Matioo̱ 15
15
Bi̱ tsꞌén akóyá Kjisoo̱ ni xi sa̱ꞌíndándí xotaa̱ ngindyi̱ko̱n Néná
(Mar 7:1-23)
1Kósꞌe̱ já fariseoo̱ ko̱jo já chji̱ni̱e̱kjo̱a̱kiti xi kjindibáni na̱xi̱ńdáꞌniú Jerusale̱n jachókón tiñaa̱ Kjisoo̱, kó bi̱ katsó nga asíyaá:
2–Míkjo̱a̱a̱ nga xota̱ tse̱ ndyi̱bendikónjín kjo̱a̱xchá xí íjñá xota̱ xi xcháná, ngatꞌa̱ ndyi̱monièjónjín tsja nga ndyi̱kjinie nichinie.
3Ta̱nga Kjisoo̱, bi̱ katsó:
–Kó míkjo̱a̱a̱ nga yandikónjínjnú jún kjo̱a̱botíxomaa̱ Néná ta̱ngatꞌanii̱ nga niꞌánkjatjosónjnú kjo̱a̱xchájnú. 4Ngatꞌa̱ bi̱ katsó Néná: Che̱ndikín jí na̱ꞌmíi̱ ko̱jo na̱áa̱n, kó xi ngatꞌíko̱joo̱, ka̱tso̱o̱ na̱ꞌmii̱ ko̱jo na̱aa̱n, jè katsꞌénkꞌién yojoo̱. 5Ta̱nga jún, bi̱ ndyi̱ꞌmìjnú: Ta̱ ꞌyání xi bi̱ ka̱tso̱o̱ na̱ꞌmii̱ ko̱jo tsi na̱aa̱n: Ngayeje ni xi tjínna xi ka̱ma kosiko̱jonijnúꞌun jè Néná sa̱ꞌinkꞌasꞌièe̱n, 6ngayeje xi bo̱a̱ ka̱tso̱, jè ngiti̱ jmí kjo̱a̱ꞌniújiín nga sku̱i̱e̱ndikón na̱ꞌmii̱ ko̱jo na̱aa̱n. Kó bo̱a̱ tsꞌén nga jún niꞌánchjíjínjnúu̱ kjo̱a̱botíxomaa̱ Néná, ta̱ngatꞌanii̱ kjo̱a̱xchájnú. 7¡Xota̱ jókje̱n! Kjénní ni xi katsó nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó:
8Kui xota̱ na̱xi̱ńdaá ta̱ tsꞌoa tsí nga bendikónna,
ta̱nga ini̱ma̱a̱ achichí kjin tikónnii̱ an.
9Ta̱kjo̱a̱ndaní nga ndyi̱tsꞌéndíkónna,
ngatꞌa̱ ni xi ndyi̱bokoyá kjo̱a̱botíxomaa̱ xotaa̱ boá.
10Kó Kjisoo̱ tsíchji̱a̱a̱ xota̱ kjiín, kó bi̱ katsoó:
–Ndaꞌyájnú, kó ngatamakjínjnú kui nii̱. 11Jmí tsi kui ni xi ꞌbosꞌien tsꞌoa xotaa̱ xi tsꞌéndándí ngindyi̱ko̱n Néná, kuí ni xi fotjoo̱ tsꞌoa xi tsꞌéndándí.
12Kósꞌe̱ xota̱ tsi̱ꞌe̱ Kjisoo̱ jachókón tiñaa̱, kó bi̱ katsoó:
–A je kamákjiín jí nga tsjajín kamaá já fariseoo̱ kjo̱a̱a̱ ni xi kase.
13Ta̱nga Kjisoo̱, bi̱ katsó:
–Ngayeje xka̱ xi ítji̱e̱jín Na̱ꞌmina xi tikón ndiꞌakꞌajmi jàn xtjo̱níyá ndeskande ja̱ma̱a̱. 14Xióchònjnú kui xotaa̱, xota̱ ti̱ka̱ xi tjimátjoón kje̱ꞌe xota̱ ti̱ka̱ boá, kó tsi ngo nda̱ xi ti̱ka̱ tsꞌénbokoó ndi̱yà ingo nda̱ xi ti̱ka̱, a mí tsí nga joó nga ku̱i̱xo̱ya ngo ti̱xa̱.
15Kó Peé, bi̱ katsoó Kjisoo̱:
–Tꞌíyé cha̱n cha̱njne̱ kui énkjín xi kase.
16Kó Kjisoo̱, bi̱ katsó:
–A ti̱nde jún makjínjínjnú. 17A makjínjínjnú nga ngayeje ni xi chinie ko̱jo ni xi ꞌyoó, ngi̱ya nga̱tsꞌoá boá nínga ꞌbosꞌien, kó ngijee̱, ndiꞌamindí jàn fochó kuí nii̱. 18Ta̱nga ni xi fotjonii̱ ndso̱ꞌbá, ini̱ma̱ná ndibánií, kó kuí nii̱ xi tsꞌéndándí ngo xota̱ ngindyi̱ko̱n Néná. 19Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a. 20Kuí nii̱ xi tsꞌéndándí ngo xota̱ ngindyi̱ko̱n Néná, ta̱nga kjo̱a̱a̱ nga moniéjónjín tsja nga skji̱ni̱e̱ ṉño̱, kuijín nii̱ xi tsꞌéndándí ngindyi̱ko̱n Néná.
Bi̱ tsꞌén katsꞌéndaya Kjisoo̱ tsa̱kji̱ín ngo xota̱chjo̱on xi jundío̱jín
(Mar 7:24-30)
21Kó ngije jatjo Kjisoo̱ ki̱a̱a̱, kijí nangi Tiroo̱ ko̱jo Sindo̱n. 22Kó ki̱a̱ ngo xota̱chjo̱on xí chji̱a̱ni nangi Kananea̱ askjandáyátji̱ngii̱ Kjisoo̱, kó bi̱ katsoó:
¡Ndi̱a̱, ji xi xota̱ tji̱e̱e̱ Ndabii̱ ji, ngatamani̱ma̱a̱ an! Tsa̱kjìnna achichí kjo̱a̱ni̱ma̱ tsꞌénfoaꞌatio ngatꞌa̱ ngo a̱si̱énni̱xtjii̱n xindajín tjíjii̱n.
23Ta̱nga Kjisoo̱ jmí ni katsójiín. Kó xota̱ tsi̱ꞌe̱ kijíkóntiñaa̱ Kjisoo̱, kó bi̱ katsoó nga ꞌniú tsíꞌaá:
–Bo̱a̱ tꞌíi̱n kui xota̱chjo̱on nga ngatjí, ngatꞌa̱ ñá tsꞌénkjandayá tji̱e̱nginá.
24Kó Kjisoo̱, bi̱ katsó:
–Néná katsangiyana tsi̱ꞌe̱ nga ta̱kuítsí xota̱ xi chji̱a̱ni Israee̱l xi kosiko̱jo an, ngatꞌa̱ kuí xotaa̱ xi xikoó cho̱tsa̱nga̱ xi je kichajá.
25Ta̱nga kui xota̱chjo̱on kijíkóntiñaa̱ Kjisoo̱, sꞌe̱ asiéntikoó xtji̱e̱e̱n kje̱n Kjisoo̱, kó bi̱ katsoó:
¡Ndi̱a̱, tasíke̱jení!
26Ta̱nga Kjisoo̱, bi̱ katsó:
–Ndajínkjiꞌi nga chje̱ꞌéxiín paa̱n ndíjnú, sꞌe̱ ńñaá ko̱e̱ꞌéjnúu̱.
27Ta̱nga bi̱ katsó kui xota̱chjo̱on:
–Kjénní Ndi̱a̱, ta̱nga ti̱ kuí xi kjinie ńñaá xi̱i̱ pan xi bixóngí ngindie yámíxa̱a̱ ndi̱a̱a̱.
28Kósꞌe̱ Kjisoo̱, bi̱ katsó:
¡Xota̱chjo̱on, ta̱nisién ꞌniú sꞌijii̱n Néná, ngatama ni xi mejeén!
Kó ti̱ kui chi̱bo̱a̱ kamándaya tsa̱kji̱ín.
Bi̱ tsꞌén katsꞌéndaya Kjisoo̱ kjín xota̱ xi oo̱n
29Kó ngije jatjo Kjisoo̱ ki̱a̱a̱, kijí tꞌa ngi̱ndi̱o̱ Ngalilea̱, sꞌe̱ kijínijíngí ngo tji̱ngi̱, kó ki̱a̱ kisꞌijñando. 30Kó achichí má xota̱ xi jachókoón Kjisoo̱ xi jachójo̱ xota̱ xi fí ni̱ma̱ tꞌa, ko̱jo xota̱ xi ti̱ka̱, ko̱jo xota̱ xi ni̱ma̱ tsja, ko̱jo xota̱ xi májín chji̱a̱, ko̱jo achichí xota̱ xi ndajín tjiín, kó Kjisoo̱ ngayejee̱ nga katsꞌéndaya, 31ngaskande kijíndikón maá xota̱ kjiín nga kamábe nga tsíchji̱a̱ xi ni̱ma̱a̱, ko̱jo nga kamándaya xi ni̱ma̱ tsjaa̱, ko̱jo nga kamándaya xi kamájín kijií, ko̱jo nga kamátsijee̱n xota̱ xi ti̱ka̱a̱, kó ngayeje xotaa̱ nga katsjaá kjo̱a̱je Nee̱ Israee̱l.
Bi̱ tsꞌén katsꞌénkjíén Kjisoo̱ nijón mi̱ xota̱
(Mar 8:1-10)
32Kó Kjisoo̱ tsíchji̱a̱a̱ xota̱ tsi̱ꞌe̱, kó bi̱ katsoó:
–Ni̱ma̱ kjimána kui xotaa̱, ngatꞌa̱ jè ján ni̱xtjinnii̱ nga síndojo̱na kꞌi̱e̱e̱, kó jmíjiín ni xi skji̱ni̱e̱, kó mejénjínna tsi sa̱ꞌinkjí kjindiá án ndiꞌaa̱ ngatꞌa̱ tsi ta̱ ko̱yayà ngi̱ya ndi̱ya̱à.
33Kósꞌe̱ xota̱ tsi̱ꞌe̱ Kjisoo̱, bi̱ katsó:
–Ta̱nga ñá kongínchjaꞌájne̱ kjín pan kui ngi̱ndie kjitiyaa̱, tsi̱ꞌe̱ nga si̱ꞌankjiénjne̱ ngayeje kui xota̱ kjiín.
34Kó Kjisoo̱, bi̱ katsoó:
–Kótjín má pan xi tikónjnú.
Kó kui jaá, bi̱ katsó:
–Yito ma ko̱jo chiboa ndí tji̱o̱.
35Kó Kjisoo̱ katsjákjo̱a̱ tsi̱ꞌe̱ nga kꞌuíndo tꞌanangi xota̱ kjiín. 36Kó iskjíbé pan xi yitoo̱ ko̱jo tji̱o̱o̱, kó ngije katsjaá ndokꞌóchjì Néná, akjángá kó katsjaá xota̱ tsi̱ꞌe̱, tsi̱ꞌe̱ nga sa̱ꞌínkjaꞌasoón xota̱ kjiín. 37Ngayeje xotaa̱ nga iskjinie ngaskande nga kitsie cha̱n cha̱a̱n, kó jaꞌátikó pan xi tsꞌangii̱, yito ni̱se̱nyá kamá. 38Mara̱ tsi ta̱ nijón mi̱ jáxíꞌín xi iskjinie kui paa̱n ko̱jo kui tji̱o̱o̱, kje̱ꞌení ínchjín ko̱jo jákjíndí. 39Kósꞌe̱ ngije katsꞌénkjí Kjisoo̱ xotaa̱ tsi̱ꞌe̱ nga kijí ndiꞌaa̱, Kjisoo̱ kijíyà ngo tjotso je, sꞌe̱ kijí xtji̱e̱e̱n nangi Manganda̱n.
Currently Selected:
Matioo̱ 15: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Matioo̱ 15
15
Bi̱ tsꞌén akóyá Kjisoo̱ ni xi sa̱ꞌíndándí xotaa̱ ngindyi̱ko̱n Néná
(Mar 7:1-23)
1Kósꞌe̱ já fariseoo̱ ko̱jo já chji̱ni̱e̱kjo̱a̱kiti xi kjindibáni na̱xi̱ńdáꞌniú Jerusale̱n jachókón tiñaa̱ Kjisoo̱, kó bi̱ katsó nga asíyaá:
2–Míkjo̱a̱a̱ nga xota̱ tse̱ ndyi̱bendikónjín kjo̱a̱xchá xí íjñá xota̱ xi xcháná, ngatꞌa̱ ndyi̱monièjónjín tsja nga ndyi̱kjinie nichinie.
3Ta̱nga Kjisoo̱, bi̱ katsó:
–Kó míkjo̱a̱a̱ nga yandikónjínjnú jún kjo̱a̱botíxomaa̱ Néná ta̱ngatꞌanii̱ nga niꞌánkjatjosónjnú kjo̱a̱xchájnú. 4Ngatꞌa̱ bi̱ katsó Néná: Che̱ndikín jí na̱ꞌmíi̱ ko̱jo na̱áa̱n, kó xi ngatꞌíko̱joo̱, ka̱tso̱o̱ na̱ꞌmii̱ ko̱jo na̱aa̱n, jè katsꞌénkꞌién yojoo̱. 5Ta̱nga jún, bi̱ ndyi̱ꞌmìjnú: Ta̱ ꞌyání xi bi̱ ka̱tso̱o̱ na̱ꞌmii̱ ko̱jo tsi na̱aa̱n: Ngayeje ni xi tjínna xi ka̱ma kosiko̱jonijnúꞌun jè Néná sa̱ꞌinkꞌasꞌièe̱n, 6ngayeje xi bo̱a̱ ka̱tso̱, jè ngiti̱ jmí kjo̱a̱ꞌniújiín nga sku̱i̱e̱ndikón na̱ꞌmii̱ ko̱jo na̱aa̱n. Kó bo̱a̱ tsꞌén nga jún niꞌánchjíjínjnúu̱ kjo̱a̱botíxomaa̱ Néná, ta̱ngatꞌanii̱ kjo̱a̱xchájnú. 7¡Xota̱ jókje̱n! Kjénní ni xi katsó nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó:
8Kui xota̱ na̱xi̱ńdaá ta̱ tsꞌoa tsí nga bendikónna,
ta̱nga ini̱ma̱a̱ achichí kjin tikónnii̱ an.
9Ta̱kjo̱a̱ndaní nga ndyi̱tsꞌéndíkónna,
ngatꞌa̱ ni xi ndyi̱bokoyá kjo̱a̱botíxomaa̱ xotaa̱ boá.
10Kó Kjisoo̱ tsíchji̱a̱a̱ xota̱ kjiín, kó bi̱ katsoó:
–Ndaꞌyájnú, kó ngatamakjínjnú kui nii̱. 11Jmí tsi kui ni xi ꞌbosꞌien tsꞌoa xotaa̱ xi tsꞌéndándí ngindyi̱ko̱n Néná, kuí ni xi fotjoo̱ tsꞌoa xi tsꞌéndándí.
12Kósꞌe̱ xota̱ tsi̱ꞌe̱ Kjisoo̱ jachókón tiñaa̱, kó bi̱ katsoó:
–A je kamákjiín jí nga tsjajín kamaá já fariseoo̱ kjo̱a̱a̱ ni xi kase.
13Ta̱nga Kjisoo̱, bi̱ katsó:
–Ngayeje xka̱ xi ítji̱e̱jín Na̱ꞌmina xi tikón ndiꞌakꞌajmi jàn xtjo̱níyá ndeskande ja̱ma̱a̱. 14Xióchònjnú kui xotaa̱, xota̱ ti̱ka̱ xi tjimátjoón kje̱ꞌe xota̱ ti̱ka̱ boá, kó tsi ngo nda̱ xi ti̱ka̱ tsꞌénbokoó ndi̱yà ingo nda̱ xi ti̱ka̱, a mí tsí nga joó nga ku̱i̱xo̱ya ngo ti̱xa̱.
15Kó Peé, bi̱ katsoó Kjisoo̱:
–Tꞌíyé cha̱n cha̱njne̱ kui énkjín xi kase.
16Kó Kjisoo̱, bi̱ katsó:
–A ti̱nde jún makjínjínjnú. 17A makjínjínjnú nga ngayeje ni xi chinie ko̱jo ni xi ꞌyoó, ngi̱ya nga̱tsꞌoá boá nínga ꞌbosꞌien, kó ngijee̱, ndiꞌamindí jàn fochó kuí nii̱. 18Ta̱nga ni xi fotjonii̱ ndso̱ꞌbá, ini̱ma̱ná ndibánií, kó kuí nii̱ xi tsꞌéndándí ngo xota̱ ngindyi̱ko̱n Néná. 19Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a. 20Kuí nii̱ xi tsꞌéndándí ngo xota̱ ngindyi̱ko̱n Néná, ta̱nga kjo̱a̱a̱ nga moniéjónjín tsja nga skji̱ni̱e̱ ṉño̱, kuijín nii̱ xi tsꞌéndándí ngindyi̱ko̱n Néná.
Bi̱ tsꞌén katsꞌéndaya Kjisoo̱ tsa̱kji̱ín ngo xota̱chjo̱on xi jundío̱jín
(Mar 7:24-30)
21Kó ngije jatjo Kjisoo̱ ki̱a̱a̱, kijí nangi Tiroo̱ ko̱jo Sindo̱n. 22Kó ki̱a̱ ngo xota̱chjo̱on xí chji̱a̱ni nangi Kananea̱ askjandáyátji̱ngii̱ Kjisoo̱, kó bi̱ katsoó:
¡Ndi̱a̱, ji xi xota̱ tji̱e̱e̱ Ndabii̱ ji, ngatamani̱ma̱a̱ an! Tsa̱kjìnna achichí kjo̱a̱ni̱ma̱ tsꞌénfoaꞌatio ngatꞌa̱ ngo a̱si̱énni̱xtjii̱n xindajín tjíjii̱n.
23Ta̱nga Kjisoo̱ jmí ni katsójiín. Kó xota̱ tsi̱ꞌe̱ kijíkóntiñaa̱ Kjisoo̱, kó bi̱ katsoó nga ꞌniú tsíꞌaá:
–Bo̱a̱ tꞌíi̱n kui xota̱chjo̱on nga ngatjí, ngatꞌa̱ ñá tsꞌénkjandayá tji̱e̱nginá.
24Kó Kjisoo̱, bi̱ katsó:
–Néná katsangiyana tsi̱ꞌe̱ nga ta̱kuítsí xota̱ xi chji̱a̱ni Israee̱l xi kosiko̱jo an, ngatꞌa̱ kuí xotaa̱ xi xikoó cho̱tsa̱nga̱ xi je kichajá.
25Ta̱nga kui xota̱chjo̱on kijíkóntiñaa̱ Kjisoo̱, sꞌe̱ asiéntikoó xtji̱e̱e̱n kje̱n Kjisoo̱, kó bi̱ katsoó:
¡Ndi̱a̱, tasíke̱jení!
26Ta̱nga Kjisoo̱, bi̱ katsó:
–Ndajínkjiꞌi nga chje̱ꞌéxiín paa̱n ndíjnú, sꞌe̱ ńñaá ko̱e̱ꞌéjnúu̱.
27Ta̱nga bi̱ katsó kui xota̱chjo̱on:
–Kjénní Ndi̱a̱, ta̱nga ti̱ kuí xi kjinie ńñaá xi̱i̱ pan xi bixóngí ngindie yámíxa̱a̱ ndi̱a̱a̱.
28Kósꞌe̱ Kjisoo̱, bi̱ katsó:
¡Xota̱chjo̱on, ta̱nisién ꞌniú sꞌijii̱n Néná, ngatama ni xi mejeén!
Kó ti̱ kui chi̱bo̱a̱ kamándaya tsa̱kji̱ín.
Bi̱ tsꞌén katsꞌéndaya Kjisoo̱ kjín xota̱ xi oo̱n
29Kó ngije jatjo Kjisoo̱ ki̱a̱a̱, kijí tꞌa ngi̱ndi̱o̱ Ngalilea̱, sꞌe̱ kijínijíngí ngo tji̱ngi̱, kó ki̱a̱ kisꞌijñando. 30Kó achichí má xota̱ xi jachókoón Kjisoo̱ xi jachójo̱ xota̱ xi fí ni̱ma̱ tꞌa, ko̱jo xota̱ xi ti̱ka̱, ko̱jo xota̱ xi ni̱ma̱ tsja, ko̱jo xota̱ xi májín chji̱a̱, ko̱jo achichí xota̱ xi ndajín tjiín, kó Kjisoo̱ ngayejee̱ nga katsꞌéndaya, 31ngaskande kijíndikón maá xota̱ kjiín nga kamábe nga tsíchji̱a̱ xi ni̱ma̱a̱, ko̱jo nga kamándaya xi ni̱ma̱ tsjaa̱, ko̱jo nga kamándaya xi kamájín kijií, ko̱jo nga kamátsijee̱n xota̱ xi ti̱ka̱a̱, kó ngayeje xotaa̱ nga katsjaá kjo̱a̱je Nee̱ Israee̱l.
Bi̱ tsꞌén katsꞌénkjíén Kjisoo̱ nijón mi̱ xota̱
(Mar 8:1-10)
32Kó Kjisoo̱ tsíchji̱a̱a̱ xota̱ tsi̱ꞌe̱, kó bi̱ katsoó:
–Ni̱ma̱ kjimána kui xotaa̱, ngatꞌa̱ jè ján ni̱xtjinnii̱ nga síndojo̱na kꞌi̱e̱e̱, kó jmíjiín ni xi skji̱ni̱e̱, kó mejénjínna tsi sa̱ꞌinkjí kjindiá án ndiꞌaa̱ ngatꞌa̱ tsi ta̱ ko̱yayà ngi̱ya ndi̱ya̱à.
33Kósꞌe̱ xota̱ tsi̱ꞌe̱ Kjisoo̱, bi̱ katsó:
–Ta̱nga ñá kongínchjaꞌájne̱ kjín pan kui ngi̱ndie kjitiyaa̱, tsi̱ꞌe̱ nga si̱ꞌankjiénjne̱ ngayeje kui xota̱ kjiín.
34Kó Kjisoo̱, bi̱ katsoó:
–Kótjín má pan xi tikónjnú.
Kó kui jaá, bi̱ katsó:
–Yito ma ko̱jo chiboa ndí tji̱o̱.
35Kó Kjisoo̱ katsjákjo̱a̱ tsi̱ꞌe̱ nga kꞌuíndo tꞌanangi xota̱ kjiín. 36Kó iskjíbé pan xi yitoo̱ ko̱jo tji̱o̱o̱, kó ngije katsjaá ndokꞌóchjì Néná, akjángá kó katsjaá xota̱ tsi̱ꞌe̱, tsi̱ꞌe̱ nga sa̱ꞌínkjaꞌasoón xota̱ kjiín. 37Ngayeje xotaa̱ nga iskjinie ngaskande nga kitsie cha̱n cha̱a̱n, kó jaꞌátikó pan xi tsꞌangii̱, yito ni̱se̱nyá kamá. 38Mara̱ tsi ta̱ nijón mi̱ jáxíꞌín xi iskjinie kui paa̱n ko̱jo kui tji̱o̱o̱, kje̱ꞌení ínchjín ko̱jo jákjíndí. 39Kósꞌe̱ ngije katsꞌénkjí Kjisoo̱ xotaa̱ tsi̱ꞌe̱ nga kijí ndiꞌaa̱, Kjisoo̱ kijíyà ngo tjotso je, sꞌe̱ kijí xtji̱e̱e̱n nangi Manganda̱n.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014