Sat-kâ-li-â Sû 4

Tên-thòi ke Yi-siong

1Thèu-ha lâu ngài kóng-fa ke thiên-sṳ́ yu lòi ham-siáng ngài, chhiong soi tông lo̍k-kau pûn-ngìn hêm-siáng. 2Kì mun ngài: “Ngì khon-tó má-ke?”

Ngài en-kóng: “Yit-chho sùn-kîm ke tên-thòi, táng-kô yû yit-chak chông-yù ke vón, tên-thòi táng yû chhit-chán tên, tak-chán tên yû chhit-kî tên-sîm-kón. 3Yù-vón lióng-phién yû kám-lám-su, yit-thèu chhai yu-phién, yit-thèu chhai chó-phién.” 4Ngài mun lâu ngài kóng-fa ke thiên-sṳ́: “Chú â, liá-têu tûng-sî thoi-péu má-ke?”

5Lâu ngài kóng-fa ke thiên-sṳ́ en ngài kóng: “Ngì m̀-tî liá-têu he má-ke mâ?”

Ngài en-kóng: “Chú â, ngài m̀-tî.”#4:5 Thiên-sṳ́ ke fì-tap ki chhai 4:10-14.

Song-chú tui Só-lò-pâ-pak ke Yin-hí

6Kì tui ngài kóng: “Liá he Song-chú oi chṳ́-sṳ Só-lò-pâ-pak ke fa. Song-chú — Van-kiûn ke Ngièn-soi kóng: ‘M̀-he kho khièn-sṳ, m̀-he kho chhòi-nèn, chṳ́-yû kho Ngài ke Lìn#4:6 “kho Ngài ke Lìn”: Yû hien-thoi yi̍t-pún kâ “chang voi sṳ̀n-kûng”..’ 7Thai-sân â, ngì son má-ke? Chhai Só-lò-pâ-pak mien-chhièn, ngì thin-chho̍k voi pien-cho phiàng-thi. Kì chiông sṳn-thien chui-heu yit-te sa̍k-thèu thia̍p sông-hi ke sṳ̀, chung-ngìn yit-thin voi thai-sâng fôn-hí hêm-kóng: ‘Hàn-chiâng ô! Ngien Song-chú su-fuk!’ ”

8Song-chú ke fa yu lìm-to ngài kóng: 9“Só-lò-pâ-pak ke sú tá-hó liá sṳn-thien ke thi-kî, kì ya thin-chho̍k voi chhîn-sú vàn-sṳ̀n liá-hong kûng-chhàng. Ke-sṳ̀, ngì-têu#4:9 “ngì-têu”: Hî-pak-lòi-vùn chhṳ̍t-yi̍t he “ngì”. chhiu voi tî he Song-chú — Van-kiûn ke Ngièn-soi chhâi ngài to ngì-têu liá-vi lòi. 10Má-ngìn sṳt-mong yîn-vi liá-têu sṳ-chhìn chin-hàng thet-man? Kì-têu yit khon-tó Só-lò-pâ-pak sú nâ sien-thò hí-kûng, ke-sṳ̀, kì-têu chhiu voi thai fôn-hí.”

Thiên-sṳ́ yu tui ngài kóng: “Liá chhit-chán tên thoi-péu Song-chú ke muk-chû, oi kam-chhat chhiòn sṳ-kie.”

11Ngài yu mun thiên-sṳ́: “Tên-thòi lióng-phién, ke lióng-thèu kám-lám-su yu he má-ke yi-sṳ nè? 12Chṳ̂m kám-lám-yù ke lióng-kî kîm-kón ke phòng-piên, ke lióng-kî kám-lám su-kî yu he má-ke yi-sṳ?”

13Kì mun ngài: “Ngì m̀-tî liá he má-ke?”

Ngài kóng: “Chú â, ngài m̀-tî.”

14Kì kóng: “Liá he lióng-ke tho̍k chhut-lòi chiap-su kò-yù ke, oi lòi sṳ-fung phû-thiên-ha ke Chú.”

Currently Selected:

Sat-kâ-li-â Sû 4: THV12Rdb

Highlight

Copy

Want to have your highlights saved across all your devices? Sign up or sign in

Learn more about HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Sat-kâ-li-â Sû 4

Popular Bible Verses from
Sat-kâ-li-â Sû 4

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 4

Sat-kâ-li-â Sû 4

Popular Bible Verses from Sat-kâ-li-â Sû 4

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 4

Popular Bible Verses from
Sat-kâ-li-â Sû 4