ซาโลมอน เญย ฑูง 8
8
1ปาน ไม้ ตุ๊ เม่ย โหฒว เยีย เญย ก๋อ,
เซ จวั่ง มา ฮบ หญอ เญย มั์ว-ต่อย.
สี ก๊อง ฮนั้ง หน่าย เยีย เยียม กะเหญี่ย แหมง ปวั้ง เม่ย,
เยีย ฯฒฯ ฒม เม่ย,
หย่า ไม้ ม่าย หาย เต้า หมั่ง เผีย เยีย.
2เยีย ฯฒฯ ต้อ เม่ย,
ต้อ เม่ย เปียะ เยีย เญย มา เญย เปย๊า,
เซ ต้อ มี่ง เถา หฌาว เยีย วั้ว เต้า.#8:2 ไฟ “ต้อ เยีย มี่ง เถา ยู์ง เยีย ต้าย วั้ว เต้า”.
เยีย อ๋อย ปุน เม่ย ฮบ ดาง เญย กะน้าย เผว ต้าย เญย ติ๊ว,
ปุน เม่ย ฮบ เยีย เญย หฒิ เลี่ยว เปี๊ยว เญย ติ๊ว.
3นิ่น เญย หฒาย เจี๊ยะ ปั์ว เยียม เยีย เญย มฆ้อง กะเดี๊ย.
นิ่น เญย บย่าว เจี๊ยะ ปั์ว ชัม เจี๊ยน เยีย.
4โอ เยลูซาเลม เญย หฒวัง เซียะ อ่า,
เยีย ขวิน เม่ย บัว,
ไม้ ตู๋ง หละเญ้า เยีย บัว,
เซว่ย เยีย บัว ฮนั้ม เถา ปวั๊ง เฮญี้ยว.
ตะหลัวะ ติ้ว ฑูง
หฒวัง เซียะ
5หาย เต้า เปว่ย เจี๊ยน นิ่น ฮนั้ม เญย เมี่ยน
เยียม เต่ย-ปูง-ฮวาง ฝาว ต้าย?
เซียะ
เยีย เยียม ปะจ้าว#8:5 ไฟ อาเป้น. เดี๋ยง กะเดี๊ย เห่ว เม่ย เญีย.
เยียม วั้ว เม่ย เญย มา เหว่ย เม่ย มุน โค้ว,
เยียม วั้ว เม่ย เญย มา ยู์ง เม่ย ต้าย.
6โท้ ปุน เยีย เยียม เม่ย เญย เฮญี้ยว ฮนั้ง เบ๊าะ เจี๊ยน เหยียน นอ,
ฮนั้ง เหยียน เยียม เม่ย เญย ปั์ว โหฒว นอม จั๋ง-โห่,
เหว่ย หฒุ ฮนั้ม เญย เจ๊า ด่ง ไต่ เญย เจ๊า เฮ้น,
เหมว่ย เจี๊ยะ หั่น ด่ง เยี่ยม เกน เธี้ยว.
นิ่น หฌบ ธ้วด ฮนั้ง โต์ว-เบียด,
ฮนั้ง หฮยาง ไห่ เญย โต์ว.#8:6 ไฟ เฒี้ยว เญย โต์ว-เบียด.
7ววม ธั้ม ไม้ ไฮ่ เหมียด ฮนั้ม เญย เฮญี้ยว,
ววม เหยียม หย่า ไม้ ไฮ่ เหฒียม ไต่.
สี ก๊อง หาย เต้า ต้อ นิ่น เญย จา-ตี้ง กะน้าย เหยียด ฒู้ง
อ๋อย เหยี่ยน ฮนั้ม เญย เฮญี้ยว,
วั้ว เต้า ฯฒฯ หฒุ หฒวัง เมี่ยน หมั่ง เผีย เถา ต้าว.
เซียะ เญย ก๋อ
8เยีย บัว ม่าย เต้า หมั่ว-ไฝ,
นิ่น เญย หญอ ไม้ แก้ง โฮล,
เมี่ยน ต้าย โท้ นิ่น วั้ว ฮนอย,
เยีย บัว เหว่ย เยีย บัว เญย หมั่ว อ๋อย หฒุ ฮนั้ง หาย นอ โหฒว?
9สี ก๊อง นิ่น เป๋น ฒี่ง หลาด,
เยีย บัว ฯฒฯ เยียม กู้ หงว่าย เหธย ญ่าน ล่าว.
สี ก๊อง นิ่น เป๋น แก้ง,
เยีย บัว หล่ง สีดา ฒ่ง เดี๋ยง-เป๊น เว่ย เจี๊ยน.
เซียะ
10เยีย เซ ฒี่ง หลาด,
เยีย เญย หญอ หย่า ฮนั้ง ล่าว.
เหว่ย น้าย, หฒิว เยีย ฮนั้ม เญย เมี่ยน เญย มฒีง หมั่ง,
เยีย ปุน นิ่น ตุ๊ แป้ง ออน.
ตอน
11ซาโลมอน ม่าย ฑง อะหงุ่น หฮวีง เยียม บาอันฮาโมน.
นิ่น เฒาะ นิ่น เญย อะหงุ่น หฮวีง ปุน เมี่ยน โก๊ว.
หฮวีง-กะญั์ว เญย เปี๊ยว,
เต้าๆ โก๋ว หฮวีง เญย เมี่ยน อ๋อย หฒุ ธ้วด เหยียด ธิน นอม ฒิ่น#8:11 ฮิบลู หว่า ก๊อง 1,000 เซเขน. เซ เล่ย ไม้ โก 11.5 กีโล ญ่าน. ปุน นิ่น.
12มป่า เยีย กั้น ม่าย เยีย กั้น เญย อะหงุ่น หฮวีง
เยียม เยีย เญย หฑะเฮมียน.
โอ ซาโลมอน อ่า, วั้ว เต๋ย เหยียด ธิน นอม ฒิ่น เซ ปุน เม่ย,
วั้ว เต๋ย หญี่ แป๊ะ นอม ปุน โก๋ว เปี๊ยว เญย เมี่ยน.
13โอ เยียม หฮวีง กะญั์ว เญย เซียะ อ้า!
เหธา เยีย โหฒว ต่อย เญย เมี่ยน อ๋อย หมวัง เม่ย เญย ซีง-เฉีย.
โท้ ปุน เยีย หมวัง ไฮ์ เม่ย เญย เฉีย.
เซียะ
14เยีย ฮนั้ม เญย เมี่ยน อ้า! โท้ เม่ย เซี้ยบๆ เญย ต้าย
ฮนั้ง เต้า จูง,
ไฟ ฮนั้ง เต้า ไฌ่ โก๊ว หลุน
กัน เมี้ย ดาง เญย บง ต้าย.
Currently Selected:
ซาโลมอน เญย ฑูง 8: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007