̱jmì eén Néná, 15ko̱jo tsi̱ꞌe̱ nga kꞌuieé xá nga ka̱maa̱ sa̱ꞌíndaya xi oo̱n, ko̱jo nga ka̱maa̱ kꞌo̱xié xindajín xi síndojii̱n xotaa̱. 16Kuí xi̱ꞌbi̱ nga tiejó já xí jaꞌájin Kjisoo̱: Ximoo̱, xi Peé katsoó nga, 17ko̱jo Sandiyaá ndií Sebendeoo̱, ko̱jo Juaa̱ ntsꞌi̱e̱ Sandiyaá, kui xi Boanerje̱ ítꞌajaꞌén, ndií cho̱ꞌo̱n tsó kui jaꞌeén, 18ko̱jo Jandree̱, ko̱jo Ngiripee̱, ko̱jo Bartolomee̱, ko̱jo Matioo̱, ko̱jo Tomaa̱, ko̱jo Sandiyá ndií Alfeoo̱, ko̱jo Tandeoo̱, ko̱jo Ximoo̱ nda̱ kananistaa̱, 19ko̱jo Junda̱ Iskariotee̱, nda̱ xi jaskan katsꞌénkꞌasꞌien Kjisoo̱.
Bi̱ tsꞌén tsíchji̱a̱ Kjisoo̱ kjo̱a̱a̱ xindajín Belsebuu̱
(Mat 12:22-32; Rka 11:14-23; 12:10)
20Jaskan tsꞌasꞌien Kjisoo̱ ngo ndiꞌa, kó ti̱ ingo ndi̱yà nginí nga achichí kjín xota̱ kamátikó, kó nde kamájín iskjinie nichinie kui ko̱jo xota̱a̱. 21Kó nga tsintꞌié xota̱a̱ Kjisoo̱, kijíkjaꞌá tsi̱ꞌe̱ nga kjo̱jo, ngatꞌa̱ jè kjima tsobeé Kjisoo̱ katsó.
22Ta̱nga já chji̱ni̱e̱kjo̱a̱kiti xi kjindibáni na̱xi̱ńdáꞌniú Jerusale̱n, katsó nga Kjisoo̱ ngaꞌniuú nda̱ ngito̱ko̱o̱ xindajín xi ꞌmí Belsebuu̱ xò tsꞌénkjién nga ꞌboxié a̱si̱énni̱xtjii̱n xindajín.
23Kó Kjisoo̱ tsíchji̱a̱a̱ kui jaá, kó ngo énkjín tsíchji̱a̱jo, nga bi̱ katsoó:
–Kótsꞌèn ka̱maa̱ xindajín Satanaa̱ nga ti̱kuii kꞌo̱xié soboá yojoo̱. 24Kó tsi ngo ngi̱ndie nínga botixómá ngo nda̱ re jó tjín ka̱ma nga skjánjo̱ ti̱kuii xkjín, tsiejín ka̱maa̱ kui ngi̱ndiee̱, 25kó tsi xota̱ xi síndo ngo ndiꞌa tsi jó tjín ka̱ma, tsiejín ka̱maa̱ nga kꞌuijñá ngase. 26Kó tsi xindajín Satanaa̱ kondra̱ kꞌuijñaá ti̱ kui yojoo̱ kó jó tjín ka̱ma, ngiti̱ tsiejín ka̱maa̱ nga kꞌuijñá, kó jè ta̱ ki̱a̱ tsí tji̱e̱n jachó.
27Ta̱ꞌyajín xi ka̱maa̱ kꞌo̱sꞌien ndiꞌaa̱ ngo nda̱ xi tjingáꞌniuú, kósꞌe̱ sa̱ꞌínchejeé ni xi tjiín, tsi tjónjín ku̱i̱ꞌítaꞌniú kuí nda̱a̱. Bo̱a̱ tsi tsꞌén nga ka̱maa̱ sa̱ꞌínchejeé ni xi tjiín.
28Ja̱koxi̱ ni xi xiánjnúꞌun nga ka̱majetakoón ngayeje jeé xotaa̱ ko̱jo tsi chꞌo ka̱tso̱, ta̱ ni xi ka̱tso̱ nga ku̱i̱chji̱a̱, 29ta̱nga xi chꞌo ka̱tso̱o̱ A̱si̱énni̱xtjii̱n Néná, jmíni̱xtjin si̱ꞌanjetakoón, ta̱sá kꞌuieé jé ngatsjéni̱xtjin.
30Ngatꞌa̱ kui jaá katsó nga ngo xò a̱siénni̱xtjin xi ndajín tikónjii̱n Kjisoo̱.
Bi̱ tsꞌén katsóyà Kjisoo̱ ꞌyání xi na̱aa̱n ko̱jo xi ntsꞌi̱e̱
(Mat 12:46-50; Rka 8:19-21)
31Kó jaskan jachó na̱aa̱n, ko̱jo já ntsꞌi̱e̱, ko̱jo ínchjín ndichja Kjisoo̱, kó ndi̱tsen kisꞌińdo, sꞌe̱ katsangiya xi tsíchji̱a̱a̱ Kjisoo̱. 32Kó xota̱ xi síndo nga ngo foaꞌatjiyajoo̱n Kjisoo̱, bi̱ katsoó:
–Na̱áa̱n ko̱jo ntsꞌie, ko̱jo ndichje ndi̱tsén jàn síndo, kó jí ndyi̱mongasee̱.
33Sꞌe̱ Kjisoo̱, bi̱ katsó:
–ꞌYání xi na̱anna, ꞌyání xi ntsꞌié án, kó ꞌyání xi ndichja an.
34Kó askotsijee̱n xota̱ xi síndo nga ngo foaꞌatjiyajoo̱n, kósꞌe̱ bi̱ katsó:
–Kuí xi̱ꞌbi̱ xi na̱anna, ko̱jo xi ntsꞌié án, ko̱jo xi ndichja án. 35Ngatꞌa̱ ngayeje xi sa̱ꞌínkjatjosón ni xi mejeén Néná, kuí xi̱ꞌba̱ xi ntsꞌié án, xi ndichja án, ko̱jo xi na̱anna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014