ZENBAKIAK 33
33
Irteerako etapen zerrenda
1Hona, israeldarrek, Moises eta Aaronen gidaritzapean Egiptotik gudari-taldeka banaturik atera zirenean, egin zituzten bideko etapak. 2Moisesek idatziz jaso zituen Jaunaren agindura egin zuten ibilaldiko abiapuntu eta helmugak. Hona hemen horien zerrenda#33,2 zerrenda: Kapitulu honetan azaltzen diren toki-izenak Ir, Zen eta Dt liburuetatik eta beste iturri ezezagunetatik hartuak dira; izan ere, erdiak baino gehiago hemen bakarrik azaltzen dira. Testuaren datuek zehatzak diruditen arren, ezinezkoa da ibilbidea mapa baten gainean jarraitzea.:
3Ramsestik abiatu ziren lehenengo hilaren hamabostean, Pazko biharamunean; israeldarrak libre#33,3 libre: H.h., eskua jasota (ik. Ir 14,8). irten ziren egiptoarren begi-bistan,#Ramses Ir 12,37. 4hauek Jaunak hilarazitako lehen-semeak ehorzten ari zirela —horrela eman zien Jaunak epaia egiptoarren jainkoei—.#Jaunak hilarazitako lehen-semeak Ir 12,29+. 5Ramsestik abiaturik, Sukoten kanpatu ziren hurrengo;#Sukot Ir 12,37. 6Sukotetik abiatu eta, basamortu-ertzean, Etamen kanpatu ziren;#Etam Ir 13,20. 7Etamdik abiaturik, Baal-Tzefon parean dagoen Pi-Hirotera itzuli ziren eta Migdol aurrean etxolatu;#Pi-Hirot, Migdol Ir 14,2. 8Pi-Hirotetik abiaturik, itsasoa zeharkatu eta basamortura iritsi ziren eta, Etam basamortuan hiru eguneko bidea egin ondoren, Maran kanpatu;#Mara Ir 15,23. 9Mara ere utzi eta, Elimera, hamabi iturburu eta hirurogeita hamar palmondo zituen oasira, iritsiz, bertan etxolatu ziren;#Elim Ir 15,27. 10Elimdik Itsaso Gorri ondora joan ziren hurrengo; 11Itsaso Gorritik, Sin basamortura;#Sin basamortua Ir 16,1. 12Sin basamortutik, Dofkara, 13eta Dofkatik Aluxera; 14Aluxetik abiaturik, Refidimera iritsi ziren; baina ez zen han urik herriak edateko.#Refidim Ir 17,1.
15Refidimdik abiaturik, Sinai basamortura heldu ziren;#Sinai basamortua Ir 19,2. 16Sinai basamortutik Kibrot-Taabara;#Kibrot-Taaba 11,34. 17Kibrot-Taabatik Hatzerotera;#Hatzerot 11,35. 18Hatzerotetik Ritmara; 19Ritmatik Rimon-Peretzera; 20Rimon-Peretzetik Libnara; 21Libnatik Risara; 22Risatik Kehelatara; 23Kehelatatik Xefer mendira; 24Xefer menditik Haradara; 25Haradatik Makhelotera; 26Makhelotetik Tahatera; 27Tahatetik Terahera; 28Terahetik Mitkara; 29Mitkatik Haxmonara; 30Haxmonatik Moserotera; 31Moserotetik Bene-Jaakanera;#Bene-Jaakan Dt 10,6. 32Bene-Jaakanetik Hor-Gidgadera;#Hor-Gidgad Ik. Dt 10,7. 33Hor-Gidgadetik Jotbatara;#Jotbata Dt 10,7. 34Jotbatatik Abronara; 35Abronatik Etzion-Geberrera,#Etzion-Geber Dt 2,8. 36eta Etzion-Geberretik Tzin basamortura, hau da, Kadexera;#Tzin basamortua, Kadex 20,1. 37Kadexetik abiaturik Edom lurraldeko mugan dagoen Hor mendian etxolatu ziren hurrengo.#Hor mendia 20,22. 38Aaron apaiza Hor mendira igo zen Jaunaren aginduz eta bertan hil zen, israeldarrak Egiptotik irten eta berrogei urtera, bosgarren hilaren lehen egunean.#Aaronen heriotza 20,28+. 39Ehun eta hogeita hiru urte zituen Aaronek Hor mendian hil zenean. 40Orduan jakin zuen Kanaango Negeven bizi zen Aradeko kanaandar erregeak israeldarren etorreraren berri.#Aradeko erregea 21,1+.
41Israeldarrak, Hor menditik abiaturik, Tzalmonara iritsi ziren; 42Tzalmonatik Punonera; 43Punonetik Obotera;#Obot 21,10. 44Obotetik Moabeko mugaldean dagoen Iie-Abarimera;#Iie-Abarim 21,11. 45Iie-Abarimdik Dibon-Gadera; 46Dibon-Gadetik Almon-Diblataimera; 47Almon-Diblataimdik Nebo parean dauden Abarim mendietara; 48eta Abarim mendietatik abiaturik, Moabeko lautadara iritsi ziren eta han kanpatu, Jordan ondoan, Jeriko parean.#Moabeko lautada 22,1. 49Moabeko lautadan, Jordan ondoan etxolatu ziren, Bet-Jeximotetik Abel-Xitim bitartean.#Bet-Jeximot Jos 12,3. Abel-Xitim Ik. 25,1.
Kanaan lurraldea banatzeko Jaunaren agindua
50Jaunak esan zion Moisesi Moabeko lautadan, Jordan ondoan, Jeriko parean: 51«Esan israeldarrei: Jordan igaro eta Kanaan lurraldean sartzean,#Kanaanen nola jokatu Ir 23,23-24.32-33; Dt 7,1-6; 12,2-3. 52bota egingo dituzue hango biztanleak, beraien harrizko eta metal urtuzko idoloak desegin eta kultu-leku guztiak suntsitu. 53Lurraldearen jabe egingo zarete eta bertan biziko, zeuei eman baitizuet haren jabe izan zaitezten. 54Zozketaz banatuko duzue lurraldea leinu eta senitarteen artean: senitartea ugaria bada, ondare-zatia ere handiagoa emango zaio, eta urria bada txikiagoa. Senitarte bakoitzak zozketan egokituriko ondarea jasoko du.#lurraldearen banaketa 26,52-56+. 55Alabaina, lurraldeko biztanleak botatzen ez badituzue, geldituko direnak begian arantza nahiz saihetsean eztenkada bezain mingarri izango dituzue: erasoka ariko zaizkizue biziko zareten lurraldean bertan.#arantza, eztenkada Jos 23,13. 56Orduan, haiekin egin asmo nuena, zuekin egingo dut».
Currently Selected:
ZENBAKIAK 33: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso