JOB 5
5
Gizonak sortzen miseria
1«Dei egin, Job, ea inork erantzuten dizun!
Zein aingerurengana#5,1 aingerurengana: H.h., santurengana, hau da, 4,18ko izaki zerutar berberak. joko duzu?#aingeru 15,15; Za 14,5; Dn 4,14.
2Jakizu amorruak itotzen duela zentzugabea,
inbidiak hilarazten heldugabea.
3Sustraiak botatzen ikusi nuen zentzugabea,
baina berehala hondatu zen haren egoitza;
4haren seme-alabek ez dute salbabiderik izango,
epaitegian zanpatuko dituzte inoren babesik gabe;#seme-alabak epaitegian zanpatuak Am 5,12; Za 8,16; Sal 127,5.
5gosetuek jango dute hark bildutako uzta,
kendu egingo diote, arantzazko hesiak jarri arren#5,5 hesiak jarri arren: Testua iluna da.;
egarrituek zurrupatuko diote ondarea.
6Jakina da gaiztakeria eta miseria
ez direla berez sortzen lurrean:
7gizakiak sortzen du miseria,
suak txinparta bezala.#gizonak sortzen miseria 15,35; Has 3,17-19.
Jaunak zigortu eta salbatu
8«Nik neuk Jainkoarengana joko nuke,
berari agertuko nioke ene auzia.
9Ulermena gainditzen duten mirariak egiten ditu hark,
gauza harrigarriak, ezin konta ahala;#9,10. Ik. 37,5; Sal 40,6.
10euria bidaltzen du lurraren gainera,
soroak ureztatzen;
11apalduak goratu egiten ditu,
bihotz-eroriak salbamenera jasotzen;#apalduak goratu 22,29; 1 Sm 2,7-8; Is 57,15; Sal 75,7-8; Lk 1,52-53.
12maltzurraren egitasmoak desegiten ditu,
ez die uzten arrakastarik izaten;
13buruargia bere maltzurkerian harrapatzen du,
porrot eragiten bihurrien asmoei;#buruargia bere maltzurkerian harrapatzen Is 29,14; 1 Ko 3,19.
14horrela, egun-argi betean ilunpetan aurkitzen dira,
eguerdian itsumustuka ibiltzen gauean bezala.#eguerdian itsumustuka 12,25; Is 59,10; Es 4,19; Jn 12,35.
15Behartsua, ordea, salbatu egiten du Jainkoak
haien mihiaren eztenetik eta indarkeriatik;
16itxaropena ematen dio ahulari
eta ahoa ixten zuzengabeari.
Jainkoak zentzarazi eta bedeinkatu
17«Zorionekoa Jainkoak zentzarazten duen gizakia!
Ez mespretxatu Ahaltsuaren#5,17 Ahaltsua: Liburuan zehar, patriarken garaiko Jainkoaren titulua erabiltzen du poetak (ik. Has 17,1 oh.). heziketa.#Jainkoak zentzarazi Dt 8,5; Es 3,11-12; Ap 3,19.
18Hark zauritu arren, osatu ere berak osatzen du;
berak jo arren, sendatu ere bere eskuz sendatzen.#Jainkoak zauritu eta osatu 36,15; Dt 32,39; Os 6,1.
19Behin eta berriro libratuko zaitu larrialditik,
inoiz ez duzu kalterik jasango#5,19 Behin eta berriro… , inoiz ez…: H.h., Sei larrialditik… , zazpigarrenean…: Elifaz zenbaki-esaeren erara mintzatzen da (ik. Es 6,16 oh.)..
20Gosetean heriotzatik gordeko zaitu,
gerratean ezpatatik.#Gosetean gorde Sal 33,19. ezpatatik Jr 39,18.
21Mihiaren zigorretik babestuko zaitu,
ez zara hondamendiaren beldur izango.#Mihiaren zigorretik Is 54,17; Sal 12,3-5; 31,21.
22Bost axola zuri hondamendi eta gabeziak,
ez zara basapiztien beldur izango.
23Harriek ez dizute soroan trabarik egingo#5,23 Harriek ez dizute soroan trabarik egingo: H.h., Soroetako harriekin ituna eginen duzu.,
eta bakean biziko zara piztiekin.#Harriek trabarik ez 2 Erg 3,19.25; Is 5,2. bakean piztiekin Is 11,6-8; Ez 34,25; Os 2,20.
24Bakea izango duzu etxean;
aziendak ikuskatzean, ez zaizu bat ere faltako.
25Seme-alaba asko izango duzu,
zeure kimuak landako belarra bezain ugari.#Seme-alaba asko Dt 28,4.11; Sal 128,3.
26Sasoi bikaina izango duzu hilobia arte,
gari-balak uztaroan bezala.#Sasoi bikaina hilobia arte 42,17; Es 3,2+.
27Sakon aztertu dugu eta horrela da hau dena;
entzun eta hartu gogoan zeure onerako».
Currently Selected:
JOB 5: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso