ซ้าว เมี่ยน 3
3
อาโลน เญย ตอน
1น้าย เซ อาโลน เหธา โมเซ เญย เหฒีย ต่อย เมี่ยน, ต๋อย โมเซ เยียม ซีนาย บง, เฒี้ยว เหธา นิ่น ก๊อง หว่า เญย เฒี่ยง โห่.
2อาโลน เญย ตอน เญย บั๋ว ม่าย ฮนั้ง น้าย. ตอน-โฮล เห่ว นาดับ หย่า ม่าย อาบีฮู, เอเลอาซา, เหธา อิทามา.#ซ้าว เมี่ยน 26:60 3น้าย เซ อาโลน เญย ตอน เญย บั๋ว, ต้ง โมเซ หล่ง โย่ว ออน ต้าย โหฒว ไซ เมี่ยน, พ้าย โหฒว ไซ เมี่ยน เญย กง. 4มป่า เยียม ซีนาย เต่ย-ปูง-ฮวาง วั้ว หฒั่น, นาดับ เหธา อาบีฮู หล่ง ไม้ ม่าย เล์ย หล่ง เญย โต์ว เหฒี่ย ปุน เฒี้ยว ฯฒฯ หฒุ เยียม เฒี้ยว เญย หฑะเฮมียน ไต่ หมี่ อ๊ะ. นิ่น บัว ไม้ ม่าย ตอน-เจว๊ย.#เลวี 10:1-2; ซ้าว เมี่ยน 26:61 ฮนั้ง หน่าย, อาโลน เฒี่ยง เจี๊ยน เญย เฒี่ยง โห่, ขูง ม่าย เอเลอาซา เหธา อิทามา โหฒว ไซ เมี่ยน เญย กง ฮนั้ง.
พ้าย เลวี เมี่ยน เถง ไซ เมี่ยน
5 เฒี้ยว แอ๋ง ก๊อง บั๋ว โมเซ, 6“อ๋อย หฒุ ต้อ เลวี ฝีง ต้าย จิว ปุน อาโลน ไซ เมี่ยน เหว่ย เถง นิ่น. 7นิ่น บัว อ๋อย หฒุ เยียม หวุ่ย ปวั้ง เญย ด๊บ-ลิ่ว เหว่ย อาโลน หย่า เหว่ย หฒวัง แปะ ฝีง โหฒว ด๊บ-ลิ่ว เญย กง. 8นิ่น บัว อ๋อย หฒุ โก๋ว หวุ่ย ปวั้ง ด๊บ-ลิ่ว เญย เหยียด ฒู้ง จา-สี่ หย่า เหว่ย อิสะลาเอน เมี่ยน โหฒว ด๊บ-ลิ่ว เญย กง. 9อ๋อย หฒุ เฒาะ เลวี เมี่ยน จิว ปุน อาโลน เหธา นิ่น เญย ตอน บัว. เยียม อิสะลาเอน เมี่ยน บุด๋ง เซ ต้ง น้าย เต๋ย อ๋อย หฒุ จิว เหฑ่ง ปุน อาโลน. 10อ๋อย หฒุ ออน อาโลน เหธา นิ่น เญย ตอน บัว โหฒว ไซ เมี่ยน เญย กง. ธ้วด ลิ์ว น้าย เต๋ย, ม่าย หาย เต้า มี่ง ฟัด สีง ติ่น, วั้ว เต้า อ๋อย หฒุ ไต๋ ไต่.”
11 เฒี้ยว หย่า ก๊อง บั๋ว โมเซ, 12“เยียม อิสะลาเอน เญย หฒวัง เมี่ยน กะญั์ว เยีย กิ๊น ธ้วด เลวี เมี่ยน เหว่ย ตี๊ อิสะลาเอน เญย เหยียด ฒู้ง มเซียะ ตอน ยู์ง เญย ต้าว เต้า ตอน. เลวี เมี่ยน เป๋น เยีย เญย, 13เหว่ย หฒุ เต้าๆ ตอน-หละเก๊า เป๋น เยีย เญย.#ธ้วด อียิบ 13:2 เยียม อียิบ เต่ย-ปูง เยีย ไต๋ โม์ว เต้า ตอน-หละเก๊า วั้ว หฒั่น, เยีย กิ๊น ธ้วด เลี่ยม เมี่ยน เลี่ยม แซง-คู้ เญย ต้าว เต้า ตอน เป๋น เหฑ่ง เยีย เญย. นิ่น บัว อ๋อย หฒุ เป๋น เยีย เญย. เยีย เซ เฒี้ยว. ”
ฝาว เลวี เมี่ยน เญย เมี่ยน โฮ์ว
14เยียม ซีนาย เต่ย-ปูง-ฮวาง, เฒี้ยว ก๊อง บั๋ว โมเซ, 15“อ๋อย หฒุ ซ้าว เลวี เมี่ยน หฒิว นิ่น บัว เญย ปู้ง ป่วน, หฒิว นิ่น บัว เญย เมี่ยน ป่วน. ตะฟ่าน ปวั๊ง หฮลา ฝาว แหมง เญย มจั่ง ตอน, อ๋อย หฒุ ซ้าว เหฑ่ง.” 16โมเซ ฯฒฯ เอย เจี๊ยน เฒี้ยว เญย หว่า ซ้าว นิ่น บัว, ฮนั้ง เฒี้ยว พ้าย นิ่น โหฒว นอ.
17น้าย เซ เลวี เญย ตอน เญย บั๋ว. ม่าย เกโซน, โคฮ้าด เหธา เมลาลี.
18เกโซน เญย ตอน หฒิว นิ่น บัว เญย ปู้ง ป่วน ม่าย ลิบนี เหธา ซิเมอี เมี่ยน.
19โคฮ้าด เญย ตอน หฒิว นิ่น บัว เญย ปู้ง ป่วน ม่าย อัมลาม, อิดฮา, เฮโบโลน เหธา อุดซีเอน เมี่ยน.
20เมลาลี เญย ตอน หฒิว นิ่น บัว เญย ปู้ง ป่วน เป๋น มาลี เหธา มูซี เมี่ยน.
น้าย เซ เลวี ฝีง หฒิว นิ่น บัว เญย ปู้ง ป่วน.
21เกโซน เญย ปู้ง ป่วน เซ ลิบนี เหธา ซิเมอี เมี่ยน. น้าย เซ เกโซน เมี่ยน เญย ปู้ง ป่วน. 22เยียม เหยียด หฮลา ฝาว แหมง เญย มจั่ง ตอน เหยียด ฒู้ง ม่าย เสี่ย ธิน ฮม์ แป๊ะ เต้า. 23เกโซน เมี่ยน เญย ปู้ง ป่วน อ๋อย หฒุ ธอง กั้น เญย ด๊บ-ลิ่ว เยียม หวุ่ย ปวั้ง เญย ด๊บ-ลิ่ว ฆะฮ้า แหมง, ไฟ ปูง วั้ว. 24ลาเอน เญย ตอน, เอลียาสาบ, โหฒว เกโซน เมี่ยน เญย ปู้ง ป่วน เปย๊ย เฒ้ย. 25เยียม หวุ่ย ปวั้ง ด๊บ-ลิ่ว, เกโซน เมี่ยน อ๋อย หฒุ โก๋ว ก๊ม ด๊บ-ลิ่ว กะญั์ว วั้ว เหยี่ยม เหธา กะเหญี่ย วั้ว เหยี่ยม, แอ๋ง โก๋ว ก๊ม กู้ หงว่าย เญย ด๊บ, เปียะ หวุ่ย ปวั้ง ด๊บ-ลิ่ว เญย แบะ แก้ง เดีย, 26เว่ย ก๋อม ด๊บ-ลิ่ว เหธา เหฒี่ย-ต้อง แบะ หลาด เหธา แบะ หลาด แก้ง เญย เดีย. เลี่ยม ฮลาง แอ๋ง เหธา น้าย ปั๊วะ กะน้าย เหยียด ฒู้ง เซ นิ่น บัว อ๋อย หฒุ หลิ่ว เล์ย.
27โคฮ้าด เญย ปู้ง ป่วน ม่าย อัมลาม, อิดฮา, เฮโบโลน เหธา อุดซีเอน เมี่ยน. น้าย เซ โคฮ้าด เมี่ยน เญย ปู้ง ป่วน. 28เยียม เหยียด หฮลา ฝาว แหมง เญย เหยียด ฒู้ง มจั่ง ตอน ม่าย เหฮยียด ธิน หลัวะ แป๊ะ เต้า. โคฮ้าด เมี่ยน เญย กง เซ อ๋อย หฒุ โก๋ว สีง ติ่น. 29โคฮ้าด เมี่ยน เญย ปู้ง ป่วน อ๋อย หฒุ ธอง กั้น เญย ด๊บ-ลิ่ว เยียม หวุ่ย ปวั้ง ด๊บ-ลิ่ว เญย น่าม ปูง แหมง. 30อุดซีเอน เญย ตอน, เอลีซาฟาน, โหฒว โคฮ้าด เมี่ยน เญย ปู้ง ป่วน เปย๊ย เฒ้ย. 31นิ่น บัว อ๋อย หฒุ โก๋ว แล์ง แหง่ง หว่า ฟาง, เตี้ย, ตัง-จ๋า, เหฒี่ย-ต้อง เหธา ปั๊ว ฮูง เตี้ย, แอ๋ง เหธา เหยียด ฒู้ง เยียม สีง ติ่น หล่ง เญย จา-สี่, เลี่ยม แบะ แก้ง เดีย. ตะฟ่าน น้าย ปั๊วะ กะน้าย เฉียม หล่ง เญย เหยียด ฒู้ง เซ เยียม นิ่น บัว หลิ่ว เล์ย เหฑ่ง. 32ม่าย อาโลน ไซ เมี่ยน เญย ตอน, เอเลอาซา, โหฒว เลวี เมี่ยน เก้า โฮล เจี๋ย เญย เปย๊ย เฒ้ย หย่า กุ๊น โก๋ว สีง ติ่น วั้ว เต๋ย เมี่ยน.
33เมลาลี เญย ปู้ง ป่วน ม่าย มาลี เหธา มูซี เมี่ยน. น้าย เซ เมลาลี เมี่ยน เญย ปู้ง ป่วน. 34เยียม เหยียด หฮลา ฝาว แหมง เญย มจั่ง ตอน เหยียด ฒู้ง ม่าย จุ๊ ธิน หญี่ แป๊ะ เต้า. 35อาบีฮาอิน เญย ตอน, สูลิเอน, โหฒว เมลาลี เมี่ยน เญย ปู้ง ป่วน เปย๊ย เฒ้ย. นิ่น บัว อ๋อย หฒุ ธอง กั้น เญย ด๊บ-ลิ่ว เยียม หวุ่ย ปวั้ง ด๊บ-ลิ่ว เญย ป๊ะ ปูง แหมง. 36พ้าย ปุน เมลาลี เมี่ยน โหฒว เญย กง เซ อ๋อย หฒุ โก๋ว ด๊บ-ลิ่ว เญย ชอง, กู้ง กั่ง เดี๋ยง, ต่ง, ท้าบ, เหธา เหยียด ฒู้ง โหฒว ชอง เญย กะน้าย. ตะฟ่าน น้าย ปั๊วะ กะน้าย เฉียม หล่ง เญย หญู่งๆ เซ เยียม นิ่น บัว หลิ่ว เล์ย. 37เลี่ยม หลาด ต่ง, ต่ง เญย ท้าบ, บอง เดา ธอง หลาด เดีย เญย ต่ง เหธา ฮลาง หย่า อ๋อย หฒุ โก๋ว.
38โมเซ เหธา อาโลน เหธา อาโลน เญย ตอน บัว อ๋อย หฒุ ธอง กั้น เญย ด๊บ-ลิ่ว เยียม หฒั่ง ทิน-ฮู่ง เญย ด๊บ-ลิ่ว เญย ตง ปูง แหมง, บะฮนอย ธ้วด วั้ว ปูง, เซ เยียม หวุ่ย ปวั้ง เญย ด๊บ-ลิ่ว หฑะเฮมียน. นิ่น บัว อ๋อย หฒุ เหว่ย อิสะลาเอน เมี่ยน โก๋ว สีง ติ่น. ธ้วด ลิ์ว น้าย เต๋ย, หาย เต้า มี่ง ฟัด สีง ติ่น, อ๋อย หฒุ ไต๋ ไต่.
39โมเซ เหธา อาโลน เอย เฒี้ยว พ้าย เญย หว่า ซ้าว เลวี เมี่ยน. หฒิว ปู้ง ป่วน เต้าๆ ปวั๊ง หฮลา ฝาว แหมง เญย มจั่ง ตอน เหยียด ฒู้ง ม่าย อี หว่าน อี ธิน เต้า.
เลวี เมี่ยน ตี๊ อิสะลาเอน เมี่ยน เญย ตอน-หละเก๊า
40 เฒี้ยว ก๊อง บั๋ว โมเซ, “อ๋อย หฒุ ซ้าว เหฑ่ง อิสะลาเอน เมี่ยน ยู์ง ต้าย ปวั๊ง หฮลา ฝาว แหมง เญย ต้าว เต้า ตอน. อ๋อย หฒุ เฟี้ย เจี๊ยน โม์ว เต้า เญย บั๋ว. 41เม่ย บัว อ๋อย หฒุ กิ๊น เลวี เมี่ยน ปุน เยีย เหว่ย ตี๊ อิสะลาเอน เมี่ยน ยู์ง เญย เหยียด ฒู้ง ต้าว เต้า ตอน. เลวี เมี่ยน เญย แซง-คู้ หย่า อ๋อย หฒุ หล่ง ตี๊ อิสะลาเอน เมี่ยน เญย เหยียด ฒู้ง แซง-คู้ เหฌี่ย เญย ต้าว ทอย ตอน. เยีย เซ เฒี้ยว. ”
42โมเซ ฯฒฯ หฒิว เฒี้ยว พ้าย เญย หว่า ซ้าว เหฑ่ง อิสะลาเอน เญย หฒวัง เมี่ยน ยู์ง เญย ต้าว เต้า ตอน. 43หฒิว ฝาว บั๋ว เญย โสว โหม่ว, ม่าย อี หว่าน อี ธิน หญี่ แป๊ะ เธี้ยด เหฒียบ ฟาม เต้า เหยียด หฮลา ฝาว แหมง เญย ต้าว เต้า ตอน.
44 เฒี้ยว แอ๋ง ก๊อง บั๋ว โมเซ, 45“อ๋อย หฒุ เฒาะ เลวี เมี่ยน ฝูง ปุน เยีย ตี๊ อิสะลาเอน เมี่ยน ยู์ง เญย เหยียด ฒู้ง ตอน-หละเก๊า, หย่า หล่ง เลวี เมี่ยน เญย แซง-คู้ ตี๊ อิสะลาเอน เมี่ยน เญย แซง-คู้. เลวี เมี่ยน อ๋อย หฒุ เป๋น เยีย เญย. เยีย เซ เฒี้ยว. 46อิสะลาเอน เมี่ยน เญย ตอน-หละเก๊า เก้า ธั้ม เลวี เมี่ยน เญย หญี่ แป๊ะ เธี้ยด เหฒียบ ฟาม เต้า. เหฒ่ง เหฌี่ย น้าย เต๋ย, อ๋อย หฒุ หฒัวะ. 47เหยียด เต้า อ๋อย หฒุ ธ้วด เหยียด ลู์ง ฟาม-ฒิ่น#3:47 ฮิบลู หว่า ก๊อง 5 เซเขน. เซ เล่ย ไม้ โก 55 กัม. ญ่าน หฒิว สีง ติ่น ตี่ง ต้าย เญย เฮนี้ย-ต้าว. 48หฒัวะ เหฒ่ง เหฌี่ย น้าย เต๋ย เมี่ยน เญย ญ่าน อ๋อย หฒุ จิว ปุน อาโลน เหธา นิ่น เญย ตอน บัว.”
49โมเซ ฯฒฯ เซียว ต้ง เลวี เมี่ยน ตี๊ ลิ์ว เหฒ่ง เหฌี่ย วั้ว เต๋ย อิสะลาเอน เมี่ยน เญย หฒัวะ เมี่ยน ญ่าน. 50เยียม อิสะลาเอน เมี่ยน เญย ตอน-หละเก๊า นิ่น ตุ๊ ดั้ว จ้อย หญี่ เหฒียบ ฮม์ ลู์ง#3:50 ฮิบลู หว่า ก๊อง 1,365 เซเขน. น้าย เต๋ย ญ่าน เฑียง ต้าย เล่ย ไม้ โก 15.5 กีโล. ญ่าน หฒิว สีง ติ่น ตี่ง ต้าย เญย เฮนี้ย-ต้าว. 51โมเซ ฯฒฯ หฒิว เฒี้ยว พ้าย เญย หว่า เฒาะ น้าย เต๋ย หฒัวะ เมี่ยน เญย ญ่าน ฝูง ปุน อาโลน เหธา นิ่น เญย ตอน บัว.
Currently Selected:
ซ้าว เมี่ยน 3: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007