i-saa-yaa 38
38
he-se-Ki-yaa putq pcvg
(peiq mavg 2 huvb trub 20:1-11; 2 zunb txig trub 32:24-26)
1txij uaq teij zyavb hog he-se-Ki-yaa putq pcvg Kruq, Kaaq teij taig mig a'q. aa-mxtq Eei txn, uaq taub trug waag myenb, i-saa-yaa, mivb mavg ninb cvj kxvq Buaj ninb, “zyruq Navq naaiq kxvq. ‘meib xij zu'g liug leid Euvb Euvg suv weig zu'g meib zuvq xij zu'g taig. meib maiq haib lovj.’+”
2he-se-Ki-yaa zyrug Win Myen mivb Fovg uaq puv tauj kauj kxvq Buaj zyruq, 3“o zyruq aag, Toq! meib Javj Jyenq yia yem meib Eei Ra'Myen zyepg zua'q Eei lovg Revg Hruq kan meib, yaag ziuj meib mavg, yia zruj tu'q lovj.” he-se-Ki-yaa zyrug Eyemq tu'q Hruq mun haig.
4i-saa-yaa zipq zyruq Eei waag kxvq, 5“mivb Buaj he-se-Ki-yaa, ‘zyruq, meib Eei ovb Taaij, Daa-witq, Eei Tinb huvb, Navq naaiq nx kxvq, “yia haid meib tauj kauj Eei waag yaag pwatg meib Eei uamb mweig. yia xij zxg lovj meib. yia xij Jaa pun meib zyavb zyepg Mmd Havj. 6yia yaag xij Fruj meib Zauj naaiq nxm zivb leib Dutq atg-si-lia huvb Eei puab Diaq. yia xij peu naaiq nxm zivb.”
7“+‘naaiq se zyruq xij pun meib Eei Javb hog, pun Ziv zyruq xij ei Jyenq ninb lcvd Eei waag zruj. 8mavg maa'b! yia xij pun Eutg Eei tovb linb yem aa-hatg Eei Tei Rwrnj Ga'haaq Gaav zyepg wrng Tei.’+”#38:8 Tei ziuj myenb haib zaab tu'q Zwrtq, lob Nxi myenb zruj naaiq teij Tei taaib weig Tevj ninb Bua tivg zyavb hog, weig zu'g ninb Bua maiq maaib lxb kcv. ninb Bua Kuvj mavg kaaj tovb linb yem haiq Kav naaiq teij Tei. tovb linb zyrug Twij Rwrnj ninb Jiaj mivb Eei zyepg wrng Tei.
9naaiq se yu-Daa Eei huvb, he-se-Ki-yaa putq pcvg lovj taaib fiaq Eei waag.
10yia Namq taaib, “yia Eei mcvg Tauj Daamb seij
yia xij zu'g pia'g yemb ken Eei kcvb,
zevg Fiag Eei Havj maiq tu'q zyavb a'q.”
11yia kxvq, “yia maiq tu'q pwatg zyruq,
yia yem yaavb ken maiq tu'q cvj pwatg zyruq.
yem naaiq nxm luvb Diaq yia maiq tu'q cvj pwatg haiq taub myenb.
12yia yem Eei txvj zu'g Zc'q mivb leib Gxi yia
Navq Zc'q puvj yuvb myenb Eei Dopg liub nx.
yia Fung yia Eei mcvg Navq Datq Dia Eei myenb Fung Dia nx.
Tinb huvb zx'q yia Japq Dutq
Navq Dia yem Datq Dia Eei Jaab sig Japq Dutq nx.
luvb Nxi luvb mwrnd meib xij pun yia Eei mcvg Tauj setq mweid.
13yia lovg nxig zuaq Tauj luvb Fav,
mq paag ninb Navq syenb nx, pun yia Eei yetg zuvq Buvq nauq.
luvb Nxi luvb mwrnd meib xij pun yia Eei mcvg Tauj setq mweid.
14yia heug Navq nx'g Ba'hinj Zauj nx'g aapq,
yia heug Navq pc'g kopq.
yia mavg kau kub vwaaig, mziv zuvq Kruq Revg.
o zyruq aag, yia zu'g zeij. Toq taaib peu Jyenq yia.”
15mq paag yia haib kxvq haiq Euvg fai?
weig zu'g ninb Zauj yia kxvq,
ninb kanb yaag Navq naaiq nx zruj.
weig zu'g yia Eei Hruq Kruq,
yem yia yetg seij Eei Havb taaub
yia xij sweib Jyenq yavb a'q.#38:15-16 naaiq teij i yemg Eei hipq-lu waag se maiq navg mevb.
16zyruq aag, myenb tu'q zyavb Jyenq se weig naaiq teij sig.
yia Eei mcvg yaag Kauj naaiq teij sig tu'q zyavb Jyenq.
Toq meib zxg yia lovj taaib,
pun yia maaib mcvg zyavb Jyenq.
17yia zu'g Dovg naaiq Kruq
mtaaib weig Tevj yia tu'q lovj.
meib Namq yia zyrug Fruj yia
leib Dutq zu'g myetg Eei Kwrtq,#38:17-18 se yemb ken.
weig zu'g meib zx'q yia Eei yetg zuvq zwid
zxi meib Eei Ga'haaq Gaav.
18yem yemb ken Eei myenb maiq maaib haiq taub haib Zev meib.
taig mivb Eei myenb maiq haib Zev meib.
Fiag uaq nxm Kwrtq Eei myenb
maiq lamb Namq meib zyepg zua'q Eei Jauq.
19Kuvj maaib zyavb Jyenq Eei myenb,
se zyavb Jyenq Eei myenb haib Zev meib,
Navq yia ib Nxi Zev meib nx.
tia xij Buaj ninb Eei naamb Erud meib Dovg haaij zyepg zua'q.
20 zyruq xij Fruj yia.
yia Bua yetg seij zyrug yem zyruq Eei sivj ting
Patq taanb paab paauj yia Eei Ruv.
21i-saa-yaa kxvq, “zx'q Dunb vovb Exj pyrub Gaai taaib opq he-se-Ki-yaa Eei zweib. ninb zyrug lovj mig a'q.”
22he-se-Ki-yaa naaig, “maaib haiq Euvg Javb hog pun Ziv yia cvj tu'q mivb zavg zyruq Eei pyauq?”
Currently Selected:
i-saa-yaa 38: IuMiNOR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันโบราณ © Thailand Bible Society, 2007.