John 1
1
Raoriȣiiotsera, ne Sonkȣaianer Iesos Keristos tsini hoiaton ne Roiatatokenti San.
1Tsi tiotasaȣe Ranakerekȣe nʼOȣenna, nok nʼOȣenna Niio nikȣekonne, nok kehiken Oȣenna Niio kenhne.
2Ok Niio sinikȣekon tsi tiotasaȣe.
3Oriȣakȣekon Raonha roson, iah othenon tekason nʼiah raonha tahoson.
4Raonhake kaientakȣe nʼatonnhest, nok nʼatonnhest neh akosȣathetsera kenhne nonkȣeokon.
5Asatakon ȣatiosȣathene nok nasatakonronon iah tohonȣanikonraientaon.
6Saiatat tahotori ne Niio Saȣatis ronȣaiastskȣe.
7Neh raniente nahatkatto nok ahatrori tsinonkati ne kasȣathetsera eh naontaȣe akȣekon aontaiaketakȣe Raonhake.
8Iah raonha tehken ne kasȣathetsera, ne ok tanon tsi thonȣatoriaton nahatrori tsinonkati ne Kasȣathetsera.
9Ne oni ne tokenske kasȣathetsera, nʼakȣekon nonkȣe teiakosȣathetennis naonnakerate tsi ionȣentsiate.
10Ranakerekȣe tsi ionȣentsiate raonha roson tsi ionȣentsiate, nok ki iah tehonȣathontati ne iakonȣentsiakeronon.
11Rokȣathon tsi rotonȣentsiate, nok iah tatehonȣarhoton ne ronhionȣentsiakeronon.
12Nok tsiniiakon tehonȣarhoton, sakoȣi ne Niio sakoienhokonha aionton. Nehne tsiniiakon tiakaȣetakon ne raosennakon.
13Nehne iah Onekȣensake tetiakoientakon, iah oni onkȣe tehotennikonra; akȣa tanon Niione tiakoientakon.
14Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.
15Neh ratroriathakȣe ne Saȣatis, satehohenreta tsi ratonhakȣe: neh ȣahi ne ritonhakȣe sikaton: rihentestonhatie ne raknonteratie aseken onen sihanakere, nii sakehnakerenne.
16Nok akȣekon ionkȣataȣeiaton ne raotanitenraserakon, akȣa neok nʼatanitenron nʼatanitenron.
17Aseken ne kaianerensera Moïs roson; nok kenhkaien natanitenron oni ne kariȣakȣarisionsera, Iesos Keristos nehneh rahaȣine.
18Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.
19Kenh niiot tsi roriȣakȣarision ne Saȣatis: sahonȣariȣanontonse ne ratitsihenstatsi okon iesakohnatorionne, ȣahonniron: oh nasiatoten?
20Aseken akȣa tahariȣaierite, iah oni tehotonnhiien tsi ȣahenron: Iah ii teken ne Keristos.
21Nese ȣaonni tontahonȣariȣanontonse: Onka kati nise? I꞉se ken nʼElie? tahenron iah ii teken. Satokense kati ken? Tontasakoȣennaȣeron, nok ȣahenron: iah.
22Sekon tontahonniron: takȣarori niha oh nasiatoten aontiesenhake iaonsaiakhirori ne tionkhiiatorion? ohnahoten satatenatonkȣa?
23Ȣahenron: ii ne karhakonson raȣennotaties, raton: Seȣahahakȣarisi ne Roianer raohaha, tsini haȣen ne Rotokensehakȣe Esaï.
24Pharisian are neneh ne iesakonatorionne.
25Sekon sahonȣariȣanontonse, ȣahonniron oh kati nontieren tsi senekȣahesta; iah se ise tehken ne Keristos, iah oni ne Elie, iah oni tesatokense?
26Tontahenron ne Saȣatis: neok nii naȣenke khenekȣahesta nok tanon saiatat seȣentiokȣakon renteron nehne iah tetsiseȣaienteri.
27Neh tenhiatiatasonterako, takhenteston, oni; neh oni noiah teȣakerionte neok oni nahiiennikatsenanerensi.
28Bethani nonȣe kehiken nahaȣenseron ihsi nakaihionhati ne Jourdain tsinonȣe nisakohnekȣahestakȣe ne Saȣatis.
29Tsi ȣahorhenne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣaneraaksera.
30Nehne ritonhon tsi ȣaken: saiatat tenhiatiatasonterako neh ne takhenteston aseken ohenton sihanakere tsi nii niiot.
31Iah sane nii tehiienterine: nok ki ne ȣene akenhake tsinonkȣati nʼIsraerronon neh ȣahonni aȣenke tekhenekȣahestanon.
32Ethone oni nihatrori ne Saȣatis tsi raton: ȣahiken ne Rotkon Roiatatokenti Orite kenraken rotiatontakȣenhatie tsi ȣahotienhase.
33Iah ki oni tethiienterine: rahonhaki ne iehakatorion akhenekȣahestana naȣenke raȣen: neh nenstsken enhotienhase ne Rotkon Roiatatokenti neh onsakohnekȣaheste nonikonratokentike.
34Nok riken, eh oni niiot tsi ȣakatrori tsi nehne Niio Roienha.
35Tsi are saiorhenne, ȣathatane ne Saȣatis teniiase ronnene ne raotiokȣa.
36Nok tehakanere tsi rotoheststonhatie ne Iesos, ȣahenron: Neh kehiken ne Niio Roienha.
37Nok ne teniiase ne raotiokȣa, oni ne ronȣathonte tsiniiot tsi tahatati, oksaok Iesos sahonȣateranentakton.
38Nok ne Iesos tontahatkarhateni, ȣahonikonraientane tsi ronȣanonteratie, ȣasakaȣenhase: Nahoten Seniniente? tontahonȣaȣennaȣeron ȣaniron: Rabbi! (neh sakat naiahiron, Saianer) kah nonȣe Tesiteron?
39Tontahenron: kasene nok tsiatkatto. Eh niiahane nok ȣaiatkatto tsinonȣe nihenterontakȣe; etho oni ne rononha ȣahiatien nehneh ȣenniserate, aseken onen oieri siioȣistahehatie tsini ȣatenniserine.
40André, Simon Tier iatatekenha nekenhon saiatat ne teniiase ronȣaȣennaronken ne Saȣatis, neh oni ne roseron ne Iesos.
41Raonha oni tahatierente iahoken ne iatatekenha Simon, ȣahaȣenhase: ȣasakeniken nii ne Keristos.
42Nok eh niiahoiatenhaȣe tsi ihtres ne Iesos: ȣahenron ne Iesos nonen sahoken: Ise ne Simon Jonas iahienha; Cephas entsiesanatonkȣake (neh sakat naiahiron oststenra).
43Tsi ȣahorhenne Galile niionsare ne Iesos, eh ȣahoken ne Philip, ȣahaȣenhase oni neneh: takser.
44Betsahida oni neneh thanakerekȣe ne Philip tsinonȣe tninakerekȣe ne André tanon ne Tier.
45Nok ne Philip Nathanael ionsahokon nok ȣahenron: Onen nii sakȣaken neh rotonhon tsi roiaton ne Moïs, oni ne Rotitokensehakȣe ronȣatroriaton: nehne Iesos Nazaretronon Sose Roienha,
46Tontahenron ne Nathanael: kah nekenh naontaȣe naontaionkȣetaierike Nazaretke ahontahaiakenne. Tontahenron ne Philip: kastski nok hetsiatkatto.
47Iesos iahoken Nathanael eh nontahaȣenonhatie, ȣahaȣenhase tsi ȣahenron: neh kehiken ne tokenske onȣe Israerhaka niah tekaien naienikonrhate.
48Nathanael tahenron: katke sistienteri? Iesos tontahoȣennaȣeron nok ȣahenron ohenton siiaiennonke ne Philip okȣirokon tesiterontakȣe satekonkanerakȣe.
49Nathanael tontahoȣennaȣeron, nok ȣahenron: Saianer! ise ne Niio Iaienha, ise iesanontiio nʼIsraerhaka.
50Tontahenron ne Iesos: neh tsi ȣakonrori tsi tekonkanerakȣe nʼokȣirokon sitesiterontakȣe neh ahoriȣa tasetakȣe; ensatkatoseron ne senha kariȣanorons tsiniiot ne kehiken.
51Ȣahaȣenhase oni: oriȣiio, oriȣiio tsi ȣakonrori: tsi ensatkatto tenhioteronhiakhasion eh niienshonenonhatie ne Niio Raoronhiakeronon enthonastsnentonhatie oni tsinonȣe nenhenterontake nʼonkȣe Roienha.
Currently Selected:
John 1: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.