สีง ฑูง 2
2
สีง ฑูง 2
ทิน-ฮู่ง เหลียบ เญย ฮู่ง ตุ๊ กุ๊น
1หม่าน กั๊วะ เญย เมี่ยน เหว่ย หาย ติ่ว ฟ้าน หลุ่น?
หม่าน ฝีง เมี่ยน เหว่ย หาย ติ่ว ต๊า ไม้ ลั่ม หล่ง เญย หฒะเอ๋ย?#กง-โฒ่ 4:25-26
2ลู่ง เดี๊ย เญย หฒวัง ฮู่ง เตี๋ย ต้ง เฮญี้ยว ธ่าง ล่าง,
กุ๊น หม่าน กั๊วะ เญย เมี่ยน ล่ม ฑ่อย ต๊า หฒะเอ๋ย แหง่ง เฒี้ยว
เหธา นิ่น หล่ง โย่ว ออน ต้าย เญย ฮู่ง เตี๋ย.
3นิ่น บัว ก๊อง, “บัว อ๋อย หฒุ ธุด ตั๋ง นิ่น บัว โด้ เญย หลิ่ม,
หย่า ไจ๊ ฆอย นิ่น บัว โด้ บัว เญย ฮลาง.”
4 เฒี้ยว เยียม กู้ หงว่าย ลู่ง เฒว์ย เจี๊ยน เหว่ย จั๊ด นิ่น บัว,
หย่า ฮว้วด นิ่น บัว.
5นิ่น เฉีย เจี์ย เจี๊ยน เหธา นิ่น บัว ก๊อง หว่า,
นิ่น โน์ว ไห่ ฯฒฯ แฮะ นิ่น บัว กั้ม เหฑีย. นิ่น ก๊อง,
6“เยีย ฒู้ง เหลียบ เยีย กิ๊น ต้าย เญย ฮู่ง,
เยียม เยีย เญย ธีง-เหฑ่ง บง, สิโอน.”
7ฮู่ง เตี๋ย ก๊อง, “เยีย อ๋อย ฒุ่น เฒี้ยว เหฌี่ย เญย หลี่ง.
“นิ่น ก๊อง บั๋ว เยีย, ‘เม่ย โหฒว เยีย เญย ตอน,
อี้ ฮนอย เยีย เป๋น เม่ย เญย เตีย.#กง-โฒ่ 13:33; ฮิบลู 1:5; 5:5
8กุ๊น โท้ เยีย ม่าะ!
เยีย ฯฒฯ เฒาะ หม่าน กั๊วะ จิว ปุน เม่ย หฑิบ,
เฒาะ เหฑ่ง ลู่ง เดี๊ย จิว เป๋น เม่ย เญย ป่วน.
9เม่ย ฯฒฯ หล่ง เฮลียะ-ปย๊า เบ๊าะ นิ่น บัว ฮู้,
หย่า ฒง นิ่น บัว ฮนั้ง ฒง เนีย-มอ ฮู้ หม่วน เหฑ่ง นอ.’”#หล่าว ย่าง 2:26-27; 12:5; 19:15
10โอ หฒวัง ฮู่ง เตี๋ย อ้า! ฮนั้ง หน่าย อ๋อย หฒุ ม่าย ธง-เม่ง.
โอ กุ๊น ลู่ง เดี๊ย เญย เมี่ยน อ้า!
อ๋อย หฒุ หมวัง น้าย เต๋ย ต๊น เญย หว่า.
11อ๋อย หฒุ กั้ม เหฑีย เจี๊ยน ฟู-สู เฒี้ยว,
อ๋อย หฒุ หฒะเก้ง ท่าย นิ่น.#2:11 ฟาน หฒะ ก๊อง อ๋อย หฒุ ซิน หฒิน.
12อ๋อย หฒุ พัวะ เหฌี่ย นิ่น เญย หฑะเฮมียน.#2:12 น้าย โจ๋ว ฮิบลู หว่า เญย เอ๋ย เล์ย อี้ จ๋า ฮนอย เญย เมี่ยน ไม้ เม่ง แปะ. ม่าย เต๋ย โซว ฟาน ต้าย ก๊อง ฒม ตอน. ม่าย เต๋ย ก๊อง ฒม นิ่น เญย เหฒา.
ไม้ เฒย แอ๊ะ, เหฑีย นิ่น เฉีย เจี์ย,
เม่ย บัว ฯฒฯ ไฮ่ หฒุ เหมียด,
เหว่ย หฒุ นิ่น เญย กะเฉีย ไฮ่ เซี้ยบๆ เญย แป๊ด ธ้วด.
ตะฟ่าน ด้าว เขา นิ่น วั้ว เต๋ย ม่าย ออน-เหลาะ.
Currently Selected:
สีง ฑูง 2: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007