Matioo̱ 24
24
Bi̱ tsꞌén katsóyà Kjisoo̱ kjo̱a̱a̱ nga ku̱i̱xo̱ndò na̱ngo̱xi̱i̱
(Mar 13:1-2; Rka 21:5-6)
1Kó nga jataxie Kjisoo̱ ndi̱tsen na̱ngo̱xi̱i̱, kó tji̱e̱nga ndyi̱fí, jachókón tiñaa̱ xota̱ tsi̱ꞌe̱, tsi̱ꞌe̱ nga ko̱ko̱ó ndiꞌa yiꞌii̱ na̱ngo̱xi̱i̱. 2Ta̱nga Kjisoo̱, bi̱ katsó:
–A ndyi̱yajnú ngayeje kui nii̱. Ja̱koxi̱ ni xi xiánjnúꞌun nga ngayejee̱ nga ku̱i̱xo̱ndò, kó nde ngo ndi̱jo̱ kꞌuíndojín xi sꞌi̱ńdosoón xkjín.
Bi̱ tsꞌén katsóyà Kjisoo̱ kjo̱a̱a̱ chi̱bo̱a̱ xi sꞌi̱jña ngindiee̱ nga kju̱i̱e̱ nga̱sondiee̱
(Mar 13:3-23; Rka 21:7-24)
3Kó kjiꞌanga Kjisoo̱ tikóndo nínga tikón tji̱ngi̱ nínga tjín yáꞌoliboo̱, xota̱ tsi̱ꞌe̱ jachókoón, sꞌe̱ tsíchji̱a̱jo soboá, nga bi̱ katsoó:
Tꞌíyéjne̱, kjiꞌání nga ka̱ma kui nii̱, kó mí chi̱bo̱a̱ xi sꞌi̱jña nga kji̱ndi̱bé ji, ko̱jo nga kju̱i̱e̱ nga̱sondiee̱.
4Kó bi̱ katsó Kjisoo̱:
–Chónjnú nga jmíjín xi kꞌo̱ṉcha̱jojnú. 5Ngatꞌa̱ achichí má xota̱ xi kjo̱e̱ꞌe ngajona nga bi̱ ka̱tso̱: Án boá xi Kristoo̱, kó kjín xota̱ xi kꞌo̱ṉcha̱jo. 6Kó ko̱nda̱ꞌyájnú én nga kꞌuié kjo̱a̱xchán ko̱jo nga je kjima kjo̱a̱xchán jàn jàn, ta̱nga ngata̱ ndakonjínmájnú, ngatꞌa̱ ta̱kó bo̱a̱ ka̱ma, ta̱nga kji̱e̱ kjo̱chójín ni̱xtjin nga kju̱i̱e̱ nga̱sondiee̱. 7Ngatꞌa̱ na̱xi̱ńdaá skjánjo̱ xkjín, ko̱jo já ree̱ skjánjo̱ xkjín. Kꞌuié kjindiá, kó kjín ngi̱ndie nínga ka̱ma kjo̱a̱ndi̱ko̱n, 8ta̱nga nga ka̱ma kui nii̱, sꞌe̱ tsí ku̱i̱ꞌítsꞌi̱yanii̱ xi so xi ndakjaa̱n.
9Kósꞌe̱ xotaa̱ sa̱ꞌínkꞌasꞌienjnú jún tsi̱ꞌe̱ nga ku̱i̱yotjíngíjnú, ko̱jo tsi̱ꞌe̱ nga si̱ꞌankꞌiénjnú, kó ngayeje xota̱ sa̱ꞌínchꞌójnú ta̱ngatꞌanii̱ jaꞌénna. 10Kó kjiꞌá boá nga achichí kjín ka̱ma xota̱ xi tjimátji̱ngina xi ngiti̱ sꞌi̱jinjiín an, tjín xí sa̱ꞌínkꞌasꞌien xkjín, kó ja̱kꞌi̱e̱ ja̱ngaján ka̱ma chꞌoo̱ xkjín, 11kó achichí kjín ka̱ma jáchji̱ni̱e̱ꞌén ndiso xi kꞌuié, kó kjín xota̱ kꞌo̱ṉcha̱jo, 12kó kjo̱a̱a̱ nga achichí nga ndajín ka̱ma xotaa̱ kuíni nga ngiti̱ sa̱ꞌíntjójín xkjín. 13Ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa. 14Kó kꞌuiyáni̱jmì kui éntjatsi̱e̱e̱ nínga botixómá Néná ngayeje nga̱sondiee̱, tsi̱ꞌe̱ nga sku̱i̱e̱ ngayeje na̱xi̱ńdá, kó kjiꞌa ꞌne̱ nga kju̱i̱e̱ nga̱sondiee̱.
15Kuíni nga, kjiꞌanga xcha̱jnú jún ngo ni xi ta̱nisién ꞌniú chꞌokjiꞌi ki̱a̱ ngi̱ndie tsjiee̱, kui ni xi tsíchji̱a̱ nda̱chji̱ni̱e̱ꞌe̱én Néná xi ꞌmí Ndanii̱ (xi sa̱ꞌínyà kui eén, ngatamakjiín), 16kósꞌe̱ kjiꞌá boá nga kui xota̱ xi síndo Jundea̱, ngatanga ngi̱jin kꞌijñá jàn. 17Kó xi tikón nkꞌaa̱ ndiꞌaa̱, ngata̱ fotjajénjín tsi̱ꞌe̱ nga kꞌo̱sꞌien ndiꞌaa̱ nga skjíbé ngo nii̱, 18kó xi ngi̱jin jno̱o̱ tsoꞌbá, ngata̱ fíꞌoyájín tsi̱ꞌe̱ nga ko̱e̱je̱kjaꞌá ńjño xi bótꞌa nga̱xto̱n. 19¡Ni̱ma̱ xò ndí ínchjín xí ndí ndyi̱yaꞌa ko̱jo xi ndí ndyi̱tsꞌènxchá kui ni̱xtjin xi̱ꞌba̱! 20Ndókjo̱a̱jnúu̱ Néná tsi̱ꞌe̱ nga, nga ku̱i̱yòjnú ni̱xtjii̱n cho̱nchꞌànjín ko̱jo tsi ni̱xtjin ndikónjín nga bo̱a̱ ka̱ma, 21ngatꞌa̱ kui ni̱xtjii̱n achichí kjo̱a̱ni̱ma̱ kjo̱a̱ꞌatio ngayeje xotaa̱, kó ngo ni xi kji̱e̱ jmíni̱xtjin ma ni xi ka̱ma, ndeskande koó nga Néná ítjatsꞌennii̱ nga katsꞌénda nga̱sondiee̱ ngaskande ngotꞌe̱, ti̱nde ngiti̱ ka̱májín ngijee̱. 22Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.
23Kó tsi tjín káꞌá xota̱, xi bi̱ ka̱tso̱jnú: Jénꞌe̱n tsitsíjenjnúu̱, kꞌi̱e̱ tikón Kristoo̱, ko̱jo tsi jénꞌe̱n ki̱a̱a̱ tikón, ngata̱ niꞌánsꞌijinjínjnúu̱. 24Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín jáchji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná. 25Ja̱ je katsóyàtjónjnúꞌun ni xi ka̱ma. 26Kó kuíni tsi tjín xí bi̱ ka̱tso̱jnú: Jénꞌe̱n nangi kixií tikón Kristoo̱, ngata̱ mongínjínjnú, ko̱jo tsi bi̱ ka̱tso̱jnú: Jénꞌe̱n kꞌi̱e̱ tikón kui ndiꞌaa̱ Kristoo̱, ngata̱ niꞌánsꞌijinjínjnúu̱. 27Ngatꞌa̱ xikó maá nga foaꞌatꞌe nga ꞌbítsi̱yanii̱ nínga fotjo tsꞌueé, sꞌe̱ fetꞌanii̱ nínga ꞌbotjé, bo̱a̱ má ka̱ma ni̱xtjin nga kjo̱e̱ꞌe ndií nda̱ xi̱ꞌii̱n. 28Ngatꞌa̱ ta̱ nínga tikón yojo kꞌiee̱n, ki̱a̱ ka̱matikó ríkieé.
Bi̱ ka̱ma ni̱xtjin nga kjo̱e̱ꞌe nginí ndií nda̱ xi̱ꞌii̱n
(Mar 13:24-37; Rka 21:25-36; 17:25-36; 12:41-48)
29Kó ngije jaꞌa kui ni̱xtjin nga ku̱i̱tja̱tió kui kjo̱a̱ni̱ma̱a̱, tsꞌueé ka̱majñó, saá ngiti̱ jmí ndiꞌí tsja̱ajín, ńñoo ku̱i̱xo̱ngini ndiꞌakꞌajmi jàn, kó kjo̱tsiè yeje ngaꞌniú xí tjín ndiꞌakꞌajmi jàn. 30Kósꞌe̱ kjiꞌá boá nga xcha̱ chi̱bo̱a̱ xi ko̱kó nga je kjo̱e̱ꞌe ndií nda̱ xi̱ꞌii̱n, kó achichí stsa̱kjonní ngayeje xtín xota̱ xi tjín kui tꞌanangii̱ nga skja̱ndá, kó sku̱i̱e̱ ndií nda̱ xi̱ꞌii̱n nga ngo ṉdi̱ kji̱ndi̱bájinni ndiꞌakꞌajmi jàn, kó achichí ngaꞌniú kꞌuieé ko̱jo tsie kjo̱a̱jee̱ kjindibájo̱, 31kó kuí xí sa̱ngíyá ndítsjiee̱, tsi̱ꞌe̱ nga sa̱ꞌínkjanie tjioo̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga ꞌbítsi̱yanii̱, kó ngaskande nínga fetꞌanii̱.
32Ngatamajnú énkjiín yáꞌingoo̱, xi bi̱ tsoó: Nga fotjoo̱ tjia ńtsꞌieén ko̱jo xka̱a̱, ja̱ jè ya nga je tikón tiña cho̱ndoboaá, 33ti̱ bo̱a̱ ti̱ tsꞌén jún, ngije xcha̱jnú nga je kjima ngayeje kui nii̱, ja̱ jè yàjnú nga ndií nda̱ xi̱ꞌii̱n je jeꞌe tiña, xikoó tsi je tikón ngi̱xtio nga̱ntjo̱a̱a̱. 34Ja̱koxi̱ ni xi xiánjnúꞌun jún, nga kji̱e̱ ko̱yàjín xota̱ xi síndo ngotꞌe̱ tsi tjónjín kjo̱tjosón kui nii̱. 35Ndiꞌakꞌajmii̱ ko̱jo tꞌanangii̱ kjo̱a̱ꞌa, ta̱nga énna kjo̱a̱ꞌatiyàjín.
36Ta̱nga kui ni̱xtjin jàn ko̱jo kui chi̱bo̱a̱ jàn, ta̱ꞌyajín xi be, nde ndítsjiee̱ Néná xí síndo ndiꞌakꞌajmi jàn bejín, ta̱ ngototo Na̱ꞌmina xi be.
37Ngatꞌa̱ xikó kamá ni̱xtjin nga kisꞌijña Noee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n. 38Ngatꞌa̱ xikoó kui ni̱xtjin jàn ngindiee̱ nga ko̱a̱ꞌa stsé ꞌniuú, kó ngaskande ni̱xtjin nga Noee̱ tsꞌasꞌien ngi̱ya tjotso jee̱, xotaa̱ iskjinie ko̱jo katsꞌe, ixán ko̱jo katsꞌénkixan xkjín, 39kó kamákjínjiín kui xotaa̱ ngaskande nga kjindibá stsé ꞌniuú, sꞌe̱ jesón ngándá ngayejee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n. 40Kósꞌe̱ tsi jó já síndo xi ndyi̱tsꞌènxá ngi̱jin jno̱o̱, ngo chjábé, sꞌe̱ ngo kꞌuijñá. 41Tsi jó ínchjín xi nijan kꞌó, ngo chjábé, sꞌe̱ ngo kꞌuijñá.
42Ngata̱ tsjayojoféjínjnú tsobo̱a̱, ngatꞌa̱ yàjínjnú mí chi̱bo̱a̱a̱ nga kjo̱e̱ꞌe Ndi̱a̱jnú. 43Ta̱nga ngatamakjínjnú kui nii̱: Tsi nda̱ xi tsi̱ꞌe̱ ndiꞌaa̱ sku̱i̱e̱ mí chi̱bo̱a̱ nga kjo̱chó chejeé ndiꞌaa̱, nde kjóféjín, kó nde tsja̱ndièjínraa̱ nga kꞌo̱sꞌien chejeé tsobo̱a̱. 44Kó kuíni nga, ti̱ndyiondajnú ndatsa jún nga, ngatꞌa̱ nde xcha̱jínjnú, mí chi̱bo̱a̱ nga kjo̱e̱ꞌe ndií nda̱ xi̱ꞌii̱n.
45ꞌYá moso̱ xi kixi̱ ko̱jo xi ꞌniátakón xi ka̱maa̱ si̱ꞌankjatjosón, nga ndi̱a̱a̱ sa̱ꞌínkonda ndiꞌaa̱ tsi̱ꞌe̱ nga chi̱bo̱a̱a̱ má tsja̱á nichinie xotaa̱. 46Achichíra̱ tsjaa̱ nda̱ moso̱ xi nga kjo̱e̱ꞌe ndi̱a̱a̱, tjítsꞌén xá xí katseꞌeé. 47Ja̱koxi̱ ni xi xiánjnúꞌun nga kui mosoo̱, kuí xí si̱ꞌankonda ngayeje ni xi tjiín ndi̱a̱a̱. 48Ta̱nga tsi kui mosoo̱, bi̱ tsꞌén sa̱ꞌínkjó ini̱ma̱a̱: Kꞌo̱ndíyárií ndi̱a̱na nga kjo̱e̱ꞌe, 49kó ku̱i̱ꞌítsꞌi̱yani nga ko̱ꞌon moso̱ xi ngasee̱, kó ngaskande skji̱ni̱e̱ ko̱jo kꞌuí, kó ka̱ma chꞌi̱, 50kó ni̱xtjin ko̱jo chi̱bo̱a̱ nga skoyájín kui mosoo̱, kjo̱chó ndi̱a̱a̱, 51kó ndi̱a̱a̱ achichí ꞌniú sa̱ꞌínjeé kui mosoo̱, kó ki̱a̱ sa̱ngíyá nínga síndo xota̱ jókje̱e̱n, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱.
Currently Selected:
Matioo̱ 24: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Matioo̱ 24
24
Bi̱ tsꞌén katsóyà Kjisoo̱ kjo̱a̱a̱ nga ku̱i̱xo̱ndò na̱ngo̱xi̱i̱
(Mar 13:1-2; Rka 21:5-6)
1Kó nga jataxie Kjisoo̱ ndi̱tsen na̱ngo̱xi̱i̱, kó tji̱e̱nga ndyi̱fí, jachókón tiñaa̱ xota̱ tsi̱ꞌe̱, tsi̱ꞌe̱ nga ko̱ko̱ó ndiꞌa yiꞌii̱ na̱ngo̱xi̱i̱. 2Ta̱nga Kjisoo̱, bi̱ katsó:
–A ndyi̱yajnú ngayeje kui nii̱. Ja̱koxi̱ ni xi xiánjnúꞌun nga ngayejee̱ nga ku̱i̱xo̱ndò, kó nde ngo ndi̱jo̱ kꞌuíndojín xi sꞌi̱ńdosoón xkjín.
Bi̱ tsꞌén katsóyà Kjisoo̱ kjo̱a̱a̱ chi̱bo̱a̱ xi sꞌi̱jña ngindiee̱ nga kju̱i̱e̱ nga̱sondiee̱
(Mar 13:3-23; Rka 21:7-24)
3Kó kjiꞌanga Kjisoo̱ tikóndo nínga tikón tji̱ngi̱ nínga tjín yáꞌoliboo̱, xota̱ tsi̱ꞌe̱ jachókoón, sꞌe̱ tsíchji̱a̱jo soboá, nga bi̱ katsoó:
Tꞌíyéjne̱, kjiꞌání nga ka̱ma kui nii̱, kó mí chi̱bo̱a̱ xi sꞌi̱jña nga kji̱ndi̱bé ji, ko̱jo nga kju̱i̱e̱ nga̱sondiee̱.
4Kó bi̱ katsó Kjisoo̱:
–Chónjnú nga jmíjín xi kꞌo̱ṉcha̱jojnú. 5Ngatꞌa̱ achichí má xota̱ xi kjo̱e̱ꞌe ngajona nga bi̱ ka̱tso̱: Án boá xi Kristoo̱, kó kjín xota̱ xi kꞌo̱ṉcha̱jo. 6Kó ko̱nda̱ꞌyájnú én nga kꞌuié kjo̱a̱xchán ko̱jo nga je kjima kjo̱a̱xchán jàn jàn, ta̱nga ngata̱ ndakonjínmájnú, ngatꞌa̱ ta̱kó bo̱a̱ ka̱ma, ta̱nga kji̱e̱ kjo̱chójín ni̱xtjin nga kju̱i̱e̱ nga̱sondiee̱. 7Ngatꞌa̱ na̱xi̱ńdaá skjánjo̱ xkjín, ko̱jo já ree̱ skjánjo̱ xkjín. Kꞌuié kjindiá, kó kjín ngi̱ndie nínga ka̱ma kjo̱a̱ndi̱ko̱n, 8ta̱nga nga ka̱ma kui nii̱, sꞌe̱ tsí ku̱i̱ꞌítsꞌi̱yanii̱ xi so xi ndakjaa̱n.
9Kósꞌe̱ xotaa̱ sa̱ꞌínkꞌasꞌienjnú jún tsi̱ꞌe̱ nga ku̱i̱yotjíngíjnú, ko̱jo tsi̱ꞌe̱ nga si̱ꞌankꞌiénjnú, kó ngayeje xota̱ sa̱ꞌínchꞌójnú ta̱ngatꞌanii̱ jaꞌénna. 10Kó kjiꞌá boá nga achichí kjín ka̱ma xota̱ xi tjimátji̱ngina xi ngiti̱ sꞌi̱jinjiín an, tjín xí sa̱ꞌínkꞌasꞌien xkjín, kó ja̱kꞌi̱e̱ ja̱ngaján ka̱ma chꞌoo̱ xkjín, 11kó achichí kjín ka̱ma jáchji̱ni̱e̱ꞌén ndiso xi kꞌuié, kó kjín xota̱ kꞌo̱ṉcha̱jo, 12kó kjo̱a̱a̱ nga achichí nga ndajín ka̱ma xotaa̱ kuíni nga ngiti̱ sa̱ꞌíntjójín xkjín. 13Ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa. 14Kó kꞌuiyáni̱jmì kui éntjatsi̱e̱e̱ nínga botixómá Néná ngayeje nga̱sondiee̱, tsi̱ꞌe̱ nga sku̱i̱e̱ ngayeje na̱xi̱ńdá, kó kjiꞌa ꞌne̱ nga kju̱i̱e̱ nga̱sondiee̱.
15Kuíni nga, kjiꞌanga xcha̱jnú jún ngo ni xi ta̱nisién ꞌniú chꞌokjiꞌi ki̱a̱ ngi̱ndie tsjiee̱, kui ni xi tsíchji̱a̱ nda̱chji̱ni̱e̱ꞌe̱én Néná xi ꞌmí Ndanii̱ (xi sa̱ꞌínyà kui eén, ngatamakjiín), 16kósꞌe̱ kjiꞌá boá nga kui xota̱ xi síndo Jundea̱, ngatanga ngi̱jin kꞌijñá jàn. 17Kó xi tikón nkꞌaa̱ ndiꞌaa̱, ngata̱ fotjajénjín tsi̱ꞌe̱ nga kꞌo̱sꞌien ndiꞌaa̱ nga skjíbé ngo nii̱, 18kó xi ngi̱jin jno̱o̱ tsoꞌbá, ngata̱ fíꞌoyájín tsi̱ꞌe̱ nga ko̱e̱je̱kjaꞌá ńjño xi bótꞌa nga̱xto̱n. 19¡Ni̱ma̱ xò ndí ínchjín xí ndí ndyi̱yaꞌa ko̱jo xi ndí ndyi̱tsꞌènxchá kui ni̱xtjin xi̱ꞌba̱! 20Ndókjo̱a̱jnúu̱ Néná tsi̱ꞌe̱ nga, nga ku̱i̱yòjnú ni̱xtjii̱n cho̱nchꞌànjín ko̱jo tsi ni̱xtjin ndikónjín nga bo̱a̱ ka̱ma, 21ngatꞌa̱ kui ni̱xtjii̱n achichí kjo̱a̱ni̱ma̱ kjo̱a̱ꞌatio ngayeje xotaa̱, kó ngo ni xi kji̱e̱ jmíni̱xtjin ma ni xi ka̱ma, ndeskande koó nga Néná ítjatsꞌennii̱ nga katsꞌénda nga̱sondiee̱ ngaskande ngotꞌe̱, ti̱nde ngiti̱ ka̱májín ngijee̱. 22Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.
23Kó tsi tjín káꞌá xota̱, xi bi̱ ka̱tso̱jnú: Jénꞌe̱n tsitsíjenjnúu̱, kꞌi̱e̱ tikón Kristoo̱, ko̱jo tsi jénꞌe̱n ki̱a̱a̱ tikón, ngata̱ niꞌánsꞌijinjínjnúu̱. 24Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín jáchji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná. 25Ja̱ je katsóyàtjónjnúꞌun ni xi ka̱ma. 26Kó kuíni tsi tjín xí bi̱ ka̱tso̱jnú: Jénꞌe̱n nangi kixií tikón Kristoo̱, ngata̱ mongínjínjnú, ko̱jo tsi bi̱ ka̱tso̱jnú: Jénꞌe̱n kꞌi̱e̱ tikón kui ndiꞌaa̱ Kristoo̱, ngata̱ niꞌánsꞌijinjínjnúu̱. 27Ngatꞌa̱ xikó maá nga foaꞌatꞌe nga ꞌbítsi̱yanii̱ nínga fotjo tsꞌueé, sꞌe̱ fetꞌanii̱ nínga ꞌbotjé, bo̱a̱ má ka̱ma ni̱xtjin nga kjo̱e̱ꞌe ndií nda̱ xi̱ꞌii̱n. 28Ngatꞌa̱ ta̱ nínga tikón yojo kꞌiee̱n, ki̱a̱ ka̱matikó ríkieé.
Bi̱ ka̱ma ni̱xtjin nga kjo̱e̱ꞌe nginí ndií nda̱ xi̱ꞌii̱n
(Mar 13:24-37; Rka 21:25-36; 17:25-36; 12:41-48)
29Kó ngije jaꞌa kui ni̱xtjin nga ku̱i̱tja̱tió kui kjo̱a̱ni̱ma̱a̱, tsꞌueé ka̱majñó, saá ngiti̱ jmí ndiꞌí tsja̱ajín, ńñoo ku̱i̱xo̱ngini ndiꞌakꞌajmi jàn, kó kjo̱tsiè yeje ngaꞌniú xí tjín ndiꞌakꞌajmi jàn. 30Kósꞌe̱ kjiꞌá boá nga xcha̱ chi̱bo̱a̱ xi ko̱kó nga je kjo̱e̱ꞌe ndií nda̱ xi̱ꞌii̱n, kó achichí stsa̱kjonní ngayeje xtín xota̱ xi tjín kui tꞌanangii̱ nga skja̱ndá, kó sku̱i̱e̱ ndií nda̱ xi̱ꞌii̱n nga ngo ṉdi̱ kji̱ndi̱bájinni ndiꞌakꞌajmi jàn, kó achichí ngaꞌniú kꞌuieé ko̱jo tsie kjo̱a̱jee̱ kjindibájo̱, 31kó kuí xí sa̱ngíyá ndítsjiee̱, tsi̱ꞌe̱ nga sa̱ꞌínkjanie tjioo̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga ꞌbítsi̱yanii̱, kó ngaskande nínga fetꞌanii̱.
32Ngatamajnú énkjiín yáꞌingoo̱, xi bi̱ tsoó: Nga fotjoo̱ tjia ńtsꞌieén ko̱jo xka̱a̱, ja̱ jè ya nga je tikón tiña cho̱ndoboaá, 33ti̱ bo̱a̱ ti̱ tsꞌén jún, ngije xcha̱jnú nga je kjima ngayeje kui nii̱, ja̱ jè yàjnú nga ndií nda̱ xi̱ꞌii̱n je jeꞌe tiña, xikoó tsi je tikón ngi̱xtio nga̱ntjo̱a̱a̱. 34Ja̱koxi̱ ni xi xiánjnúꞌun jún, nga kji̱e̱ ko̱yàjín xota̱ xi síndo ngotꞌe̱ tsi tjónjín kjo̱tjosón kui nii̱. 35Ndiꞌakꞌajmii̱ ko̱jo tꞌanangii̱ kjo̱a̱ꞌa, ta̱nga énna kjo̱a̱ꞌatiyàjín.
36Ta̱nga kui ni̱xtjin jàn ko̱jo kui chi̱bo̱a̱ jàn, ta̱ꞌyajín xi be, nde ndítsjiee̱ Néná xí síndo ndiꞌakꞌajmi jàn bejín, ta̱ ngototo Na̱ꞌmina xi be.
37Ngatꞌa̱ xikó kamá ni̱xtjin nga kisꞌijña Noee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n. 38Ngatꞌa̱ xikoó kui ni̱xtjin jàn ngindiee̱ nga ko̱a̱ꞌa stsé ꞌniuú, kó ngaskande ni̱xtjin nga Noee̱ tsꞌasꞌien ngi̱ya tjotso jee̱, xotaa̱ iskjinie ko̱jo katsꞌe, ixán ko̱jo katsꞌénkixan xkjín, 39kó kamákjínjiín kui xotaa̱ ngaskande nga kjindibá stsé ꞌniuú, sꞌe̱ jesón ngándá ngayejee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n. 40Kósꞌe̱ tsi jó já síndo xi ndyi̱tsꞌènxá ngi̱jin jno̱o̱, ngo chjábé, sꞌe̱ ngo kꞌuijñá. 41Tsi jó ínchjín xi nijan kꞌó, ngo chjábé, sꞌe̱ ngo kꞌuijñá.
42Ngata̱ tsjayojoféjínjnú tsobo̱a̱, ngatꞌa̱ yàjínjnú mí chi̱bo̱a̱a̱ nga kjo̱e̱ꞌe Ndi̱a̱jnú. 43Ta̱nga ngatamakjínjnú kui nii̱: Tsi nda̱ xi tsi̱ꞌe̱ ndiꞌaa̱ sku̱i̱e̱ mí chi̱bo̱a̱ nga kjo̱chó chejeé ndiꞌaa̱, nde kjóféjín, kó nde tsja̱ndièjínraa̱ nga kꞌo̱sꞌien chejeé tsobo̱a̱. 44Kó kuíni nga, ti̱ndyiondajnú ndatsa jún nga, ngatꞌa̱ nde xcha̱jínjnú, mí chi̱bo̱a̱ nga kjo̱e̱ꞌe ndií nda̱ xi̱ꞌii̱n.
45ꞌYá moso̱ xi kixi̱ ko̱jo xi ꞌniátakón xi ka̱maa̱ si̱ꞌankjatjosón, nga ndi̱a̱a̱ sa̱ꞌínkonda ndiꞌaa̱ tsi̱ꞌe̱ nga chi̱bo̱a̱a̱ má tsja̱á nichinie xotaa̱. 46Achichíra̱ tsjaa̱ nda̱ moso̱ xi nga kjo̱e̱ꞌe ndi̱a̱a̱, tjítsꞌén xá xí katseꞌeé. 47Ja̱koxi̱ ni xi xiánjnúꞌun nga kui mosoo̱, kuí xí si̱ꞌankonda ngayeje ni xi tjiín ndi̱a̱a̱. 48Ta̱nga tsi kui mosoo̱, bi̱ tsꞌén sa̱ꞌínkjó ini̱ma̱a̱: Kꞌo̱ndíyárií ndi̱a̱na nga kjo̱e̱ꞌe, 49kó ku̱i̱ꞌítsꞌi̱yani nga ko̱ꞌon moso̱ xi ngasee̱, kó ngaskande skji̱ni̱e̱ ko̱jo kꞌuí, kó ka̱ma chꞌi̱, 50kó ni̱xtjin ko̱jo chi̱bo̱a̱ nga skoyájín kui mosoo̱, kjo̱chó ndi̱a̱a̱, 51kó ndi̱a̱a̱ achichí ꞌniú sa̱ꞌínjeé kui mosoo̱, kó ki̱a̱ sa̱ngíyá nínga síndo xota̱ jókje̱e̱n, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014