Â-mô-sṳ̂ Sû 2

Yû-koân Mô-ap

1Song-chú kóng: “Mô-ap-ngìn chai-sâm fam-chhui, Ngài yit-thin oi chit-fa̍t kì-têu. Kì-têu chiông Yî-tûng koet-vòng ke sṳ̂-kut sêu-cho fôi. 2Só-yî Ngài oi piong-fó sêu Mô-ap, chiông Kâ-lio̍k ke vòng-kiûng sêu-thet. Kiûn-chhui thai-sâng hêm, yòng-kok sâng chhin-hióng ke sṳ̀, Mô-ap-ngìn yit-thin voi chhai chan-chhòng sí-thet. 3Ngài oi chhù-me̍t Mô-ap ke liâng-chhiu, chhṳ̀-thet kì só-yû ke kôn-chóng.” Song-chú án-ngiòng siên-pu lé.

Yû-koân Yù-thai

4Song-chú án-ngiòng kóng: “Yù-thai-ngìn chai-sâm fam-chhui, Ngài yit-thin oi chit-fa̍t kì-têu. Kì-têu khî-chhie̍t Ngài ke kau-hiun, m̀ chûn-sú Ngài ke kie-min. Kì-têu pûn chú-siên só-sin ke ká-sṳ̀n yín-yu, lì-khôi chṳn-tho. 5Só-yî Ngài oi piong-fó sêu Yù-thai, chiông Yâ-lu-sat-lâng ke vòng-kiûng sêu-thet.”

Song-ti Oi Sṳ́m-phan Yî-set-lie̍t

6Song-chú án-ngiòng kóng: “Yî-set-lie̍t-ngìn chai-sâm fam-chhui, Ngài yit-thin oi chit-fa̍t kì-têu. Kì-têu vi-tó chhièn-ngiùn chiông ngi-ngìn mai-thet, vi-tó yit-sûng chhó-hài chiông khiùng-ngìn mai-thet#2:6 “Kì-têu vi-tó ... khiùng-ngìn mai-thet” ya-he yi̍t-cho “Kì-têu thâm-oi chhièn-chhòi, chiông mò fap-thu vàn-chai ke khiùng-khú ngìn mai-pûn ngìn cho nù-chhòi, liá-têu ngìn tân-tân khiam kì-têu yit-sûng chhó-hài án-séu ke chhièn, ya mò cho-ko má-ke fái-sṳ”.. 7Kì-têu chiông khiùng-khú ngìn ke thèu-nà tha̍p-to nài-kak tú, chiông lu-hong khiù pông-chhu ke ngìn súng-khôi. Sṳm-chṳ lióng chṳ́-yà lâu khiung yit-ke sṳ́-ńg#2:7 “sṳ́-ńg” ya-he yi̍t-cho “sṳ̀n-meu chhông-kî”. hàng kiên-yìm, vú-yu̍k Ngài ke sṳn-miàng. 8Kì-têu chhai tak chi-thàn sùn, soi chhai khiùng-khú ngìn tí-ap pûn kì-têu ke sâm-fu mien-táng; kì-têu hàn chhai sṳ̀n-meu tú, sṳ̍t ngìn su-fa̍t nâ-lòi ke chiú.

9“Ngài ke chṳ́-mìn â, Â-mô-li-ngìn sûi-yèn chhiong hiông-pak-su án kô-thai, chhiong siong-su án khiòng-chong, vi-tó ngì-têu Ngài hàn-he chiông kì-têu lièn-kîn lâu kó-chṳ́ chha̍t-tái sêu-me̍t lé. 10Ngài tui Âi-khi̍p chiông ngì-têu thu chhut-lòi, chhai khóng-yâ tai-liâng ngì-têu si-sṳ̍p ngièn, chiông Â-mô-li-ngìn ke thú-thi su-pûn ngì-têu. 11Ngài tui ngì-têu ke chṳ́-thi tông-chûng kién-sién siên-tî, tui ngì-têu ke chhiâng-ngièn tông-chûng phì-yông lì-siu̍k-ngìn#2:11 “lì-siu̍k-ngìn” ya-he yi̍t-cho “Nâ-se-ngí-ngìn”, he thi̍t-phe̍t hí-ngien hien-sṳ̂n pûn Song-ti ke ngìn. Kì-têu oi kim-chṳ́ chhṳ-kâ lîm thâm-chiú ya-he ngiàm-chiú, cho-m̀-tet thi-thèu, ya cho-m̀-tet hàng-khiûn sṳ̂-thí (chhâm-kháu Mìn-su Ki 6:1-8).. Yî-set-lie̍t-ngìn â, Ngài — Song-chú kóng liá-têu fa, kám kóng m̀-chho̍k mâ? 12Chúng-he ngì-têu miên-kióng lì-siu̍k-ngìn lîm-chiú, m̀-chún siên-tî chhòn Ngài ke fa. 13Khon â, Ngài oi chiông ngì-têu ap-to vang chhai thi-song, chhiong chai thet-tô ńg-kuk ke chhâ-é chak-to lap hâ-hi. 14Chhiu-son he chéu-siông-kiuk ke sién-sú ya chéu m̀-chhat; thai-li̍t-sṳ ya voi sṳt-hi li̍t-liong; kiûn-ngìn lièn chhṳ-kâ ke sin-miang ya nàn-pó. 15Kiûng-chien-sú ke kiok khî m̀-chhai; chéu chhin-kiak ke chan-sṳ ya chéu m̀-chhat; khì-mâ ke ya kiu m̀-tó chhṳ-kâ ke miang. 16Chhai ke-ngit, lièn chui yúng-kám ke chan-sṳ ya voi thot-thet chan-phàu lòi thò-miang.” Song-chú án-ngiòng siên-pu lé.

Currently Selected:

Â-mô-sṳ̂ Sû 2: THV12Rdb

Highlight

Copy

Want to have your highlights saved across all your devices? Sign up or sign in

Learn more about HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Â-mô-sṳ̂ Sû 2

Popular Bible Verses from
Â-mô-sṳ̂ Sû 2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Â-mô-sṳ̂ Sû 2

Â-mô-sṳ̂ Sû 2

Popular Bible Verses from Â-mô-sṳ̂ Sû 2

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Â-mô-sṳ̂ Sû 2

Popular Bible Verses from
Â-mô-sṳ̂ Sû 2