OSEAS 10
10
1Mahatsondo mardula zen Israel,
fruituz betea.
Zenbat eta fruitu gehiago,
orduan eta aldare gehiago.
Zenbat eta lurra aberatsago,
orduan eta zutarri sakratuak#10,1 zutarri sakratu: Erlijio kanaandarretan erabili ohi zen kultu-tresna bat (ik. Dt 16,22; 2 Erg 17,10-12).
dotoreago.#Israel mahatsondoa Is 5,1+. aldare gehiago 8,11; 12,12.
2Banatua dauka bihotza,
eta orain ordaindu egin beharko.
Jaunak berak
puskatuko dizkio aldareak
eta lurrera botako zutarri sakratuak.
3Orduan esango dute:
«Ez dugu erregerik,
ez baitiogu Jaunari begirunerik izan.
Baina erregeak ere
zer egin lezake guretzat?»
4Hitz eta berba,
gezur-zinak egin,
itunak izenpetu…
Haien zuzenbidea, ordea,
soro-ildoetan hazten den
belar gaizto bihurtu da.#zuzenbidea belar gaizto Am 5,7; 6,12.
5Samariako jendea dardaraz dago,
dolu dagite herriak eta apaizeriak,
Bet-Abengo zekorra#10,5 apaizeria: Mespretxuzko hitza, kultu paganoz kutsaturiko apaizei buruz erabilia. Bet-Abengo zekorra: Ik. 4,15 eta 8,5 oh. dela-eta.
Zeren beren pozbide eta ospe zuten
idoloa urruti baitaramate.#Bet-Abengo zekorra 8,5+.
6Hura ere Asiriara eramango dute,
errege handiari#10,6 Asiriara eramango dute: Herri garaituen idolo-irudiak garaileen santutegietara eraman ohi zituzten. errege handia: Ik. 5,13 oh. eskaintzeko.
Lotsak hartuko du Efraim,
lotsagarri izango da Israel,
bere burutazioengatik.#Asiriara 9,3; 11,5. errege handi 5,13.
7Samariarenak egin du:
badoa haren erregea,
ezpala ur-azalean bezala.
8Hondatuak izango dira
muinoetako sasikultu-lekuak,
Israeli huts egitera eragin ziotenak.
Sasiak eta laharrak
hartuko ditu aldareak.
Orduan, honela esango diete mendiei:
«Ezkuta gaitzazue»,
eta muinoei:
«Eror zaitezte gure gainera».#sasikultu-lekuak 4,13. hondatuak 2 Erg 23,15. esango diete mendiei, muinoei Lk 23,30; Ap 6,16. Ik. Is 2,10.19.21.
9Honela dio Jaunak:
«Gibeako garaian#10,9 Gibeako garaia: Ik. 9,9 eta oh. hasita,
bekatuan ari da Israel.
Orduz gero, ez da aldatu.
Beraz, guduak Gibean bertan
harrapatuko ditu gaizkileak.#Gibeako garaian 9,9.
10Zigortzea erabaki dut:
herriak haien aurka bilduko dira,
behin eta berrizko bekatuen
ordaina emateko.#zigorra 5,2+.
11«Ongi hezitako bigantxa zen Efraim,
garia jotzen gogotsua.
Haren lepo ederraren
ondotik pasa nintzenean,
uztarria lotu nion Efraimi,
Judak goldean egin zezan,
eta Jakobek arean.
12Esan nien:
Erein zuzentasuna,
eta maitasuna jasoko duzue.
Landu soro berria.
Orain duzue garaia
Jauna bilatzeko,
etorri eta euria bezala
salbamena isur diezazuen.#Erein zuzentasuna Ik. 8,7+. maitasuna 4,1+. Jauna bilatu 5,15+. salbamena euria bezala Is 45,8; Sal 85,11.14. Ik. Dt 32,2.
13Baina zuek, gaiztakeria landu
eta zuzengabekeria jaso zenuten,
eta faltsukeri fruituak jan.
Zeure indarrean
jarri zenuen itxaropena,
zeure gudari-kopuruan.#faltsukeria 4,2; 7,1; 10,4; 12,1. indarrean itxaropena 1,7+.
14Horregatik, guda-hotsa aterako da
zure herriaren aurka,
eta zure gotorlekuak
erraustuak izango dira,
Xalman erregeak Bet-Arbel#10,14 Xalman: Moabdar errege bat, agian; asiriar inskripzio batetik ezagutzen dugu. Bet-Arbel: Jordanez ekialdeko herrixka.
erraustu zuen bezala;
gudu hartan,
amak beren seme-alaben kontra
zanpatu zituzten.#amak seme-alaben kontra 14,1; 2 Erg 8,12; Is 13,16-18; Sal 137,9.
15Horra zer egingo dizuedan zuei ere,
Israelgo jende horri,
zeuen neurrigabeko
gaiztakeriagatik.
Eguna argitu orduko#10,15 Israelgo jende: Grekozko itzulpenaren arabera; hebreerazkoak Betel dio. Eguna argitu orduko: Eguna argitzean hasi ohi ziren maiz guduak; borrokan hilko da, beraz, erregea.,
Israelgo erregearen
azkena izango da.
Currently Selected:
OSEAS 10: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso