โยเอน 1
1
จ๊บ-เหญ่ย ฟ้าน
1น้าย เซ เปทุเอน เญย ตอน, โยเอน, ฒิบ เฒี้ยว เญย หว่า ก๊อง,
2เม่ย บัว เมี่ยน โก๋ เมี่ยน อ้า!
หมวัง น้าย เต๋ย หว่า ม่าะ!
เยียม เต่ย-ปูง เญย เหยียด ฒู้ง แปะ ฝีง
อ๋อย หฒุ แปง มน่อม หมวัง.
เยียม เม่ย บัว เฒี่ยง เญย ฮนอย-เหญียะ
ไฟ เม่ย บัว เญย อง-ถาย เญย ฮนอย-เหญียะ,
ม่าย น้าย หญู่ง สี่ ธ้วด เจี๋ย เญย ไฟ?
3เฒาะ น้าย เต๋ย สี่ บั๋ว เม่ย บัว เญย ฝุเจว๊ย,
หย่า ปุน เม่ย บัว เญย ฝุเจว๊ย ก๊อง บั๋ว นิ่น บัว เญย ฝุเจว๊ย,
หย่า ปุน นิ่น บัว เญย ฝุเจว๊ย ก๊อง บั๋ว นิ่น บัว เญย ฟุน-ฟะ.
4จ๊บ-เหญ่ย กวั้น หญั่น เหฒ่ง เญย,
ต้ม จ๊บ-เหญ่ย ต้าย หญั่น.
ต้ม จ๊บ-เหญ่ย หญั่น เหฒ่ง เญย,
จ๊บ-เหญ่ย ได๋ ต้าย หญั่น.
จ๊บ-เหญ่ย ได๋ หญั่น เหฒ่ง เญย,
จ๊บ-เหญ่ย ถิว ต้าย หญั่น.#1:4 ฮิบลู หว่า หล่ง เปยย โจ๋ว หว่า ก๊อง เถา น้าย เต๋ย จ๊บ-เหญ่ย. อี้ จ๋า ฮนอย เญย เมี่ยน ไม้ หนั่ง ฮิ้ว ตี่ง หญู่งๆ ฮนั้ง หาย นอ.
5ติ๊ว ฆวิน เญย เมี่ยน อ้า! อ๋อย หฒุ เญีย ต้าย เญี้ยม.
ฮบ ติ๊ว เญย เมี่ยน อ้า! อ๋อย หฒุ เฑ่า เญี้ยม,
เหว่ย หฒุ กาม เญย ติ๊ว ตั๋ง หมี่ อ๊ะ,
ไม้ เถา เม่ย บัว เญย ฑุ่ย อ๊ะ.
6ม่าย กวั้น เฮ้น ไห่ เญย ฝีง,#1:6 ไฟ จ๊บ-เหญ่ย กวั้น. ฒู้ง ซ้าว ไม้ ฮี่ง,
ต้าย เบ๊าะ เยีย เญย เต่ย-ปูง.
วั้ว ฝีง เญย ญ่า ฮนั้ง เซี่ยน เญย ญ่า,
นิ่น เญย ญ่า เงา ฮนั้ง เซี่ยน เญ์ย เญย ญ่า เงา.#หล่าว ย่าง 9:8
7นิ่น ป่าย หว่าย เยีย เญย อะหงุ่น เฮมย
หย่า ไพ เยีย เญย ง่ง หญอ เปี๊ยว เดี๋ยง,
นิ่น แมะ เหฑ่ง เดี๋ยง-ด๊บ,
แมะ ลิ์ว ฒอย กวั่ง,
เดี๋ยง-ฆว่า บ๊บ แปะ เญย.
8อ๋อย หฒุ เฑ่า เญี้ยม ฮนั้ง เต้า ไม้ เปว๋ย เจี๋ย ตอน เญย เซียะ#1:8 ไฟ “เมี่ยน ก๊อง เฒี่ยง เญย เซียะ”. ฒุ เจี๊ยน ล่าม่า เดีย-โธว,
เฑ่า เญี้ยม นิ่น หลุน เญย เฒี่ยง โห่ ก๊อง เฒี่ยง นิ่น วั้ว เต้า โหฆ.
9ฝ่ง ห่อ เญย ล่าง หฒิ เหธา เธี้ย เหฒี่ย เญย กะน้าย
เยียม เฒี้ยว เญย เปย๊า ตั๋ง หมี่ อ๊ะ.
ฟู-สู เฒี้ยว เญย ไซ เมี่ยน ฯฒฯ เฑ่า เญี้ยม.
10ลี่ง เต่ย ฮวาง เหฑ่ง หมี่ อ๊ะ.
เดา บ๋อง ฆาย เญย.#1:10 ไฟ เดา เฑ่า เญี้ยม.
เหว่ย หฒุ เบย้า หฒุ เหมียด,
เซียง-อะหงุ่น ติ๊ว ฆาย มี่ง,
กะลั้น โย่ว หย่า ตั๋ง หมี่ อ๊ะ.
11โหฒว เด่ย เญย เมี่ยน อ้า! อ๋อย หฒุ เฑ่า อ๊ะ.
เฝียว อะหงุ่น เฮมย เญย เมี่ยน อ้า! อ๋อย หฒุ เฑ่า เญี้ยม.
เหว่ย หฒุ เบย้า วิด เหธา เบย้า บาลี,
เลี่ยม ลี่ง เต่ย เญย แกง-หฒวัง หฒุ เหมียด เหฑ่ง.
12อะหงุ่น เฮมย ฆาย เหฑ่ง.
ง่ง หญอ เปี๊ยว เดี๋ยง เหญา หมี่ อ๊ะ.
หฒิ เลี่ยว เปี๊ยว,#1:12 หฒิ เลี่ยว เปี๊ยว จั๋น-ไท้ หว่า เห่ว ทับทิม. ตาว เดี๋ยง เหธา ปะจ้าว เดี๋ยง,
เหธา เหยียด ฒู้ง หล่ม-ฮวาง เญย เดี๋ยง โคว ฆาย เหฑ่ง.
หฒวัง เมี่ยน เญย เฌียน-โย่ว
หฒิด เหฑ่ง หมี่ อ๊ะ.
อ๋อย หฒุ ก๊อย เฮญี้ยว ล์อ ทิน-ฮู่ง
13ไซ เมี่ยน อ้า! เม่ย บัว อ๋อย หฒุ ฒุ เจี๊ยน ล่าม่า เดีย-โธว เฑ่า เญี้ยม,
เม่ย บัว เยียม เหฒี่ย-ต้อง ฟู-สู เญย ไซ เมี่ยน อ้า! อ๋อย หฒุ ชะ เญี้ยม บุย,
เม่ย บัว ฟู-สู เยีย เญย ทิน-ฮู่ง เญย เมี่ยน อ้า!
ต้าย ม่าะ! ฒุ เจี๊ยน ล่าม่า เดีย-โธว เจี๋ย ม์วน,
เหว่ย หฒุ ฝ่ง ห่อ เญย ล่าง หฒิ เหธา เธี้ย เหฒี่ย เญย กะน้าย
เยียม เม่ย บัว เญย ทิน-ฮู่ง เญย เปย๊า ตั๋ง หมี่ อ๊ะ.
14อ๋อย หฒุ ตี่ง เหฒียง นอม เฒย ไม้ หญั่น หาย หญู่ง เญย ฮนอย,
เห่ว เมี่ยน กั๊บ ฒุ้น ต้าย โหฒว เล์ย-ป๋าย.
เห่ว หฒวัง เมี่ยน โก๋
เหธา เยียม เต่ย-ปูง เญย เหยียด ฒู้ง แปะ ฝีง
ต้าย เถา เฒี้ยว, เม่ย บัว เญย ทิน-ฮู่ง, เญย เปย๊า
เห่ว เจี๊ยน โท้ เฒี้ยว.
15โค้ว อ๊ะ! วั้ว นอม ฮนอย อ๋อย เถา.
เฒี้ยว เญย ฮนอย เถา ฟัด อ๊ะ,
อ๋อย เยียม เน่น เจี๋ย วั้ว เต้า#1:15 ฮิบลู หว่า ก๊อง ซัดได. ต้าย
หย่า เป๋น นอม ปุน หญู่งๆ หฒุ เหมียด เญย ฮนอย.#อิสะยา 13:6
16หญั่น ฮบ ตอง เจี๊ยน เยีย บัว เญย มฒีง ตั๋ง หมี่ อ๊ะ,
เยียม เยีย บัว เญย ทิน-ฮู่ง เญย เปย๊า เญย
เฌียน-โย่ว เหธา ออน-เหลาะ เจี๋ย หมี่ อ๊ะ, ไม้ เฒ์ย?
17กะน้าย-ญิม เยียม เดา-เดี๊ย ฮู้ หมี่ อ๊ะ.
เซียว กะน้าย เญย ต๋อง หฒุ กวั่ง ฮวาง,
ลั์ม หย่า ฮู้ หว่าย เหฌี่ย,
เหว่ย หฒุ เบย้า โคว ฆาย หมี่ อ๊ะ.
18แซง-คู้ ชะ เห่ว, ง่ง กวั้น หย่า หลุ่น
เหว่ย หฒุ นิ่น บัว ไม้ ม่าย เมี้ย-เธี้ยง.
ปะกี ยู่ง เหธา ยู่ง กวั้น ฟี่ ฮนั้ง เญย หฒุ โค้ว.
19โอ เฒี้ยว อ้า! เยีย เห่ว เจี๊ยน โท้ เม่ย
เหว่ย หฒุ โต์ว ปั๊ว เหมียด เต่ย-ปูง-ฮวาง เญย เมี้ย-เธี้ยง.
โต์ว-เบียด ปั๊ว เหฑ่ง หล่ม-ฮวาง เญย เดี๋ยง.
20เลี่ยม เฮยี่ย ฒ่อย เห่ว เจี๊ยน โท้ เม่ย,
เหว่ย หฒุ โด๊ะ เญย ววม ฆาย หมี่ อ๊ะ.
โต์ว หย่า ปั๊ว หว่าย หล่ม-ฮวาง เญย เมี้ย-เธี้ยง.
Currently Selected:
โยเอน 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007