เสคาลิยา 12
12
เยลูซาเลม อ๋อย ตุ๊ ฮี่ง เจี๋ย
1น้าย เซ เฒี้ยว ก๊อง เถา อิสะลาเอน เญย หว่า. ต้ง ธอง ลู่ง, เหลียบ เดา เญย กอน-โด๊ะ หย่า เหธย ม่าย แหม่ง เญย เฉีย ปุน ป้าม เมี่ยน วั้ว เต้า เฒี้ยว ก๊อง, 2“หมั่ง ม่าะ! เยีย อ๋อย ปุน เยลูซาเลม ฮนั้ง เหยียด ฒ้าน ติ๊ว. เว่ย ก๋อม เญย หม่าน กั๊วะ เมี่ยน อ๋อย หฒุ ฮบ ฯฒฯ ลู่งๆ ไล่ๆ. เยลูซาเลม หฒุ เว่ย ก๋อม เญย เฒี่ยง โห่, ยูดา หย่า เหธา เจี๊ยน หฒุ เว่ย. 3วั้ว ฮนอย เยีย อ๋อย ปุน เยลูซาเลม เหว่ย หม่าน ฝีง เป๋น นอม เฮนี้ย เญย หละเปย๊ย. หาย เต้า โป้ว ฯฒฯ หฒุ มุน เซียง. ลู่ง เดี๊ย หม่าน กั๊วะ เมี่ยน อ๋อย กั๊บ ฒุ้น ต้าย เบ๊าะ นิ่น.” 4เฒี้ยว ก๊อง, “เถา วั้ว ฮนอย เยีย อ๋อย ปุน เหยียด ฒู้ง ม์า หลุ่น, ปุน เก้ ม์า เมี่ยน ปุ๊ด ดิน. มป่า เยีย เญย มฒีง อ๋อย หมั่ง เจี๊ยน ยูดา เญย เฒ้ย-ฟุน, แอ๋ง ปุน กั้น กั๊วะ เญย เหยียด ฒู้ง ม์า มฒีง แม่ง. 5ยูดา เญย ปู้ง ป่วน เปย๊ย เฒ้ย ฯฒฯ เยียม เฮญี้ยว ฮนั้ม, ‘เยลูซาเลม เญย แปะ ฝีง เขา เน่น เจี๋ย เญย เฒี้ยว, นิ่น บัว เญย ทิน-ฮู่ง, ตุ๊ ชะ.’
6“วั้ว ฮนอย เยีย อ๋อย ปุน ยูดา เญย ปู้ง ป่วน เปย๊ย เฒ้ย ฮนั้ง เฒาะ โต์ว#12:6 ฟาน หฒะ ก๊อง เถา เฒาะ เหยียด หญู่ง ตั๊บ โต์ว กะญั์ว เญย กะน้าย. อัน เจี๊ยน ฒ่าง ดุย หย่า ฮนั้ง โต์ว-ป๊า เยียม เบย้า เฒ้ย บุด๋ง. นิ่น บัว ฯฒฯ ปั๊ว ชุย เว่ย ก๋อม หฒาย บย่าว เญย หม่าน กั๊วะ เมี่ยน. มป่า เยลูซาเลม เญย เมี่ยน ตุ๊ เยียม นิ่น บัว เญย โล์-ต๋อง, เซ เยลูซาเลม.
7“เยีย, เฒี้ยว, อ๋อย เหฌียว ยูดา เญย ด๊บ-ลิ่ว เธี้ยง#12:7 ไฟ จุน-แปง. ด่าง, เหว่ย ปุน ดาวิด เญย เฒ้ย-ฟุน เหธา เยลูซาเลม เญย เมี่ยน ไม้ ตุ๊ เมี่ยน ท่าย เก้า ธั้ม ท่าย ยูดา. 8วั้ว ฮนอย เฒี้ยว อ๋อย เปว เจี๊ยน เยลูซาเลม, เหว่ย ปุน เยียม นิ่น บัว บุด๋ง เก้า เมา เจี๋ย วั้ว เต๋ย, ฮนั้ง ดาวิด. ดาวิด เญย เฒ้ย-ฟุน อ๋อย ฮนั้ง ทิน-ฮู่ง, ฮนั้ง เฒี้ยว เญย ฟิน-เมี่ยน เยียม นิ่น บัว เญย วั้ว ด่าง แหมง. 9วั้ว ฮนอย เยีย ฒู้ง เจี์ย เฮญี้ยว อ๋อย เหมียด ต้าย เบ๊าะ เยลูซาเลม เญย หม่าน กั๊วะ เมี่ยน.
เหว่ย นิ่น บัว ฑบ วั้ว เต้า เฑ่า เญี้ยม
10“เยีย อ๋อย ปุน ดาวิด เญย เฒ้ย-ฟุน เหธา เยลูซาเลม ฒี่ง เญย เมี่ยน ม่าย เฮญี้ยว ค้อ-เลี่ยน หย่า ม่าย เฮญี้ยว เต๋า เก๋า. ฮนั้ง หน่าย นิ่น บัว ฯฒฯ หมั่ง เยีย,#12:10 ไฟ นิ่น. ต้ง นิ่น บัว ฑบ วั้ว เต้า,#โยฮัน 19:37; หล่าว ย่าง 1:7 หย่า เฑ่า เญี้ยม ฮนั้ง เมี่ยน เหว่ย กั้น เญย โดะ ตอน เฑ่า เญี้ยม วั้ว นอ. นิ่น บัว อ๋อย เญี้ยม ตุ๊ เฮญี้ยว มุน เญย, ฮนั้ง เญี้ยม กั้น เญย ตอน-หละเก๊า นอ. 11วั้ว ฮนอย เยียม เยลูซาเลม อ๋อย ม่าย เฑ่า เญี้ยม เญย สี่ โฮล ไห่, ฮนั้ง เยียม เมกิดโด เดา-แป้ง เญย ฮาดัดลิมโมน เฑ่า เญี้ยม. 12เยียม เต่ย-ปูง กะญั์ว, นิ่น บัว หฒิว นิ่น บัว เญย ปู้ง ป่วน อ๋อย เฑ่า เญี้ยม. ดาวิด เญย ปู้ง ป่วน เญย มจั่ง ตอน กั้น หธะเหล่ง เฑ่า เญี้ยม. นิ่น บัว เญย มเซียะ ตอน#12:12-14 ไฟ เอ๊า. กั้น หธะเหล่ง, นาทัน เญย ปู้ง ป่วน มจั่ง ตอน กั้น หธะเหล่ง, นิ่น บัว เญย มเซียะ ตอน กั้น หธะเหล่ง. 13เลวี เญย ปู้ง ป่วน มจั่ง ตอน หย่า กั้น หธะเหล่ง เฑ่า เญี้ยม, นิ่น บัว เญย มเซียะ ตอน กั้น หธะเหล่ง. ซิเมอี เญย ปู้ง ป่วน มจั่ง ตอน กั้น หธะเหล่ง, นิ่น บัว เญย มเซียะ กั้น หธะเหล่ง. 14เหฒ่ง เหฌี่ย เญย ปู้ง ป่วน เญย มจั่ง ตอน กั้น หธะเหล่ง. นิ่น บัว เญย มเซียะ ตอน หย่า กั้น หธะเหล่ง เฑ่า เญี้ยม.
Currently Selected:
เสคาลิยา 12: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007