ISAIAS 61
61
Profetaren eginkizuna
1Jainko Jaunaren espiritua
nire gainean dago,
Jaunak sagaratu bainau;
berak nau bidali
behartsuei berri ona hots egitera,
bihotz-hautsiak sendatzera,
gatibuei askatasuna
eta kartzelatuei libertatea
iragartzera,#Lk 4,18-19an aipatua.#Jaunaren espiritua nire gainean 42,1+; Eg 10,38. behartsuei berri ona 40,9+; Lk 7,22. bihotz-hautsiak 57,15+. kartzelatuak 42,7+.
2Jaunak onginahia
azalduko duen urtea
eta mendekatuko den eguna
iragartzera.
Siongo atsekabetuak kontsolatzera
bidali nau Jaunak:#onginahiaren urtea 49,8; Lb 25,8+. mendekatzeko eguna 63,4. atsekabetuak kontsolatzera 40,1+; 57,15; Mt 5,5.
3koroa distiratsua emango diet
samintasunezko errautsaren ordez,
jaietako usainki gozoa
dolu-jantziaren ordez,
gorespen-kantak etsipenaren ordez.
Jainkoaren herriaren zoria aldatuko
«Jainko zuzenaren haritz»
deituko diete,
Jaunak bere ospea agertzeko
landaturiko haritz.#Jaunak ospea agertu 60,21.
4Antzinako etxe-hondakinak
berreraikiko dituzte,
aspaldiko horma eroriak jasoko,
menderik mende erraustuak zeuden
hiri hondatuak berrituko.#hondakinak berreraiki 58,12.
5Atzerriko jendea zerbitzari
izango duzue:
zuen artaldeak zainduko dituzte,
nekazari eta mahastizain
izango dituzue.#Atzerritarrak zerbitzari 14,2; 60,10.
6Zuei, berriz,
«Jaunaren apaiz» deituko dizuete,
«Gure Jainkoaren zerbitzari»
esango.
Beste nazioen ondasunez
gozatuko zarete,
haien aberastasunez hornituko.#Jaunaren apaiz Ir 19,6; 1 P 2,5; Ap 1,6.
7Jaunak dio:
«Lotsaizuna ugari eta laidoa
jasan behar izan dituztenez,
aberastasuna ugari izango dute
beren herrialdean
eta amaigabeko poza eskuratuko.#aberastasun ugari Za 9,12; Jb 42,10.
8Nik, Jaun honek,
zuzenbidea dut maite,
lapurreta eta bidegabekeria gorroto.
Leialki emango diet saria
eta betiko ituna egingo beraiekin.#Jaunak zuzenbidea maite Sal 37,28. betiko ituna 55,3+.
9Haien ondorengoak
ospetsu izango dira
nazio eta herrien artean;
ikusiko dituzten guztiek
aitortuko dute
nik, Jaun honek,
bedeinkaturiko herria direla».#Jaunak bedeinkaturiko herri 65,23; Has 12,3+.
Esker oneko kanta#61,10 Esker oneko kanta Jerusalemen ahotan jarria dago, segur aski.
10Pozaren pozez nago Jaunarekin,
alai dut arima neure Jainkoarekin,
bere salbamenez jantzi bainau,
garaipenezko soinekoz estali;
eztei-koroa janzten duen
senargaiaren antzeko naiz,
bitxi ederrez apaintzen den
andregaiaren antzeko.#pozez Jaunarekin 41,16; 1 Sm 2,1; Lk 1,46-47. salbamenez jantzi Ik. 59,17; Ap 19,8. andregaiaren antzeko 49,18; Ap 21,2.
11Lurrak landareak
ematen dituen bezala,
baratzeak hazia
ernearazten duen bezala,
halaxe ernearaziko du Jaunak
salbamena
eta gorespen-kantak altxaraziko
nazio guztien aurrean.#salbamena ernearaziko 45,8.
Currently Selected:
ISAIAS 61: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso