มีคา 1
1
เหว่ย สะมาเลีย เหธา เยลูซาเลม เฑ่า เญี้ยม
1ต๋อย โยทาม,#2 ฮู่ง โต้ว 15:32-38; 2 ฒุ่น ต่อย โต้ว 27:1-8 อาหัด#2 ฮู่ง โต้ว 16:1-20; 2 ฒุ่น ต่อย โต้ว 28:1-27 เหธา เฮเซคียา#2 ฮู่ง โต้ว 18:1—20:21; 2 ฒุ่น ต่อย โต้ว 29:1—32:33 โหฒว ฮู่ง กุ๊น ยูดา เญย เฒี่ยง โห่, โมเลเซ้ด มู้ง เญย เมี่ยน, มีคา, ตุ๊ ฒิบ เฒี้ยว เญย หว่า. นิ่น ปวัด หล่าว ย่าง เญย สี่ ก๊อง เถา สะมาเลีย เหธา เยลูซาเลม.
2หม่าน ฝีง เมี่ยน อ้า! เม่ย บัว เต้าๆ อ๋อย หฒุ หมวัง.
ป้าม เกน เหธา เยียม ป้าม เกน เญย เหยียด ฒู้ง, อ๋อย หฒุ แปง มน่อม หมวัง หลง.
เฒี้ยว ทิน-ฮู่ง อ๋อย โหฒว ฒอง-เหฒง โก๋ เม่ย บัว,
เฒี้ยว เยียม นิ่น เญย สีง ติ่น ก๊อง.
3หมั่ง ม่าะ! เฒี้ยว ธ้วด นิ่น เยียม เญย ต๋อง ต้าย.
นิ่น อ๋อย เหฌี่ย ต้าย ธ้าย เจี๊ยน เดา ฮลัง เญย ต๋อง มี่ง.
4หฒวัง บง อ๋อย เยียม นิ่น กะเดี๊ย หยุ,
หฒวัง ฮ์อง หย่า อ๋อย หฒุ บ๋าย
ฮนั้ง เมว์ย-ฑีง หฒุ โต์ว ปั๊ว หยุ,
ฮนั้ง ววม เหฌี่ย จุ์ย เญย ต๋อง เสย เญย นอ.
5น้าย เต๋ย เหยียด ฒู้ง สี่ ธ้วด ต้าย
เซ หลาย ยาโค้บ แหง่ง ทิน-ฮู่ง,
หย่า หลาย อิสะลาเอน เญย เฒ้ย-ฟุน ป์าม เญย ฒุ์ย.
ยาโค้บ ป์าม เญย ฒุ์ย เยียม หาย ต้าย?
เยียม สะมาเลีย ไม้ เฒ์ย?
ยูดา หฒั่ง หมิ่ว-ฝัง เญย ฒุ์ย#1:5 ฟาน หฒะ ก๊อง “เยียม ฮลัง หฒั่ง เฒี่ยน เญย ต๋อง”. เยียม หาย ต้าย?
เยียม เยลูซาเลม ไม้ เฒ์ย?
6เหว่ย น้าย เฒี้ยว ก๊อง, “เยีย อ๋อย ปุน สะมาเลีย เป๋น บาง เหฌี่ย ต้าย เญย กะน้าย-ดุย เยียม เดา-ฮวาง,
เป๋น หฒวัง อะหงุ่น เปี๊ยว เญย ต๋อง.
เยีย อ๋อย เฒาะ เหธย ฒี่ง เญย หละเปย๊ย โต๋ เหฌี่ย ฮ์อง,
ฯฒฯ ปวัด กอน-โด๊ะ ธ้วด เหฑ่ง.
7เยีย อ๋อย เฒาะ เยียม สะมาเลีย หฒุ ต้าย เญย เหยียด ฒู้ง หมิ่ว-ฝัง เบ๊าะ หม่วน เหฑ่ง.
เยียม หฒั่ง เฒี่ยน เญย เปย๊า หม่าย ซิน เปี๊ยด ต้าย เญย เหยียด ฒู้ง กะน้าย อ๋อย หฒุ หล่ง โต์ว ปั๊ว.
นิ่น เญย เหยียด ฒู้ง หมิ่ว-ฝัง เยีย อ๋อย ป่าย หว่าย.
เหว่ย หฒุ เซ เยียม หม่าย ป๊วน-ซิน เมี่ยน เญย กง-ฒิ่น เซียว ต้าย,
ฆะฮ้า ฯฒฯ แอ๋ง หฑวน เป๋น หม่าย ป๊วน-ซิน เมี่ยน เญย กง-ฒิ่น.”
โต่ว หว่า เมี่ยน เฑ่า เญี้ยม
8ฮนั้ง หน่าย มีคา ก๊อง,
“เหว่ย น้าย เยีย อ๋อย เฑ่า เญี้ยม.
เยีย ไม้ ตาบ เฮ่ หย่า ฌัง ซิน ธี้ ลี้ เญย มี่ง น้าย มี่ง วั้ว.
เยีย เฑ่า เญี้ยม เญย เฉีย อ๋อย ฮนั้ง เฮยี่ย จู๊ ลู้ง,
เฑ่า เจี๊ยน เห่ว ฮนั้ง เต่ย-ปูง-ฮวาง เญย เหนาะ ล่อ ท่อ.#1:8 ม่าย เต๋ย โซว ฟาน ต้าย ก๊อง เหนาะ กู๊ ลง, ต้ง ม่าย เฉีย เห่ว ตุ๊ เฑ่า เญย.
9เหว่ย หฒุ สะมาเลีย หฒุ เซียง เญย ต๋อง หฒ่อ ไม้ ไฮ่ หลง,
แอ๋ง ฟ้าน เถา ยูดา หมี่ อ๊ะ.
ฒู้ง เถา เยีย จวั่ง ฝีง เญย ฒี่ง แก้ง, เซ เถา เยลูซาเลม.”
10ไม้ ตู๋ง เยียม กัด ก๊อง น้าย เต๋ย สี่,
ฒู้ง ไม้ ตู๋ง เญี้ยม เหยียด เต๋ย.
เยียม เบดเลอับลา มู้ง#1:10 เบดเลอับลา เญย เอ๋ย เล์ย เซ เนีย-บูง เญย เปย๊า. ม่าย เต๋ย โซว ก๊อง เบดโอฟาลา. เญย เมี่ยน อ่า,
หฌัง เจี๊ยน เนีย-บูง ม่าะ!
11ซาฟี#1:11 ซาฟี เญย เอ๋ย เล์ย เซ คู่ เยียม. เญย เมี่ยน อ้า! เม่ย บัว อ๋อย หฒุ เตี๊ย ไญ้,
ฌัง ซิน ธี้ ลี้ เญย กัน เม่ย บัว เญย เจ๊า มี่ง.
ซานัน เมี่ยน #1:11 ซานัน วั้ว โจ๋ว หว่า ไฮ์ ฮนั้ง ฮิบลู หว่า ก๊อง ธ้วด ต้าย. ไม้ ตุ๊ ธ้วด ต้าย.
เบดเอเซน เมี่ยน เฑ่า เญี้ยม,
ฯฒฯ ปุน เม่ย บัว ฮิ้ว ตุ๊ เยียม หน่าย ไม้ ลั่ม เขา ต๋อง อ๊ะ.
12มาโล้ด เมี่ยน#1:12 มาโล้ด เญย เอ๋ย เล์ย เซ อิสะลาเอน เมี่ยน. จอม เฮญี้ยว ฒั้ว เจี๊ยน ฮนั้ม ต้าย ม่าย ต๋อง เถง,
เหว่ย หฒุ เฒี้ยว ฒู้ง ปุน ต้ม เหฒะ หน่าน เหฌี่ย
เถา เยลูซาเลม เญย ฒี่ง แก้ง.
13ลาคี้ด เมี่ยน อ้า!
อ๋อย หฒุ เฒาะ เบ๊าะ จ๋า เญย ม์า-เธีย ปุ่ย เจี๊ยน ม์า.
เม่ย บัว โหฒว กอน ปุน สิโอน#1:13 ฟาน หฒะ เซ สิโอน เญย เซียะ. สิโอน เซ เยลูซาเลม เยียม วั้ว นอม บง. ป์าม ฒุ์ย,
เหว่ย หฒุ เยียม เม่ย กะญั์ว ปวัด ม่าย อิสะลาเอน ป์าม เญย ฒุ์ย.
14เหว่ย น้าย เม่ย บัว ยูดา เมี่ยน
อ๋อย หฒุ ฝูง เล่ย ฮยาง เญย ฒี่ง เหญ่ย ปุน
โมเลเซ้ดกัด มู้ง เญย เมี่ยน.
อิสะลาเอน เญย ฮู่ง
หล่าย ตุ๊ อักซี้บ ฒี่ง เญย เมี่ยน เถง
มป่า ไม้ ตุ๊.
15มาเลซา มู้ง#1:15 มาเลซา เญย เอ๋ย เล์ย เซ ฮี่ง เจี๋ย. เญย เมี่ยน อ้า!
เฒี้ยว อ๋อย เฒาะ เม่ย บัว จิว ปุน เยียม วิน-วั้ง เญย ปั์ว-เดี๊ย.
อิสะลาเอน เญย เปย๊ย เฒ้ย#1:15 ฮิบลู หว่า ก๊อง ฌัง-หล่าง. เหฑีย เป๊ย เถา โหฒว โฮล เญย เมี่ยน ไม้ เฒ์ย กั๊วะ หฒั่ง เญย ฌัง-หล่าง.
อ๋อย เปย๋า มี่ง เยียม อาดุนลัม.#1:15 อาดุนลัม เซ เหยียด นอม เว่ย ว้วน เญย ฒี่ง. หย่า ม่าย ต้ง ดาวิด เปย๋า เซาโล ปี๋ง วั้ว นอม แบ๋ง-ค้วด.
16ยูดา เมี่ยน อ้า! เถย ฆอย เม่ย บัว เญย บะเปยย
ปุน ธีง เม่ย บัว เฑ่า เหว่ย เม่ย บัว ปวั๊ง เฮญี้ยว เญย ฝุเจว๊ย.
ปุน เม่ย บัว เญย มฆ้อง ฌัง ฮนั้ง ต้ม จ๊าง-ง่ง เญย มฆ้อง ฌัง นอ,
เหว่ย หฒุ เม่ย บัว เญย ฝุเจว๊ย อ๋อย หฒุ ธ้าง มี่ง เล่ย ฆอย เม่ย บัว.
Currently Selected:
มีคา 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007