ลูกา 24
24
เยซู แอ๋ง นั่ง ต้าย
(เป๊ย หมั่ง มัดทาย 28:1-10; มาโค 16:1-8; โยฮัน 20:1-10)
1เถา วั้ว นอม เล์ย-ป๋าย เญย ตะเยี้ยด ฮนอย#24:1 เซ ต๋อย เล์ย-ป๋าย ฮนอย. ลู่ง ดอม เฑี้ยว เญย, ลู่ง เบี์ยวๆ ฌัง ฮนั้ง, วั้ว เต๋ย มเซียะ ตอน ต้อ เจี๊ยน นิ่น บัว เบ่น ต้าย เญย เดีย-ดาง มี่ง เยซู เญย โฒ้ว. 2เถา วั้ว ปวัด แบะ โฒ้ว-แก้ง วั้ว คว้าย หละเปย๊ย ทุย ฆอย หมี่ อ๊ะ. 3นิ่น บัว ฯฒฯ เปียะ มี่ง หมั่ง, ไม้ ปวัด เฒี้ยว เยซู เญย เซย. 4นิ่น บัว โซ้ว เจี๊ยน วั้ว ฮนั้ม ไม้ เม่ง แปะ. เลี่ยม เฒ่ย ม่าย อี ล่าน เมี่ยน ฒุ เจี๊ยน ลุย-โหว แฒ่งๆ เญย โซ้ว เจี๊ยน นิ่น บัว เญย กะเฮลน. 5วั้ว เต๋ย มเซียะ ตอน กั้ม เหฑีย ไห่ ฯฒฯ พัวะ เหฌี่ย เดา. น้าย เต๋ย อี ล่าน เมี่ยน หน่าย นิ่น บัว, “เม่ย บัว เหว่ย หาย ติ่ว ต้าย น้าย จั๋น-ไต่ เยียม เญย ต๋อง ล์อ เมี่ยน นั่ง เมี่ยน? 6นิ่น ไม้ เยียม น้าย เหลาะ. นิ่น นั่ง ต้าย อ๊ะ. เม่ย บัว อ๋อย หฒุ จั๋ง เถา นิ่น เยียม กาลิลี วั้ว หฒั่น ก๊อง บั๋ว เม่ย บัว วั้ว เต๋ย หว่า.#มัดทาย 16:21; 17:22-23; 20:18-19; มาโค 8:31; 9:31; 10:33-34; ลูกา 9:22; 18:31-33 7นิ่น ก๊อง, ‘เยีย, ป้าม เมี่ยน เญย ตอน, อ๋อย หฒุ จิว ปุน เมี่ยน หว่าย เมี่ยน ต้อ มี่ง ตีง เหฒียบ หฑั่ง จ๋า. มป่า ตะฟาม ฮนอย เยีย แอ๋ง นั่ง ต้าย’ วั้ว เต๋ย หว่า.” 8วั้ว เต๋ย มเซียะ ตอน ฯฒฯ จั๋ง หฒุ เยซู เญย หว่า อ๊ะ.
9เยียม โฒ้ว หฑวน มี่ง, นิ่น บัว เฒาะ น้าย เต๋ย เหยียด ฒู้ง สี่ บั๋ว วั้ว เต๋ย เหฒียบ เยี้ยด เต้า กง-โฒ่ เหธา กะเฮลน เญย หฒวัง เมี่ยน. 10บั๋ว กง-โฒ่ บัว วั้ว เต๋ย มเซียะ ตอน, ต้ง มักดาลา มู้ง วั้ว เต้า มาลียา เหธา โยอันนา เหธา ยากอบ เญย มา, มาลียา, แอ๋ง เหธา นิ่น บัว ต้าย วั้ว เต๋ย มเซียะ ตอน. 11มป่า กง-โฒ่ บัว ไม้ เสียน. หล่าย น้าย เต๋ย มเซียะ ตอน หละไกว้ ก๊อง ฮนั้ง.
12มป่า ปีเต เจี์ย ซิน ถิว เจี๊ยน มี่ง เถา โฒ้ว, โด๊ะ เหฌี่ย เธี้ยบ หมั่ง, ขูง ปวัด เดีย-ตั้ม ฮนั้ง. นิ่น ฯฒฯ ต๋าว ฆาง หฑวน, หย่า ฮนั้ม ไม้ เม่ง แปะ น้าย เต๋ย สี่.
มี่ง เอมมาอูด ล์าง เญย ไซ-ก๋อ ปวั้ง หฒุ เยซู
(เป๊ย หมั่ง มาโค 16:12-13)
13ต้ง หน่าย ฮนอย ม่าย อี เต้า เยซู เญย ไซ-ก๋อ มี่ง นอม ล์าง เห่ว เอมมาอูด, เยียม นิด เยลูซาเลม ฒี่ง เล่ย ไม้ โก เหฒียบ เยี้ยด กีโล เจ๊า. 14กัน เจ๊า มี่ง วั้ว หฒั่น, นิ่น บัว ก๊อง เจี๊ยน โคะ โหะ ธ้วด ลิ์ว เญย สี่ มี่ง. 15ต๋อย นิ่น บัว ก๊อง เจี๊ยน วั้ว หฒั่น, เยซู กั้น ต้าย ฟัด เหธา เจี๊ยน นิ่น บัว มี่ง. 16นิ่น บัว ปวัด เญย มป่า เหว่ย หาย ติ่ว มเปย, นิ่น บัว เฒียะ ไม้ ตุ๊ นิ่น. 17เยซู หน่าย ก๋า นิ่น บัว, “เม่ย บัว กัน เจี๊ยน เจ๊า มี่ง เม่ย บัว ก๊อง หาย หญู่ง?” นิ่น บัว ฯฒฯ ตี้ง เจี๊ยน, เฮมียน เฑ่าๆ วั้ว. 18ม่าย เต้า, บั๋ว เห่ว เคนโอปัด, หน่าย เยซู, “ขูง เม่ย กั้น ดุ เต้า แคะ เยียม เยลูซาเลม ฒี่ง ไม้ ฮิ้ว ตุ๊ น้าย เต๋ย อี เหฒีย ฮนอย ธ้วด ต้าย เญย สี่?”
19เยซู แอ๋ง หน่าย, “หาย หญู่ง สี่?”
นิ่น บัว เตา, “นาซาเล้ด มู้ง เญย เยซู เญย สี่. นิ่น โหฒว เต้า โต่ว หว่า เมี่ยน. เยียม ทิน-ฮู่ง เหธา หฒวัง เมี่ยน เญย หฑะเฮมียน นิ่น ก๊อง เญย หว่า เหธา โหฒว เญย สี่ ม่าย ต้ม ชะ. 20เยีย บัว เญย ไซ เมี่ยน เปย๊ย เหธา เจียน-โฟ้ว เฒาะ นิ่น จิว ปุน จั๋น ตี่ง ฒุ์ย ไต๋ นิ่น ฯฒฯ ต้อ นิ่น มี่ง ตีง เหฒียบ หฑั่ง จ๋า ไต่. 21เยีย บัว หย่า ฮนั้ม เจี๊ยน ต้ง น้าย เต้า อ๋อย หฒัวะ อิสะลาเอน เมี่ยน หฑวน. หย่า ไม้ ตาน บัวะ น้าย ฮนั้ง. น้าย เต๋ย สี่ ธ้วด ลิ์ว ตุ๊ ปัว ฮนอย อ๊ะ. 22มป่า เยียม เยีย บัว วั้ว ม่าย เต๋ย มเซียะ ตอน โหฒว ปุน เยีย บัว ฮนั้ม ไม้ เม่ง แปะ. นิ่น บัว อะดอม เฑี้ยว เญย มี่ง วั้ว โฒ้ว หมั่ง. 23ไม้ ปวัด นิ่น เญย เซย หมี่ อ๊ะ. นิ่น บัว หฑวน ต้าย ก๊อง นิ่น บัว ปวัด ฟิน-เมี่ยน หิ่น ธ้วด ต้าย บั๋ว นิ่น บัว, เยซู เฒี่ยง เจี๊ยน เญย. 24เยีย บัว ม่าย เต๋ย มี่ง หมั่ง หย่า ปวัด ฮนั้ง น้าย เต๋ย มเซียะ ตอน ก๊อง นอ. มป่า นิ่น บัว ไม้ ปวัด เยซู.”
25เยซู ก๊อง บั๋ว นิ่น บัว, “เม่ย บัว เมี่ยน หฮงง เมี่ยน อ้า! โต่ว หว่า เมี่ยน ก๊อง เญย เหยียด ฒู้ง หว่า เม่ย บัว เหว่ย หาย ติ่ว เสียน ด่ง หน่าย ดั้น? 26กีตู่ อ๋อย หฒุ เสี่ยว ลิ์ว หน่าย เต๋ย โค้ว เญย สี่ หธีง ต้าย เปียะ นิ่น เญย ฌัง-หล่าง ไม้ เฒ์ย?” 27เยซู ฯฒฯ ก๊อง เม่ง กีง-โซว เฒี้ยง เจี๊ยน นิ่น กั้น ก๊อง เญย โจ๋วๆ หว่า ปุน นิ่น บัว หมวัง, เยียม โมเซ เญย เล์ย-หลัด โซว เจี์ย กอน แอ๋ง ก๊อง เหฑ่ง ทิน-ฮู่ง เญย หฒวัง โต่ว หว่า เมี่ยน เญย โซว.
28มี่ง อ๊า ลั่ม เถา นิ่น บัว อ๋อย มี่ง วั้ว นอม ล์าง, เยซู โหฒว ฮนั้ง อ๋อย แปง หฒะ เญย เจี๋ย. 29มป่า นิ่น บัว ชะ เลี่ยว นิ่น ก๊อง, “อี้ หฒั่น อ๊า ลั่ม หฮมวัง อ๊ะ. บะฮนอย อ๋อย ม้วด อ๊ะ. เหธา เยีย บัว เปว๋ย ม์วน น้าย ม่าะ!” เยซู ฯฒฯ เปียะ เปย๊า เหธา นิ่น บัว ฮิด วั้ว.
30เยซู เหธา นิ่น บัว จวั่ง เตี้ย หญั่น หฮนาง วั้ว หฒั่น, นิ่น แอ๋ง เฒาะ ฌั้ว ต้าย แล์ง ฒี่ง ลิ์ว ทิน-ฮู่ง ฯฒฯ แมะ ฆอย ปุน นิ่น บัว. 31ทิน-ฮู่ง ปุน นิ่น บัว อี ล่าน เลี่ยม เฒ่ย เฒียะ ตุ๊ เยซู, เฒียง หน่าย ไม้ ปวัด นิ่น หมี่ อ๊ะ. 32ล่าน บั๋ว ล่าน, “บัว กัน เจ๊า ต้าย วั้ว หฒั่น, นิ่น เหธา บัว ก๊อง หว่า หย่า พ้อ เม่ง กีง-โซว, บัว ไฮ์ จอม เฮญี้ยว ไห่ ฮนั้ง ม่าย โต์ว เหฒียะ เจี๊ยน นอ เอาะ?”
33นิ่น บัว เลี่ยม เฒ่ย เจี์ย ซิน หฑวน เยลูซาเลม. นิ่น บัว ปวัด วั้ว เต๋ย เหฒียบ เยี้ยด เต้า ไซ-ก๋อ เหธา เต๋ย นิ่น บัว เญย ต่อย กั๊บ ฒุ้น วั้ว, 34ไฮ์ นิ่น บัว ก๊อง, “เฒี้ยว หฒะเก้ง นั่ง ต้าย อ๊ะ. นิ่น หิ่น ปุน ซีโมน ปวัด ลิ์ว อ๊ะ.” 35วั้ว เต๋ย อี ล่าน หย่า ก๊อง นิ่น บัว เยียม เจ๊า หฒั่ง ปวั้ง เญย สี่ หย่า ก๊อง เยซู แมะ ฌั้ว วั้ว หฒั่น นิ่น บัว เฒียะ ตุ๊ นิ่น อ๊ะ.
เยซู หิ่น ปุน ไซ-ก๋อ บัว ปวัด
(เป๊ย หมั่ง มัดทาย 28:16-20; มาโค 16:14-18; โยฮัน 20:19-23; กง-โฒ่ 1:6-8)
36วั้ว เต๋ย อี ล่าน ก๊อง เจี๊ยน น้าย เต๋ย เจ๊า วั้ว หฒั่น, เฒี้ยว เยซู กั้น เลี่ยม เฒ่ย หิ่น ต้าย โซ้ว เจี๊ยน นิ่น บัว หฒวัง เมี่ยน เญย บุด๋ง ก๊อง บั๋ว นิ่น บัว, “เม่ย บัว แป้ง ออน อ๊ะ โอ่.”
37นิ่น บัว หล่าย ปวัด จั๋น-ไต่ ฌ์อย มเปย, ฯฒฯ แฮะ นิ่น บัว กั้ม เหฑีย ไห่, เฮญี้ยว ฮวาง เหฑ่ง. 38มป่า เยซู บั๋ว นิ่น บัว, “เม่ย บัว เหว่ย หาย ติ่ว เฑ่า ฟ่าน? โหฒว หาย หญู่ง ม่าย เฮญี้ยว บู้ง เบี๊ยน? 39สัม หมั่ง ก๋า เยีย เญย ปั์ว-เหฒา! ฮลัว หมั่ง, เม่ย บัว ฯฒฯ ฮิ้ว ตุ๊ ต้ง เยีย อ๊ะ. จั๋น-ไต่ ฌ์อย ไม้ ม่าย อ๊อ, ไม้ ม่าย บู๊ง ฮนั้ง เม่ย บัว ปวัด เยีย ม่าย นอ.”
40นิ่น ฮนั้ง น้าย นอ ก๊อง หย่า ปุน นิ่น บัว หมั่ง นิ่น เญย ปั์ว-เหฒา. 41หมั่ง ลิ์ว นิ่น บัว อะเฮน้ย ไห่, บัวะ ฮ่อง ไห่, มป่า หธ่อ ไม้ แก้ง เสียน. เยซู หน่าย นิ่น บัว, “เยียม น้าย ม่าย หญั่น เญย กะน้าย เญย ไฟ?” 42นิ่น บัว เฒาะ เต๋ย ฒิ ต้าย เญย เบย์า ปุน นิ่น. 43นิ่น ฒิบ ต้าย ฯฒฯ ตอง เจี๊ยน นิ่น บัว หญั่น.
44หญั่น ลิ์ว, นิ่น บั๋ว นิ่น บัว, “น้าย เต๋ย สี่ เซ เยีย เหธา เม่ย บัว เยียม วั้ว หฒั่น เยีย บั๋ว เจี๋ย เม่ย บัว. เยียม โมเซ เญย เล์ย-หลัด โซว เหธา ทิน-ฮู่ง เญย โต่ว หว่า เมี่ยน เญย โซว เหธา สีง ฑูง เฒี้ยง เจี๊ยน เยีย วั้ว เต๋ย หว่า เหยียด ฒู้ง, อ๋อย หฒุ ธ้วด ต้าย ต๋อย-ติ่ว เหฑ่ง.”
45เยซู ฯฒฯ พ้อ ฆอย นิ่น บัว เญย เฮญี้ยว ปุน นิ่น บัว เม่ง แปะ กีง-โซว. 46นิ่น หย่า ก๊อง บั๋ว นิ่น บัว, “กีง-โซว เฟี้ย เจี๊ยน ฮนั้ง น้าย นอ ก๊อง กีตู่ อ๋อย หฒุ เสี่ยว โค้ว. ไต่ มี่ง เถา ตะฟาม ฮนอย แอ๋ง นั่ง ต้าย. 47อ๋อย หฒุ เต๊ง นิ่น เญย บั๋ว มี่ง ฒุ่น บั๋ว เมี่ยน ก๊อย เฮญี้ยว กวั่ง ฒุ์ย ฯฒฯ ตุ๊ ทิน-ฮู่ง กวั่ง นิ่น บัว เญย ฒุ์ย. อ๋อย หฒุ เยียม เยลูซาเลม ฒี่ง เจี์ย กอน ฒุ่น ธ้วด ปวั๊ง หม่าน กั๊วะ หม่าน ฝีง. 48เม่ย บัว โหฒว น้าย เต๋ย สี่ เญย ฒอง-เหฒง เมี่ยน. 49ต้ง เยีย เญย เตีย แล์ง ปุน เญย, เยีย กั้น อ๋อย พ้าย ต้าย เหธา เม่ย บัว เยียม. มป่า เม่ย บัว อ๋อย หฒุ เยียม น้าย ฒี่ง ฒั้ว เถา เยียม กู้ หงว่าย ต้าย เญย ชะ เหฌี่ย เถา เม่ย บัว.”#กง-โฒ่ 1:4
เยซู ฝาว ทิน-ต้อง หมี่ อ๊ะ
(เป๊ย หมั่ง มาโค 16:19-20; กง-โฒ่ 1:9-11)
50เยซู ต้อ นิ่น บัว ธ้วด มี่ง เถา เบทานี ล์าง- เฮลน ฯฒฯ เธา เจี๊ยน ปั์ว ปวัง หว่า นิ่น บัว. 51ปวัง เกา หว่า, นิ่น ฯฒฯ เล่ย ฆอย นิ่น บัว, ฝาว ทิน-ต้อง หมี่ อ๊ะ. 52นิ่น บัว ฯฒฯ เยียม วั้ว ป๋าย นิ่น, เฌียน-โย่ว อะเฮน้ย เญย หฑวน เยลูซาเลม, 53หย่า หฒั่นๆ เยียม หฒั่ง ทิน-ฮู่ง เญย เปย๊า เธง ทิน-ฮู่ง.
Currently Selected:
ลูกา 24: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007