ซาโลมอน เญย ฑูง 6
6
หฒวัง เซียะ
1โอ เยียม หฒวัง เซียะ บุด๋ง เก้า เหฑว่ย เจี๋ย เญย เซียะ อ่า,
เม่ย ฮนั้ม เญย ตอน มี่ง หาย หมี่ อ๊ะ?
เม่ย ฮนั้ม เญย ตอน มี่ง หาย ปูง
เยีย บัว หธีง ต้าย ไฮ่ เหธา เจี๊ยน เม่ย มี่ง ล์อ นิ่น?
เซียะ
2เยีย ฮนั้ม เญย เมี่ยน เหฌี่ย เถา นิ่น เญย หฮวีง,
เถา หฒวัง ดาง เญย กะน้าย เญย ฮูน,#6:2 ไฟ “เถา ม่าย สี เสียด เดี๋ยง”.
เหว่ย เยียม หฮวีง กะญั์ว ปู๋ง นิ่น เญย ปะกี ยู่ง กวั้น,
หย่า แก๊ะ แปะ เหาะ เปี้ยง.
3เยีย เป๋น เยีย ฮนั้ม เญย เมี่ยน เญย ป่วน, นิ่น หย่า เป๋น เยีย เญย,
นิ่น เยียม แปะ เหาะ เปี้ยง บุด๋ง ปู๋ง นิ่น เญย ปะกี ยู่ง กวั้น.
ตอน
4เยีย ฮนั้ม เญย เซียะ อ้า!
เม่ย เหฑว่ย ฮนั้ง ทีละซา ฒี่ง,
หย่า ฮนั้ง เยลูซาเลม เหฑว่ย,
คู่ หมั่ง ด่ง เธีย เจี๊ยน เก้ เยียม แปง-กวั้น กู้ หงว่าย.#6:4 น้าย เลี์ยว เญย ฮิบลู หว่า เซ อะ ตุ๊ เม่ง แปะ.
5โท้ ฮวิน มฒีง หมั่ง กั้น ปูง, ไม้ ตู๋ง หมั่ง เยีย,
เหว่ย หฒุ เม่ย เญย มฒีง ปุน เยีย เฮญี้ยว หลุ่น เหฑ่ง.
เม่ย เญย บะเปยย ฮนั้ง เหยียด กวั้น ยู่ง
เหฌี่ย กิเลอาด บง เญย ไบ๊.
6เม่ย เญย ญ่า ฮนั้ง โธะ โหะ หฑาว ลิ์ว เญย ปะกี ยู่ง เญ์ย แปะ.
เหยียด ฒู้ง เป๋น เหยียด ซูง เหยียด ต๋อย
หย่า ไม้ ธา เหยียด นอม.
7เม่ย เญย ขัม-ปุย ฮนั้ง อี แหมง หฒิ เลี่ยว เปี๊ยว
เยียม เม่ย เญย บย์อง เฮมียน เดีย กะญั์ว.
8ม่าย หลัวะ เหฒียบ เต้า ฮู่ง หม่า,
เป๊ด เหฒียบ เต้า จ๊า-เฒ่ย เอ๊า,
หย่า ม่าย ซ้าว ไม้ ฮี่ง เญย เซียะ.
9เยีย เญย แปะ ก๊บ, เยีย ตุ้น ยุ่น เญย เมี่ยน,
ขูง ม่าย น้าย ดุ เต้า.
เซ นิ่น เญย มา เญย โดะ เซียะ,
ต้ง ยู์ง นิ่น ต้าย เก้า ฮนั้ม เจี๋ย เญย เซียะ.
หฒวัง เซียะ ปวัด ฯฒฯ ก๊อง นิ่น ม่าย ออน-เหลาะ.
ฮู่ง หม่า เหธา จ๊า-เฒ่ย เอ๊า หย่า เธง นิ่น.
10หมั่ง ธ้วด กะเหญี่ย ปวัด ฮนั้ง ลู่ง ดอม เฑี้ยว เญย ฌัง น้าย เต้า เซ หาย เต้า?
นิ่น เหฑว่ย ฮนั้ง หฮลา, ฌัง ฮนั้ง บะฮนอย,
คู่ หมั่ง ด่ง เธีย เจี๊ยน เก้ เยียม แปง-กวั้น กู้ หงว่าย.#6:10 น้าย เลี์ยว ฮิบลู หว่า อะ ตุ๊ เปียะ เฮญี้ยว เญย.
11เยีย เหฌี่ย เถา อันมัน เดี๋ยง เญย หฮวีง
อ๋อย หมั่ง เยียม วั้ว ฮ์อง เญย เดี๋ยง เหธา เมี้ย เญี์ยม,
อ๋อย หมั่ง ก๋า อะหงุ่น เฮมย ปุ๊ด เปี้ยง เญว์ย ไฟ ไม้ ปุ๊ด,
หฒิ เลี่ยว เดี๋ยง#6:11 เป๊ย หมั่ง ซาโลมอน เญย ฑูง 4:13. ฆอย เปี้ยง ไฟ ไม้ ฆอย?#6:11-12 น้าย เต๋ย อี เหยี่ยม ไม้ ฮิ้ว ตี่ง ตอน ไฟ เซียะ ก๊อง.
12เยีย ไม้ เก๊าะ-จัง เญย เฒี่ยง โห่,
เยีย เญย เฮญี้ยว ฮนั้ง เบี้ยว มี่ง
เหธา โหฒว โฮล เญย เมี่ยน เฒว์ย เจี๊ยน ม์า-เธีย.#6:12 น้าย เหยี่ยม ฮิบลู หว่า เซ ไม้ หนั่ง เม่ง.
หฒวัง เซียะ
13หฑวน ต้าย, หฑวน ต้าย, ซูเลม เซียะ อ่า,
หฑวน ต้าย, หฑวน ต้าย เหว่ย ปุน เยีย บัว ตุ๊ หมั่ง เม่ย.
เซียะ
เม่ย บัว เหว่ย หาย ติ่ว อ๋อย หมั่ง ซูเลม เซียะ,
ฮนั้ง หมั่ง เยีย เยียม อี เลี์ยว เมี่ยน บุด๋ง หธัง เหย.#6:13 น้าย เลี์ยว เญย ฮิบลู หว่า เซ ไม้ หนั่ง เม่ง.
Currently Selected:
ซาโลมอน เญย ฑูง 6: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007