Sat-kâ-li-â Sû 7

Song-chú Chit-phi Mò Sṳ̀n-sṳ̍t ke Kim-sṳ̍t

1Thai-liù-sṳ cho fòng-ti ke thi-si ngièn kiú-ngie̍t, chhiu-he Kî-sṳ̂-liù ngie̍t chhû-si#7:1 “thi-si ngièn kiú-ngie̍t ... chhû-si”: Cheu hien-thoi ke ngit-la̍k lòi son he kûng-ngièn chhièn ńg-pak yit-sṳ̍p pat-ngièn sṳ̍p-ngi ngie̍t chhû-chhit., Song-chú ke fa chhòn-pûn Sat-kâ-li-â.

2Ke-sṳ̀, Pak-thi̍t-li-ngìn yí-kîn chhâi-phai Sâ-li-set, Li-kiên-Mí-le̍t lâu thèn-tén kì-têu ke ngìn, to Song-chú — Van-kiûn ke Ngièn-soi ke sṳn-thien hi, khì-khiù Song-chú su-fuk, 3pin hiong chi-sṳ̂ lâu siên-tî khiù-mun: “Ngài-têu he m̀-he oi chhiong vông-ngièn, chhai ńg-ngie̍t kiên kim-sṳ̍t, vi-tó sṳn-thien pûn-ngìn fí-thet lòi ôi-sông?”

4Yî-ha he Song-chú — Van-kiûn ke Ngièn-soi chhòn-pûn ngài ke fa. 5Kì kóng: “Ngì hi lâu liá thi-fông ke ngìn-mìn pin chi-sṳ̂ kóng, liá chhit-sṳ̍p ngièn lòi, kì-têu chhai ńg-ngie̍t lâu chhit-ngie̍t kim-sṳ̍t péu-sṳ ôi-sông, kám yû chṳ̂n-sîm chûn-kin Ngài? 6Kì-têu sṳ̍t, kì-têu lîm, chhiòn-phu he vi-tó mân-chiuk kì-têu chhṳ-kâ.”

7Liá he Song-chú thûng-ko yî-chhièn ke siên-tî só kín-ko ke fa. Ke-sṳ̀ Yâ-lu-sat-lâng tông fàn-yùng, tak-vi tông-tô ngìn; m̀ tân-chhiang chhai kì si chû-vì ke hiông-chṳ́n yû-ngìn he̍t, lièn nàm-phién thi-khî lâu sî-phién thi-khî ya lûng-chúng yû-ngìn he̍t.

Phoi-ngia̍k Chṳ-to Liù-mòng

8Yî-ha he Song-chú chhòn-pûn Sat-kâ-li-â ke fa. Kì kóng: 9“Ngài — Song-chú, Van-kiûn ke Ngièn-soi sṳt tui ngì-têu ke chú-siên fûn-fu kóng: ‘Ngì-têu oi kûng-chṳn sṳ́m-phan; thai-kâ yung chhṳ̀-oi lìn-mén fu-siông khoán-thai. 10M̀-hó khî-fu kû-yì, koá-fu, ngoi-chhu̍k-ngìn lâu khiùng-khú-ngìn; má-ngìn tû m̀-hó chhùn-sîm hoi phe̍t-ngìn.’

11“Chúng-he, kì-têu m̀-hén thâng, cho kì-têu vat-thèu, ngí-kûng set-tén m̀ thâng. 12Kì-têu ke sîm chhiong kîm-kong-sa̍k án-ngang, m̀ chûn-sú fap-li̍t, yu méu-sṳ Ngài — Song-chú, Van-kiûn ke Ngièn-soi yung Lìn kám-thung yî-chhièn ke siên-tî só-chhòn ke kau-hiun; só-yî Ngài hiong kì-têu thai fat-khién. 13Ngài lâu kì-têu kóng-fa, kì-têu m̀ thâng; só-yî kì-têu hiong Ngài khì-khiù, Ngài me m̀-tap. 14Ngài chhiong-he yung khòng-fûng chiông kì-têu chhôi-san to yén-yén sâng-fun ke koet-kâ hi. Án-ngiòng, kì-têu sṳ́ liá án-hó ke thú-thi pien-cho yit-phién fông-liòng, mò-ngìn lòi-vông kîn-ko ke só-chhai.”

Currently Selected:

Sat-kâ-li-â Sû 7: THV12Rdb

Highlight

Copy

Want to have your highlights saved across all your devices? Sign up or sign in

Learn more about HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Sat-kâ-li-â Sû 7

Popular Bible Verses from
Sat-kâ-li-â Sû 7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 7

Sat-kâ-li-â Sû 7

Popular Bible Verses from Sat-kâ-li-â Sû 7

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 7

Popular Bible Verses from
Sat-kâ-li-â Sû 7